|
|
|
 Re: البعصر مرورو ! (Re: عبدالحفيظ ابوسن)
|
فالعصر زمان
وقت الدافوري للشباب
ووقت الزيارة للشابات
ووقت التكيل في نواصي البيوت لمراقبة الحسان
والسبب اتذكرت الغنية بصوت قسمة
وطرفة كوستاوية قادمة , الغنية قاعده لكن تنزل كيف
| |
 
|
|
|
|
|
|
|
|
Re: البعصر مرورو ! (Re: عبدالحفيظ ابوسن)
|
نزّلا يا عبد الحفيظ .. نزّلا من عصرا بدري
السيرة مرقت عصر يا عديلة
و
جات مارقة العصير ... العين والصاد بكسرة
و
من عصرا كبير
و
وردن عصر
وكلام كتير بجيب ليك منّو
| |
|
|
|
|
|
|
|
|
Re: البعصر مرورو ! (Re: ودقاسم)
|
اها
مجموعة من أولاد حلتنا بتكلو يوميا العصر
وعندنا بت بوقاقة ,, تششششش مكوة بس بتجي مارة يوميا العصر
بت نجاض جل من سواها
بكونو خاتين كراسيهم وراجينها ,, لحظة تقاصدهم بيقفو صفا ويدوها التحية العسكرية,, ويرجوها لامن تجي راجعة عصرا هالك ,, ويدوها التحية ,, يتبع
| |
|
|
|
|
|
|
|
|
|
Re: البعصر مرورو ! (Re: سليمان القرشي)
|
Quote: نزّلا يا عبد الحفيظ .. نزّلا من عصرا بدري
السيرة مرقت عصر يا عديلة
و
جات مارقة العصير ... العين والصاد بكسرة
و
من عصرا كبير
و
وردن عصر
وكلام كتير بجيب ليك منّو |
دي دايرة ليها درس عصُر؟
| |
|
|
|
|
|
|
|
|
|
Re: البعصر مرورو ! (Re: محمد أبوالعزائم أبوالريش)
|
اها
ومن شروطهم لو جيت ضيف لازم تقيف او تنطرد
البت إتعقدت وإشتكت لي ابوها
أبوها بعرفهم , اولاد الحلة وكدة
لاقا واحد فيهم وسألو
قام قاليهو
بتك دي قالت نحن نضمنا معاها فارغ ولا سمح
قال ليهو
لا
قال ليهو
بتك دي حامله نوع من الجمال يستحق التعظيم , ونحن بنعمظ فيهو بس
المهم غلب فيهو حيلة ,, قام قال ليهو
البت دي تاني يعني ماتمشي بالشارع ,, تمشي بالسما يعني
قال ليهو
والله تمشي بالسما الملايكة تلاقيها تقيف ليها صف وتديها التعظيم سلام
| |
|
|
|
|
|
|
|
|
|
Re: البعصر مرورو ! (Re: وضاح عبدالرحمن جابر)
|
مرحبا القرشي
وحبابك
ههههه
الشباب ما قصرو , بقيفوا إنتباه ,, ويدقو تعظيم سلام , بكونو متذكرين قايد الاسطول
لكن البت نجاضة وتستاهل الاحترام ,, وهم زاتم محترمين ,, مافي تعليق او نظرات فاجرة
| |
|
|
|
|
|
|
|
|
|
Re: البعصر مرورو ! (Re: عبدالحفيظ ابوسن)
|
مرحبا ابوالعزائم
وحبابك
ههههه
ياخ والله دايره مرات درس عصر , يعني الدارجية بتجهجه الناس ,, شوف كلمة العصير
هسه انا في ذهني ليها تلاتة معاني
بعدينك درس العصر دي زاتها داير درس عصر ,, حليل درس العصر المجاني
| |
|
|
|
|
|
|
|
|
|
Re: البعصر مرورو ! (Re: عبدالحفيظ ابوسن)
|
| Quote: بعدينك درس العصر دي زاتها داير درس عصر ,, حليل درس العصر المجاني |
ده هو المقصود.
ياخ نحن ناس لذيذين خلاس ....
نختو في صيغة تصغير (العصير) ونجمعوا (عصاري).
ياخ نحن كلمة (نص) جمعناها ....... (أنصاص الليالي)
| |
|
|
|
|
|
|
|
|
|
Re: البعصر مرورو ! (Re: عبدالحفيظ ابوسن)
|
| Quote: لكن البت نجاضة وتستاهل الاحترام , |
يا ود اب سن تصدق من كلامك دا انا احترمتها
و علي الطلاق وقفت اديتا التحية العسكرية
يا حبيب نحن بنريد الجمال ساي لله سيدنا دا نسو شنو
| |
|
|
|
|
|
|
|
|
|
Re: البعصر مرورو ! (Re: عبدالحفيظ ابوسن)
|
صدقت ابوالعزايم
قاعد اقول الشعب السوداني ذكي ولماح ,, الذكاء الشعبي
شغالين جمع تكسير وجمع سوداني وجمع مذكر ومؤنث سالم
يعني انصاص الليالي دي زاتها مش بلاغة
شوف فت الكلام وفت الرغيف وفت الفول وفتوها وفتاهو فت
هههه
بتذكر زمان المشاغلة بالرفيرف
تقعد في الحفلة وترفرف بي عيونك ,, ما تغمز بي عينك ترفرف ياخ
ود حلتنا زمن القطر والمحلي داخل عطبره وقطر نيالا وقطر البوستة
ركب القطر من كوستي ماشي الخرطوم , عجبتو بت رفرف ليها ,, فجأة يظهر راجلها ,, عسكري زمن العسكري اشعث اغبر ماكن وعيونو حمر , كحلو ليك اها شوف كحلو دي , قال لي برفرف من كوستي للخرطوم داير اقنعو ده طبيعة فيني
اها رفرف دي برضو للعربية مش
| |
|
|
|
|
|
|
|
|
|
Re: البعصر مرورو ! (Re: عبدالحفيظ ابوسن)
|
والله يا امجد آ خوي
في سماحة كدة تخليك تنبهط وتقيف ودون تشعر تقول جل الخالق
سماحة رزينة وهادية تشرح صدرك
كأنك تتأمل لوحة من الابداع الألهي المهيب
ولا زي ما قال الصادق الرضي
اها
وعطفا علي قول ابوالعزايم اخترعنا لفظ
زول سمح وزولة سمحة
ونقصد الدواخل لا الشكل
فكأن فاضت جمال دواخلهم حتي لمسناها وشفناها وشميناها
حولنا غير المحسوس لمحسوس بذكاء شعبي مثقف حديث
| |
|
|
|
|
|
|
|
|
|
Re: البعصر مرورو ! (Re: عبدالحفيظ ابوسن)
|
ود اب سن شيخ العرب
سلااااااااااااااااااااااااااااااااام
بالله ده في حي السوق و له حي السناب
باقي اخوك عنده وصيه قبل ما ادفنوه يشققوه رفاعه .
