|
|
 معتز صباحي : نجم 2013 بلا منازع
|
هو وريث سلطنة الطرب
اداؤه في اغاني واغاني أجمل ما حصل في هذا البرنامج منذ انطلاقته
يغني بشجن عجيب وصوته خليط بين صوت المغني وخليط من آلات موسيقية حزمة واحدة
معتز صباحي : خلي بالك : لك (المائك) الآن فأحكم فينا بالدايرو
|
|
 
|
|
|
|
|
|
|
|
Re: معتز صباحي : نجم 2013 بلا منازع (Re: طارق جبريل)
|
والله العظيم : عايز اكتب : ود خالتي لو جيت ماري بي هنا بكسر كرعيك
ههههههههههه
صبح الواطا !!!
حلفتك بي شبا وناسا وجمالها : ركب سماعات في اضنيك ديل واسمع مانسيناك دي وكان عجبتك اسمع الابيض ضميرك
وتعال قول النصيحة !!
خسمتك بور حسونة
| |
|
|
|
|
|
|
|
|
|
Re: معتز صباحي : نجم 2013 بلا منازع (Re: وضاح عبدالرحمن جابر)
|
اخى عبد اللطيف
شوف ابن خالتك طارق جبريل قالك شنو ؟
لوحاولت تغنى جنبا الى جنب مع صباحي اكيد حيجيك مصران عصبى وقطع حبال صوتية واحمرار فى الوجه وجايز جدا معاهو سعال ديكى
عندى احساس يا عبد اللطيف انه صباحى ده (بيجهد) نفسه جدا فى سبيل اخراج الكلمة فى حباله الصوتية
حقو اى اختصاصى صوتيات فى المنبر ده يدخل ويعلمنا نوع صوت صباحى ده تبع شنو بالضبط.
تقديرى اخي عبد اللطيف لوجهه نظرك وحبك لصباحي
| |
|
|
|
|
|
|
|
|
|
Re: معتز صباحي : نجم 2013 بلا منازع (Re: طارق جبريل)
|
Quote: هو وريث سلطنة الطرب
اداؤه في اغاني واغاني أجمل ما حصل في هذا البرنامج منذ انطلاقته
يغني بشجن عجيب وصوته خليط بين صوت المغني وخليط من آلات موسيقية حزمة واحدة
معتز صباحي : خلي بالك : لك (المائك) الآن فأحكم فينا بالدايرو |
أستاذ عبداللطيف
سلااااااااام مطبوق
معتز صباحي فنان متواضع وما يستاهل الهيلامنة الحاصلة
أسمع اولادنا ديل
عمر جعفر - الحنينة السكرة
أبوبكر سيداحمد - سوقني معاك يا حمام
| |
|
|
|
|
|
|
|
|
|
Re: معتز صباحي : نجم 2013 بلا منازع (Re: عبد اللطيف بكري أحمد)
|
هههههههههههههههه
اخي عبد اللطيف
رائي ما قلته ليك يالصوت والصورة
دا نجم 2013 وكل المواسم بلا منازع ....
الذي دا ما بتكرر تاني .....
معط صباحي
يمعط من ما تمغرب للصباح ...
موهبة لا تتكرر ...
عليك الله شوفة دلقانة الدمورية الرابط بيها راسه دي ....
دا طرشق لي فشفاشي وجاب لي الشلل الرعاش ..
الله يعينه علي هلاك البشرية
متمكن في المعط يا معط صباحي يا نجم 2013
| |
|
|
|
|
|
|
|
|
|
Re: معتز صباحي : نجم 2013 بلا منازع (Re: صبري طه)
|
عبد اللطيف يا بكري..
كيفنك يا استاذنا..
معتز غنّاي ..وغنّاي شدييييد ..
وصوته ما تقليدي ولااا بيشبه أصوات فنانين الزمن ده البيجوك بي البحة بتاعتهم في جيبهم عشان يطلعوها في الحفلة ..
