تحت رعاية المركز الإسلامي للدعوة والدراسات المقارنة تم عقد المؤتمر الصحفي لرابطة الأقباط المسلمين بالسودان، بعنوان: قضايا أقباط السودان المهتدين .. وذلك بتاريخ: 9/1/2014 ،، هذا كل ما توفر لدي وإن شاء الله أوافيكم بالمزيد من التفاصيل حال حصولي عليها.
02-08-2014, 05:45 PM
Kostawi Kostawi
تاريخ التسجيل: 02-04-2002
مجموع المشاركات: 39979
الأقباط المسلمون يتهمون الحكومة السودانية بالتقصير تجاه حقوقهم
الخرطوم 10 يناير 2014- كشفت جماعة الأقباط المسلمون السودانيين عن وجود ما أسموه تقصير حكومي تجاه قضاياهم وحقوقهم الأساسية وتعرضهم لمضايقات وملاحقات حالة دخولهم دين الإسلام.
وأكد عماد قديس سنادة في مؤتمر صحفي لخميس أن دخول القبطي للإسلام يعرضه لضغوط اجتماعية رهيبة تفقده أهله وأبناءه وربما تعرضه للتصفية الجسدية في بعض المرات.
وكشف عماد عن أوضاع اقتصادية صعبة يعيشها الأقباط بعد دخولهم الإسلام نظراً لمضايقات ذويهم، مصوباً انتقاداته للحكومة السودانية في عدم تقديم الحماية والدعم للأقباط المسلمين الذين يفوق عددهم الــ(800) مسلم من جملة (3) آلاف قبطي حسب إحصاء رابطة الأقباط بالسودان
من جانبه اتهم مدير مركز الدعوة والدراسات المقارنة عمار صالح ديون الزكاة بالتقاعس عن نصرة ودعم المسلمين المهتدين حديثاً، وعدم دعهم الدعم اللازم لتجاوز عقبات الهداية الأولى. وشهد المؤتمر الصحفي نطق الشهادة وإسلام الفتاة هامرين بشرى كامل (19)عاماً التي أخفتها والدتها المسيحية بفرنسا لمدة (11) عام لتعود للسودان وتعلن إسلامها في ذات المؤتمر
معظم النار من مستصغر الشرر.. ده لعب بالنار.. كل الدول ال اصيبت بالفتنة الطائفية..بدت بأشخاص زي ديل .. من الطرفين.. الدين ..علاقة بين الأنسان والخالق... شنو ال دخّل الدولة و ديوان الزكاة في المسألة دي؟ ..للدرجة دي أصبح الإسلام مهتز في النفوس.. لمّا بقينا نفرح ب (عماد قديس)..جايي يعيد للأسلام مجدو ؟؟ هو زول بدايتو ..منتظر دعم من ديوان الزكاة .. شنو ال ممكن يضيفوا للأسلام..لما نحتفي بيهو كمان؟ _____________ شن الراي لو قامت رابطة للمسلمين السودانيين المتنّصرين.. وطالبوا الكنيسة الأرثوذكسيّة أو الكاثوليكيّة بحمايتهم ودعمهم ؟؟ ++ أتركوا اللعب بالنّار..فالبلد ماناقصة++
02-09-2014, 09:01 AM
Elsanosi Badr Elsanosi Badr
تاريخ التسجيل: 03-29-2008
مجموع المشاركات: 4166
كملك الله بعقلك وجزاك الله عنا كل خير و كفييتني عناء الكتابة
زمان عندنا مسجد صغير بنصلي فيهو خلف الوالد تقريبا معظم الصلوات .... في واحد بيجي كل صلاة مغرب يسال الناس تحت بند انو دخل الاسلام جديد ومفروض الناس تساعدو ... وزولنا ده استمرأ الحكاية ... والناس هناك كانوا علي قدر حالهم ... كثير منهم بيبيت القوا وصابرين وحامدين ... لما كترت الشغلانية بتاعت الراجل (السئيل) ده... قام واحد من اعمامنا ... وقال للشاب (المسلم الجديد) : أأأولدي ات زول قادر ودينا الدخلتو ده بيدور الصبر وصبر جد .. مما يلدوك بيعلموك كيف تبيت القوا وما تقول بغم.. هسي يا ولد بتصبر وبتكرب صلبك ... امسك الاسلام والزم الجابرة ... ما بتصبر وبتتميرض للناس وتتلف ليهم .. كمان شوف ليك دين تاني ... الدين هيل الاسلام ده بدور الزول الكارب وما بدور الزول النئ ... عليك امان الله الزويل داك تاني ما شفناه ليوم الليلة ...