الزبير
من اهلك الجعليين
| |
|
|
|
|
|
|
|
|
|
Re: البعصر مرورو ! (Re: Hafiz Bashir)
|
تعرف يا أب سن زمان، زمااان، كنت بحب بت بقول ليها لونك بشبه لون العصر
الوكت داك القلب غض ينجرح من الهبشة، كان آخر موديل يا عمك
هسه الواحد شايل قلب موديل كم وسبعين، دخاخين وشمبر، وعيييك
ياخ العصر أجمل أوقات الله: حركة مع سكون، وزيو زي الصباح هو بداية لمرحلة جديدة من اليوم
لما كان اليوم مقسم لي تلاتة أو أربعه فترات. هسي اليوم وتد بي راسين، ما تعرف راسو من قعرو.
بنرجع ونحكي عن عصارينا في حي النصري.
| |
|
|
|
|
|
|
|
|
|
Re: البعصر مرورو ! (Re: معاوية الزبير)
|
عجايز بس قاعدين يتونسوا مع بعض ...
يا ود ابسن ... ابو الريش ده من سنة نُقطه ...
ما تجاريهوا كتير انت رجل لسه فلنتاين ..
___________________________________________
الاسبوع الفات ( العصريه ) كده ... وطبعا العصر في كندا اختفي ...
زى ما قال ود الزبير ... اليوم انمحق ...
بقي زى ايام السعوديه ... يناير - فبراير - رمضان .
المهم الاسبوع الفات في مناسبه كده
كنا انا وواحد صاحبي .. ( دفعه ) ..
و جات ماره قدامنا ( حاجّه ) حليوه كده ...
قمت لمحته ليك بعاين ... قلت ليهو يا عمو عيب ...
ضحك ... و بي صوت واطي قال لي
هي زاتها عاين ليها .. صدرها شبط عسكري بس !!!
قلت ليهو وموطي صوتك لي شنو؟
حسي في زول من الحوالينك ديل فاهم شبط العسكري ده شنو و مالو ؟
| |
|
|
|
|
|
|
|
|
|
Re: البعصر مرورو ! (Re: يحي قباني)
|
قباني ده بس حايم في الأسافير يشيل في حالي ...
ما تسمعوا كلامو.
لما كنا بنتحاوم العصريات ... قباني بيكون في (القيلولة) بتاعتو بيعمل لياقة لليالي الخرطوم التي لم تكن تعرف النوم.
| |
|
|
|
|
|
|
|
|
|
Re: البعصر مرورو ! (Re: عبدالحفيظ ابوسن)
|
مرحبا حافظ
وحبابك
ولنا في كوستي صيد ينشف ريقك ويخليك تقابض في النفس
تعرف كان عندنا جماعة ونحن في العالي , يمرقو صباح العميا علي الكحل , ويقيفو في مجري الصيد ,, وبكون في واحدة بس دايرين يشوفوها ,, شوف العين الما كتل غزال داك ,, ولو ما حصل يومهم ببوظ
وليهم اسماء اشهرها الامبراطور
| |
|
|
|
|
|
|
|
|
|
Re: البعصر مرورو ! (Re: munswor almophtah)
|
مرحبا معاوية
وحبابك
قبلك ووحدك ,,,, علامات امي فاطنة بت حليمة حين يشكو لها احدهم مرضا او كارثة وبتقول لو ما قالت كدة بجيها
نحمد الله
القلب يسوي دق دق دق
رتابة يكسرها أكثر من مرة في اليوم ويسوي
دولل دولل
حتي اخاله بشق القميص ويقعد برة يشم النسيم
ومرة شاي عصرية في طرف الغمامة
حليلو هو !!
كان دكتور علا الدين جاد الله وانا ونحن في اول اشراقنا , عصرية عصرية نمرقها كداري من الحلة الجديدة ونلف كوستي دي شارع شارع
ابوي قال لي مرة
يا ود انت نبي الله الخدر !? المن النصري يقول شافك بهناك والمن الرديف شافك ووو
كانت عصاري جد
والقلب بكر
ولم يدقق لنا حزنا بابا
| |
|
|
|
|
|
|
|
|
|
Re: البعصر مرورو ! (Re: عبدالحفيظ ابوسن)
|
تعرف يا يحي من زمان بصاحب الزول وألقي جدو صاحبني , يقول لي جدي بسأل منك
ف شنو ,, كنت بحب ونسة العجايز ,, ياخ وناسين وعندهم ذاكرة عشق تاريخية
هههه
قلت لي زي شنو ,,,هههه
عندي جدي والله جد
جات بت اشتكت ليهو خالي قالت بقول ليها
........... حمتنا النوم
وعاملها غنية
جدي عاين ليها شافها سمحة سماحة فرض
قال ليها
والله يا بتي نحن زاتنا حميتينا النوم
كما قال درويش
الجميلات هن
ولا عاطف خيري
البنوت
طفن الرتاين
وولعن
| |
|
|
|
|
|
|
|
|
|
Re: البعصر مرورو ! (Re: عبدالحفيظ ابوسن)
|
يا أب سن
في سماحة كدي بتحس إنها جاية من بعيييييد
ليها جذور من وراء
وكل يوم تشوف فيها حاجة سمحة
زمااااان في دكتور مشهور جات بت سمحة وبيضاء ونضيفة
قال: السماحة الصادمة الزي دي ما كويسة
لأنها كل يوم بتمشي في نقصان
سمحة السماحة البتبدأ معاك شوية شوية وكل يوم بتزيد شوية
تحياتي مثنى وثلاث ورباع
| |
|
|
|
|
|
|
|
|
|
Re: البعصر مرورو ! (Re: راشد فضل)
|
طرينا مشوار العصاري
و
جلسة العصر في الشارع .. وتمتد حتى شاي المغربية
ويكونوا سبقوها بي رشة بي خرطوش عشان تثبّت التراب وتبرد الواطا
وزمان كان بيحكوا لينا عن الجنوبي الفي السعودية مسك الخرطوش وبيرش قدام البيت الشعبي الساكن فيهو ويخت كرسيهو ويقعد
جو ناس الدورية وسألوهو : إيش في؟
قال ليهم : شايفين إندي فرن؟
والعصرية عندنا في حلتنا هي بداية المرواح ... مرواح البهايم ... تختلط فيها الأصوات ، الضأن ، الماعز ، البقر
والملاقاة .. ملاقاة البهم وأمهاته ... ورائحة الحليب ، والروث وشوية ترابة تقوم من كثرة الحركة الدخلة الحلة ..
