|
Re: دراستكم دي .. بلّوها وموصوها وأشربوا مويتها ! (Re: صبري طه)
|
Quote: مخ المرأة أكثر تعقيدا من مخ الرجل مما يخولها القيام بالعديد من المهام في وقت واحد.. حقيقة ربما لن تروق للرجل الشرقي ولكنها باتت من الاثباتات العلمية. وقد اكتشف العلماء عند قيامهم بتصوير المخ لشباب وشابات باستخدام الرنين المغناطيسي عن أن الصور توضح اختلاف مخ المرأة عن مخ الرجل وأن المقولة الشائعة بأن المرأة تستطيع أن تقوم بالعديد من المهام في وقت واحد صحيحة، حيث أن تصميم مخ الرجل يناسب تنفيذ مهمة منفردة واحدة مثل قراءة جريدة أو إعداد وجبة طعام أفضل من المرأة بينما يناسب تصميم مخ المرأة القيام بمهام متعددة في نفس الوقت أفضل من الرجل. وقد استخدم العلماء للتوصل لهذه النتائج 949 شابا وفتاة فحصوا بأشعة الرنين المغناطيسي في أكبر دراسة من نوعها، وقاموا بعمل خريطة توضح الوصلات المختلفة داخل مخ كل منهما، وقد أوضحت الخرائط أن مخ المرأة تكثر فيه عقد السيالات العصبية بين الفص الأيمن والفص الأيسر بينما يعرض مخ الرجل نشاطا مكثفا في الأجزاء المنفردة داخل المخ وخصوصا بالمخيخ الذي يتحكم بالمهارات الحركية.
ويتميز مخ الرجال أيضا بكثرة العقد العصبية بين مقدمة المخ ومؤخرته مما يعطي الرجال القدرة على فهم المعلومات بسرعة واستخدامها في نفس الوقت لتنفيذ مهمة معقدة، وهذا يعني أن مخ الرجل أفضل في مهام مثل ركن السيارة أو تعلم السباحة بينما يعتبر مخ المرأة أفضل في مهمة تذكر وجه شخص التي يحتاج فيها المخ للعديد من الاتصالات بين جميع أجزائه. الدكتورة "راجيني فيرما" التي قامت بالدراسة مع تلامذتها في جامعة بنسلفانيا تقول : "بالطبع يوجد لكل قاعدة شواذ، ولكننا اذا قمنا بتعميم تجربة إعطاء 1000 رجل وامرأة مهمة تشمل في تنفيذها على التفكير المنطقي والتفكير الحدسي وتحليل النتائج بطريقة احصائية فسوف نجد أن المرأة تقوم بهذه المهام بطريقة أفضل حيث أن ارتباط الجزء الايمن بالأيسر في المخ أفضل عند المرأة، فعندما تريد تذكر وجه شخص ما أو العثور على أحد ما تعرفه في حفلة يتطلب ذلك ترابط بين جميع أجزاء المخ وهو الأمر المتوافر أفضل عند المرأة بينما النشاط المكثف للمخيخ عند الرجل يجعله أفضل في تعلم ركوب الدراجات أو تعلم السباحة أو قراءة الخرائط ". وقد اشتملت الدراسة على 428 رجلا و521 امرأة في أعمار ما بين 8 و 22 سنة وتم تقسيم المشتركين إلى 3 مجموعات بحسب أعمارهم، الاولى ما بين 8 و 13 والثانية ما بين 13 وأربعة شهور إلى 16 والثالثة ما بين 17 إلى 22 وقد أظهرت المجموعة العمرية الأولى أقل اختلافات بين النوعين بينما تزداد الاختلافات مع التقدم في العمر.
|
| |
|
|
|
|
|
|
Re: دراستكم دي .. بلّوها وموصوها وأشربوا مويتها ! (Re: صبري طه)
|
يعني معناها بالعربي كدا ياصبري الناس دي مافي داعي تتكلف قروش وتبحث وتعمل دراسات وتضيع زمنها ....كل حاجة قاعدة في القران دا ...المسلمين ديل بس كل واحد شايل ليهو دبوس واي بالونة ذي دي يديها ليك تششششش بي كم اّية كدا وكان اللة يحب المحسنين !!!!!!!!