معتز مشكلتو إنو قرر يعولق نفسو مبكراً وينتهي من موهبته بعدم التمارين والإهتمام ..
معتز الزمان ود فنان يضرب عود وأورغن زي الورد ..وبيمرن صوتو وبيعرف بتين يطلع وبتين ينزل وكان دقيق في اختيار الحانه وكلماته وحتى كلام غيرو ..
| |
|
|
|
|
|
|
|
|
Re: معتز صباحي : نجم 2013 بلا منازع (Re: صبري طه)
|
شكراً ياشباب على المرور الجميل،،
والمرور الزاهي للاخوان احمد حمودي، وحمودي زاتو وعمر الفروق واساسي
وشكري للعزيز صبري طه ع اليوتيوب
والكتابة صعبة شديد من الايفون في سودانيزاونلاين مع الحصار الاعلاني
الذي فرضه بكري ، ولكني وبكل الصدق اطلب التريث من الاخوة في خانة
الاختلاف ، ليس حجراً لارائهم ولكن ليقيني بأن الانطباع السائد هو الكره
لما يقدمه معتز، لذا لا ينتظر المستمع حتى دقيقة ليسمعه ،
ماحصل لي في الاعجاب بصوت معتز والله لم يتكرر مع الكثيرين
وأدمنت الاستماع اليه بشكل غريب بحيث انني استمع للاغنية الواحدة
لمدة ساعة كاملة واعيدها في كثير من مقاطعها ،،
لا أعتقد ان هناك صوتا الان في الساحة في جمال وقوة وتطريب صوت معتز
اضف إلى ذلك أحساسه العالي في الأداء الذي يفرض عليه الاتيان بحركات
عديدة من ضمنها حركة المايك،،
| |
|
|
|
|
|
|
|
|
|
Re: معتز صباحي : نجم 2013 بلا منازع (Re: عبد اللطيف بكري أحمد)
|
وددت فقط أن أشرككم في استمتاعي بصوت
واداء معتز ، ووقف الحملة الكبيرة التي تتناول
لبسه وزيه الذي ارتضاه،
افضل دائما الاستماع من خلال سماعات جيدة في حالة الحكم على صوت واداء
اخد المغنيين،
وارجو الاستماع لاغنية (افتقدتك) مع طه سليمان وملاحظة روعة الاداء من معتز
في هذه الاغنية،،
معتز يجب ان ينظر إليه بإنصاف !!
| |
|
|
|
|
|
|
|
|
|
Re: معتز صباحي : نجم 2013 بلا منازع (Re: عبد اللطيف بكري أحمد)
|
الأخ عبد اللطيف بكري
لك الود والتحايا الطيبات
ولك الشكر والثناء والتقدير على هذه المساحة الإيجابية في حق الفنان معتز صباحي
فقد كفيتني إذ كنت أنوي فتح بوست مماثل .. سمعت بالفنان معتز صباحي مبكراً ولكن
لم تسعفني الظروف بسماعه الا مؤخراً ومن خلال برنامج الأستاذ السر أحمد قدور
ومثلك تماماً ياصديقي إستغربت للحملة الشعواء التي انطلقت في حق هذا الفتى لا لشئ
إلا لأنه يرتدي زي غريب ويمسك (بالمايك) و...و... وأول ماسمعته ورأيته برزت للتو
أمامي صورة الفنان التونسي منير الطرودي .. الذي ظهر نجمه في التسعينيات من القرن
الماضي .. يرتدي أيضاً زي غريب مالبسه أحد في تونس كلها .. ومع ذلك لم ينكر عليه
أحد ذلك .. أتفق معك تماماً في أن الفتى معتز صباحي فنان يحمل كل مقومات الفنان ....
لو أنه انتقل بهذه المقومات لأي دولة متقدمة سيصنف صوته بمقاييس دقيقة جداً تبلغ في
دقتها ميزان الذهب كما نقول .. ثم سوف يتلقى التدريب الكافي لمعرفة كل امكانيات صوته
.. وطريقة توظيفها ولشق طريقه في درب الفن بنجاح منقطع النظير .. مازالت صورة
معتز صباحي في شكله وادائه تقترن معها في ذهني صورة منير الطرودي ..
