كتب الكاتب الفاتح جبرا المتوفرة بمعرض الدوحة
|
|
 ما تراهو من يومو معفن!
|
وكأننا كنا في انتظار وصف السفير لبريطاني في
الأردن لمطار الخرطوم ب(المعفن) لنعلم أنه معفن!
|
|
  
|
|
|
|
|
|
|
|
Re: ما تراهو من يومو معفن! (Re: سيف النصر محي الدين)
|
الكلام ده كتبته قبل ثلاث سنوات 24 نوفممبر 2010
مافى داعى أجيب الصور عشان نثبت العفانة....
Quote: فى ظل هذه الظروف العصيبة التى يمر بها السودان، يصبح الحديث عن تدنى الخدمات وتدهور مطار الخرطوم كالضرب على الميت. وعلى الرغم من أننى حاولت كبح جماح نفسى من عدم التفكير فى هذا الموضوع إلا أنه ظل هاجسا يوميا أبى أن يفارق تفكيرى لذا قررت تسطير هذه السطور على عجالة ودعمها ببعض الصور التى التقطتها لمطار الخرطوم الدولى رغم التحريم والحظر المفروض فى السودان. فقد تكون الصورة أبلغ من مليون كلمة. قبيل كتابة هذه السطور قمت ببحث بسيط فى جوجل وكتبت العذاب فى مطار الخرطوم. نتيجة البحث كانت كافية للوصول لمحصلة ما لميتٍ بِجُرحٍ إيلامُ. اللستة طويلة من تهريب أطفال وسقوط طائرات وضياع عفش وبهدلة.
وصف أحد زملائى فى العمل مطار الخرطوم:
I'm at the airport now with an hour delay so just hope I will connect
in Frankfurt. This airport is probably at the bottom 2 or 3 that I have
seen! Looks more like a remote bus station.....
طبعا الكلام ده ما بحرك شعرة فى راس مسؤل سودانى وما أظن إنو خطر فى راس أى مسؤل فى المطار تطوير وتحسين خدمات المسافرين.
وطبعاً البهدلة دى لايفلت منها أحد. فالمعاملة فى مطار الخرطوم لاتفرق بين الطفل أو المرأة بين المعاق والغير معاق بين الضيف وأهل البلد بين الأمى والقارئ أو بين الشاب والعجوز . كله عن ناس مطار الخرطوم واحد. فما يلقاه حجاج بيت الله الحرام من معاملة سيئة فى مطار الخرطوم، على الرغم من تخصيص صالة لهم لوحدهم، لايغفرها إلا صبر الحجاج على حجيجهم ورغبتهم فى تلبية نداء ربهم. هذا على الرغم من من أن الغالبية العظمى دفعت رسوم وتكلفة الحج البالغة 8 مليون جنيه للحاج الواحد. القروش دى مشت وين الله يعلم. ذهبت لوداع والد صديقى وبعض الأصدقاء الحجاج فى صالة الحجاج فأصابنى الإستياء من سؤ المعاملة والإهانة التى يتعرض لها الحجاج وأهاليهم من المودعين. عدم وجود معلومات، الطائرة السودانية مامعروف ح طير ولا لا، كافتريا بخدمات سيئة وأسعار سياحية، حمامات غير صحية، واللستة طويلة.
أما مكتب تسجيل الأجانب فده فيلم لوحده. أولاً تدفع رسوم التسجيل البالغة 125 جنيه وإذا طالبت إيصال الدفع الموظف يحدر ليك عشرة عشرة. ولو أصريت على الإيصال يديك إيصال ب 98 جنيه وبس. مافى نظام الناس كلها محشورة أمام شباك طوله متر ونص والعساكر والضباط مستمتعين بعذاب. واحد مواطن غلبته الحالة وإحتجّ جابو ليهو عسكرى علشان يسكتو.
مدة إنتظارى طالت وقلت أمشى الحمام لقضاء الحاجة. سألت واحد من الموظفين عن أقرب حمام دلانى على حمام فى صالة المودعين. وده الحمام الموجود فى الصورة أعلاه ويقع مباشرة خلف الكافتريا الموجودة فى صالة المودعين. الحمام ليهو شهر بالحالة دى وما أظن تكون تمت صيانته حتى هذه اللحظة - الصورة دى كانت يوم 6 نوفمبر. حسب المعلومة التى تحصلت عليها إنو أقرب حمام هو حمام الجامع الواقع بين صالة الوصول والمغادرة.
وحرصاً من سلطات الطيران المدنى على طبيق إجراءات السلامة فهناك جهازين لكشف المعادن المسافة بينهم 7 أمتار وفى كل جهاز تلاتة موظفين. الجهازين ديل تلقاهم بعد الجوازات مباشرة. ده غير الموجود عند المدخل. طبعاً انحنا السودانيين عندنا حجاتنا برانا ذى الجاهزين ديل. أما كافتريا صالة المغادرة وكراسيها فزى كافتريا النشاط فى الجامعات السودانية.
