|
|
 م بشتري الوان اساسا بس ع مواطنين عطبره مقاطعتها وفورا
|
مدينة عطبره تاريخيا من اكثر المدن السودانيه التي لحقها الضرر من الحكومات ...كان نقابات عمال السكه حديد سلطه موازيه ..
ومعروف الدور التدميري القامت بيه حكومة الهوت دوق للمدينه منذ تسعينات القرن المنصرم
لمن لا يقطن عطبره ..مدينه عماليه بحجم مدينة عطبره الاسعار فيها شي ملفت وذلك لفتح المدينه زراعيها لمعدني الدهب والذين ان اضافو للسكان شيئا الغلاء الفاحش
شارع الموت 2
هو شارع التحدي عطبره فمن باب اولي ان يكون القطر رابط بين عطبره والخرطوم لتخفيف العب علي المواطن ....
كون حسين خوجلي يتمشدق عن انو القطر مفروض يشتغل مدني الخرطوم دا تعدي علي حق من حقوق عطبره
كان يكون شجاع مدام عامل فيها الايام دي المبشر بسودان عارفو هو ويطالب بقطرين لمدني وبورتسودان وحلفا ونيالا
|
|
 
|
|
|
|
|
|
|
|
Re: م بشتري الوان اساسا بس ع مواطنين عطبره مقاطعتها وفورا (Re: مها عبدالمنعم)
|
مستكثر على عطبره قطرين يا حسين !
عطبره رئاسة السكه حديد
عطبره ورش السكه حديد
ياخ أي قطر يخش السودان ده بمر بورش عطبره
ويخش ورشة المرمه (أظنك اول مره تسمعبيها )
وبعدين يركب قضيب السكه حديد
و لو في ورشة مرمه في شرفت الحلاوين كلمنا يا فهيم !
قال القطاره دي الوداها عطبره منو ؟
بعدين ياخ عمال الدريسه يغيرو في الفلنكات والقضيب ده بين عطبره والخرطوم ليهم سنين .
وأنت جاي يا دوووووبك بتقول القطر مفروض يكون بين مدني والخرطوم ! أصحي يا نايم
كفاك متاجره بقضايا أهل الجزيرة
فالجزيره لا يشرفها أمثالك ان تتحدث بصوتهم
وخليك متسلبط في ام درمان وأولاد ام درمان
| |
|
|
|
|
|
|
|
|
|
Re: م بشتري الوان اساسا بس ع مواطنين عطبره مقاطعتها وفورا (Re: Ahmed Elsadig)
|
و لو في ورشة مرمه في شرفت الحلاوين كلمنا يا فهيم !
Quote: و لو في ورشة مرمه في شرفت الحلاوين كلمنا يا فهيم !
|
وعلاقة الحلاوين بشرفت الحلاوين شنو بورش عطبرة؟؟؟؟ وعلاقة حسين خوجلي شنو بشرفت الحلاوين ...للعلم أن شرفت الحلاوين بها منزل الشهيد عبدالقادر محمد إمام ودحبوبة وأولاده وأحفاده ، شرفت فيها قبة الشيخ رحمة الحلاوي (العوج الترعه ) فيها مدارس من رياض الأطفال حتى الثانويات بنين وبنات ، فيها نادي الكفاح الرياضي ، عدد سكانها يتجاوز ال15000 نسمة فيها ما لا يقل عن 150 طبيب وطبيبة فيها ما لا يقل عن 200 مهندس ومهندسة ، فيها ما لا يقل عن 1000 مدرس ومدرسة ، فيها مركز صحي ، فيها المسجد العتيق و المسجد الجديد ، فيها مركز لتحفيظ القرآن الكريم ، فيها جمعية خيرية ، فيها آلاف المغتربين والتجار والمزارعين ، مربوطة بأسفلت حتى مناقزة الحلاوين ومن مناقزة يمتد الاسفلت حتى المحيريبا غربا وقنب الحلاوين على شارع الموت الشهير ، فلو أنك تقصد تقلل من الحلاوين فنحن جاهزين لك ولأمثالك ، وإن كنت مخطيء فيما تعنيه فهذا شأن آخر ..وللمعلومية نحنا زول بكسر عينا في السودان دا أمو ما ولدتو ..وتاريخنا ناصع لا فينا عميل ولا فينا متورك
| |
|
|
|
|
|
|
|
|
Re: م بشتري الوان اساسا بس ع مواطنين عطبره مقاطعتها وفورا (Re: cantona_1)
|
ليس هناك جديد فيما يقوله حسين حول فساد الحكم والحكّام، فحسين يأكل الدجاجة ويبيع لنا الريش
...............