يعني معناها بالعربي كدا ياصبري الناس دي مافي داعي تتكلف قروش وتبحث وتعمل دراسات وتضيع زمنها ....كل حاجة قاعدة في القران دا ...المسلمين ديل بس كل واحد شايل ليهو دبوس واي بالونة ذي دي يديها ليك تششششش بي كم اّية كدا وكان اللة يحب المحسنين !!!!!!!!
| |
|
|
|
|
|
|
Re: دراستكم دي .. بلّوها وموصوها وأشربوا مويتها ! (Re: Mohd Ibrahim)
|
Quote: يعني معناها بالعربي كدا ياصبري الناس دي مافي داعي تتكلف قروش وتبحث وتعمل دراسات وتضيع زمنها ....كل حاجة قاعدة في القران دا ...المسلمين ديل بس كل واحد شايل ليهو دبوس واي بالونة ذي دي يديها ليك تششششش بي كم اّية كدا وكان اللة يحب المحسنين !!!!!!!! |
يا محمد إبراهيم .. دعك منّي ومن منظراتية المُسلمين .. الموضوع دراسة مع ما جاء في القرآن الكريم ... غايتو إلاّ يكون عندك رأي في القرآن الكريم .. أو عندك تفسير للآيات براك كدا ...
السؤال: حسب ما اطّلعت عليه أنت في هذا البوست هل تتعارض هذه الدراسة مع ما جاء في القرآن الكريم أم لا .. مع الشرح والتوضيح ؟
علامات التعجب الكتيرة دي لي منو
| |
|
|
|
|
|
|
Re: دراستكم دي .. بلّوها وموصوها وأشربوا مويتها ! (Re: صبري طه)
|
انا بشوف انو مثل هذة الدراسات لايجب توضع في مقارنة مع القران ... يعني مثلا انت عملت مقارنة بين الاية بتاعة الشهادة وكونة شهادة الرجل لاتعادل شهادة المراة في هذة الدراسة تتعلق بالية عمل الدماغ وحتي خلاصة الدراسة غير قاقعة ...بالمثل البسيط دا شوف امك او اختك و مرتك بتلاقيها تركيزها في التفاصيل احسن منك وفي كتير من الاحيان ذاكرتها احسن برضو ....الدراسة دي محاولة لتبرير هذة الظاهرة لااكثر ولا اقل
| |
|
|
|
|
|
|
Re: دراستكم دي .. بلّوها وموصوها وأشربوا مويتها ! (Re: Mohd Ibrahim)
|
Quote: انا بشوف انو مثل هذة الدراسات لايجب توضع في مقارنة مع القران ... يعني مثلا انت عملت مقارنة بين الاية بتاعة الشهادة وكونة شهادة الرجل لاتعادل شهادة المراة في هذة الدراسة تتعلق بالية عمل الدماغ وحتي خلاصة الدراسة غير قاقعة ...بالمثل البسيط دا شوف امك او اختك و مرتك بتلاقيها تركيزها في التفاصيل احسن منك وفي كتير من الاحيان ذاكرتها احسن برضو ....الدراسة دي محاولة لتبرير هذة الظاهرة لااكثر ولا اقل |
طيّب يا محمد .. طالما عايزني أشوف النساء من حولي فيما ذهبت إليه من تركيز في التفاصيل وأفضلية ذاكرتهن بقول ليك:-
في القراية (المُذاكرة) بتجد النساء بقرن (بذاكرن) في مدّة زمنية أكتر من الرجال .. ومواد (الحفظ) بيحفظنها أكتر من مرّة يعني الواحدة تحفظ وتنسى ولمّا تجي تقرأ عشان تحفظ بتردّد بطريقة تحيّرك ذاتو ... في حين إنّو الرجال ما قاعدين يذاكروا كتير وبيحفظوا بسرعة ولمّا يحفظوا ما بينسوا بالساهل .. أنا عندي واحد صاحبي بيحفظ الأغنية من سماعو ليها في المرّة الأولى فقط ...