والعليقة الدسمة والناس لابسين عراريق متسخة ومربوطة أكمامها إلى الكتفين لزوم الحليب
والزريبة والكر والدكة والوتد .. والبقر لها أسماء سعيدة وشقرا وبيضا وزرقا وصفرا
والكبروس والبخسة والحوّاي والروّاب والمتلاب والعبوب كلمات تتردد كثيرا في تلك الفترة ..
وبعضهم يجلس على بمبر والذي ما يزال بقوته يستند على قدميه..
| |
|
|
|
|
|
|
|
|
|
Re: البعصر مرورو ! (Re: ودقاسم)
|
مرحبا منصور المفتاح
وحبابك
تشكر ياخ
كدي شوف سند
امام الله أقسم
لا سناك البرق
لا رئة الشموس تفجرت في البحر
لا طلعات فجر النار
لا ياقوتة الازمان
بعينيك المدي
وتطلع من بعيد الشمس
والفقراء يحتقبون هم الليل
والشعراء
والسمار
والغاوون
اها شفت الطقع ده
| |
|
|
|
|
|
|
|
|
|
Re: البعصر مرورو ! (Re: عبدالحفيظ ابوسن)
|
عندنا واحدات كدي يا ود ابسن في مدني دي لمن تجي ماشة قلبك زاتو بقيف عديل
علي كمان مدني الثانوية كان فيها جمال التقول الواحدة كتبت الأوصاف الدايراها براها
لكن دا ما صنع الجميل يا
خلقن لينا راحة
الواحدة لمن تعايين ليها ترتاااح
العصر دا مدني عندو طعم عجيب كان
والله عندنا فسحة قدام البيت كان فيها دافوري
التحية الحبيبة لصديقي وأخي الغالي معتصم الأمين علي الملقب ب "جنا" بكسر الجيم
| |
|
|
|
|
|
|
|
|
|
Re: البعصر مرورو ! (Re: الصادق صديق سلمان)
|
مرحب بدر
تعرف يا صاحب في جمال صارخ ,,, جمال مزعج , بزعجك ما بتكون مرتاح ليهو وما بتقدر تقول مافي سماحة , وغالبا بكون مخلوط بالصنعة والمكياج ,, البت مرات بتخرب سماحتها في عدم معرفتها بما يليق ولا يليق بها
| |
|
|
|
|
|
|
|
|
|
Re: البعصر مرورو ! (Re: عبدالحفيظ ابوسن)
|
| Quote: والله تمشي بالسما الملايكة تلاقيها تقيف ليها صف وتديها التعظيم سلام |
تعرف يا ابو سن من ما قريت بوستك دا و أنا اقول قطع شك الزولة دي أنا بعرفها و قدر ما حاولت اتذكر بنات كوستي القروا معانا في الجامعة (اكتر من 20 بت إتذكرتهم) لقيتهن جت عليهن بيستحقن تعظيم سلام
ما قدرت افرز
إنت قاصد منو فيهن؟
| |
|
|
|
|
|
|
|
|
|
Re: البعصر مرورو ! (Re: عبدالحفيظ ابوسن)
|
| Quote: والله تمشي بالسما الملايكة تلاقيها تقيف ليها صف وتديها التعظيم سلام |
تعرف يا ابو سن من ما قريت بوستك دا و أنا اقول قطع شك الزولة دي أنا بعرفها و قدر ما حاولت اتذكر بنات كوستي القروا معانا في الجامعة (اكتر من 20 بت إتذكرتهم) لقيتهن جت عليهن بيستحقن تعظيم سلام
ما قدرت افرز
إنت قاصد منو فيهن؟
| |
|
|
|
|
|
|
|
|
|
Re: البعصر مرورو ! (Re: عبدالحفيظ ابوسن)
|
وكان في زمان جميل ونقي
نقوم بكنس ورش خشم الباب ....ونطلع الكراسي ويتلم رجال الحي ...وهناك اماكن محددة سبحان الله ما اي باب !!! ابواب ناس محددين هي نقاط التجمع ....
كنا في ذلك الوقت نتخير المشاويير العصرية ..نبحث عن حيل للخروج ....نضع اجمل الزينة واطيبها ملابس ومكياج وبعدين في مشية محددة للعصر (قدلة العصرية )امام الرجال .....
مصحوبة بغنج ودلال .....كان الرجال يعلقون بقلوب نقية على المرور .....
حتى الرجال المارة ...وهم يتبادلون الزيارات العصرية كانت لهم روائح جميلة تبعث السرور في داخلك ......
اصوات المارة وهم يتصايحون بالتحايا ....قلوب نقية كانت وحياة رخية والزمن كافي ومبارك للعمل والانس والراحة ......رغم ان الزمن من الرابعة وحتى السادسة 2ساعة في الجلوس الا انك لاتشعر انه اهدار للوقت بل بالعس تماما
تشعر انك في حالة روتينية عادية ....ليس هناك شفقة في ضياع الوقت بالجلوس على الطرقات الذي تحول الان الى اشياء كثيرة غير طيبة .....
كان هناك بعض الاشخاص محفوظون لي بازمان مرورهم وكنا نترقبهم كثيرا وكانت هذه النظرات التي تبعدها المسافات الا ان لها الكثير من الاثر والوقع على النفوس وتجعلك تنام قرير العين ....
