كتب الكاتب الفاتح جبرا المتوفرة بمعرض الدوحة
|
|
 ماش السودان 45 يوم واللستة فيها اكثر من 45 فاتحة أها اشيل الفواتح ول تبقى علي حكاية المسطول ؟
|
حكاية المسطول دي ذكرها احد الزملاء في البوستات المجاورة شبه فيها حال السودان
بناس راكبين لوري وماشين فاتحة واللوري قطع سير مكنة السواق قاليهم ادونو تكنة
واحد اتاهو تكتكو اللوري مشا شوية وقطع تكنة مكنة ههههههههه
وشال تكنة التاني والتالت الخ الخ الخ لمن وصل الحلة عدمن التكة
ونزلوا اشيلو الفاتحة واحد قاليهم أها اسع نشيل الفاتحة ول نشيل سراولينا
قال دا حال السودان بقى زي دا ........
.
.
عندنا واحد كان في ليبيا جا بعد تلاتة وعشرين سنة مشى للناس في الجامع
وقاليهم البركة في ميتينكم وفي ميتينا
علي الليمان الناس دي لا عرفت تشيل الفاتحة ولاعرفت تبكي من الضحك
|
|
 
|
|
|
|
|
|
|
 Re: ماش السودان 45 يوم واللستة فيها اكثر من 45 فاتحة أها اشيل الفواتح ول تبقى علي حكاية المسطول ؟ (Re: عبدالله ود البوش)
|
Quote: السلام عليكم ورحمة الله ، يا خى موضوع الفواتح دا حاجة بايخة . يعنى زول مات ليه سنة ولا سنتين
واخوانك واهلك كلهم عزوا اهل الميت وانت عزيتهم بالتلفون ولو انت مغترب ورجعت البلد بعد طول غياب
يلوموك كان ما عزيتهم ويتناسوا انو انت عندك حاجات عايز تقضيها فى اجازتك |
وعليكم السلام اخونا يوسف ابوصالح من حلة الفيس
نحن ناس الحلول ديل فواتحنا دي اصلو ما بتتخلا كلو كلو
.
.
قال اهلك عزوا قال
نحن عندنا ناس اضاربوك عديل ول كمان تشوف ليك حلة تاني
.
.
كتبت الكلام باعتبار ناس صقيعة سلامة ما بشوفو
وكان شافوهو يا يوسف وريني حلتكم وين ارحل عليكم
| |
|
|
|
|
|
|
|
|
 Re: ماش السودان 45 يوم واللستة فيها اكثر من 45 فاتحة أها اشيل الفواتح ول تبقى علي حكاية المسطول ؟ (Re: Al-Shaygi)
|
الشايقي فاوضني بلا زعل
سلام وشوق ياخي
.
.
مرة مشيت السودان بعد غياب طويل زي غيابك دا
والفواتح طبعا هبطرش علمت فيها ذكي وقلت أئ زول الاقيهو اكشحو بفاتحة ضمان بكون مات ليهو زول
شفت يا الشايقي كان لاقتني العنز ارفع ليها الفاتحة هو انا خسران حاجة
أها لاقاني ليك عمي الصديق ود حسب القوي وطوالي الفاتحة جاهزة وقبل ما اكمل العشرة اظني الستة ما حسبتها واحد اتنين تلاتة اربعة
قال لي المات لي منو ؟
امك ...... وقعووووو
عملت فيها دمي خفيف قلت ليهو مات النبي مالو فراشو رفعتو ؟
وعمك ود حسب القوي زول ساخر وحاضر البديهة
يا ولد جيب الدفتر لحاج ام قلة دا وسجل ليهو عشرة الف
عشان تاني بعد اشيلو فيهو الفاتحة ما ارفع لي فاتحة في الهوا ساهي
.
.