سيف الدولة حمدناالله
.
يُخطئ حسين خوجلي إذا إعتقد أن الشعب السوداني يستمع إليه لأنه بطل وشجاع، أو أن الوصف الذي يُطلقه عليه موظفوه في الشريط الذي يجري أسفل شاشة التلفزيون أثناء عرض برنامجه "مع حسين خوجلي" والذي يقول "يا حسين يا عسل .. إنت أشجع سوداني" و "سير سير يا حسين، وصف يعكس رأي المشاهدين، فكل ما هناك أن حسين عرف كيف يبيع الماء للذين يلهثون من العطش، ومن يكون في مثل هذه الحالة – عطشان - يشتري الماء حتى لو كان مصدرها بالوعة حمام.
الشعب يريد أن يسمع الكلام الذي يصدر في حق الذين أوقوفوا حاله ليشفي غليله ويبرّد بطنه حتى لو كان يعلم أن القائل ضلالي وضالع في الجريمة التي وقعت عليه، فهو – الشعب - يُدرك أن الورود التي يعرضها حسين مصنوعة من البلاستيك ومضروبة، ويعلم أن الشخص الذي يطبطب عليه بمثل هذا الكلام قد شارك في سن السكاكين التي ذُبح بها، وأن الذي يحكي له عن فساد أهل السلطة وأموالهم المنهوبة، لديه إستعداد لأن يأكل مال النبي.
مشكلة حسين أنه لا يصلح للقيام بهذا الدور – نقد النظام - من الأساس، لا من حيث الشكل ولا الموضوع، فهو يخاطب شعب قوامه غلابة ومرضى وجوعى (ورد ضمن تحقيق صحفي عن غالب قوت أهل البلد في عدد من المدن أن أهل الحصاحيصا يتناولون وجبة إسمها "الساوندسيستم" وهي مصنوعة من "أذني" البهيمة، وفي بورتسودان وجبة "صبرك" وهي عبارة عن شوربة من أحشاء وقوانص الدجاج)، وهو – حسين - من فرط النعمة والرغد الذي يركل فيه، طوله مثل عرضه، وساعده الواحد بفخذين عند مشاهديه، وهو كله على بعضه يشبه دعاية "ميتشلان". ومثل هذا الوصف لا يمكن أن يُغضب حسين أو يأخذه علينا آخِذ، فوصف الخلق والسخرية منهم من فضلة خير حسين، فهو أول من أدخل ذلك بصحيفته "ألوان" في حق الخصوم السياسيين (كان يُطلق وصف "الزرافة" على وزير العدل وهو رجل كانت له رقبة طويلة، و"التوم كديس" على وزير الإعلام وهو رجل بثلاث "شلخات" على أسفل خديه...الخ).
ومن حيث الموضوع، فإن حسين آخر من يحكي عن فساد النظام والثروة التي حققها أركانه، فالثروة التي جمعها حسين لا تقل في شيئ – إن لم تزد - عمّا حققها رصفاؤه في التنظيم، ولا يستطيع حسين أن يدّعي بأنه قد جمع هذه الثروة (حسين يمتلك – على الأقل - صحيفة وقناة فضائية وقصر بمدينة الطائف الراقية) من مدخرات وظيفة أو تجارة، فهو لم يخدم في وظيفة – خارج عمله في التنظيم - منذ تخرجه في جامعة القاهرة فرع الخرطوم في بداية الثمانينات، وهو ينتمي لأسرة على قدر حالها نزحت لأمدرمان من قرية "الشرفة" بريفي رفاعة، ولم يُعرف عنها ثراء.
ليس هناك جديد فيما يقوله حسين حول فساد الحكم والحكّام، وكل ما ورد على لسانه يقع في بند العموميات ومعلوم للمشاهدين، ونحن نعلم أن حسين – بحكم كونه صحفي و "ود بيت"- لديه معلومات وأسرار وتفاصيل لم يرد شيئ منها على لسانه، فالهدف مما يقول ليس فضح النظام، فالنظام أصلاً مكشوف حال ويفضح نفسه بنفسه بلا حياء، فهو يهدف إلى جذب المشاهدين – وقد فعل – وتحقيق قفزة نجاح للقناة التلفزيونية التي يتربع على شاشتها، بما يحقق له ذلك من إنتشار وريع من وراء الإعلانات التجارية التي سوف تنهمر عليه، فحسين يأكل الدجاجة ويبيع لنا الريش.