شكرا صاحب البوست على انعاش الذكريات الطيبة بشي من الحنين والشوق
ومني محبتي
| |
|
|
|
|
|
|
|
|
|
Re: البعصر مرورو ! (Re: عبدالحفيظ ابوسن)
|
مرحبا حافظ بشير
وحبابك
قلت لي رامياك بت من بنات كوستي
بنات كوستي سمحات فرض ,, واخلاقهن سمحة
اريتك كان شفتنا زمان مجبصين بالشارلستون , وخاتين خلال الابنوس في جيب الخلف , وماسكين السجارة البحاري ,, البرنجي شراب مشاطات ,,, وضاربين ليك العطور ,, ومتكلين زي عمدان الكهربا
| |
|
|
|
|
|
|
|
|
|
Re: البعصر مرورو ! (Re: عبدالحفيظ ابوسن)
|
يا ود أب سن سلام .. ونستكم حلوة بالحيل
فعلاً هناك جمال ما بتوصف بخليك معلق مشلهت بين السما والواطا
ذات مرة والممرات كثيرة كنّا قرب مستشفى شندي أنا وأبن عمي أيام الصبا
وجاء عريس وعروسه وكانت العروس من الجمال قطع شك حوصت بي نص ألف من خلقه
أبن عمي قرب يحوص ما كسر عينو من المرأة
قال له زوجه بعد أن لكزه بيده وهو سارح في خلق الله الجميل
يا أبن العم الواحد تاني لو مارق يفها في جريدة
وقالوا أهلنا يا ود أبـ سن
السمح سمح لو قام من النوم
والشين شين لو دلكو كُل يوم
| |
|
|
|
|
|
|
|
|
|
Re: البعصر مرورو ! (Re: عبدالحفيظ ابوسن)
|
مرحبا راشد
كان زمان عندنا واحد بحب ليهو واحدة من الحلة , اها ولا يقدر ينضم معاها ولا يعاين ليها من قريب ,, الشباب كلو عارف انو الزول ده مكسر ومدشدش في فلانة دي
اها شم النسيم والاستقلال ديل وزايد عيد الضحية ورمضان لازم نمشي فيهن رحلة ,
شباب الحي ,, اها مشينا الرحلة
ضبحنا خروفنا , والبنات ولعن النيران وختن الصاجات , ونحن فرينا للحطب , بعد الغدا , الشباب شتت , مافي ثنائيات ,, مشي كورجة ,, جات لحظة شدرة الرحلة قاعد فيها الحبيب الموله وحبيتو الما ناقشه حاجة ,, زولنا كاضم سمكة بس , والبت ظريفونة ,, شافت الجو كاتم ودايره تلطف الجو , نضمت معاهو ,, زي
الساعة كم هسي
الجو سخن شوية
الناس ديل اتأخرو
اها زولنا اتبكم ,, وفجأة بردلاب جا واقع ناشف
والبت ضربت الثكلي وانخلعت
والله وقع براهو
والله ما ضربتو
قلنا ليها
عارفين
| |
|
|
|
|
|
|
|
|
|
Re: البعصر مرورو ! (Re: عبدالحفيظ ابوسن)
|
مرحبا ود قاسم
رش الواطة بالخرطوش ده برنامج مزاجي زاتو , والموية راقدة وضغطها عالي كمان مش هسة بالموتور يا الله ,, الله
اها الرش زاتو فيهو فنيات ومبرر كافي للوقوف في الشارع قدام البيت ,, ومبرر كافي للتلفت ,, ترش محل شايف الجكس
اها
قال ليهو
المطرة صابة وبرش قدام البيت ,مش بيتنا ?
كان للوالد رحمه الله بقرتان ,, وكنا سكان مدن ,, وحن الوالد لمراتع الصبا في قريته , فأستعاض عن جو القرية ببقرتين ,, طفشنهن اخواتنا حين شبن عن الطوق
هسه الناس يقولو علينا شنو
نشتري اب سبعين والبرسيم وقش البحر العصر العصر , نركب العجلة وتلك ميزة , ونربط القش في السرج
وتضيع المتعة حين نجر شوالات الروث للخلا
كامل الود
| |
|
|
|
|
|
|
|
|
|
Re: البعصر مرورو ! (Re: عبدالحفيظ ابوسن)
|
مرحبا الصادق صديق
أبتسم أنت في مدني
ولمدني في داخلي عبق الذكريات ,, فهي حاضرة رفاعة , وعاصمتها , محافظة الجزيرة زمن السودان كلو 7 محافظات , والمرور بها إجباريا من كوستي لي رفاعة , ولي بها اجداد واعمام ,, وقعدت فيها زمن كسرت كرونة في حي الدباغة ,, ودردق وزورو ,,ودقشت الحدايق
| |
|
|
|
|
|
|
|
|
|
Re: البعصر مرورو ! (Re: حيدر امين)
|
نعمات يا خية
مرة شاي عصرية في طرف الغمامة
ومرة منديل مسقي حنة
هو نحن كان بنقدر ننضم معاكن , يمين بي الله وكت نشوفكن ريقنا ينشف وكرعينا ما يشيلننا
ولامن الواحد يكون براهو بيختا كورجة البنات , لمتهن بتخليهن جريئات وبدل يشاغلوهن بشاغلن , عبث شباب
والواحد فينا لامن واحدة تعجبو , يجيب الكتاب حق رسايل الاحباب ويشيل وينسخ ,, ويشتري كراس الرسايل ,, الفيهو الورق الملون وصور القلوب والعصافير ,, ولا ورقتين من نص الكراس , والجواب الجبكاني ده بكون عندو لجنة كتابة الخطابات الغرامية , الخطاط براهو والبكتب المسوده براهو , لكن التسليم مسؤولية فردية
تسكها زمن , لامن يوم تلقاها ماشه براها , وتجدع ليها الجواب علي بعد قدامها ,, وقلبك يسو رب رب رب ,, لو شالتو حظك ,, وتبدا سكسكة جديدة , انتظار الرد ,,, تسكها لامن يرمو ليك ولا يصهينو منك ويحدروك بي نظرة غاضبة ,, تكون شايله جواب من غيرك
او تدي بت جيرانكم البتقرا معاها ,
وكل التجارب دي محاطه بالمخاطر , يقبضوك ولا البت زاتها تشيل جوابك وتسلمو اهلك , ولا يجي ود عمها الكبير يطقطقك ويتلحك ويبقي ليك في رقبتك يكرهك الحب زاتو
نعمات يا خية
مرة شاي عصرية في طرف الغمامة
ومرة منديل مسقي حنة
هو نحن كان بنقدر ننضم معاكن , يمين بي الله وكت نشوفكن ريقنا ينشف وكرعينا ما يشيلننا
ولامن الواحد يكون براهو بيختا كورجة البنات , لمتهن بتخليهن جريئات وبدل يشاغلوهن بشاغلن , عبث شباب
والواحد فينا لامن واحدة تعجبو , يجيب الكتاب حق رسايل الاحباب ويشيل وينسخ ,, ويشتري كراس الرسايل ,, الفيهو الورق الملون وصور القلوب والعصافير ,, ولا ورقتين من نص الكراس , والجواب الجبكاني ده بكون عندو لجنة كتابة الخطابات الغرامية , الخطاط براهو والبكتب المسوده براهو , لكن التسليم مسؤولية فردية
تسكها زمن , لامن يوم تلقاها ماشه براها , وتجدع ليها الجواب علي بعد قدامها ,, وقلبك يسو رب رب رب ,, لو شالتو حظك ,, وتبدا سكسكة جديدة , انتظار الرد ,,, تسكها لامن يرمو ليك ولا يصهينو منك ويحدروك بي نظرة غاضبة ,, تكون شايله جواب من غيرك
او تدي بت جيرانكم البتقرا معاها ,
وكل التجارب دي محاطه بالمخاطر , يقبضوك ولا البت زاتها تشيل جوابك وتسلمو اهلك , ولا يجي ود عمها الكبير يطقطقك ويتلحك ويبقي ليك في رقبتك يكرهك الحب زاتو
| |
|
|
|
|
|
|
|
|
|
Re: البعصر مرورو ! (Re: عبدالحفيظ ابوسن)
|
اها وصول الجواب وردو لشاطئ امان الحب والوله
ويبدا تبادل الرسايل تو آند فرو , والجواب بتكتب لجنة وبتقري لجنة , وتبدا انت يا الحبيب يكون للغنا طعم تاني ,, ويساعدوك الشباب بالتأوه
وديني انا اموت ناصية واندفن قدام بابهم
تجي قصة ومنديل مسقي حنة
قبل إكتشاف الانسان للمناديل الخفيفة وفيها رسم وشي حروف ورخيصه ,, هسه المناديل دي ما شايفها ,, يكون الحب مات !
