بعد مرات كدا بتكره كل شيء في الدنيا وتقوم تركبك حالة غضب وزهج ما معروفه بس روحك عايزة تطلع من جواك وزعلك ما تلقي ليهو أي سبب بس تقول والله بنات حوا ديل هن السبب أيوة يا خي ديل ما تخليني أقوليك أسال نفسك مرة واحدة قبل ما تمشي للحركات المسلحة ومرتين قبل سفرك مغترب ووألف مرة قبل زواجك! أيوة جد كدا تعال أقوليك كمية أمثال وتجارب ح تتأكد من كلامي دا أنو واقع وحقيقة تعرف الرجال ليه يفضلون انها تكون جكس طوالي على قصة الزوجة لأنها بتكون منتهي الاخلاص والانضابط والرقة كمان زي قصص الف ليلة وليلة وأمتع من كتب التاريخ بكتير جدا تعرف سمير زول فنان بقي ثقيل جدا مما أتزوج وكمان ملل وحزين ويقول بكل قرف (مرتي زي الكمساري لما أشوف المره دي لازم أدخل يدي في جيبي! ) أنا حزين لانو فقدت زول فنان وراقي لكين الزواج دمروا شديد الود خلاص أتلحس خليك منو في نموذج تاني بالله بيقول صديقنا المجاهد معتز وهو شاعر عاميه رهيب جدا وخصوصا في ليالينا الجميلة بيقول ( لو وجدت مرة واحدة بتكلم عن زوجها وتصفه بالجمال والكمال أعرف أنها أرملة لانو بنات حوا ما بحبوا الا بعد ما يموت الزول وكمان بمدة لما سوق الواحدة يبقي ذكريات ! تعرفي يا نفسي أنت سعيدة ليه لانو ما دخلتي في قصة حب بقت زواج ولا طمعانه في كدا وحاجاتك بسيطه عندك كل يوم مختلف من حياتك وبرامج وأصاحبك قبيلة ورصيد في النت لمدة شهر وساكن كويس وعربيتك فيها بتزين والسجاير متوفر بكتره وتنوم نومة العصر وعندك جكوسوية كدا ممكن تكون مجنونة أو زيك مسترجله لانها ما عندها موضوع مع الزواج ولا بتفكر ترتبط ومتي ترجع البيت بالليل ترجع ولو ما رجعت ذاتو ما في مشكلة دي ما سعادة الدنيا ربي ما تحرم زول من الاوضاع الانسانية الجميلة دي بالجد مهما أقول من شرور الارتباط وعظمة العزوابيه والرهبانه ما في زول ح يصدق خاصة المنافقين اللي قولوا نحن في منتهي السعادة والزواج نعمة قوموا كدا حسي في سعيد بزور أبوالزهراء في الاسبوع أكتر من ثلاتة مرات أفك ودجل لما تجي الساعة حداشر خلاص زولك الجن يبركبو لانو قال للمدام ماشي عرس وموعيد الحفلة أنتهت بالله شوف التعيس برضو يقول أنا سعيد سعيد يا تيس البرم ! نرجع لموضوعنا تعرفوا المثقفاتية عندهم كلام منمق كدا الواحد يكب الكاس في راسو يقعد يتكلم بلغة عربية فنانة (الدبلوماسي هو الذي يتذكر عيد ميلاد المرأة وينسى سنها!.) بالله هو في داعي للنفاق يا مريض عامل فيها أنسان قال صاحب تجربة دا علي منو أنا عندي مناعة من الاكاذيب دي بالله أشرب وقوم أمشي بلا خيالات معك وتاني يقوم يقول (بغير المرأة يصبح شبابنا جافا، ورجولتنا فارغة، وشيخوختنا بلا حوادث مؤلمة!) يا حكيم الغبرة أنا عايز كدا أنشالله أعدم أنت بالله حافظ أغاني عبدالعزيز دواد غني بلا هم معك يقوم يعمل فيها مقنع جدا ومن المؤمنيين (المرأة خرجت من الرجل، لا من رأسه لكي تتحكم فيه، ولا من قدميه لكي توقعه، وإنما من أحد جنبيه لكي تكون إلى جواره، ومن تحت ذراعيه لكي تكون في حمايته، وبالقرب من قلبه لكي يحبها!) الكلام وين قالوا يا خي خلاص أنت مقتنع أمشي أعمل مره أنا خلاص قررت العزلة من بنات حوا الا في حالات الضرورة القصوي سمعت تعرف ليه عشان كمان أقنعك هالك الكلام ياخي أنا كم قصة حب وكم واحدة طلبتها بالحلال اللي بتقول دا منو هو ما مستوتنا برضو تطلع أعظم منك ومن جدودك تعزز يا خي خلاص مش قصة الطبيخ أتعلمتو والغسيل والمكوة كمان وجوع الجسد صابر عليهو تاني في شنو ؟ عشان تاني ما تجي أبدا هنا الزواج والوهم وممارسات الجاهلية الاولي تتكلم معاي فيها أنت نديم مرض ألله يمرضك يا خي !!!!! حسي يا حمار أولاد جون ديل الواحد لو ما أتاكد أنو المرة الكانت صديقة سنين طويلة هي زولتو ما عندها أي وهمات ولا شخشخه ما بتزوجا أنت يا الفحل تزوج من أول قصة حب ومن أول واحدة عرفتها بعدها تطلب الطلاق هي منك لانك حمار بارد وثقيل يا عله ما تمرضني خلاص هاك الكلام الجميل عن بنات حوا ( المره ما عندها مبدأ هي إما فوق المبادئ أو تحت المبادئ سمعتني يا تور وهن كمان ما زينا مهما كانت متاعب النسوان هن ما عندهم من متاعبنا شيء لانو ما في زوجات في حياتم عرفت يا فصيح في واحد فيلسوف شاف مرة ةشنقت نفسها في شجرة فقال يا ليت كل الأشجار تحمل مثل هذه الثمار دا زول حكيم ما زينا يا الله ديل بس الله يبعدنا منهن أه كذب يا صديقي شمس الشتاء، وضحك الأعداء وحب النساء عشان تعرف الدنيا من حولك وهم أنت وأخر حاجة بقوليك أنو العرس دا هو الجنازة الوحيدة اللي بحفلة وكمان عطور والناس ترقص وفرحانه لانو أنت موتك دا نص موت ح تموت موت نهائي بعد معاشرة وأخيرا ودا أخر كلام عندي الزواج دا هو أروع خيط يربط بين اثنين من أجل القضاء عليهما وتاني بالله ما نجي تمرضنيي بقصة الزواج والارتباط والعرس والهواجس دي,,,, الما في شنو في نسوان بلاسيتك من الصين ممكن أشتري واحدة لحدي ما أموت تكون تحت الضمان يا خي أنت زول ما بتقاعد أصلوا خربت مزاجي
* ما تزعلوا مني يا نساء السودلن أخوكم أبوالزهرا ء دي حالتو الليله كعبه جدا صفر كود بلو ىسجم رماد و أي شيء و نحن تيوس الجبل عفنه وقلة حيله وفكر ! صحي .
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
زهير عثمان حمد
محمد فضل الله المكى
فيس بوك
تويتر
انستقرام
يوتيوب
بنتيريست