قال فاتحة في جناح الطيارة قال
اصلا فاتحة ول عرس ههههههههههههههه
| |
|
|
|
|
|
|
|
|
|
Re: ماش السودان 45 يوم واللستة فيها اكثر من 45 فاتحة أها اشيل الفواتح ول تبقى علي حكاية المسطول ؟ (Re: Hani Arabi Mohamed)
|
Quote: والخلل يمتد إلى جوانب كثيرة نبتعد فيها عن العملية ونتمسك بأشياء لا تتناسب مع طبيعة الحياة والإمكانات
|
عليك نور يا هاني عربي
عليك الله شفت ليك مصري ول هندي ول ياباني رفع ليهو فاتحة
.
.
ياخي اقوليك حاجة جماعتنا شغالين مع سعودي لمن جوا الصباح فتحو المحل عرفوا ان صاحب المحل مات
طوالي وبسرعة كمان كرب كرب كرب قفلوا المحل وجري لبيتو
دقوا الباب جاء طالع ولدو قابلهم والدهشة تغطي وجهه
خير مالكم في شنو ؟
قالوا ليهو ياخي البركة فيكم طبعا بدون رفع فاتحة
قاليهم اسع اتوا قفلتو المحل وجايين لحدي هنا عشان تقولوا الكلمتين ديل التلفون مالو مقطوع
وكمان قفلتو المحل وخسرتونا
وقفل بابو ودخل
.
.
-------------------------
الجماعة متخيلين الفراش قافل الشارع
.
.
OVER OVER OVER
---------------------------------
واحد من شباب الزمن الحديث دا ابوهو مات كتب على قبرو
GAME OVER
ههههههههههههه
| |
|
|
|
|
|
|
|
|
|
Re: ماش السودان 45 يوم واللستة فيها اكثر من 45 فاتحة أها اشيل الفواتح ول تبقى علي حكاية المسطول ؟ (Re: عبدالله ود البوش)
|
ود البوش وضيوفك الكرام ...
بوستيك دا ذكرني مره .. من زات المراريت ..
نزلت السودان اجازه .. واول حاجه سالت عن الماتو منو ؟؟
قالو لي بخيته .. الله يرحمها ...
من الصباح مشيت على بيتهم .. (هم جيرانا ) دقيت الباب .. طلع لي اخوها
وشلت معاهو الفاتحه .. قام قال لي .. الفاتحه دي في منو ؟؟
قلت ليهو .. الحاجه بخيته ....
قال لي ... بخيته منو ؟؟ قلت ليهو .. اختك ....
ضحك كدي ..وقال لي يااخ بخيته ما ماتت .. واهدي قاعده جوه ..
دخلت عليها وسلمت عليها بحراره .. وحمدت ليها السلامه انها ما ماتت
وقلت ليها تصدقي ناس البيت قالوا لي انتي موتي ...
هي لسانها طويل شويه ..
قالت لي .. خلاص كتلتوني ... يا برابره ... الله لا تاجر فيكم ...
مشيت لناس البيت زعلان ... وقلت ليهم ياااخ احرجتوني مع حجه بخيته ..
تقولوا لي ماتت .. وهي عايشه ؟؟؟
قالوا لي .. نحن بنقصد بخيته عباس .... ودي كانت قريبتنا من بعيد ....
اها .. شفت المغتربين ديل داقسين كيف ؟؟؟
دحين اعمل حساابك .. ما تشيل فاتحه من طرف
الا بشهادة 3 شحووط ...
