|
Re: الخرطوم ونهر النيل تستحوذان على 78% من الاستثمارات الاجنبية بالسودان!! (Re: عمر التاج)
|
يعني هسي الواحد كان رجع لي ولاية نهر النيل...ممكن يعيش في ثبات ونبات من خيرات التنمية؟ وتاني ما حا نوحل...ونمشي نفتش في الكواريك...ويا ابو مروة؟ وشدر السلم داك عملوا معاه شنو؟ إستثمروا فيه وتحول الي أشجار كروم واعناب ونخيل؟؟
الزحف الصحراوي الدفن الناس وهم حيين اتفاهموا معاه كيف؟؟ الموية عملوا معاها شنو؟ \والترع الشققوها...في نص الدرب...هل لا زالت لسة فاضية ويابسة كرو؟؟؟ وهل يا تري لسة الناس بتبني مدارسها بالعون الذاتي أم بنوا لهم فصولا في ابراج عالية؟
يعني حا نمشي نلقي بدل الرواكيب....عمارات سوامق واسامي اجنبية بدل ناس ود المرفعين والجار توبو...
يا زول ولاية نهر نيل شنو الفييها استثمارات...مصنع الصابون المن الله خلقنا لقيناهو شغال...مشينا لقيناهو قفلوه..
ومع ذلك يا ياسر ايا كانت بلدك بالسودان...فانا املك في ولاية نهر النيل دي ضيعة كاملة مستعد ابادلك بيها بي بيت...مملوك لك في حتة ما فيها استثمار في السودان ولو غرب السودان تكون جننت البدل جن. ومصانع النسيج المن زمن التركية السابقة....بشتنوها...
| |
|
|
|
|