|
كتب الكاتب الفاتح جبرا المتوفرة بمعرض الدوحة
|
|
 Re: بوست انحباطي ... يمنع دخول المغتربين.... (Re: الجنيد حمد)
|
نواصل الانبهال
اول يوم نزلت المطار نططت العوينات شي هنود وشي ساسان وشي ما بتعرف
ناس بترطن وبتضحك ويس نو ماتديك الدرب
والله عندي سؤال محيرني نسالو هنا اهو البوست ده لفش الغبينة والتنفيس
لما نحلم الكلام بكون في الحلم بنفس اللغة بتاعتنا يعني نقة الصباح بتلقاها في الحلم
(وكذلكا) الخواجات على اختلاف لغاتهم بحلموا بالانقليزي والفرنساوي
بس اها هنا السؤال وده موجه لمغتربي اوربا وامريكا
لامن تنوموا بتحلمو مرات اصلو الحلم بقى قاسي في المرات دي بتحلموا الكلام بكون باللغة هيلتكم
ولا لغة الخواجات
متمنى احلم بالانجليزي عشان يكون رد (حلمي ) على ستة امنة الدرستنا زمان في الابتدائي
اها نرجع كنا وين
مشينا بيت قريبا لينا والاسئلة ماتديك الدرب كيف السودان وكيف الحال
ياخ ناس غريبين يقول ليك الوضع كيف وهو الزول الوحيد البعيل الاسرة
رسل قروش وبطل اسئلة قال الوضع كيف
المهم طمنتهم والله بسط شحم شديد ماف زول ابى الكسرة يعني لو لقوا غيرها بيابوه
علي الجزيمة الكسرة بقت من الرفاهيات
المهم واحد شكلو من الناس الحضروا الكهف قبل اهل يدخلو فيه
قال لي ساخرا او ناصحا العشرة سنة الاولى دي صعبة يا ابني
قتلو في سري صحي والله عشرة سنة وانت جيت نصيح هسي تلقاك
هرسك السكري والضغط والصلعة مشت لهناك طبعا العيون دبل تبارك الله
اها من اليوم داك عرفت كيف هي الغربة
رغم الحال الهناك لكن والله الفي البلد في نعمة حاسدكم عديل
بجيك زول هسي ويقول ليك ما ترجع
المهم نقول مع بعض التحوير
عاد فرح الرجوع منيا
..........
امشي واجي اواصل الهرطقات دي
اصلو الليلة الميز علي وامس ساهرنا لحلة الضراط بتاعت اخونا امير اها هو ماجانا
احسن امشي اردمهم ابوعديس اصلو يوم ميزي ده يعتبر متسق مع سياسة التقشف التي ابتدتها حكومتنا المبجلة
اهلكها الله
| |
 
|
|
|
|
|
|
|
|
Re: بوست انحباطي ... يمنع دخول المغتربين.... (Re: الجنيد حمد)
|
استاذنا / عبدالحفيظ ابوسن اسعد الله ايامك
ومشكور على كرم المرور
.....
استاذتي العزيزة / سلمى سلامة اسعد الله ايامك
يعني الحلم بالانقليزي ده ما بجي تب ... اها جنس الحلم البرجع ده بخلي
المغترب الذي وجد الاستقرار في بلاد الفرنجة في حتة صعبة يعني
زي رسالة التذكير وين مشيت ات سوداني
اسعدني مرورك
.................................
العزيز / يوسف علي اسعد الله ايامك
حلم العالم ناس تتسالم والبني ادم صافي النية
القلوب اتو س خت تب والنفوس مي ياها والتجيها فارد صدرك
تلقاها جافل وفاري منك والموت في الشوارع يزرع ويحصد
ذكرتني مطب صاحبنا الجا الغربة وليه سنتين ربك رب الخير
فردلو مساحة ورتب امورو في سنتين وقدر اعمل شغل حقو براه
اها مشى لكفيلو عشان يلغيلو الاقامة ويقدر ينقل على محلو والكفيل سوداني من منطقتو
اها صاحبنا قبل ما يمشي ضربلي تلفون ومبسوط انو الكفيل حيوافق على الالغاء
بعد طلع منو سبة للسودان وللسودانيين وقالي الناس بقت حاسدة ياخوي
كيف الكلام ده ياود الشيخ
قالي الزول قعدت معاه وقلت يبارك لي يازول زولك من كلمتو مسكتو ام هلاهلا
بالمناسبة ام هلا هلا دي شنو : المهم الكفيل قاليه انا زمان لامن جئت اندرشت سبع سنين
حتن عملت شغل خاص هسي انت في سنتين وداير تعمل اصبر شوية ياخ
وانا محتاج ليك تشتغل معاي ... حسب القانون الهنا قتليه الزول ده ناوي على مكر
فقوم ياخوي امشي مكتب العمل وبعد شهر بلغولك اقامتك وان الله يحب المحسنين
صاحبي اتمحن وقال لي اشكي سوداني زي والله لو رجعت البلد ما امشي
المهم صاحبنا شغلو نفس وامورو اتلخبتت وحاليا ماشي اباطو والنجم
.......
بعض السودانيين الهنا ديل يازول علي الايمان لهفانين وشفقانين شفقة عجيبة
والحمدلله نحن الجالية الوحيدة التي لا تجيد التعاون فيما بينها وده عن تجارب ومشاهدات يومية
اللهم اصلح حالنا واجمع شملنا
..........