لاتستغرب إن كان البص البياخدك من الصالة للطائرة مكتوب عليهو شركة مواصلات مديرية الخرطوم. آى واح من البصات الصينية الجديدة التى صممت لركاب وشوارع المدن لكن عندنا انحنا برضو ممكن تشتغل فى المطار.
أما صالة الوصول فتحكى تماما عن الحالة التى يعيشها السودان، لا واجهة، لا معاملة، لا نظام، لا مسؤلية، لا نظافة، لا خدمات. أما شركة زين للإتصالات فقررت تشويه صالة المستقبلين بإعلاناتها وكأن السودان يفتقر للمصميمين والفنانين لوضع اللمسات الجمالية لصالات مطار الخرطوم.
الحديث يطول عن تدهور مطار الخرطوم وإحتمال يجى واحد يقولى ما السلطات بتبنى فى مطار جديد. لكن حتى الجديد عندنا منتهى |
| |
|
|
|
|
|
|
|
|
|
Re: ما تراهو من يومو معفن! (Re: Hussein Mallasi)
|
| Quote: اليوم في دراسة عن اكثر الشعوب إكتئابا ، كدي شوف لينا اي مرتبة متقدمة كآبةً نالها الوطن العزيز |
في زيارتي الاخبرة (قبل سنتين) للسودان كانت اجابة الناس دائما (مية مية) و لذلك اعتقد جازما ان الشعب السوداني سوف ينال حظا افضل في هذا التصنيف
اما عن مطار الخرطوم و الخرطوم ذاتها فهي من اقذر المدن التي مررت (او سكنت فيها) بها في هذا العالم.
| |
|
|
|
|
|
|
|
|
|
Re: ما تراهو من يومو معفن! (Re: المعز ادريس)
|
صحفي بريطاني زار الخرطوم قبل عدة سنوات ورجع بإنطباع عن الخرطوم كتبه في جملة واحدة قال فيها: Camden town is as dirty as Khartoum City
وللذين لا يعرفون لندن فمدينة لندن تتكون من عدة مدن تجمعت كلها لتكون مدينة لندن. لندن ست الاسم صغيرة تعتبر ميل في ميل وهي ما تسمى بالميل المربع ومعه مطار السيتي. الميل المربع حيث تدار كل قروش العالم حتى قروش الراجحي في السعودية وقروش آل فلان وآل علان في الخليج.. وقد أتيحت لي الفرصة لمعرفة تلك المعلومة عندما عملت في السيتي لسنوات خلت. ولهذا فكامدن تاون إحدى المدن التي تتكون منها لندن وهي منطقة وس خ ان ة جداً والسبب سكانها. ولكن الصحفي وصفها بأنها مثل الخرطوم في الو س خ ا ة. شوفتوا المهانة دي كيف؟
تحياتي.
كبـّاشي الصـّـافي
| |
|
|
|
|
|
|
|
|
|
Re: ما تراهو من يومو معفن! (Re: rani)
|
وواحدة خواجية (من المستعمرين ) وهي تغادر بعد انتهاء خدمتها في السودان
سألتها عن انطباعها عن البلد، بعد كل هذه المدة التي لم... الخ الخ فأجابت:
good people in a bad country
برضو والله صحي يا راني
| |
|
|
|
|
|
|
|
|
|
Re: ما تراهو من يومو معفن! (Re: معاوية الزبير)
|
Quote: وكأننا كنا في انتظار وصف السفير لبريطاني في
الأردن لمطار الخرطوم ب(المعفن) لنعلم أنه معفن! |
Nov. 30--WASHINGTON --
The British ambassador to Jordan,
Peter Millett, has made a scathing assessment of Sudan's main international airport,
describing it as the "worst"" in the world.
Millett asked his Twitter followers to provide feedback on their worst airport experience, starting with himself.
"Which is your worst airport in the world?
For me it's Khartoum Last week it was hot, dirty and devoid of any information or welcome",
the UK envoy in Amman tweeted. He gave no further details as to why he was visiting the Sudanese capital.
http://www.aviationpros.com/news/11254342/british-ambassador...t-worst-in-the-world
ممكن يا استاذ تورينا ( معفن ) دي ترجمه لياتو كلمه ؟
ولا دى بس الربنا فتح عليك بيها ؟
_________________________________
رحم الله بشير محمد سعيد ... ومحجوب محمد صالح ...