| |
|
|
|
|
|
|
Re: دراستكم دي .. بلّوها وموصوها وأشربوا مويتها ! (Re: صبري طه)
|
الاخ العزيز / صبري طه تحية ليك ولي ضيوفك الكرام... بالتأكيد موضوع عقل المرأة ده موضوع معقد وشائك، وصحيح ان هذه الاية (282) من سورة البقرة تحدثت عن موضوع النسيان عند المرأة. وةموضوع النسيان ده ما موضوع عقل وفكر، ممكن عادي البني ادم الذكي والمخطط يكون نساي، والتذكر عند الرجال ما ميزة فارقة يعني، فمعظم الرجال قاعد تكون ذاكرتهم قوية عشان خايفين من حريمهم، لأنو الله قال بي قولوا لو نسي الملح، ولا الصلصة، ولا الطماطم. لكنها بالتأكيد لم تتطرق لموضوع التعقيد في عقل المرأة، Quote: مخ المرأة أكثر تعقيدا من مخ الرجل مما يخولها القيام بالعديد من المهام في وقت واحد |
. تعقيد عقل المرأة ومهارته في القيام بعدة اعمال في وكت واحد .. اضيف عليها من عندي عبارة (وبمهارة فائقة، وعبقرية في التنفيذ) جات بيهو اية اخري في القرأن الكريم، تحدثت عن مقدرة النساء الرهيبة في التخطيط سلبا او ايجابا، الا وهي الآية 28 من سورة يوسف Quote: فَلَمَّا رَأَىand#1648; قَمِيصَهُ قُدَّ مِنْ دُبُرٍ قَالَ إِنَّهُ مِنْ كَيْدِكُنَّ and#1750; إِنَّ كَيْدَكُنَّ عَظِيمٌ |
Quote: جاء معنى ( الكيد ) لغة ما يلي : الكيد : الإحتيال والإجتهاد . الكيد : التدبير بباطل أو حق . الكيد الحرب . وتأتي كاد بمعنى طلب و أراد . . وغير ذلك من معان . ( أنظر لسان العرب ). |
حاجات كلها مرتبطة بالعقل يا صبري، ولا ما كده؟ يعني نفهم من كده يا صبري انو الانثي من حيث هي انثي كائن مفكر، لأنو بتستعمل مخها كتير سواء بالحق او بغيرو.. لاحظ يا صبري عبارة (ان كيدكن عظيم) وردت في الاية بصيغة الجمع، مع انو القصة كانت بين امرأة العزيز، وسيدنا يوف، انظر لتسلسل الايات، فالاية (27 ) السابقة للأية التي حوت كلمة الكيد، تقول (وَإِنْ كَانَ قَمِيصُهُ قُدَّ مِن دُبُرٍ فَكَذَبَتْ وَهُوَ مِن الصَّادِقِينَ 27-فَلَمَّا رَأَى قَمِيصَهُ قُدَّ مِن دُبُرٍ قَالَ إِنَّهُ مِن كَيْدِكُنَّ إِنَّ كَيْدَكُنَّ عَظِيمٌ (28 ) صيغة الجمع دي ما مختوتة عبثا (حاشا لله) انما مقصود بيها بصورة مؤكدة النساء جميعا(مصرورات بربطة المعلم في نون النسوة) زيادة في التأكيد علي ما يسمي بكيد النسا.. (وما فرطنا في الكتاب من شيء) الحمد لله الذي لم يجعل للأمريكان، نساءا يترأسن هيئة الاركان.. مع فائق احترامي
| |
|
|
|
|
|
|
Re: دراستكم دي .. بلّوها وموصوها وأشربوا مويتها ! (Re: الفاتح شلبي)
|
تحياتي يا الفاتح شلبي ...
Quote: دي ما دايرة دراسة انا شخصياً توصلت للمعلومة دي برااااااي ومن مدة
أشرح ليك
عندما تكون هناك لمة تضم والدتي أوأخواتي أوزوجتى مع عدد كبير من جنسهن عادي جداً تلاقي وحدة منهن أثناء ما هي بتخاطب واحدة (لاحظ أثناء مخاطبتها) بتسمع لوحدة تالثة بتقول شئ لوحدة جالسة مهاهن وجزء من الكلام خصتها ... بمجرد ما تنتهي من كلامها تجي ترد علي اللى كانت قالت شئ أثناء ما هي كانت بتخاطب !!! الشئ دهـ أنا متأكد منه وحاولت أجاريهن وفشلت (إتضح انه انحن ما مؤهلين للشئ دهـ) |
غايتو .. قول "أنا" ما مؤهل من خلال تجربتك .. ما تجمعنا معاك ساي ...
بتقدر تشاهد كورة لبرشلونة في التلفزيون وفي نفس الوقت داخل النت بالتلفون ومشغّل أكتر من برنامج تواصل .. دردشة ومكالمات وشنو ما عارف ...
وفي نفس الوقت مرّات بتكون بتستمع لأغنية من خلال الكمبيوتر !!
دا غير لو كان قاعد معاك واحد بتتونس معاهو !!
| |
|
|
|
|
|
|
Re: دراستكم دي .. بلّوها وموصوها وأشربوا مويتها ! (Re: جمال المنصوري)
|
لك التحية أخي جمال .. وتسلم يا حبيب ...
Quote: يعني نفهم من كده يا صبري انو الانثي من حيث هي انثي كائن مفكر، لأنو بتستعمل مخها كتير سواء بالحق او بغيرو.. لاحظ يا صبري عبارة (ان كيدكن عظيم) |
يا حبيب هل تعني الآية أنّ كيد المرأة أعظم من كيد الرجل ؟
لا يوجد ذكر لأفضليتها على الرجل في ذلك ...
وصفات الكيد والدهاء والمهارة والعبقرية في التنفيذ ديل أنا شفتهن لدى الرجل بشكل أكبر من المرأة .. وفي مجالات عدّة ...