قبال ما تساعدنا دول الاستكبار علي تصنيع المناديل من اجل تدمير الشباب وشغلهم بالحب
كان الجكس بطرز المنديل براهو , تشحد ليها من ترزي قطعة قماش ساكوبيس ولا بوبلين ابيض ,, وتطرزو وترسم القلبين الداخلن سهم واحد ,, وكم نقطة دم تسوي وي وي
وفي الركن كدة ,, حرفك ولا حرفين
وينقعو ليك في ريحة الفرير دمور ولا الصاروخ ويسلموك ليهو
يقول
احححح
| |
|
|
|
|
|
|
|
|
|
Re: البعصر مرورو ! (Re: عبدالحفيظ ابوسن)
|
البنطلون ولي وقت قريب في كوستي كان لبسو بخجل , وزي العيب , حق موظفين ,, وفي بعض الوظايف اردية ,, شورت بلغة احدث , يعني ناس الشرطة والممرضين وعمال الصحة بلبسو اردية
المهم
بعد الشباب بقو يلبسو البنطلون ابو ابازين بدل الحزام , ظهرو الموضات
ابولو ,, وده بجي حته واحده من تحت لي فوق وبنفع مع السمان
وظهر الشارلستون من الافلام الغربية وفلم هاري القذر ,,
الشارلستون يمتاز بضيق اعلاه وانفراره عند اسفل الساقين
وظهرت القمصان ام جيوب في الاكمام
جيب للكبريتة وواحد لعلبة السجاير
التريفيرا والكورد لايت هي من اقمشة البناطلين
وقماش البمبشتي البرقش والهزاز للقمصان
| |
|
|
|
|
|
|
|
|
 Re: البعصر مرورو ! (Re: عبدالحفيظ ابوسن)
|
سلام ياعبد الحفيظ
علي بي جملة الايمان بوستك دا يقعد الزول في ضل العصر ويبدا يتنونس لحدي ما يلكزو الخواجة الجمبو بيسأل: وات دد يو سيي؟
تقوم تتلفت وتقول ليه نيفا مايند..
ياخي البلد دي الانا فيها بها بحيرات عديدة مما جعلهم يطلقون عليها ولاية ال10 ألف بحيرة ( ودي بكتبوها في لوحات العربات)..
في الصيف تكون طالع الشغل الساعة ستة تشوف الغزلان يتناقزن وبالليل تقعد في البلكونة والبرق والرعد تقول يالطيف, تعاين قدامك خضرة مد البصر..
لكن الغريب في الأمر كل ذلك لا يعطيك ذاك الاحساس الجميل في بلد العصاري والقماري.
تفتكر السبب شنو؟ ياخي دا سؤال جاد جدا وما لاقي ليه جواب!!
| |
|
|
|
|
|
|
|
|
|
Re: البعصر مرورو ! (Re: Balla Musa)
|
| Quote: تفتكر السبب شنو؟ ياخي دا سؤال جاد جدا وما لاقي ليه جواب!! |
السبب الجينة الإسمها السودانوية يا بلة، جينة السجم والرماد دي
بعدين الغزلان البتقافزن الساعة ستة صباحا، دي تورية ول غزلان الله والرسول
| |
|
|
|
|
|
|
|
|
|
Re: البعصر مرورو ! (Re: معاوية الزبير)
|
مرحب بلة
وحبابك
الشاعر الانسان السياب كان فقيرا , ترك زوجته بالعراق وإغترب بالكويت , ثم اعجزه وجد شوقه فعاد , فمات مريضا فقيرا بالعراق
فكتب عن الاغتراب شعرا جميلا , اجمله
غريب علي الخليج
الريح تلهث بالهجيرة
علي الجثام
اعلي من العباب
يهدر رغوه ومن الضجيج
صوتا تفجر في قرارة نفسب الثكلي
عراق
الكل يعول بي
عراق ,,,, عراق
البحر ابعد مايكون
وانت ابعد ما تكون
والبحر دونك يا عراق
ليت السفائن لا تقاضي راكبيها عن سفار
او ليت
ان الارض كالافق العريضة بلا بحار
واجاب عن سؤالك فقال
واني لأعجب كيف يمكن
ان يخون الخائنون !
ايخون انسانا بلاده !
ان خان معني ان يكون
فكيف يمكن ان يكون
الشمس اجمل في بلادي
من سواها
والظلام
حتي الظلام فإنه يحتضن العراقمرحب بلة
وحبابك
الشاعر الانسان السياب كان فقيرا , ترك زوجته بالعراق وإغترب بالكويت , ثم اعجزه وجد شوقه فعاد , فمات مريضا فقيرا بالعراق
فكتب عن الاغتراب شعرا جميلا , اجمله
غريب علي الخليج
الريح تلهث بالهجيرة
علي الجثام
اعلي من العباب
يهدر رغوه ومن الضجيج
صوتا تفجر في قرارة نفسب الثكلي
عراق
الكل يعول بي
عراق ,,,, عراق
البحر ابعد مايكون
وانت ابعد ما تكون
والبحر دونك يا عراق
ليت السفائن لا تقاضي راكبيها عن سفار
او ليت
ان الارض كالافق العريضة بلا بحار
واجاب عن سؤالك فقال
واني لأعجب كيف يمكن
ان يخون الخائنون !
ايخون انسانا بلاده !