تحياتي يا محمد جلال
02-09-2014, 09:08 AM
محمد جلال عبدالله محمد جلال عبدالله
تاريخ التسجيل: 06-24-2011
مجموع المشاركات: 4552
Quote: شنو ال دخّل الدولة و ديوان الزكاة في المسألة دي؟
قال الله تعالى: (إنما الصدقات للفقراء والمساكين والعاملين عليها والمؤلفة قلوبهم...) المؤلفة قلوبهم ديل ياهم زي المسلمين الجدد عندهم سهم في الزكاة قرره رب العزة من فوق سبع سماوات السهم ده حقهم لكن حرامية الجبهة ما قاعدين يدوهم ليهو والسهم بتاع الزكاة ده للمسلمين الجدد (ومن يرجى إسلامهم) لأنو في ضغوط تمارس على المسلم إقتصادية واجتماعية وأمنية فالشريعة كفلت له الضمانة كي يثبت على دينه ولا يتعرض للضغوط عرفت دخل الزكاة شنو في الحتة دي؟؟
أما دخل الدولة بالموضوع ففي تهديدات حقيقية على حياة بعض المسلمين الجدد ولذلك يجب على الدولة أن تحميهم وتمنع عنهم المخاطر ده ياهو دخل الدولة
02-09-2014, 09:14 AM
محمد جلال عبدالله محمد جلال عبدالله
تاريخ التسجيل: 06-24-2011
مجموع المشاركات: 4552
Quote: زمان عندنا مسجد صغير بنصلي فيهو خلف الوالد تقريبا معظم الصلوات .... في واحد بيجي كل صلاة مغرب يسال الناس تحت بند انو دخل الاسلام جديد ومفروض الناس تساعدو ... وزولنا ده استمرأ الحكاية ... والناس هناك كانوا علي قدر حالهم ... كثير منهم بيبيت القوا وصابرين وحامدين ... لما كترت الشغلانية بتاعت الراجل (السئيل) ده... قام واحد من اعمامنا ... وقال للشاب (المسلم الجديد) : أأأولدي ات زول قادر ودينا الدخلتو ده بيدور الصبر وصبر جد .. مما يلدوك بيعلموك كيف تبيت القوا وما تقول بغم.. هسي يا ولد بتصبر وبتكرب صلبك ... امسك الاسلام والزم الجابرة ... ما بتصبر وبتتميرض للناس وتتلف ليهم .. كمان شوف ليك دين تاني ... الدين هيل الاسلام ده بدور الزول الكارب وما بدور الزول النئ ... عليك امان الله الزويل داك تاني ما شفناه ليوم الليلة ...