منير الطرودي ويعزف معه إيريك تروفاز .. من أمهر العازفين على الترومبيت وهو
رقم عالمي في هذه الآلة وهو فرنسي الجنسية .. الفرق بين فنانينا وفناني الدول الأخرى
هو أن فناني الدول الأخرى تتهيأ لهم الفرص التي تدفعهم نحو الأمام .. أما فنانينا حتى
من ينجح وينتقل للخارج يظل في دائرة محليته .. غاية مافي الأمر أخي عبداللطيف أتفق
معك تماماً أن معتز صباحي فنان .. نتمنى له التوفيق .. ودي وتقديري ومحبتي ....
| |
|
|
|
|
|
|
|
|
 Re: معتز صباحي : نجم 2013 بلا منازع (Re: عبد العزيز محمد عمر)
|
تحياتى عبداللطيف ولضيوف بوستك
حقيقة معتز من اجمل الاصوات الشاركت فى برنامج اغانى واغانى الاخير ... متمكن شديد واجاد اى اغنية اداها ... قريت قبل كده عن انتقاد الناس للطريقة البيلبس بيها وحقيقة استغربت لانى ماشايفه اى شى غريب او شاذ فى لبسو
بالعكس عندو ذوق عالى جدا فى اختيار الالوان مع بعض عكس البعض .... انا معتز سمعت ليهو بعض الاغانى قبل كده لكن فى اغانى واغانى لفت نظرى اكتر واسمعت ليهو باانتباه ا كتر صوت مختلف جميل وغير مالوف مافى صوت
بيشبهو نادر زى ماقلت انت صوتو فى كفه والباقى كلو فى كفه
شكرا ليك عبداللطيف على البوست وعلى انصافك ليهو ..
تسلم يارب ,,,
| |
|
|
|
|
|
|
|
|
|
Re: معتز صباحي : نجم 2013 بلا منازع (Re: محمد عبد الماجد الصايم)
|
التحية ليك يا عبد اللطيف يا أخوي على هذه اللفتة البارعة ...
ومعتز زول فنان وصوته مميز فعلاً بس دائما بحس إنو في شيئ غلط في تجربتو دي ...!
بس كمان ليس من الإنصاف - يا شامي - مقارنته بالفنان المطبوع عمر جعفر ...
حتى ولو قلت إنو عمر جعفر أفضل منه ...
وقديما قيل : أما ترى أن السيف ينقص قدره ....... إذا قيل أن السيف أنجع من العصا
كل الفي الساحة كوم ... وعمر جعفر ده كوم تاني خالص
| |
|
|
|
|
|
|
|
|
|
Re: معتز صباحي : نجم 2013 بلا منازع (Re: Mohammed Awad)
|
البوست دا غايتو أنا ح اصل معاه الحد
ان شاء الله اوديهو المحكمة عديل
محكمة فنية
عندنا ناس هنا سالطين في الموسيقى وعلوم الصوت
لازم نشكل لجنة
زوار البوست يشار إليهم بالبنان في الذوق العام وحسن الاختيار
والاختلاف بينهم مخيف، ويطرح تساؤلات مهمة لابد لها من اجابات
شكرا لكل الحضور وسأعود ريثما حللت مشكلة الدخول للموقع
| |
|
|
|
|
|
|
| |
طارق جبريل
أحمد التجانى حمودى
محمد الهادى عبد الرحيم
وضاح عبدالرحمن جابر
saidahmed shami
محمد عبد الماجد الصايم
اساسي
عمر الفاروق
بابكر قدور
أحمد الشايقي
ماجدة عوض خوجلى
ياسر منصور عثمان
Mohammed Awad
فيس بوك
تويتر
انستقرام
يوتيوب
بنتيريست