ان خان معني ان يكون
فكيف يمكن ان يكون
الشمس اجمل في بلادي
من سواها
والظلام
حتي الظلام فإنه يحتضن العراق
| |
|
|
|
|
|
|
|
|
|
Re: البعصر مرورو ! (Re: عبدالحفيظ ابوسن)
|
الزميل
ابراهيم فرح
عمل مداخلة في بوست لي وجاب دي
الله ليـنا بالمرّ بينا
مرّ بينا أريل مرقّط
مرّ بينا أب توب منقّط
مرّ بينا و الدّمع نقّط
مرّ بينا و الصّاقعة طقّت
و من جمالو التّايمة شقّت
والواطة ما صبحت علــيــنــــا
الله ليـنا بالمرّ بينا
مرّ بينا شوف كيف هو ماشّي
مرّ بينا في ترابو كاشّي
مرّ بينا خاتي الغباشي
مرّ بينا الدّابو ناشي
الوجهو باسم الهاشّي باشّي
يا أخونّا يا ناس إنتهـــيـــنا
الله لينا بالمرّ بينا
مرّ بينا الجسمو ناعم
مرّ بينا اللّهجو طاعم
مرّ بينا البيمشي داعم
مرّ بينا زينة البراعم
الأكلو في البيت مو في المطاعم
الما بتمرق منّو شيـــــنــــــة
الله لينا بالمر بينا
مرّ بينا أب شعرا مودّك
مرّ بينا حلو مو مكدّك
مرّ بينا يا الحالي ردّك
مرّ بينا يا القاسي صدّك
مرّ بينا ورّينا حدّك
إن هو سلّم تهواه يدّك
محظوظة دايما يا إيدينا...
| |
|
|
|
|
|
|
|
|
|
Re: البعصر مرورو ! (Re: عبدالحفيظ ابوسن)
|
مرحبا حيدر امين
وحبابك
التريفيرا والكورد رويت وكرمبشين ,, الاسماء دي جات من وين هبطت علي كده ,, يا ربي صاح ? دي البناطلين ,, خياطة مافي جاهزة ,, ومنها ظهرت الموضات ,, اقصد من الخياطة , توصف للترزي , داير جيب هنا ,,وجيب هناك ,,والزراير تكون كيف ,, وتوصف ليك شكل بنطلون تكون شفتو في فيلم امريكي ,, سرتانا لا يرحم ,, ولا شافت , ولا ديجانقو
ويشوفوهو اصحابك ويمشو يعملو زيو
القمصان بولستر ولا هزاز , وشرحو , وظهرت لينا الكباسين بدل الزراير ,,ومافي زول بشك ولا بشنط ,, كفانا لبس البناطلين حتي نقوم نشنط ,
| |
|
|
|
|
|
|
|
|
|
Re: الفي العصر مرورو ,, غنية و حكوة ! (Re: عبدالحفيظ ابوسن)
|
سلام يا عبد الحفيظ أبوسن ..
شكراً على إستقبالك لنا أولاً ..
وثانياً : شكراً على ( بوست قديم ) يخص الكاتبة المهولة ( ميرفت نصر الدين ) .. ولا أعرف أين إختفى ذلك البوست .. بعد أن قرأنا من إنتاجها البديع .. ما جعلنا حقيقة نتسائل .. ( أين ميرفت نصر الدين ) !!! ولماذا لا تكتب !!!
ثم ثالثاً : شكراً على هذا البوست الممتع جداً ( الفي عصر مرورو ) ..
سبق لي أن تقصيت عن سر التسمية .. مع عدد من ( ذوي الشأن ) .. منهن ( فنانات ) تغنين بهذه الأغنية الجميلة .. والتي أحبها جداً .. وقد سبق لي أن رشحتها مع ( قائمتي لعشرة أغاني لا أمل سماعها ) .. وكانت ( الفي عصر مرورو ) من ضمن القائمة .. وقد نالني ما نالني من ( المسخرة ) من أصدقائي وصديقاتي .. بسبب إختياري لها ضمن أغاني .. أخرى ..
المهم يا سيدي .. نتيجة البحث أوصلتني أن .. ( بنت من بنات منطقة .................. ) .. كانت ( تحب ) أحد الأطباء في مستشفى ( .............. ) .. وكانت تحرص على ( زيارة المرضى ) من ( حلتهم ) .. حتى وإن لم يكن ( الرابط قوياً ) .. وذلك لعل وعسى .. أن ترى حبيب القلب .. والذي تأكدت من ( مروره على المرضى ) في ( غالب الأحيان ) دوماً في فترة ( العصر ) .. لأنه .. بعد ذلك يذهب لعيادته الخاصة .. وفي ظني أن الرواية أقرب للحقيقة .. لأن من ( روتها لي ) .. ذكرت حتى ( إسم الطبيب ) وأين تقع عيادته .. وكيف أنه كان وسيماً ولطيفاً ورياضياً من الطراز الأول .
أحب هذه الأغنية حين تؤديها ( سميرة دنيا ) أو ( عوضية عذاب ) ..