و آآآآه يا زمن ...
| |
|
|
|
|
|
|
|
|
|
Re: ما تراهو من يومو معفن! (Re: يحي قباني)
|
| Quote: يا هبة اول مشهد يقابلك زول الساعة اربعة صباحا بكون خاتى ليهو سفة قدر الضربة ووش مصرور تقول فى زول داقيهو وقميص ######ان وياقة ليها دهور ما اتغسلت وريحة تجيك تقربى تطلعى لبن امك من قعر المعدة من الوساخة العليهو ، |
!!!!!!!!
| |
|
|
|
|
|
|
|
|
|
Re: ما تراهو من يومو معفن! (Re: يحي قباني)
|
| Quote: ممكن يا استاذ تورينا ( معفن ) دي ترجمه لياتو كلمه ؟ |
السخانة والوساخة مقروءة مع الأسوأ في العالم تعني (معفن).
______
المسكين يظن أن (الأقواس) قد وضعت عبثاً.
| |
|
|
|
|
|
|
|
|
|
Re: ما تراهو من يومو معفن! (Re: Hussein Mallasi)
|
مطاركم ده كان هيثرو وانسخت يعني؟؟؟
في مطلع الثمانينات مطار الخرطوم كان لما
تدخل الحمامات لازم تملص كل ملابسك لكي لاتتسخ
ده لو ربنا قدرك تقعد بداخله اكثر من ثلاث دقائق
كانت تحول بعض الرحلات المغادره للبوابه الجنوبيه
او بمايعرف بوابه الحجاج لامتلاء الصالة الوحيده بالمطار
باصات داخليه متهالكة تنقل الركاب ده لو ربنا اكرمك وكان في باص اصلا
| |
|
|
|
|
|
|
|
|
|
Re: ما تراهو من يومو معفن! (Re: Hussein Mallasi)
|
في عيد الفطر الفات
شهدت لي عملية إعتداء من ضابط
جوازات على مواطن سوداني
عنده مشكلة في جوازه، ضابط
الجوازات قال ليهو تطلع معاي
مكتب التحقيقات الفوق و طلعوا ليهم
سلم حديد في مكتب مفتوح قبال الجوازات
و الصالة مليانة ناس منتظره ختم التأشيرة
الضابط (ملازم تاني) ما استحمل لغاية ما يخش المكتب
و قام مسك الزوول من فقرته مسكة
بتاعة خرفان و لزاه، لكن الزوول طلع بتاع مشاكل
و اتضارب مع الضابط على رؤوس
الاشهاد
يعني منظر قبيح و مخجل و الصالة مليانه ناس
المهم جاء رئيس الوردية ضابط بعدة دبابير
حل المشكلة
لكن الشاب عمل اتصالات بالموبايل و الظاهر
ضهروا قوي و صار يتوعد الملازم بالويل و الثبور
يعني كل الصالة اتوترت
مطار ايه ياخي و ما في زوول يحاول يخش دورة
مياه يعني لو مزنوق ضبط أوضاعك قبل هبوط الطيارة
| |
|
|
|
|
|
|
|
|
|
Re: ما تراهو من يومو معفن! (Re: Amjad ibrahim)
|
| Quote: السخانة والوساخة مقروءة مع الأسوأ في العالم تعني (معفن). |
ممكن يا استاذ تورينا ( قاموس المعفن ) ده لقيتو في ياتو مكتبه ؟
حتي نتعلم ياخي مره واحده بدل ما انت بتعلمنا بالقطاره ( هكذا ) ...
مشكلتك انو فاكر انو كلامك مُنزل ...
يعني داير تقاوح لما فلنا ليك ترجمتك ( عاجزه ) .. !!
صدقني بي امانه ... لو مشيت عاينت في اي مرايه ما حتشوف غير فراغ ...
ياخي كبر مخك و ارتقي الي مستوي القلم الممسكنو ليك ( الجماعه ) ده ..
ولو احتجت الي اي ترجمه انجليزي عربي ... فرنسي عربي ... احنا حاضرين ...
وما بكلم زول ما تخاف ... بس المهم تمرق كلام صاح .. وما تنجُر من راسك ساكت ...
| |
|
|
|
|
|
|
|
|
|
Re: ما تراهو من يومو معفن! (Re: Hussein Mallasi)
|
| Quote: القلم الممسكني ليهو دا واضح إنو حارقك شديد يا القباني! |
بالله الصحافه بقت ( حارقك ) و ( معفن ) يا سي حسين ...
و الله اخير نتلقي حتي نكبِّر ال vocabulary حقتنا ... و نتعلم من قاموسكم العظيم ....
عشان لا قدر الله لو رجعنا امكن نبقي صحفنجيه ...
ما كلو ( اكل عيش ) ... :)
** بالمناسبه ... انت المسكوك القلم ديل منو ؟ ... يعني بتلعب في ياتو تيم سيادتك ؟
| |
|
|
|
|
|
|
| |
Hussein Mallasi
معاوية المدير
مهدي صلاح
سيف النصر محي الدين
سيف اليزل سعد عمر
Mahjob Abdalla
المعز ادريس
cantona_1
rani
معاوية الزبير
يحي قباني
Abuelgasim Mohamed
فيس بوك
تويتر
انستقرام
يوتيوب
بنتيريست