ولكننا نستاهل ما يجري لنا، فقد عجزنا عن القصاص لأنفسنا وننتظر الرحمة والإحسان من جلادينا (هل رأيت إهتمام الشارع السياسي بأخبار "الإصلاحيين" وحزبهم الجديد!!)، فقد عجزنا - ونحن ملايين وبيننا موسرين وأصحاب موهبة - عن تدبير مثل هذا المنبر (قناة) لتحكي بإسمنا، كما عجزنا عن تكوين الكيان (الحزب) الذي يجمع القوة التي تجلس على الرصيف، فأكثر ما يُسئ لشعبنا أن الذين ينادون له بالإصلاح اليوم هم الذين تسببوا في عطبه وأوقفوا حاله، وأكبر مهانة له أن يكون الذين يطبطبون عليه هم الذين أساءوا إليه، وليس هناك ما يوضح حجم البؤس الذي وصل إليه بعض أفراد الشعب مثل أن يعلقوا آمالهم على الذين صادروا منهم الأمل.
يُخطئ من يقاوح وينازع في موهبة حسين وجاذبيته وإقتداره كمقدم برامج في عالم الطرب والمنوعات، فحسين خوجلي صاحب ذوق رفيع في الإختيار والإعداد، ويُحسن الحديث والإستدلال بالشعر والقول المأثور، بحيث يجعلك تتسمر أمام شاشة التلفزيون، وقد جعلني في حالة لا توصف من النشوة بمتابعتي لحلقة قام بتقديمها يوم الجمعة الماضي، قام بتخصيصها بالحديث – مع ضيوفه – عن أشعار عوض أحمد خليفة التي تغنى بها الفنان عثمان حسين وعبدالكريم الكابلي.
أما في حديث السياسة، فنقول له: "ما كانش ينعز" يا حسين.
سيف الدولة حمدناالله
| |
|
|
|
|
|
|
|
|
|
Re: م بشتري الوان اساسا بس ع مواطنين عطبره مقاطعتها وفورا (Re: سمير شيخ ادريس)
|
الاخت مها عبدالمنعم...
تحية طيبة ..
نعم بالامس سقط حسين خوجلى بدوى وفرقعة كبيرة , واثبت انه لا يعى ما يقوله واناط عن عنصرية فجة ..
تناسى ان مدنى استحوذت على اطول طريق فى السودان ومنذ السبعينات يربط الوطن ومدنى خاصرته ونحن فرحين بما اتاها واللهم لا حسد ...
طريق الموت الان يعبر كل المسافات المرصوفة فى وطنى ...
عطبرة مدينة الحديد والنار وقيل جحا اولى بلحم ثوره ...
اتانا حسين خوجلى بنفس ما نحاربه من جهوية وعنصريه ...
فليعشق مدنى (كلنا نفعل ) ولكن السودان كله عشق لنا وازيد ...
واتمنى ان يقرا حسين خوجلى ما يُكتب هناا ويرعوى ويكون بقامة الوطن ان استطااع ....
| |
|
|
|
|
|
|
|
|
|
Re: م بشتري الوان اساسا بس ع مواطنين عطبره مقاطعتها وفورا (Re: سمير شيخ ادريس)
|
الاخت مها عبدالمنعم...
تحية طيبة ..
نعم بالامس سقط حسين خوجلى بدوى وفرقعة كبيرة , واثبت انه لا يعى ما يقوله واناط عن عنصرية فجة ..
تناسى ان مدنى استحوذت على اطول طريق فى السودان ومنذ السبعينات يربط الوطن ومدنى خاصرته ونحن فرحين بما اتاها واللهم لا حسد ...
طريق الموت الان يعبر كل المسافات المرصوفة فى وطنى ...
عطبرة مدينة الحديد والنار وقيل جحا اولى بلحم ثوره ...
اتانا حسين خوجلى بنفس ما نحاربه من جهوية وعنصريه ...
فليعشق مدنى (كلنا نفعل ) ولكن السودان كله عشق لنا وازيد ...
واتمنى ان يقرا حسين خوجلى ما يُكتب هناا ويرعوى ويكون بقامة الوطن ان استطااع ....
| |
|
|
|
|
|
|
|
|
|
Re: م بشتري الوان اساسا بس ع مواطنين عطبره مقاطعتها وفورا (Re: عبداللطيف شريف على)
|
و لو في ورشة مرمه في شرفت الحلاوين كلمنا يا فهيم !