http://www.youtube.com/watch?v=BO2MkP4t5JQ
| |
|
|
|
|
|
|
|
|
|
Re: الفي العصر مرورو ,, غنية و حكوة ! (Re: يوسف محمود)
|
مرحبا محمد الشيخ
وحبابك
شرفت الديار
زماان وما زمانا سحيق , كان العلاج مجاني , والعيادات الخاصة ممنوعة تفتح الصباح , قبل ان يتسلط علينا من لا يخاف الله ولا يرحمنا
اها الصباح لحدي العصر الدكاترة في الاسيتاليات , والصباح بمرو علي العنابر , بتعرفهم كيف ! بتجيكم الفراشة وانتو مكومين جمب العيان حقكم ,, لمة سودانية عامرة , تقوم تقول ليكم
هوي ,,, امرقو في مرور
ولا تجي تخش تقول ليك
بعد المرور
بمرو الدكاترة ولادة الهنا كما قال ابوداؤود ,, صلاة النبي بي صمتهم , الاخصائي والميديكال والهاوس والممرض , يقيفو قدام اي عيان يشوفوهو , ادوهو شنو وداير شنو وهسه كيف
وعصيرا بدري عندهم مرور
اها زولك ده بكون في العصير
والدكتور ظاهر من لبسو , نضيف وشاكي البنطلون ومتريح بي ريحة راقية , ومسرح شعرو ,
| |
|
|
|
|
|
|
|
|
|
Re: الفي العصر مرورو ,, غنية و حكوة ! (Re: عبدالحفيظ ابوسن)
|
البنوت بمرقن عصر
والسيرة بتمرق عصر
والبنوت السمحات ببارن البنوت الشينات ,, البنت تلقاها بقاقة بس وصاحبتها شينة تقطع الخميرة من البيت
كاتبنا المبدع بشري الفاضل سماها تميمة ,, يعني تكف العين . في قصته الشهيرة حكاية البنت التي طارت عصافيرها
| |
|
|
|
|
|
|
|
|
|
Re: الفي العصر مرورو ,, غنية و حكوة ! (Re: عبدالحفيظ ابوسن)
|
اها ما تعرف ليه , فجات المقولة
كل كنزا حارسو جان
فكنا بنشوف البت السمحة طيبة ومسكينة , وصاحبتها الشينة لئيمة وقطيمة ,
يكون صاحبك قدر يوصل لحب البت السمحة , ولكن هي ما بتمرق براها , فلابد معاها الجان بتاعها , بمرقن سو , وهي شن المرقة ! ياها حوامة الشوارع دي , تحومو من حلة لي حلة , تتونسو ونسة مرئية للناس ,, وشرطن تكون شوارع مافيها ناس بعرفوها ,, ولا جيرانهم عندهم ناس بعرفوهم
ف شنو ,, صاحبك بسوقك تكالة ,, وتعتبر خدمة اصحاب ,, هو يحب وماشي قدامك ,, وانت ماشي بي وراهو وتفتش لي مداخل مع البت الشينة
وسبحان الله
البت الشينة تطلع ظريفة وراقية وانت اصلك ما متوقعها كده وممكن تاني تكون زولتك
| |
|
|
|
|
|
|
|
|
|
Re: الفي العصر مرورو ,, غنية و حكوة ! (Re: عبدالحفيظ ابوسن)
|
كان في ثانوي عام وثانوي عالي
مافي مدارس خاصة
يا تخش الحكومي ولا تقرا بالعصر , وفي نفس المدارس الحكومية وبالقروش , بعد اليوم الدراسي يبدأ اليوم الدراسي ابو قروش
اها بنكون جينا من المدرسة وفاضين ,, ونحن ماشين بيوتنا وبنات المساء ماشات المدارس
نكتل في اركان البيوت ,, محل المرور ,, وممكن ندك الحصة الاخيرة لو تضاربت المواعيد
نخزن في النواصي مكان الضللة ,,, وتاني نرجاهم مغربا بدري ولا عصرا هالك حين رجوعهن ,, ووقت الرجوع ده بنكون جاهزين ,, نضيفين ومسرحين وقاشرين
| |
|
|
|
|
|
|
|
|
|
Re: الفي العصر مرورو ,, غنية و حكوة ! (Re: عبدالحفيظ ابوسن)
|
كان في ثانوي عام وثانوي عالي
مافي مدارس خاصة
يا تخش الحكومي ولا تقرا بالعصر , وفي نفس المدارس الحكومية وبالقروش , بعد اليوم الدراسي يبدأ اليوم الدراسي ابو قروش
اها بنكون جينا من المدرسة وفاضين ,, ونحن ماشين بيوتنا وبنات المساء ماشات المدارس
نكتل في اركان البيوت ,, محل المرور ,, وممكن ندك الحصة الاخيرة لو تضاربت المواعيد
نخزن في النواصي مكان الضللة ,,, وتاني نرجاهم مغربا بدري ولا عصرا هالك حين رجوعهن ,, ووقت الرجوع ده بنكون جاهزين ,, نضيفين ومسرحين وقاشرين
| |
|
|
|
|
|
|
|
|
|
Re: الفي العصر مرورو ,, غنية و حكوة ! (Re: عبدالحفيظ ابوسن)
|
حبابك يوسف
شاكر متابعتك
للأسف النت الايام دي مجابدة
الفكرة الاساسية
تداعيا مقصودا به اننا
لا نحتاج لإعادة صياغة
ف من تبينا مصيوغين ومؤدبين ,, وبنعرف العيب
وبنعرف الدين
السكران يجي ماري يترتح في الشارع ولو سمع طفل سب الدين يصمطو كف لامن يقع
لا الولد بيعترض ولا السكران يري فيما يفعله حسبة
كما يقول الطيب صالح في غير إقتباس
يتبول الرجل علي قارعة الطريق ويري في رد السلام فرضا
| |
|
|
|
|
|
|
|
|
|
Re: الفي العصر مرورو ,, غنية و حكوة ! (Re: عبدالحفيظ ابوسن)
|
عشان خاطرنا خلي عيونك
الحلوات تخاصمنا
ولما تمري ابقي اقيفي
واسألي عن مشاعرنا
زمان غنينا لعينيك أغاني
تحنن القاسين
هدينا لك معزتنا مشينا
وراك سنين سنين
بنينا لك قصور بالشوق
فرشنا دروبا بالياسمين
وقلنا عساك تزورينا ترشي
البعجه في ساحتا بعينيك
تضويها
حلاتك انت ماشه براك شايله
الدنيا بازهار او بالفيها
زمان يا زينا ضحكاتك لقينا
صداها جاي معاك وجاينا
وحاتك تاني لم تفوتي
ابقي اقيفي سالمي الناس
وحينا
كفاية علينا لما نشوف بسماتك تصابحنا وتماسينا
عشان نتملي من عينيك عشان
نلقي الصباح مسحور بعاين
لصباح خديك
جهرتي الدنيا يا غربتنا يا روعتنا
ما هماك جهرتي
عشان خاطرنا خلي عيونك
الحلوات تخاصمنا
ولما تمري ابقي اقيفي
واسألي عن مشاعرنا
زمان غنينا لعينيك أغاني
تحنن القاسين
هدينا لك معزتنا مشينا
وراك سنين سنين
بنينا لك قصور بالشوق
فرشنا دروبا بالياسمين
وقلنا عساك تزورينا ترشي
البعجه في ساحتا بعينيك
تضويها
حلاتك انت ماشه براك شايله
الدنيا بازهار او بالفيها
زمان يا زينا ضحكاتك لقينا
صداها جاي معاك وجاينا
وحاتك تاني لم تفوتي
ابقي اقيفي سالمي الناس
وحينا