تحياتي ,,,
| |
|
|
|
|
|
|
|
|
|
Re: ماش السودان 45 يوم واللستة فيها اكثر من 45 فاتحة أها اشيل الفواتح ول تبقى علي حكاية المسطول ؟ (Re: معاوية الزبير)
|
سلام صاحب البوست والمعزين
تمشي وتجي بالسلامة
بحكي لي واحد عمنا قصة حصلت وانا مسافر لي رفاعة مع الوالدة الله يرحمها , وكالعادة حكيت سبب السفر وفاة خالتي ,, وزولنا خلي الطرافة كلها وبقي يسألني
خالتك منو ,,, وماتت كيف
وهو يمت لنا بصلة النسب البعيد
المغرب والوالدة بتصلي في المغرب , وهي مريضة بجميع الامراض المستوطنة والمهاجرة ,, والخلعة والمفاجأة ما بتنفع معها
المغرب وانا بسوي في الشاي لي امي وهي بتصلي وفي آخر ركعة , اشوف ليك نسيبنا حابسها تسلم ,, وهي استعجلت بي حبستو ليها ,, وانا جيت جاري ادقرو
اشوفو ليك رفع الفاتحة ليها , وهي عليك امان الله خرت ساجدة ومخلوعة
لحقتها ليك بي آخر نفس
اختك فلانة يا امي
نان اختي ماتت ليها قريب سنة
ياخ الله لا تبارك فيك ,,, شهدها في الاول
| |
|
|
|
|
|
|
|
|
|
Re: ماش السودان 45 يوم واللستة فيها اكثر من 45 فاتحة أها اشيل الفواتح ول تبقى علي حكاية المسطول ؟ (Re: نادر النور آدم)
|
Quote: ياخي اقوليك حاجة جماعتنا شغالين مع سعودي لمن جوا الصباح فتحو المحل عرفوا ان صاحب المحل مات
طوالي وبسرعة كمان كرب كرب كرب قفلوا المحل وجري لبيتو
دقوا الباب جاء طالع ولدو قابلهم والدهشة تغطي وجهه
خير مالكم في شنو ؟
قالوا ليهو ياخي البركة فيكم طبعا بدون رفع فاتحة
قاليهم اسع اتوا قفلتو المحل وجايين لحدي هنا عشان تقولوا الكلمتين ديل التلفون مالو مقطوع
وكمان قفلتو المحل وخسرتونا
وقفل بابو ودخل
|
ود البوش تصل بالسلامه إن شاء الله
والله جماعتك ديل بالغوا
شكلهم كانوا ماشين يقيلوا عديل كده
| |
|
|
|
|
|
|
|
|
|
Re: ماش السودان 45 يوم واللستة فيها اكثر من 45 فاتحة أها اشيل الفواتح ول تبقى علي حكاية المسطول ؟ (Re: محمد مجيدو)
|
والله يا مجيدو من شالك دا انا عرفتك جنك فواتح تكشح من طرف الحي من الميت ما بتفرزو
خوفا من الملامة
اقوليك حاجة
امي الله اديها العافية واطول عمرا بكيت عليها مرتين
مرة وانا في الثانوي العام ومرة وانا في اغترابي المعــــولـق دا
قول لي كيف ؟
كنت في الثانوي العام طالب وساكن مع عمي فضل ود علي ود العيس وفي نفس الديوان معاي طالب تاني واحد اسمو الناير
تقومي يا ام الناير تموتي
واجيبو الخبر لعمي فضل
عمي فضل كلم ابوهو جدي علي ود العيس باعتباره كبير في العمر وبعرف كيف يوصل خبر الموت
جدي علي شوفو طشاش ما بفرز الناس كويس
دخل الديوان لقاني براي وفاكرني انا الناير
وتعال شوف
يا ولدي الدنيا دي كلها زايلة وكلنا بموت
طوالي عرفت دا كلام موت
يا جدي علي قول لي طوالي المات منو
قال لي ماتت امك
وكشحني بالفاتحة
بعد شوية جا داخل الناير لقاني ابكي
مالك يا عبدالله
قلت ليهو امي ماتت
الفاتحة
وفي هذه اللحظة عرف جدي علي بان الدخل الان هو الناير
قام قال لي يا عبدالله انا غلطان امك حية ما ماتت
