|
أسماء الأحزاب السودانية وأسماء الحركات ورؤسائها؟
|
سلام مربع لكل الشباب. عندي سُعال محيرني وعاوز أعرف الإجابة بالتفصيل عشان أحسب نفسي من المثقفاتية المهتمين بقضايا الوطن والمواطن. هنالك عدة أحزاب قديمة وجديدة ومستجدة .. وكمان هنالك الحركات القديمة والجديدة وتفرعاتها وفروعها والمنشقّة عنها. أرجو ممن يعرف ويعلم اسماء الأحزاب السودانية واسماء رؤسائها أن يفيدني بها لكي تكتمل المعلومة في رأسي. ومساعدة مني لكم أوريكم أنا عارف ناس منو في الأحزاب. 1- حزب الأمة القومي .. الرئيس الإمام الصادق المهدي 2- حزب الأمة القيادة الجماعية .. الرئيس دكتور الصادق الإمام الهادي المهدي. 3- حزب الأمة الإصلاح والتجديد .. الرئيس مبارك عبد الله الفاضل المهدي 4- حزب الأمة الإصلاح والتنمية .. الرئيس الزهاوي إبراهيم مالك. 5- حزب الأمة الوطني .. الرئيس عبد الله مسار 6- حزب الأمة الفيدرالي .. الرئيس أحمد بابكر نهار 7- الحزب الإتحادي الديمقراطي ... الرئيس محمد عثمان الميرغني. 8- الحزب الإتحادي الديمقراطي الأمانة العامة ... الرئيس جلال الدقير. 9- الحزب الشيوعي السوداني .. الأمين العام: الخطيب 10- المؤتمر الوطني .. الرئيس عمر البشير 11- المؤتمر الشعبي .. الأمين العام دكتور حسن الترابي
أها يا جماعة إيدكم معانا دي حدود معرفتي لكن في أحزاب كدا بعرف اسمها طشاش طشاش لكن ما عاوز ألخبط الكيمان عشان الناس ما تزعل مني وتقول لي عامل فيها فاهم وإنت ما عارف التكتح. يلا وروني باقي الأحزاب ولكم الأجر والحسنة. أما عن الحركات فبعرف منها القليل ولكن معلوماتي ناقصة كثيراً من التفاصيل: 1- الحركة الشعبية ق ش 2- حركة مناوي 3- حركة عبد الواحد 4- حركة التجاني سيسي
الحركات الثلاثة الأخيرة دي ما بعرف اسمائها بالتفصيل ولهذا سميتها باسماء رؤسائها. نرجو مزيداً من التفاصيل عنها وكما مدونا بباقي الحركات التي إنفصلت منها وكوّنت حركات جديدة .. عشان إمكن الظروف تخدمني وأكوِّن حركة تحرير أم طرقاً عراض كان الله أراد الخير وأجي في القصر الجمهوري مساعد رئيس أو أي حاجة كدا عشان أرطب باقي عمري إن شاء الله. تحياتي
كبـّاشي الصـّـافي
|
|
|
|
|
|
|
|
Re: أسماء الأحزاب السودانية وأسماء الحركات ورؤسائها؟ (Re: الجنيد حمد)
|
شكراً أخت تراجي وشكراً للإبن الجنيد حمد على المعلومات. نسأل عن أسماء الأحزاب السودانية وحسب فهمي لواقع منبر سودانيزأونلاين أن أكثر من 95% من القراء والكتاب والمشاركين معارضين لحكومة الإنقاذ ولكن بكل أسف معارضة هشة تفتقر لأبسط المعلومات... يعني بصراحة عاملين فيها معارضة وما بتعرفوا اسماء 89 حزب معارض دا بالله اسمو كلام؟ أحسن صديقي صلاح غريبة وود الباوقة عارفين المؤتمر الوطني لأنهم مؤيدون للحكومة.. وعليه يمكننا القول أن هذه ستبقي لمدة تانية زي 10-15 سنة من تاريخه. الله يكضِّب الشينة. تحياتي
كبـّاشي الصـّـافي
| |
|
|
|
|
|
|
Re: أسماء الأحزاب السودانية وأسماء الحركات ورؤسائها؟ (Re: cantona_1)
|
العزيز كباشي
منو قال لك يا الحبيب ما عارفنهم؟!