تذكير مهم
المعارضة الحالية اعني معارضة الخرطوم لن تقدم ماهو مفيد ما لم تملك الشجاعة
وتقوم بالدور المطلوب منها وهو النزول الى الشارع مباشرة
وشكراً
| |
|
|
|
|
|
|
|
|
|
Re: بوست انحباطي ... يمنع دخول المغتربين.... (Re: الجنيد حمد)
|
الافارقة اخر الشعوب التي استعبدت واخرها تحرراً
وارتبط مفهوم كلمة ع ب د باللون الاسود سوى كان في المحيط العروبي
او في بلاد الخواجات وبنسمع ليل نهار عن العنصرية هناك وهنا
وطبعا السودان لا يستثنى من الكل
لكن
زمان درسنا في التاريخ الاسلامي عن صهيب الرومي وسلمان الفارسي
وكانت القبائل العربية في حروبها تقوم باستعباد المهزوم ويباعون في سوق عكاظ
وفي حروب الاعراب مع الرومان او الفرس قبل الاسلام استرق العرب
وايضا في الحروب التي نشبت داخل اوربا استعبد الاوربيون بعضهم البعض
فهذه حقبة بغيضة في تاريخ البشرية ولكن كانت من المفاخر لاولئك الناس
ما يهم كلمة ع ب د ليس حكرا على الاسود فالجميع استعبدوا والجميع تحرروا الا من ابى
وكما يقال في القول المنسوب للعقاد الوظيفة هي عبودية القرن الحادي والعشرين
دي حتة
الحتة التانية
قعدت قصاد زميل متدين وشبكني عذاب القبر والجنة والنار
المهم ده كلام ما عندي فوقوا رائ الله كريم بعدين
لكن الزول ده قال حاجة وسمعتها كتير انو الانسان يخلق مسلم او كافر ويكتب رزقه
وموقعه في الجنة او النار الكلام ده قبل ما يطلع من بطن امو
الله قادر على كل شئ ولكن الخالق لم يخلق الانسان كافر ليعذبه في الاخرة
والا ما جعل لنا العقاب والثواب في الاخر والا ما كانت الدنيا
الكريم ادانا العقل وقال لينا عبر رسله سلام ربي عليهم اجمعين
انو ده الطريق الصاح وده الطريق الغلط وهناك في جنة وهناك في نار
وبعد ده تمشي تختار براك وتدعوا عشان الكريم يساعدك
.......
مجرد نظرية بس
الكلام اعلاه على مسؤولية صاحبه
| |
|
|
|
|
|
|
|
|
|
Re: بوست انحباطي ... يمنع دخول المغتربين.... (Re: الجنيد حمد)
|
الحنايات بلغة اهل الخليج او الحنانات
الحناء ثقافة في السودان تستخدمها معظم نساء السودان اللاتي وجدن الرجل المناسب
وحبوباتنا الوحيدة تلقاه سفرت راجلا قبل تاشر سنة لكن تجيها حالة كدي
تقول لبتها لخي لي حناء راحاتي ديل بنتحن
وهي ثقافة لاهل الهند العظيمة شاركناهم اياها
هنا في الخليج قدمن الكثيرات وعملن في هذه المهنة التي تدر دخلاً وفير
ومنهن من استطعن انشاء عمل خاص متكامل صالون حناء وتجميل
وهذا مفخرة لانثى مكافحة عملت بجد واجتهاد واستطاعت أن تحقق ما تحلم به
لكن
ما يتناقل في الثرثرات الجانبية ونظرة بقية المغتربية للحنانة انها اقل درجة
حتى الذي جمعه قلبه بحنانة يقال والله عرس ليه حنانة مع تعابير وجهية رافضة للامر
ياجماعة الخير
الحنانة شغلها اربعة وعشرين ساعة مع الحريم حتى الصالون ممنوع دخول الرجل فيه
وفيهن الساعدن كمية ممن تقطعت بهم السبل في بلاد الغربة دون من او اذى
ربطتني ظروف العمل بكثيرات منهن وكانن (رجال بالجد)
والحناء مهنة زي الهندسة والطب وغيرها
ختو الرحمن وانعلو ابليس وصفو النية
وإن بعض الظن اثم
التحية لجميع العاملات في مجال التجميل وللمراة العاملة بصفة عامة
| |
|
|
|
|
|
|
|
|
|
Re: بوست انحباطي ... يمنع دخول المغتربين.... (Re: الجنيد حمد)
|
سلام الجنيد
ياخ الحنة دي هندسة عديل كدة وعندها خرط ,,, آي علي الجزيمة عندها خرط ,, وخرطها بتناقلوها بالبلوتوث ,, شئ خرط كرعين و شئ خرط يدين ,, وكمان عندهم موقع في الفيس بوك
والحنانة عندها شروط ,, مثلا ما بتحنن في بيت زول ,, ولا ما بتحنن في بيتها
تلقا العوين مجدعات في بيت الحنانة زي الراجيات الدكتور للكشف ,, وواحدات بجهزن الموية الباردة ,, وواحدات تاكل نارك تجي جاهز ومويتك معاك
وفي حنة العروس ودي شغلها براهو وقروشو براهو
ثم اضف ايضا
سوات الخبيز والكعك
و
تحية للمرأة السودانية محننة او بتحنن ولا حاده
| |
|
|
|
|
|
|
| |
الجنيد حمد
عبدالحفيظ ابوسن
فيس بوك
تويتر
انستقرام
يوتيوب
بنتيريست