أها عرفت المقصود الناير
قلت ليهو يا جدي لو ماتت ام الناير شيل ليهو الفاتحة وخلي الكلام الكتير داك
الفاتحة يا الناير
والمرة التانية يا مجيدو وانا هنا في السعودية ام امراض نفسية دي
الوووووووووو تلفون
معاي منو ؟ معاك علي
وانا عندي اخو اسمو علي والاصوات متقاربة لانو ابن عمتنا
كيف يا علي كويسين ؟
امك كويسة
امي ما ماتت ما عارفا ؟
لا اله الا الله ولاحول ولاقوة الا بالله
انا لله وانا اليه راجعون
ماتت متين ؟
ماتت قبل اسبوع
اسبوووووووووووع وانا ما عارف ؟
والله انا قايلك عارف
اوووووو يا حليل امي وابكي واقفل الخط
واقوم اتصل على تلفون البيت
انقر الرد علي منو ؟
امي الما بغباني صوتها
جااااااااااااااااااااااك يماااااااااااااااااااااااا ........ اتي وين يما ؟
وتاني من يومها تبت ما اقول لواحد من اخواني امك كيف ؟
اميييييييييييييييييييي كيييييييييييييييييييييييف
| |
|
|
|
|
|
|
|
|
|
Re: ماش السودان 45 يوم واللستة فيها اكثر من 45 فاتحة أها اشيل الفواتح ول تبقى علي حكاية المسطول ؟ (Re: Alshafea Ibrahim)
|
الزول سيد لوري , وصاحبو في الحلة امو ماتت , وقابل الموسم
اللوري يجي فوق ضهر الحلة مليان لاحق السوق , ويصد بسراع لاحق السوق
الزول من ضهر لوريهو ما اتدلا تب
وصاحبو زعلان منفوخ تب ,, واللوم وصلوهو ليهو
غايتو صاحبك ده ماتمشي تديهو الفاتحة
قال ليهم
خليكم بعيد زولي وبعرفو
اها لامن ضهرو انطلق وفضا من شغلة الدنيا ,, مشي علي بيت الفاتحة الليها شهر
الورقة من عشرين ألف جديدة كأكبر فئة عملة ,,
طبق ليهو كم ورقة امات عشرين في يدو اليمين ومشي لي صاحبو , رفع يدو للفاتحة , وزولو عاين للورقات البرقشن كم ? ما عرفن ,,, لكن اكتر من واحدة
الفاتحة يا فلان , طلق الدنيا لومتنا معاك تب ,, اعف لينا
صاحبو استلم اليد اليمين وقال ليهو في طلاقة وحبور
حرم زي الدفنتها ما بتقصر
عليك بالصاجات
| |
|
|
|
|
|
|
|
|
|
Re: ماش السودان 45 يوم واللستة فيها اكثر من 45 فاتحة أها اشيل الفواتح ول تبقى علي حكاية المسطول ؟ (Re: محمد مجيدو)
|
ود البوش تمشي وتجي بالسلامة ..
غاتيو نحن ما عندنا زول بدل في مرا ..لو فكرت مجرد فكرة الكاروشة تقوم فيك .. تقول أعرس تاني ؟؟!!
Quote: عمر السلمة عاين جاي
ما عندك بوكسي زايد ؟ نشيل بيهو الفواتح دي ياخي ونرجعو ليك
. |
تصدق تلاتة شهور ما ختيت كراعي دي في أبنص .. لو سقتو مترين بس تعال شوف النقة (قلبت الجلود ) و (سواقتك ما عارف كيف )..
طبعاً تكون عرفت انو البوكسي ما حقي حق ناس البيت
وعمتي بت الشول عليها رحمة الله بتقول ( عجلك ود بقرتك وقرشك ود مفحضك)
تحياتي
| |
|
|
|
|
|
|
| |
عبدالله ود البوش
ولياب
عمر السلمة
أحمد الشايقي
حسين ديقول
Al-Shaygi
Hani Arabi Mohamed
محمد محمود محمد
محمد مجيدو
معاوية الزبير
عبدالحفيظ ابوسن
عبد الباقي الجيلي
نادر النور آدم
على احمد النعيم
ismeil abbas
علي محمد الفكي
فيس بوك
تويتر
انستقرام
يوتيوب
بنتيريست