تحياتي يا محمد جلال
حياك الله يا أستاذ السنوسي بدر فعلا الكلام البتقولو ده صحيح ويوجد الكثير من هذه النماذج ويجب المسلم الجديد أن يفهم أن الاسلام ليس دين اتكالية ولا شحدة كان في واحد بلف مساجد الخرطوم كلها في التسعينات ويقول إنو عنده خلوة ونفس الموال عدة سنوات يلف المساجد مسجد مسجد ويقول للناس ما تدوني ورق صغار أدوني الدينارية الكبيرة :)
لكن يجب بالمقابل أن تكون هنالك لجنة في ديوان الزكاة تبحث كل حالة فهنالك حالات حقيقية تحتاج المساعدة زي البطردوهو من بيتو ويطلقوا منو زوجته وزي البشيلوا قروشه وتجارته .. دي كلها أمور موجودة وبالذات في المجتمعات القبطية لأنهم ناس أوضاعم الاقتصادية أكثر استقرارا من غيرهم .. فبالتالي دور الجهات الرسمية والطوعية بحث هذه الحالات وإعطاء من يستحق لكن هي الجهات الرسمية عاملة أضان الحامل طرشاء .. وصدقني لو كان في عدالة أصلا ما كان احتجنا لي ده كله لكن الحال من بعضو والظلم في رأس الهرم ينسحب على باقي المؤسسات
02-09-2014, 09:34 AM
محمد محمود محمد محمد محمود محمد
تاريخ التسجيل: 02-04-2013
مجموع المشاركات: 910
الإجابة المدرسيّة دي ..أخوي محمد ..كل من اكمل الأوليّة بيعرفها المقصود من كلامي..كما ذكر الأخ السنوسي المسألة محض استرزاق ..ليس إلاّ... ..ثمّ..ديوان الزكاة قدّم شنو للمسلمين في السودان..لما بقت على ديل ؟ المسالة لعب بنار الفتنة يا اخوي .. ___________ أخي السنوسي يدر .. كتّر خيرك كتير على حُسن الظن
02-10-2014, 05:26 AM
محمد جلال عبدالله محمد جلال عبدالله
تاريخ التسجيل: 06-24-2011
مجموع المشاركات: 4552
Quote: الإجابة المدرسيّة دي ..أخوي محمد ..كل من اكمل الأوليّة بيعرفها المقصود من كلامي..كما ذكر الأخ السنوسي المسألة محض استرزاق ..ليس إلاّ... ..ثمّ..ديوان الزكاة قدّم شنو للمسلمين في السودان..لما بقت على ديل ؟ المسالة لعب بنار الفتنة يا اخوي ..
يا أخي نحن نقول بقرة وانت تقول ما تحلبوها؟؟ ياخي إجابة شنو ومدرسية شنو ياخ الناس ديل بحكم الشريعة عندهم سهم في الزكاة ووضحت ليك الأسباب التي من أجلها الشرع قرر لهم هذا السهم والحالة تنطبق عليهم فهم من (المؤلفة قلوبهم) وقاعدين يتعرضوا لضغوط حقيقية لمن يسلموا بعد ده تاني تجي تقول لي فتنة وما فتنة؟؟ ياخي الفتنة شنو في إنو زول يطالب بي حقو؟؟ والفتنة شنو في إنو زول يطلب من الدولة واجبها بحمايته؟؟؟ إنت عارف المسألة هنا أهون لأنو الأقباط ما عندهم شوكة ولا كثافة سكانية لكن في مصر عندهم سجون ومعتقلات وتعذيب وتصفية!!!
Quote: المسألة محض استرزاق ..ليس إلاّ...
ياأخي والله عجبت من جرأتك ودخولك في قلوب الناس أشققت عن قلوبهم؟؟ ياخي وين الاسترزاق في زول بطالب بي حقو ياخ؟؟ يعني هسي لو زول طلب نصيبه في إرث والده نقول ده استرزاق؟؟ ولو امرأة طلبت مؤخر صداق بتاعها نقول استرزاق؟؟؟ منطقك عجيب وتحكمك أغرب!