وحاتك عارفنهم لكن ما بنكتبهم ما يجو ناسهم يكتبوهم...نلمع فيهم طول عمرنا ما قدروا يا زول بطيخ يكسر بعضه.
وبعدين عارف المشنقين عن بعض ديل تكتب الحقيقه كل زول يحدر لك.
خليها في سرك بس.
هم الكيزان قعدوا فوق راسنا من شويه؟!
غايتو لحد سحه الما منشقين فقط
الممؤتمر السوداني
و المؤتمر الشعبي
غير كده الكل منشق و الكل ناكر الثاني ههههههههههه.
| |
|
|
|
|
|
|
Re: أسماء الأحزاب السودانية وأسماء الحركات ورؤسائها؟ (Re: Tragie Mustafa)
|
الأخ كباشي سلامي مثني وثلاث ورباع وحمد لله على السلامــة وإن كانت متأخرة
الأحزاب المسجلة 33 حزب بالتمام والكمال لدي مقال سابق طويل وعريض عن الأحزاب والحيكومة كما تحلو عندك تحت عنوان : الجَحِــيم ومُثلث برمـــــــــــــــــــــــودا أقتبس منه الجزء الأخير ... وأرجــو أن لا أكون ذهبت بعيداً بهذا الأقتباس عن الخط الذي ترجوه من هذا البوست ولا يفسد إختلافنا في هذا الرأي للود الجميل بيننا
Quote: أن بسبب هذا المثلث تشظت أحزابهم فالأمة اليوم أصبحت أمم : حزب الأمة القومي، حزب الأمة الوطني ، حزب الامة القيادية الجماعية ، حزب الامة الإصلاح التنمية وحزب الأمــة للإصلاح والتجديد. وسار على نهجـه الحزب الإتحادي الديمقراطي وإنشطر إلي أصل وفروع وأوراق ولم تخيب الحركة الإســلامية بإسم الدين والوطن وإنشطرت بإسم الوطن مــرة وبإسم الشعب مرة أخري وبإسم التغيير والتجديد الآن بإسم الغازي القادم إلينا من جحيم يأجوج ومأجوج !!! إننا لانطالب برمودا بأن يكون في ذاته أمــة واحدة قبل أن يكون أمة جامعة للسودانيين، ولا نستهجن أن يكون الإتحادي وحدة واحدة قبل أن ينادي بوحدة البلاد ومن ثم بوحدة وادي النيل، ولانحتج على فصل الشعب عن الوطن في مؤتمرين شعبي ووطني
وإنما فقط نريد أن نزجي أسمي آيات الشكر لهذا المثلث، على تجاربهم فينا، وسعيهم المستمر من أجل حللت مشاكلنا، وفناء نصف قرن من عمرهم من أجل الوطن، نقول لهم سعيكم مشكور وجهدكم مقدر ، ونحفظ لكم الكثير من المواقف الوطنية، نسأل الله أن يجزيكم عنا بقدر ما تفضلتم به علينا من عمل ونية، ولكن رجاءً كفي لهذا الحد أنتم اليوم فوق الثمانين ربيعاً لا تستطعون الجلوس على كرسي الحكم ، رفقاً بصحتكم إنها تهمنا مهيرة ولادة وهي بخير وكل إنسان في الأرض خليفة .
