|
|
 الأغنية دي كرهتها وكججججنتها وقلبي اباها..أحححيييا من اللياقة..!!!
|
أغنية منايا ليك ما وقف..
أو إسم الشهرة النقّار ضرب..
ياخ الفنانين السودانيين ديل لوايق لوايق لواااايييق بي صورة محيرة ..
بكتب من الموبايل ..لكن عليكم الله العندو وقت يعمل سيرش ويجيب الفنانين اللي غنو الأغنية دي بداية بي حسين شندي وفرفور وحرم النور وانصاف مدني وشكر الله وعاصم البنا والجن الاحمر والجن الأخدر ونجوم الغد ونجوم القد وتومات عطبرة وتومات شندي وتومات المعيلق وثنائي السجانة وثنائي الكلاكلة والصفوة للإنشاد والصحوة للإنشاد والجفوة للإنشاد..
ياخ لمممن جاني إحساس إنو يوم اشغل التلفزيون الاقي عبد الحي يوسف بيغني فيها ..
|
|
  
|
|
|
|
|
|
|
|
Re: الأغنية دي كرهتها وكججججنتها وقلبي اباها..أحححيييا من اللياقة..!!! (Re: عمر الفاروق)
|
ليت المسألة – أخي عمر الفاروق- وقفت فقط عند الأغاني والأناشيد
فحتى في حوش (بكري) هنا جأر الناس بالشكوى من كثرة التكرار ومصيبة الإجترار.
والبعض اشتكى ثم صمت تماماً بعد أنْ أدرك أنَّ في الصمت ثراءً وغنى.
علماً أنه وفي هذا الزمن الإنقاذي المكرور والممجوج شُوهت ومُسخت و"مِسخت" حتى المقدسات بفعل تكرراها..
فتأمل النيران واللظى الذي يصيبك وأنت "تشنف أذنيك" بكلمات وتعابير مثل:
"تكبير" ، "تهليل" وهي تتطاير على مدى أيام الله السبعة من فم المشير (عمر البشير).
و راقب حالة (أيوب) وهو يتململ ويمعط شعر راسه داخلك وانت تستمع لعِبارة :
"الله أكبر ولله الحمد" يكررها ويتفلها في وجهك بمناسبة وبدون مناسبة الفريق (عبدالرحيم محمد حسين).
و نستغل مناسبة تكرار الأغاني والوجوه و "كثرة الطله" هذه ، أخي عمر لنطلب منك طلباً "ماسخاً"
وهو أن تنقل هذه الوصفة العلاجية المرسلة من الراحل (أحمد فؤاد نجم) لتتكرم بتوصيلها لا للمشير البشير أو الفريق عبدالرحيم، ولا لفرفور أو حرم النور..
وإنما تهمس بها وتكررها ثلاث مرات يومياً في أذن صاحبكم وصاحب برنامج (مع حسين ....):
Quote:
نستحلفك،
نسترحمك،
نستعطفك،
نستكرمك
ترحمنا من طلعة جنابك حبتين
عايزين نجرب خلقة تانية ولو يومين.
|
...
..
.
| |
|
|
|
|
|
|
|
|
|
Re: الأغنية دي كرهتها وكججججنتها وقلبي اباها..أحححيييا من اللياقة..!!! (Re: الصادق عبدالله الحسن)
|
الناقد والرياضي المطبوع والفنان المخضرم والحاسوبي الضليع عمر الفاروووووووووووق ياخ الاغنية دي الما عرض فيها عندنا ما عرض والله صحي لانو يا عمر الاغنية دي عملوها في جدنا الخليفه بركات خليفة سلطان الاولياء الشيخ إدريس ود الارباب المحسي الما كضاب راجل العيلفون البسبق التيلفون ،، والخليفة بركات رجل والرجال قليل كما يحكي لنا عنه يا عمر علشان كده انا غايتو بره من كلامك ده مع الاعتراف بانني واحد من الذين كررو هذه الاغنية لمن الاغنية زاتها زهجت منو لوووووووووووووووولز ..
فعلا اخي عمر هناك اغاني عكف بعض المغنين على ترديدها بصورة مزعجة ،، ياخ زمان انا ومعاي فنان كده مافي داعي لكشف الحال لما نغني في حفلة واحده الصباح الناس بيقولو لي ياخ امس ما تمينا الحفلة لكن اكيد انت غنيت غنية كده واخونا الفنان التاني داك بدا بي كده وغنى كده وكده وكده ،، اها شنو ليك ،،، بس المصيبة يا عمر انو في ناس بتنطق الكلمات بصورة خطأ واحيانا تتسبب في تغيير كل المعنى للبيت او الكوبلي وهذه مشكلة يجب الوقوف عندها فمثلا هذه الغنية في عدد كبير من المغنيين بيقولو (( ما نقاط طرب )) والصحيح هي (( ما لقاط طرف )) وقس على ذلك في كثير من الاغاني التي طمست معانيها وكلماتها جراء النطق الغير سليم من المغيين .. غايتو خليها علي ربك بس يا عمر وانا عارفك البتلم فيهو بتنقي شعيرو .. لووووووولز
تحياتي : ياسر العيلفون .....
| |
|
|
|
|
|
|
|
|
|
Re: الأغنية دي كرهتها وكججججنتها وقلبي اباها..أحححيييا من اللياقة..!!! (Re: عمر الفاروق)
|
وكمان يا عمر اغنية فوقهم بقول سلام وفوقهم بقول تماااااااااااااام دي قصة تانية ياخ والله المطربين والمطربات الله يجزيهم خير عزبوها عذاب ,, احكي ليك طرفة تاااني ، عندنا اخونا برضو زميل ومطرب كان عندو حفلة قريب من بيت شيخ الحقيبة مبارك حسن بركات وغنى اغنية من الاسكلا وحلا وتاني يوم اتقابل هو ومبارك حسن في مناسبة فسألو عمنا مبارك انت امس غنيت في الحفلة دي قال ليهو ايوه وغنيت من الاسكلا قال ليهو ايوه رايك شنو عمنا مبارك بسخريته المعهودة قال ليهو ياخ والله ((مرمتها في التراب ده مرمرة عجيبة خلاس)) ,, يعني اداءه كان سيء ليها .. غايتو نحن هناك عندنا لجان نصوص كتيييييييييرة يا عمر يا الله يا الله تمرق منها ..
واسف للاطالة ..
تحياتي : ياسر العيلفون
| |
|
|
|
|
|
|
|
|
|
Re: الأغنية دي كرهتها وكججججنتها وقلبي اباها..أحححيييا من اللياقة..!!! (Re: ياسر السر)
|
Quote: عارف يا عمر ... اوول ما قريت العنوان وقبل ما اضغط وافتح البوست
طوالى جات على بالى اغنية جناى البريدو احضر جديدو بصوت طه سليمان ...
ــــــــــــــــــــــــــــــــــ
لا تطاق ...
ولا عشان صاحبك مقطعو فى مصارينك ؟ |
لا حولااااااااااااا
سمعتها اول مرة اول امبارح
اووووووووووووووووووووووع
ده شنو ده؟؟
والنسوان يتهوززن التقول في حلقة ظار
| |
|
|
|
|
|
|
| |
عمر الفاروق
نعمات حمود
سيف الدين محجوب
usama Babiker
ياسر منصور عثمان
الصادق عبدالله الحسن
ياسر السر
محمد يوسف الزين
دينا خالد
فيس بوك
تويتر
انستقرام
يوتيوب
بنتيريست