أمسك بس الحاصلين على جائزة نوبل:-
Quote: منحت جائزة نوبل حتى سنة 2008 لعشرين مؤسسة ولعدد 693 رجلا و36 امرأة. |
Quote: بالإضافة إلى 62 في مجال العلوم الاقتصادية 61رجالا وامرأة واحده. |
ياخي حتى النسبة أكبر بكثير من (للذكر حظ الأنثيين)
ــــــــــ مصدر الاقتباسين هنا
| |
|
|
|
|
|
|
Re: دراستكم دي .. بلّوها وموصوها وأشربوا مويتها ! (Re: صبري طه)
|
Quote: يا حبيب هل تعني الآية أنّ كيد المرأة أعظم من كيد الرجل ؟ |
حبيبنا / صبري يا صبري يا خوي دي ما دايرة ليها كواسة، زولك القال(ان كيدكن عظيم) ده راجل ، اعترف بي عضمة لسانو انو كيدهن عظيم، نان باقيلك كدي اعظم من كيد منو؟ اكان ما ابقي كضاب، الزول ده اتحير رسمي في الكيد ده، اكيد ما مر عليه شغل زي ده قبل المرة....
Quote: وصفات الكيد والدهاء والمهارة والعبقرية في التنفيذ ديل أنا شفتهن لدى الرجل بشكل أكبر من المرأة .. وفي مجالات عدّة ... |
يا صبري .. نحن ولا الفلاسفة من الرجال ؟؟ مش هم براهم قالوا بعضمة لسانهم (وراء كل رجل عظيم امرأة) يا خي دي زاتها مهارة في السواقة.. سايقنو من قفاه.
Quote: منحت جائزة نوبل حتى سنة 2008 لعشرين مؤسسة ولعدد 693 رجلا و36 امرأة |
لا يا صبري الحسبة كده غلط.. اصلوا العبقرية عنصر نادر، عشان كده بتلقاه بصيغ مركزة، والندرة قلة، او شح، يعني اي شيء تلقاه كتير اعرفو ما فيهو فايدة، كترة غثاء السيل، بالله عليك شوف ايهما اكثر ندرة ال 36 ولا ال 693 ؟
Quote: بالإضافة إلى 62 في مجال العلوم الاقتصادية 61رجالا وامرأة واحده. ياخي حتى النسبة أكبر بكثير من (للذكر حظ الأنثيين) |
حرام عليك يا صبري، عاوزهم يكونوا بارعين في صناعة الاكل، وتربية الاطفال، وتربية الرجال، والكيد للرجال، وادارة الرجال.. وبعد ده يفضوا ليك للحاجات هايفة زي دي؟ امال الرجال شغلتهم شني؟ بعدين نوبل دي شني يعني ؟ ما قاتل مسويها للقتلة.. شوف يا حبيبنا صبري، النسوان ديل ليهم في الحاجات السلمية، وما قاعدات يحبن العنف واللي ورا العنف، والجايزة دي زي ما انت عارف، قايم بيها واحد من اكتر الناس السببوا الاذي للناس، ياخي ده اخترع الدنميت ، شوف في كم واحد ماتو من الدنميت ده. ده غير الكل يوم تتقطع اطرافهم من الدنميت.. والجايزة دي من ربح الشغلانية المؤذية دي... عشان كدي من يومها والحريم مقاطعاتنها.. بعدين انت ماشي بعيد ليه. انت مش عاوز ليك نماذج للعبقرية والقيادة بمهارة، اها امسك عندك... انديرا غاندي كانت قائدة ليها مليار وميتين بني ادم، والهند دلوكت من الدول الاسرع نموا في العالم.. سري لانكا.. اسمها كان مالي الدنيا لمن كانت حاكماها بندرنايكا، من يوم ما مسكوها الرجال راحت في شربة موية.، بنجلاديش من يوم ما استقلت حكموها رجلين، والباقي حريم.. الفلبين.. من يوم ما غار ماركوس والحريم هن الطورن الفلبين.. وتاتشر.. وعندك (غولدا مايير) وما ادراكما جولدا.. وما عملتو في عبد الناصر.. وسيفني ليفني.. ووو. عندك ينازير بوتو، الناس كانت لمن تقول بنازير، يعني باكستان، وباكستان يعني بنازير، من يوم ما حكموها الرجال، ما بتسمع غير طالبان يعني باكستان، وباكستان يعني طالبان... اها نحن ديل عليك امان الله حكمونا الرجال من سنة 56 لحدي هسع غير ما شين لا ورا ما سوينا شي. التقول بنبني لينا في حيطة (طين).. ياخي .. حتي حيطة الطين ساريقة في ساريقة قاعد تمشي لا فوق.. الا نحني وحاتك تاه علينا الدرب، حتي اسأل عبد الرحمن عبد الله، لي يوم الليلة يسأل في الريس (شقيش قل ليا مروح ؟) يا خي من كتر ما راح علينا الدرب ورحنا،بقي اسمنا (العبيد مروح).. الله يرزقنا بي مرة تحكمنا قادر يا كريم. تحياتي يا صبري
| |
|
|
|
|
|
|
|