|
مجدداً حمدلله على سلامتك ،،،
| |
|
|
|
|
|
|
Re: أسماء الأحزاب السودانية وأسماء الحركات ورؤسائها؟ (Re: السر جميل)
|
الحزب الإشتراكي الديمقراطي الوحدوي (حشد الوحدوي)SDUP الحزب الديمقراطي الليبرالي الموحد حزب الأمة القومي حزب الأمة الوطني حزب الأمة السوداني القيادة الجماعية. حزب الأمة للإصلاح والتنمية حزب الأمة - الإصلاح والتجديد الإخوان المسلمون في السودان الحزب الإتحادي الديمقراطي -الاصل الحزب وطني الإتحادي الحركة الشعبية لتحرير السودان الحزب الشيوعى السودانى حزب المؤتمر الشعبي حزب المؤتمر الوطني حزب وحدة وادي النيل حركة تحرير السودان مؤتمر البجة حركة العدل والمساواة جبهة الشرق حركة القوى الحديثة (حق) حركة القوى الجديدة (حق) حزب المؤتمر السوداني (المستقلون) المنبر الديمقراطي لجبال النوبة حركة تحرير كوش المنظمة السودانية للحقوق والتنمية المعاصرة (منظمة سوادنة)) تنظيم القوى المستقلة الحرة التحالف الفيدرالي الديمقراطي السوداني الحزب القومي السوداني حزب البعث السوداني حركة تحرير شرق السودان جبهة استقلال شرق السودان حزب الحقيقه الفدرالى حزب العدالة " الاصل " الحزب السودانى الوحدوى القومى ( SUN PARTY ) حزب الشعب الحر حزب التمكين السوداني حزب الأسود الحرة مؤتمر البجة - فاطمة ضرار حزب الخضر الديموقراطي حزب الخضر السوداني
... المهم ...
| |
|
|
|
|
|
|
Re: أسماء الأحزاب السودانية وأسماء الحركات ورؤسائها؟ (Re: تبارك شيخ الدين جبريل)
|
حزب البهجة-الراحل عوض دكام 1986
سلام اخونا الكباشي كل الاحزاب دي والسودان الان فيه رؤيتين فقط لا ثالث لهما السودان الجديد"الحركة الشعبية شمال "× السودان القديم"حزب المؤتمر الوطني"
وعملية الفرز الطبيعي مستمرة لحدي 2015 كان ما انهار الوضع براه كده وانفتح على الفوضى الخلاقة وفي نكتة قديمة كده قالو في واحد مرة بي ميدان التحرير في الربيع المصري مسكو الجماعة قالو ليه انت معانا ولى مع التانيين؟ خاف ..قال ليهم معاكم طبعا قالو ليه نحن الثانيين انت يا كباشي معانا ولى مع التانين؟؟
| |
|
|
|
|
|
|
Re: أسماء الأحزاب السودانية وأسماء الحركات ورؤسائها؟ (Re: cantona_1)
|
Quote: الأخ عادل أمين سلام. أنا مع سيدي ول سيدي الأخ الإمام الحبيب السيد الصادق الصديق المهدي. متعه الله بالصحة والعافية حتى يقود البلاد لبر الأمان. آدر يا كريم. تحياتي
كبـّاشي الصـّـافي |
كده ياكباشي انت مع الثانيين..ما معانا انتظر 1000 سنة ضوئية عان امامك ده يغير ليك السودان الى الافضل انا حدي مع الانصار وعن علم كمان مع الاسطورة السيد عبدالرحمن المهدي وحزب الامة الاصل الليبرالي الاشتراكي 1946 الذى انتهى بوفاته في 1958
| |
|
|
|
|
|
|
Re: أسماء الأحزاب السودانية وأسماء الحركات ورؤسائها؟ (Re: adil amin)
|
يا عادل إنت زول تمام وماشي في سكة سيدي الكبير .. لكن سجارتك دي ما قصبة.. سيدي قال التمباك ما كويس من زمن الإمام الكبير المهدي.. والآن الطب أثبت صحة نظرية سيدي. شيل الصبر الأخ الإمام الحبيب راسه مليان أفكار والحيكومة دي بريحكم منها بطريقة سهلة ساعدونا بالصبر وطول البال. تحياتي
