|
كتب الكاتب الفاتح جبرا المتوفرة بمعرض الدوحة
|
|
 Re: اربعتاشر اتنين واقع يوم جمعه سامعين ..(سلسة بوستات انصرافية) (Re: الجنيد حمد)
|
حكمة ربك
لا الاعراب جايبين خبر
ولا الساسان جايبين خبر
ولا حتى الهنود ناس محبات كيهي ديلك جايبين خبر
لكن نحنا
نحنا تبارك الله قلبنا رهيف وحنين
ناس محبة ساي
وزي ما قال مشايخنا الصوفية (رضوان ربي عليهم )
الما عندو محبة ما عندو الحبة
وعيد الحب ده بندرج في قائمة المحبة
وباسم الحب برسل ليك تحياتي او كما قال الفنان
..................................................................
والدنيا منى واحلام يا سلام
| |
 
|
|
|
|
|
|
|
|
Re: اربعتاشر اتنين واقع يوم جمعه سامعين ..(سلسة بوستات انصرافية) (Re: الجنيد حمد)
|
والاعلانات التجارية ملت الشات
وكلو داير يلحق السوق
ملحوظة : المحتوى لا يمثل راي (راعي البوست) عشان ما نتهم
بمعاداة النساء وشنو كده ماعارف
................................اعلان بمناسبة (الفالنتاين) ده اسمو زي ما مرسوم
قريباً في الاسواق
المفاجاة الكبرى
ولاول مرة بالسودان
ايجار الحبيب
عندك مشكلة .....
ما لاقيه جكس يجيب ليك هدية
منظرك شين قدام صاحباتك وانتي كل سنة قاعدة براك
نفسك في دبدوب احمر وشتلة في شكل وردة
مشغولة السنة كلها ومافاضية تحبي ودايرة جكس قشرة لمدة يوم واحد
ترفضين فكرة الحب ونفيستك في هدية وتشوفي الحاصل شنو في اليوم ده
حالتك مستعصية ولا حبيب مرتجى
الان لك خصيصاً
الحبيب الديلفري
لدينا مجموعة متميزة من الشباب اللطيف بجميع المقاسات والاحجام والاشكال والالوان
والتخصاصات الدراسية والحنكية والمؤهلات وماركات الموبايلات
الحبيب الديلفري هو الحل
والمفاجاة توجد خدمة الشلة المكبوتة
اطلبي انتي وصاحباتك وصديقاتك ثلاثة وتحصلي على الرابع هدية
ملحوظة
الهدايا حسب الطلب وتدفع بتسعيرة خاصة
الحبيب غير مسؤول عن اي كتمات من الاهل وبفك البيرك عادي
سارعوا الان فالفرص محدودة
..................................................
تقولي المصريون بعرفوا ينكتوا
التحية للشباب السوداني الثائر
وعاشت وحدة وادي النيل
وبرضو واثبين واثبين لحماية الدين
| |
|
|
|
|
|
|
|
|
|
Re: اربعتاشر اتنين واقع يوم جمعه سامعين ..(سلسة بوستات انصرافية) (Re: الجنيد حمد)
|
اصبحت الان في مرمى وهابية المنبر لنك بشرت بعيد الحب الذي هو حراااااااااااااااااااام عندهم لا بل في الايام الجاية دي حاتشوف جنس بوستات عن هذا العيد الكافر ود الكافر فما تعمل رايح اركز بس ههههههههههههههههه وخاسة انك جبت سيرة عدوهم اللدود الصوفية في حتة الماعندو محبة ماعندو الحبة هههههههههههه
اركز بس
وعليك الله واصل ف سلسلة الانصرافية دي والله احسن ترياق لحالة الاحباط العايشنو من العك السياسي
مودة واحترام
| |
|
|
|
|
|
|
|
|
|
Re: اربعتاشر اتنين واقع يوم جمعه سامعين ..(سلسة بوستات انصرافية) (Re: عبدالحفيظ ابوسن)
|
الحبيب علي دفع الله كل عام وانت الحب زي ما قالت الفنانة
.....