قال القطاره دي الوداها عطبره منو ؟
كلام غريب وشنو دخل شرفت الحلاويين في الموضوع وليه الانتقاص من شرفت الحلاويين وبالمناسبه شرفت عند اهلها افضل من عطبره
ياخ عليك الله واجبك اعتزار لي اهل شرفت الحلاويين
نعم بالامس سقط حسين خوجلى بدوى وفرقعة كبيرة , واثبت انه لا يعى ما يقوله واناط عن عنصرية فجة ..
تناسى ان مدنى استحوذت على اطول طريق فى السودان ومنذ السبعينات يربط الوطن ومدنى خاصرته ونحن فرحين بما اتاها واللهم لا حسد ...
طريق الموت الان يعبر كل المسافات المرصوفة فى وطنى ...
عطبرة مدينة الحديد والنار وقيل جحا اولى بلحم ثوره ...
اتانا حسين خوجلى بنفس ما نحاربه من جهوية وعنصريه ...
فليعشق مدنى (كلنا نفعل ) ولكن السودان كله عشق لنا وازيد ...
واتمنى ان يقرا حسين خوجلى ما يُكتب هناا ويرعوى ويكون بقامة الوطن ان استطااع ....
وينها العنصريه في كلام حسين خوجلي
وهو شخص ليس من ابناء مدني
وكانتو وين وكت الجزيره شايله السودان وفيها كل السودان متعايش ومسالم
اتركو العنصريه
عشان ما تحصل انفصالات اخري في السودان والنظره العلويه والاستعلائيه لي بعض
مافي فرق بين كل السودان
| |
|
|
|
|
|
|
|
|
|
Re: م بشتري الوان اساسا بس ع مواطنين عطبره مقاطعتها وفورا (Re: abas)
|
Quote:
وينها العنصريه في كلام حسين خوجلي
وهو شخص ليس من ابناء مدني
وكانتو وين وكت الجزيره شايله السودان وفيها كل السودان متعايش ومسالم
اتركو العنصريه
عشان ما تحصل انفصالات اخري في السودان والنظره العلويه والاستعلائيه لي بعض
مافي فرق بين كل السودان |
يا عبس
شنو يا اخينا عاوز تقولنى كلام قال حسين خوجلى ولا شنووو ..
اول حاجة هل استمعت انت للبرنامج امس ..؟؟؟
مفاضلة الجزيرة عن عطبرة تعتبرها شنوو (مع انو عطبرة هى عاصمة السكه حديد ...
طيب لماذا لم يحدثنا ودخوجلى عن بورسودان او الابيض او حتى الفاشر ...
لماذا الجزيرة (يعنى هو من الجزيرة ) ما عارف انو من وين ولا هذا الموضوع ...
وفهمك وداك الى ما تريد انت وليس ما اعنيه انا ....
انا كنت موجود واستمع عندما حكى عن القطار وشعرت بما يعنيه حضرته , وبعدين الواحد يسكت ويقفل السطور ولا شنوو الفهم الحائم هنا الايام دى ...
تقول بغم يجيك واحد ناطى (:-
يا عبس روق المنقه ي اخى وهدى اعصابك ...
الجزيرة هيلت السودان كله مش من عندك ولا من عندى هى كانت عدم واتى الانجليز وعمروها بكل الوان الطيف يا لطيف ...
وكمان يا زول اقرا وعيد كلامى مرة تانية عشان تستوعب انا كاتب شنووو ....
وتقبل سلامى ...