كفاية علينا لما نشوف بسماتك تصابحنا وتماسينا
عشان نتملي من عينيك عشان
نلقي الصباح مسحور بعاين
لصباح خديك
جهرتي الدنيا يا غربتنا يا روعتنا
ما هماك جهرتينا
| |
|
|
|
|
|
|
|
|
|
Re: الفي العصر مرورو ,, غنية و حكوة ! (Re: عبدالحفيظ ابوسن)
|
حباب المنسي
والله مداخلتك دي كوستها كواسه , اشوفها آخر مداخلة افتش ليها ما ألقاها , قلت امكن كاتبها بالحبر السري
غايتو يا بكري ما خفت فينا الله بالاستايل ده
ما علينا
تعرف صحبي شافو ليهو عريس وعروس عصرا بارد في شارع النيل , والعروس سمحة فرط ! اها مشي عليهم
مبروك مبروك ,, وقلد العريس ,,, قلدة سودانية عامرة , فكاهو دايخ ,, وقبل علي العروس قلدها قلدة سودانية نص كم , علا شم ريحتها , وفكاها مخلوعة
وحق الله بق الله
والله والله مفروض احضر العرس وقدر ما حاولت ما لقيت طريقة ,,, لكن كلمت ودغمس الاسم وقلتو ليهو يعتذر لي وبكون نسي
المهم جاطهم ليك بالكلام وفكاهم
قال لي
اتخارجت سرعة سرعة قبل ما تنتهي خلعتهم ويحققو معاي
عليك امان الله مشيت منهم واعاين ليهم بالطوالة وعرفتهم
اي واحد بسأل في التاني
| |
|
|
|
|
|
|
|
|
|
Re: الفي العصر مرورو ,, غنية و حكوة ! (Re: عبدالحفيظ ابوسن)
|
Quote: حباب المنسي
والله مداخلتك دي كوستها كواسه , اشوفها آخر مداخلة افتش ليها ما ألقاها , قلت امكن كاتبها بالحبر السري |
ههههههههههههههههههه
بكون يا أب سن
إندفقت موية بصل في الكي بورد
ترعف كان في واحدة حلوة كتير ومكسرة كل الشباب
واغرب شئ كلنا بنحبها مع بعض وما بنغير ونزعل من بعض
البتقول لي سلااام يومها بكون طاير فرحة ويتمطق ويحكي
يوم في واحد من أصحابنا ودّتو ظروف لبيت البنت الحلوة دي
دق الباب وفتحت هي نفسها الباب
صاحبنا إتلجم لسانو
قالت لي : مرحب
عاوز يقول ليها ابوك في
قال ليها : ايوا وماقدر يكمل
وظل يعاين فيها وهي تضحك
قال ليها مع السلامة بجي بعدين لابوك لانو ابوي عاوزو الآن ههههههههههه
لما حكى لينا سألتو انت إتلخبط ليه ؟
قال لي كنت بطلع في جيدها
لابسا سلسل والله والله والله بس ( سحلية وداخلة علي جحر ) وفضلت متابع السحلية وهي داخلة أمانة الجحر ما حلو مو زي جحور بيتنا وطار الكلام )
| |
|
|
|
|
|
|
|
|
|
Re: الفي العصر مرورو ,, غنية و حكوة ! (Re: عبدالحفيظ ابوسن)
|
حين يجوع الحيوان يبحث عن الطعام , ولا يهمه كيف سيحصل عليه
وحين يستثار يبحث عن اقرب انثي وسيقاتل احيانا ليظفر بها تلك اللحظة , ولكن حين يقضي وطره منها لا تهمه بشئ
لا ندع تفوقا اخلاقيا وسلوكيا ,, ولكن كنا نشبه الانسان في تجلي كماله الانساني
نحصل علي مايريده الانسان لا الحيوان
وللذين يقولون بتطور الواقع وتمدنه , اقول هذا مايدفعه المجتمع من ضرر جراء سعيه للتطور المادي علي حساب تطوره الانساني
لم يزل تقيم الانسان هو المهم بل ما يملكه الانسان
يرفض لنا ان نقيم سلوك انسان غير الانساني بحجة انه يملك شهادة عليا , الشهادة العليا هي ما تقربك للانسانية وإلا لكانت شهادة دنياحين يجوع الحيوان يبحث عن الطعام , ولا يهمه كيف سيحصل عليه
وحين يستثار يبحث عن اقرب انثي وسيقاتل احيانا ليظفر بها تلك اللحظة , ولكن حين يقضي وطره منها لا تهمه بشئ
لا ندع تفوقا اخلاقيا وسلوكيا ,, ولكن كنا نشبه الانسان في تجلي كماله الانساني
نحصل علي مايريده الانسان لا الحيوان
وللذين يقولون بتطور الواقع وتمدنه , اقول هذا مايدفعه المجتمع من ضرر جراء سعيه للتطور المادي علي حساب تطوره الانساني
لم يزل تقيم الانسان هو المهم بل ما يملكه الانسان
يرفض لنا ان نقيم سلوك انسان غير الانساني بحجة انه يملك شهادة عليا , الشهادة العليا هي ما تقربك للانسانية وإلا لكانت شهادة دنيا
| |
|
|
|
|
|
|
|
|
|
Re: الفي العصر مرورو ,, غنية و حكوة ! (Re: عبدالحفيظ ابوسن)
|
حديث العبيد ذكرني في غير مشابهة لحديثه وحديثي الآتي
السيرة مرقت عصر
السيرة ما كانت بالبصات والعربات في القري وبعض المدن , ولا حتي الجنازة بشيلوها بالعربات , واذكر في كوستي ولعهد قريب كنا نحمل عنقريب الجنازة راجلين مهما بعد البيت من المقابر ونعتبر ان حملة في البوكس عيب , وحتي الآن يصر البعض علي السير راجلين
اها ده جايهيو
لكن
ذكرني نكتة سيد المركوب
ما يكون خشمي الخفيف ده طلقها في بوست سابق ولا بوست الكافرة امك دي
| |
|
|
|
|
|
|
|
|
|
Re: الفي العصر مرورو ,, غنية و حكوة ! (Re: عبدالحفيظ ابوسن)
|
قالوا العريس زمان سيرتو بتم اسبوع , يوماتي العصر بسير للبحر , يبارنو البنات والشباب يدقو ويعرضو
اها والحياة بسيطة وكربة ,, فقام العريس إستلف مركوب صاحبو وبقا مباريهو ليك محل محل
اعمل حسابك الشوك ما يقد المركوب
اوعا الدرابه
ما تتب شديد تقطع المركوب
هو لو بسو ليهو كده ما كان قعد لي الليلة
صاحبو التاني زعل وقال للعريس حرم بكرة تسير بي مركوبي
وباراهو ليك تاني يوم
حرم تطلع في الحجر دة
حرم توطا الشوك ده
طلق تتب بالمركوب
حرم زي حقك
| |
|
|
|
|
|
|
| |
عبدالحفيظ ابوسن
ودقاسم
سليمان القرشي
محمد أبوالعزائم أبوالريش
وضاح عبدالرحمن جابر
امجد الجميعابى
الزبير بشير
Hafiz Bashir
معاوية الزبير
يحي قباني
munswor almophtah
بدرالدين بابكر مصطفى
الصادق صديق سلمان
نعمات حمود
سيف اليزل برعي البدوي
عزيز
خالد علي محجوب المنسي
حيدر امين
Balla Musa
Omer Abdalla Omer
عبيد الطيب
فيس بوك
تويتر
انستقرام
يوتيوب
بنتيريست