سنة 2002 وبشريات كاس العالم والجقلبة الحاصلة وين نحضروا
ولو مشيت البلد الكهرباء ما مضمونة ولو قعدت في الخرطوم 500 جنيه يومياً بتخرب الميزانية
المهم ربك رب الخير سهل لينا واحد من الشباب عندو اصحاب خالو عندهم كرت وشاشة عجيبة وبقينا اصحاب اصحاب خال زميلنا
وقبل يوم من الافتتاح عندنا زميل لينا الله يطراه بالخير زول صعب يعني في الغرفة شابكنا حلال حرام كفر بواح
النار الجحيم يوم واحد ما جاب سيرة الجنة ... اها اليوم داك الزول ده قعد في نص النشاط وشبك ليك الطلبة
مشاهدة كاس العالم حرام للفتيات وملهاة للشباب وضياع للدين باتباع الكفرة وحيلهم لهزيمة الاسلام
الزول علي الايمان ما خلى لكاليلو فاديقة جيها يرقد عليها انا متاكد اي لاعب لو سمع كلام الزول ده كان اعتزل براه
وبالنسبة للبنات قال مشاهدة فخذ الرجل بالنسبة للمراة عورة وعيييك الزول ده قال شي كتير خلاس
الحاجة الوحيدة الطلعت بيها اننا خارج الملة واخطر من كفار قريش ذاتهم
اها إن بقت الفتاوي بتاعت التكفير زي حقت زولنا ده ما منها مخافة تب
وبقترح لو في زول ناوي يفتي السنة دي يفتي بيان بالعمل يمسك اي اتنين ويعقد ليهم زي ماقال المطرب القدير بلال موسى
شنو كده لا خطوبة عقد بس
ومن هذا المنبر نناشد مشايخنا الذين سيفتون في هذا اليوم يشيلو اكبر كمية من عقودات الزواج واهو بكده يساهموا في تقليل نسبة العنوسة
تحياتي
| |
|
|
|
|
|
|
|
|
|
Re: اربعتاشر اتنين واقع يوم جمعه سامعين ..(سلسة بوستات انصرافية) (Re: الجنيد حمد)
|
الحبيب /ود ابسن اسعد الله ايامك بكل ما هو طيب
حب زمان ده حب جماعي الحلة جت تكون عارفاهو
هسي الحب اتطور الولد والبت ما يعرفو انهم بحبو بعض الا بعد الشات يصل رقم محدد
شاتك يكتر حبك يكبر شفت كيف
باسطة شنو في البرد دخ الباسطة دي في المرحلة بتاعت عيد الميلاد وعيد اللقاء الاولاني
هنا ورد وبالعدم فتيل (فليردمور) ولا شبشب (دكتور شول) حاجة محسوسة وملموسة يعني
تحياتي
| |
|
|
|
|
|
|
|
|
|
Re: اربعتاشر اتنين واقع يوم جمعه سامعين ..(سلسة بوستات انصرافية) (Re: الجنيد حمد)
|
هههه
تعرف يا صاحب
انتشرت ثقافة الفالنتاين وازدهت القنوات بالألوان البهيجة والزهور والدببة , وهاك يا نضمي ورسائل شريطية علي وزن الدودة الشريطية اسفل الشاشة
انت شمس حياتي ,,, عزو
الشمس تشرق من مقلتيك ,,, فتحي
رفعو سقف الرومانسية في صدر المدام , وحسسونا ليك كأننا ما بنعرف الحب زاتو وقاعدين ولف بس
ونسوان الحلة السوغار تمو الناقصة
حاصروني ليك عشقيا فكان لابد لي من اثبات محبتي وتفاني وانني لازالت علي العهد باق رغم ان باكورة انتاجنا وصلت عامها الثالث
اها آ زول ما اطول عليك
قلت انا اخوك اتا يا الجنيد, الشفع السوغار ديل بعرفو الحب اكتر مننا , نحن اول من أكتشف خطابات الغرام المختبئة داخل كتاب الرياضيات واول من وقف امام الكناتين واستوقف ,, واول من فك البيرق لرؤية قادم رغم ان مسافة الوقوف بيننا تحصل مترين ونرجف ونعرق ونجف
اها تعبيرا عن روح الفالنتاين وكده اتذكرت المدام ناقه دايره جلباب وشبشب حمام , قلت ستره ومقضاة غرض
اشتريت الشبشب والجلباب ومشيت بتاع المكتبه الذي يكتم ضحكته وانا مستغرب غلفتهم ليك بورق سلوفان احمر ,, قايلني ما بعرف الحب !?