| |
|
|
|
|
|
|
|
|
|
Re: م بشتري الوان اساسا بس ع مواطنين عطبره مقاطعتها وفورا (Re: عبداللطيف شريف على)
|
يا عبداللطيف كن لطيف .. عذرنا أحمد الصادق فهو تسجيل 2013 في المنبر ..ولربما قصد الشرفا بركات أو الشرفا البحر ، فتشابه عليه الأمر ولا حرج عليه ، لربما كان من جيل 89 وما فوق فهو جيل نشأ في بيئة غير صالحة للنشأة أصلاً ، وإن كان من جيل قبل 89 فنقول كبوة ...وأماقبل 1898 تنعدم في السودان كله وسائل الاتصال الحديثة فكان الجمل والحصان والحمار وسلة التنقل المتاحة لكل شعوب السودان ..ومع قدوم المستعمر بدأ في مشورع السكة حديد من حلفا عبر الشمال مروراً بالجزيرة حتى تخوم واو ومن بورتسودان حتى تخوم الجنينة في الغرب وأتفق معك أن السودان الحديث صنعة إنجليزية خالصة ..وأتفق معك أن قيام المشروع جذب كثير من الأسر والمجموعات بالانتقال لهذه المنطقة الخصبة ، إلا أن السكان الأصليين موجودين قبل 1505 ..حتى لا نخرج من نص البوست ..فأنا شخصيا أعتبر أن حسين يستعبط الشعب السوداني الفضل ، وأن برنامجه محاولة استباق لقناة المعارضة ، حتى يقول الناس ما قيل في تلفزيون المعارضه سبقهم به حسين خوجلي ومن داخل السودان ، وأن حسين خوجلي كما قال حمدنا الله يريد أن يستمر في بيعنا الريش بينما يحتفظ هو وشلة الأنس منذ 89 بالدجاة وبيضها الذهبي ..وحسين يعد نفسه أمدرماني ولا علاقة له بأهل العوض وبياعي الملابس الداخلية - كما وصفهم عضو البورد - السيدح سابقاً ..وحتما سيزول النظام طال الزمن أم قصر ..وستعود الحقول الخضراء للجزيرة وسيهلك حسين خوجلي وسيدون التاريخ كل من أساء لعموم أهل السودان.
| |
|
|
|
|
|
|
|
|
|
Re: م بشتري الوان اساسا بس ع مواطنين عطبره مقاطعتها وفورا (Re: عبداللطيف شريف على)
|
اخونا عبد اللطيف الشريف
اول شيء حسين خوجلي من الشرفه وهي تقع في مشورع الفاو جنب ا القريه 40 رئاسة المشروع
تاني شيء انا ما قولتك كلام انت ما قلتو العاوز يتكلم عن حسين خوجلي يتكلم زي ما هو عاوز اما الكلام في الجزيره والله ما بنرضاع زي ما عطبره بنحترمها ونكن ليها احترام بنريد جزيرتنا لاننا السكان الاصليين فيها من قبل قيام المشروع زاتو والناس الاسي عندهم الاراضي في الجزيره دي ديل نحنا ديل
ويا عم عبد اللطيف لا نحجر عليك ولا شيء قول اي كلام بس في حدود انو ما نسيء لي حته ما ليها دخل في كلام حسين خوجلي
وياخ السودان ده كلو كان عدم قبل الانجليز
ياخ عليكم الله بطلو الانحياز لي المناطق نحنا سودانييييييييييييييييييييييييييييييييييييييييييييين وبس
وانت تقبل سلامي المربع زاتو
| |
|
|
|
|
|
|
|
|
|
Re: م بشتري الوان اساسا بس ع مواطنين عطبره مقاطعتها وفورا (Re: مها عبدالمنعم)
|
أنا رايق ومروق وكلي رواقة ..لكن يأتي واحد ويشتم ويسب ..ولا يعتذر كأنه مؤيد بوحي ..فسيجد منا ما يناسبه ..فالمعلب موجود والطازج موجود ..عشمنا في زمن غير زمن علي عثمان وحسين خوجلي ونافع وعلي الحاج وغيرهم من المضللين الذين أكلوا وسمنوا واسودت وجوههم من عرق الشعب السوداني ...ولو أردنا دولة في المستقبل تقوم على نظام يحفظ حقوق الجميع فكل واحد يجب أن يعرف ماله وما عليه ..أما في ظل هذه الموجة الهوجاء فالناس أشبه بحيرى تقطعت بهم السبل فكراً وحساً .
| |
|
|
|
|
|
|
|
|
|
Re: م بشتري الوان اساسا بس ع مواطنين عطبره مقاطعتها وفورا (Re: عبدالرحمن الحلاوي)
|
| Quote: يا عبداللطيف كن لطيف .. |
الحلاوى صديقى ...
اسف جدا لم اكن اقصد سوى المشروع المروى , وحقيقة اعرف الحلاويين وتاريخهم الناصع ...
وما قدمه مشروع الجزيرة يعتبر دين فى عنقى الى يوم الدين ...
وما سطرته كان بمفهوم عدم التميز بين منطقة واخرى ليس الا ...
ولو كنت انا من عطبرة يكون الموضوع تحيز منى ايضا ..