Quote: ثمّ..ديوان الزكاة قدّم شنو للمسلمين في السودان..لما بقت على ديل ؟
أهل كلامك البتقول فيهو دي ياها ذاتا العنصرية والتنميط أول شي الناس ديل مسلمين جدد والناس التانين مسلمين قدامى كونو ديوان الزكاة ما قاعد يقدم شي للقدامى ما معناتو الجدد ما يطالبوا بحقوقهم كونو ديوان الزكاة لاهف حق الفقراء والمساكين والمؤلفة قلوبهم ..الخ ما معناتو إنو الناس تسكت .. سؤالك ده توجهو لديوان الزكاة ما توجهو لي ولا ليهم
02-10-2014, 10:22 AM
محمد محمود محمد محمد محمود محمد
تاريخ التسجيل: 02-04-2013
مجموع المشاركات: 910
Quote: كونو ديوان الزكاة ما قاعد يقدم شي للقدامى ما معناتو الجدد ما يطالبوا بحقوقهم كونو ديوان الزكاة لاهف حق الفقراء والمساكين والمؤلفة قلوبهم ..الخ ما معناتو إنو الناس تسكت .. سؤالك ده توجهو لديوان الزكاة ما توجهو لي ولا ليهم
ارجو الحوار بصورة هادئة يا اخوي وتأكّد الأسلوب ال بديت بيهو الحوار..لو ما وصّل فكرتك.. الأسلوب بتاع تور و احلبوهو...وعنصرية..وجرأتي...ح تكون بداية مهاترات و بس.. ----------- ديوان الزكاة..انت ال ذكرتهم على لسان الجماعة ديل.. وانا ب اتحاور معاك...يبقى من الطبيعي كلامي أوجّهو ليك ..ما كدة؟ ++++++ لعلمك ..في مصر بدأـت المشاكل بأشخاص زي عماد ده (كاميليا ) و (وفاء قسطنطين).. جعلوا من أنفسهم نجوم اعلامية ..وصرّحوا بتعرضهم للإضطهاد.. واستخدموهم كتير من محبي الفتنة ..بوعي او بدون.. وزاد السجال من الجانبين وكانت النتيجة ..كتير من الضحايا.. وفي النهاية ..رجعوا للكنيسة ..بعد ما أججوا فتنة ..مازالت تنتظر ابطال جدد لاذكائها..
02-10-2014, 10:22 AM
محمد محمود محمد محمد محمود محمد
تاريخ التسجيل: 02-04-2013
مجموع المشاركات: 910
Quote: كونو ديوان الزكاة ما قاعد يقدم شي للقدامى ما معناتو الجدد ما يطالبوا بحقوقهم كونو ديوان الزكاة لاهف حق الفقراء والمساكين والمؤلفة قلوبهم ..الخ ما معناتو إنو الناس تسكت .. سؤالك ده توجهو لديوان الزكاة ما توجهو لي ولا ليهم
ارجو الحوار بصورة هادئة يا اخوي وتأكّد الأسلوب ال بديت بيهو الحوار..لو ما وصّل فكرتك.. الأسلوب بتاع تور و احلبوهو...وعنصرية..وجرأتي...ح تكون بداية مهاترات و بس.. ----------- ديوان الزكاة..انت ال ذكرتهم على لسان الجماعة ديل.. وانا ب اتحاور معاك...يبقى من الطبيعي كلامي أوجّهو ليك ..ما كدة؟ ++++++ لعلمك ..في مصر بدأـت المشاكل بأشخاص زي عماد ده (كاميليا ) و (وفاء قسطنطين).. جعلوا من أنفسهم نجوم اعلامية ..وصرّحوا بتعرضهم للإضطهاد.. واستخدموهم كتير من محبي الفتنة ..بوعي او بدون.. وزاد السجال من الجانبين وكانت النتيجة ..كتير من الضحايا.. وفي النهاية ..رجعوا للكنيسة ..بعد ما أججوا فتنة ..مازالت تنتظر ابطال جدد لاذكائها..
02-10-2014, 10:23 AM
محمد المسلمي محمد المسلمي
تاريخ التسجيل: 08-08-2009
مجموع المشاركات: 11831
Quote: ارجو الحوار بصورة هادئة يا اخوي وتأكّد الأسلوب ال بديت بيهو الحوار..لو ما وصّل فكرتك.. الأسلوب بتاع تور و احلبوهو...وعنصرية..وجرأتي...ح تكون بداية مهاترات و بس..
المعذرة على الشدة في الحوار لكنه طبع فيني سأحاول تلافيه مستقبلا سأعود مرة أخرى بإذن الله
03-11-2014, 08:38 AM
HAIDER ALZAIN HAIDER ALZAIN
تاريخ التسجيل: 12-27-2007
مجموع المشاركات: 22434
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
محمد جلال عبدالله
Kostawi
Deng
عمار عبدالله عبدالرحمن
محمد محمود محمد
Elsanosi Badr
محمد المسلمي
HAIDER ALZAIN
فيس بوك
تويتر
انستقرام
يوتيوب
بنتيريست