وحياة خوتك دي اول وآخر هدية حبية
ياخ بقوني ضحكة وونسة
في ذمتكم الجلباب والشيشب مش هدية حبية ?
| |
|
|
|
|
|
|
|
|
|
Re: اربعتاشر اتنين واقع يوم جمعه سامعين ..(سلسة بوستات انصرافية) (Re: عبدالحفيظ ابوسن)
|
هل هناك مؤشرات على الكيفية التي سيكون بها تفاعل الشارع السوداني مع المناسبة دي
هل ستكون هوجة للاحتفال ام ان فالنتاين سيمر مرور الكرام
بقت عادة عند كتيرين حكاية (كل عام وانتم بخير) دي واهي جات مناسبة تسند هذه العبارة
نحن في مكان يمنع فيه الورد والدب والقلب الاحمر في هذا اليوم وبعدين بصراحة الناس زودوها ، وصلنا مرحلة راس السنة الهجرية الاحتفاء بيهو اقترب او كاد ان يغطي على الاحتفال باعياد المسلمين
بعدين عيد شنو لينا مع الوثبات والاندغامات اللي نحنا فيها دي
غايتو عصام احمد البشير لقى موضوع
صباح الخير و(هبي فالانطاين دي) لمن سيحتفل
| |
|
|
|
|
|
|
|
|
|
Re: اربعتاشر اتنين واقع يوم جمعه سامعين ..(سلسة بوستات انصرافية) (Re: مهدي صلاح)
|
الحبيب ود ابسن
طالما لفيت بالسلفان الاحمر يبقى لياقتك فل ومنافس جيل الواتساب ده
والوصفة السحرية لنيل الرضاء من الزوجات (طبعا اخوك بسمع ساي من الحجاج)
ساهم في الصندوق الجاي وبث تطمينات انو ماف نية تدبيل تاني
قريب لي مشى السوق اشترى تلفون جديد ومعاهو توب وجابن للمراة
على الايمان لحدي الليلة حلفت ماتشيلن المبرر قالت الزول ده من كتب الكتاب ماجاب هدية
طالما جاب هدية معناتو ناوية على حاجة كبيرة
تحياتي
...........................................................................................
الحبيب مهدي صلاح اسعد الله اوقاتك
يازول انحنا الساس ونحنا الراس هيييع
رأس السنة فتنا فيه الخواجات ما خلينا جدادة الا وشلنا بيضة
الدقيق لمن قفلو المصانع
هسي اي زول عندو حديقة عاجباهو يشوف ليه حرس لانو
الهجمة الوردية قايمة لا محالة ...
ومن فوائد عيد الحب عرفت في لون اسمو فوشي
ودي ثقافة كويسة يعني الناس تستفيد معرفة الالوان ناس كستنائي وقمزي والذي منو
والحاجة السمحة اي زول داير يتدرب على فن الخطابة والفتوى بجي يرمي مكرفونو ويدور
حب ودين وزحمة مواصلات
تحياتي
........................................................................................................
منقو قل معي قد عاش ووثب ونطط وزمبر من فصلنا
وعائد عائد يا عبود
| |
|
|
|
|
|
|
| |
الجنيد حمد
علي دفع الله
عبدالحفيظ ابوسن
مهدي صلاح
فيس بوك
تويتر
انستقرام
يوتيوب
بنتيريست