الله ليلي .. شن تشبه بلا الداسنو فى بطن المطامير لدروبك انتى ما شقن بوابير يا قشيش نص الخلا الفوق فى العتامير البكركر رعدو و ديمة سماهو عكير السمح مرعاك يا قش التناقير
الله ليلي .. الزول الولوف لى قلبى خراب أنا بمشى و اتلفت لما النهار غاب حديثك لى اكيد انا.. ولا كضاب حد ما لملموهن خاطرى ما طاب يا حليل أمونه فى غرب الضياباب
الله ليلي .. يا عجو المحس التقيل التقيل فدع العراجين انتى ما بدوك لى زولا مسيكين الا واحدا نخلو مقرون فى البساتين سواقيهو تصحى الكانوا نايمين حليلك يا أم جبين يا بدر دورين صديرك عام تقول غرر الوزازين
الله ليلي .. جات تندلى بالوديان عديلة الكاحلة بلا كحل.. بت القبيلة تمشى قدم قدم فى المشية ريلة و تشكى من الطريحة تقول تقيلة نفيسك شمعوه جوة الفتيلة ...
°°°°°°° أرجو التكرم بجلب التسجيل القديم بصوت الراحل وردي .. مع كتير الشكر
ما زلت عند كلمتي يا حبيبنا عثمان ( يوم بتكتل ليك زول ) هسة مالك علينا ياخ نحن اصلا هنا ما عندنا كريسماس ولا راس سنة او كرعين سنة ايام الله عندنا كلها سبت وشغل ودوام والدوام لله ياخ ،،، غايتو ما ينفعكم يا عثمان الكريسماس ده يا عثمان ،، خلاص كرمسو لينا معاكم ياخ وما تنسانا من اوصاف حسان الجنة ومن الصور ..وكل سنة وانت طيب مقدما ،،،،
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Osman Musa
ياسر السر
فيس بوك
تويتر
انستقرام
يوتيوب
بنتيريست