كبـّاشي الصـّـافي
| |
|
|
|
|
|
|
Re: أسماء الأحزاب السودانية وأسماء الحركات ورؤسائها؟ (Re: السر جميل)
|
الأخ السر جميل لك الشكر والله يقبل حمدك ومتعك الله بالصحة والعافية. لماذا نرمي باللائمة في تشظي الأحزاب على المؤتمر الوطني؟ هو نفسه مش إنشطر نصفين وطني وشعبي وكمان الوطني إنشطر نصفين حكومي وغازي .. في تقديري الإنشطار عادة أميبية في الزول السوداني وليس هنالك سبب خارجي لهذه الإنشطارات اللهم إلا البحث عن المصلحة الخاصة بدلاً عن المصلحة العامة. تحياتي
كبـّاشي الصـّـافي
| |
|
|
|
|
|
|
Re: أسماء الأحزاب السودانية وأسماء الحركات ورؤسائها؟ (Re: Tragie Mustafa)
|
شكراً أخت تراجي ولكن الأحزاب دي مالها كتيرة كدا؟ أميركا وبريطانيا وألمانيا وفرنسا وإيطاليا كلها بها حزبان كبيران وبالكتير واحد تالت متوسط زي ما في بريطانيا.. يا ربي نحن كلنا بنحب الزعامة وعاوزين نبقى رؤساء بس ما عارفين الطريقة كيف! الله يكون في عون الوطن والمواطن. تحياتي
كبـّاشي الصـّـافي
| |
|
|
|
|
|
|
Re: أسماء الأحزاب السودانية وأسماء الحركات ورؤسائها؟ (Re: تبارك شيخ الدين جبريل)
|
الفاضل كباشي
خلينا نحي الزعيم تبارك شيخ الدين علي هذه الرصه و التي من طولها كسلنا عن ايرادهم
ودعني الفت انتباهك انه تبارك شيخ الدين نفسه هو رئيس حزب الخضر حاليا.
اها يا تبارك انت كمل لينا انت حزبكم ياتو اهو الخضر السوداني ام الخضر الديمقراطي؟!
لكن البعرفه انه ناس آمنه مختار و تبارك معا.
Quote: حزب الخضر السوداني المؤسسه واول رئيسه منتخبه له الاستاذه آمنه مختار.
|
اما الخضر الاخر فهو الخضر المنشق .
| |
|
|
|
|
|
|
Re: أسماء الأحزاب السودانية وأسماء الحركات ورؤسائها؟ (Re: Tragie Mustafa)
|
ويا كباشي
ايضا ما ننسي
في الحركه الشعبيه جناح السلام
ودي بتضم ناس تابيتا بطرس و دانيال كودي.
فهل تم تسجيلها كحزب؟!
دي قد يجب عليها تبارك شيخ لو عنده معلومات.
كذلك لاحظت انه تبارك دمج حركة تحرير السودان مناوي
وحركة تحرير السودان عبد الواحد ولم يبين هذه من تلك؟!
اما مؤتمر البجا
فقد صار مرتمرات بجا.....وتبارك قديم جدا و فات عليه
انه في مجموه جديده من ثلاثه انفار منحت عضوية الجبهه الثوريه وهي اسمها حاجه كده شرق السودان جناح زينب كباشي !
| |
|
|
|
|
|
|
Re: أسماء الأحزاب السودانية وأسماء الحركات ورؤسائها؟ (Re: Tragie Mustafa)
|
أحزاب الحكومة والحزاب المنبثقة عنها: المؤتمر الوطني - عمر البشير المؤتمر الشعبي - الترابي الاصلاح والنهضة - غازي صلاح الدين الحركة الوطنية للتغيير - الطيب زين العابدين جماعة الاصلاح .. ود ابراهيم الاخوان المسلمون - ثلاثة أجنحة الوسط الاسلامي ..
حركات الحكومة والحركات المنبثقة عنها: الحركة الاسلامية حركة العدل والمساواة حركة الاصلاح والتجديد السائحون . . وكما تقسم تنقسم تحياتي كانتونا
| |
|
|
|
|
|
|
|