التحية لابناء الجزيرة المروية والذين اعزهم واقدرهم جدا فهم اصدقائى وسندى ...
وكلنا فى الهم سودانيين , فلك منى خالص مودتى وتقديرى ..
| |
|
|
|
|
|
|
|
|
|
Re: م بشتري الوان اساسا بس ع مواطنين عطبره مقاطعتها وفورا (Re: عبدالرحمن الحلاوي)
|
سلامات اخت مها
Quote: مدينة عطبره تاريخيا من اكثر المدن السودانيه التي لحقها الضرر من الحكومات ...كان نقابات عمال السكه حديد سلطه موازيه ..
ومعروف الدور التدميري القامت بيه حكومة الهوت دوق للمدينه منذ تسعينات القرن المنصرم
لمن لا يقطن عطبره ..مدينه عماليه بحجم مدينة عطبره الاسعار فيها شي ملفت وذلك لفتح المدينه زراعيها لمعدني الدهب والذين ان اضافو للسكان شيئا الغلاء الفاحش |
معليش.....
يدقشني قندراتني
اكان طلعت من المقدمة دي بي حاجة.....!!!!!
الرجاء التوضيح اكتر لانو موضوع القطر ده بهمني شديد
تحياتي
| |
|
|
|
|
|
|
|
|
|
Re: م بشتري الوان اساسا بس ع مواطنين عطبره مقاطعتها وفورا (Re: haroon diyab)
|
نعم كنت اعني المنطقه التي يدعي حسين خوجلي الانتماء إليها
وهي الشرفة كما ذكر الاخ كباشي وليست شرفت الحلاوين
وكلا المنطقتين وأهلهما محل تقديري واحترامي
ولم أقصد التقليل من شأنهما كما فهم البعض .
فلهم العتبى
كتب عبد الرحمن الحلاوي :
| Quote: عذرنا أحمد الصادق فهو تسجيل 2013 في المنبر ..ولربما قصد الشرفا بركات أو الشرفا البحر ، فتشابه عليه الأمر ولا حرج عليه |
يعني تجرمني وتجي تعزرني سواتك دي ذكرتني مثل أهلنا الشايقيه (أضْرُب الإضيني واتْعضِرْلُو )
بعدين يعني لو كنت قاصد أقلل من شأن أهل الشرفة ما في مشكه بالنسبة ليك ! ياخ بطل عنصرية وفوقيه زائفة !
جميع والمدن والقرى السودانيه لا نرضى بالتقليل من شأنها .
| Quote: فيها مدارس من رياض الأطفال حتى الثانويات بنين وبنات ، فيها نادي الكفاح الرياضي ، عدد سكانها يتجاوز ال15000 نسمة فيها ما لا يقل عن 150 طبيب وطبيبة فيها ما لا يقل عن 200 مهندس ومهندسة ، فيها ما لا يقل عن 1000 مدرس ومدرسة ، فيها مركز صحي ، فيها المسجد العتيق و المسجد الجديد ، فيها مركز لتحفيظ القرآن الكريم ، فيها جمعية خيرية ، فيها آلاف المغتربين والتجار والمزارعين ، مربوطة بأسفلت حتى مناقزة الحلاوين ومن مناقزة يمتد الاسفلت حتى المحيريبا غربا وقنب الحلاوين على شارع الموت الشهير |
انت عارف ما مشكله انه الزول يكون تسجيل 2013 ولا تسجيل اليوم ! بس المشكله انه الواحد يكون من سنه 2005 في المنبر ده وبوستاته كلها نحن عندنا روضات و مدارس وعندنا شفخانات ونحن أهل العز ونحن ونحن .... ) ! (ما عارف اذكرت برنامج ركن الاطفل ليه ! رحم الله الاستاذ الفكي عبد الرحمن )
Quote:
فنحن جاهزين لك ولأمثالك
نحنا زول بكسر عينا في السودان دا أمو ما ولدتو
فسيجد منا ما يناسبه ..فالمعلب موجود والطازج موجود |
نحن نحن .... أنتو منو يا زول ؟! ارحم نفسك ياخ .. وتهديدك ده وكلامك بتاع نحن الضربنا السما جير والنجم منكير ده ما بقسم معاي ... كويس
| |
|
|
|
|
|
|
| |
مها عبدالمنعم
Ahmed Elsadig
عبدالرحمن الحلاوي
cantona_1
عبداللطيف شريف على
abas
haroon diyab
فيس بوك
تويتر
انستقرام
يوتيوب
بنتيريست