|
|
|
 Re: آخر ما توصل اليه الهندي عز الدين !! (Re: أيمن محمود)
|
يا الهندي - أيهما أفضل؛ القوي الأمين والا العينو مليانة ؟!
الناس ديل ما قاعدين يجيبو لينا غير من (صنف) القوي الامين ...
تقول لي عينو مليانة وعينو فارغة وعينو .... زايغة !
هسا المتعافي ده مثلاً المابين ايديه من ثروة ملى عينو ؟!
| |
  
|
|
|
|
|
|
|
|
Re: آخر ما توصل اليه الهندي عز الدين !! (Re: أيمن محمود)
|
الدول يا الهندي ما بتتبي على الافراد
بتتبني على المؤسسات
ومنطق (العينو مليانة) يختلف شنو عن منطق (الولاء والطاعة) السقط حجر البلد ؟!
وبعدين ملية العين دي بحددها منو ويجيبو ليها مليتعينوميتر من وين ؟
شنو يا جماعة قصة البلد البمشوها بالنظر والعيون دي !
| |
|
|
|
|
|
|
|
|
|
Re: آخر ما توصل اليه الهندي عز الدين !! (Re: أيمن محمود)
|
ايمن محمود: تحياتي
أهالينا زمان قالوا ( كل فولة عندها كيال) اها كيال السجم ديل الهندي دي. أسواء ما في الاسلامويين سوء. انصاف الصحفيين زي ناس الهندي. يظنون بان, أرائهم
وهرطقاتهم , يمكن أن يعتد بها سفيه يسير بالطرقات.
لك الود
| |
|
|
|
|
|
|
|
|
 Re: آخر ما توصل اليه الهندي عز الدين !! (Re: الفاضل يسن عثمان)
|
** ايمن..
** سلام..
## يا هندى العينم مليانه طلعوا خلوها ليكم ,, منها تملوا جيبوكم وعيونكم تشوف الماشفتو ,, وزى مابقول المثل :- (الماشفتو فى بيت أبوك بيخلعك ) -- والعين مابملاها إلا التراب ,, جماعتك حتى التُراب ماخلهو ,, البلد بقت على الحديده ومع سياسة التجنيب كُل واحد من أصحاب الولاء مُنشف المكان الماسكو ..................... هى لله ...........هى لله ............لا لا للسلطه .... لا لا للجاه ............. والهندى عزالدين صحفى التمكين ............ ودقى يامزيكا وأرقص يارئيس ,,, والتبشير بالنظر .............
| |
|
|
|
|
|
|
|
|
|
Re: آخر ما توصل اليه الهندي عز الدين !! (Re: عبدالكريم أحمد الامين)
|
هل سمع الهندي بالمرحوم الأمير عبد الله عبد الرحمن نقد الله وزير الحكومات المحلية في الديمقراطية الثانية قبل قفز نميري وعصابته على السلطة. نقد الله ليس بغني. مات في بيت ورثة في ود نوباوي. هل يعلم الهندي أن أمبده القديمة كلها تمّ تخطيطها وتقسيمها في عهد نقد الله عندما كان وزيراً للحكومات المحلية والتي كانت الأراضي من المصالح الحكومية التابعة لها. ولم يأخذي الأمير قطعة أرض 400 متر مربع لأسرته وهو يستحق مثل غيره من المواطنين؟
هل يعلم الهندي عز الدين أن الأزهري مات مديوناً ومنزله مرهون. وهل يعلم أن يحي الفضلي مات في منزل إيجار؟؟ فعلاً الهندي مستجد نعمة من محصل فاتورة النفايات بالمحليات إلى كاتب صحفي مرموق – الزول ببقى مرموق كيف يا عبد الكريم أحمد الأمين يا دفعة؟ عاوز أبقى مرموق بس ما عارف كيف!
تحياتي
كبـّاشي الصـّـافي
| |
|
|
|
|
|
|
|
|
 Re: آخر ما توصل اليه الهندي عز الدين !! (Re: cantona_1)
|
| Quote: فعلاً الهندي مستجد نعمة من محصل فاتورة النفايات بالمحليات إلى كاتب صحفي مرموق – الزول ببقى مرموق كيف يا عبد الكريم أحمد الأمين يا دفعة؟ عاوز أبقى مرموق بس ما عارف كيف! |
** ود الصافى..
** صباحك خير..
## تم تقسيم المهام لأهل الولاء ,, وكل واحد بمقدار مايكتب مُدافعاً عن دولة الفساد والإفساد يتم منحه العطيه ,, ولربما تكون نــــقــــــداً أو فى شكل مُعينات (مطبعه ,, قطعة أرض سكنيه ,, مزرعه ,, منصب للنهب والسرقه منه لتكوين النفس الأماره بالسوء) ..
## ياخوى نوعك دا مابخارج مع الجماعه وبدل يدوك يشيلو منك عشان يمولو ناسم ,, أها شفت كيف وبعد دا مُمكن يفتشوا فى دفاترم القديمه ويطلعو طالبنك (ضرائب وزكاه وتحويل إلزامى ورسوم فضائيه ودمغات شهيد وجريح وسلام وإعادة أعمار وترعتى الرهد وكنانه ودعم الأُسر المُنتجه + رسوم نُصرة سيدنا محمد "ص" (ودى تورد مُباشرةً للوالى) )
^
^
^
** إذا بقيت زووول بتسمع الكلام وبتدافع عن ثورة الإنقاذ وعن الريس الرقاص وبتحب نافع وبتحب المؤتمر الوطنى ,, وبتقول البلد ماشه زى ماكان الإنجليز زمان ممشينها ومافى فساد والإنضباط عال العال ... فلك منزل جاهز بالرياض ,, او الصفا ,, والبرادو ""لى الربنا رادو" واقفه ,, وتمشى تصلى الصُبح مع عوض الجاز فى جامع سيد السنهورى عشان يديك شنطة المُكافأة من القبو بتاعو ( وإنت نصيبك وحظك) يامليون $ أو نص أرنب من هذه العُمله ..
** وعشان بعدين مانختلف :- الأول شرط آخرو نوووور ..... عودى راكب فى الصفقه دى وعمولتى 25% .... (ومن هسه البيت سعرو 7 مليار والعربيه بمليار وخمسمائة مليون ,, الشنطه إنت وذمتك ) ... أها قصرت معاك ,, بالله بعدين ماتقصر معاى وتعمل لى فيها :- هِــــــــــــــــــــنـــــــــــــــــــــدى ,, ومـــا تـــــــــــــعـــــــــــــزنـــــــــــى :- بعد المجهود دا ...............
| |
|
|
|
|
|
|
|
|
|
Re: آخر ما توصل اليه الهندي عز الدين !! (Re: عبدالكريم أحمد الامين)
|
يا عبد الكريم يا دفعة الشروط دي صعبة شوية .. يعني لو أدوني بيت في الرياض بموت في اللحظة. بيتنا في أم طرقاً عراض قطية من القش وقدامه راكوبة وكرنك نستخدمه كمطبخ يعني تكل. وحكاية البرادو دي ممكن تلحقني أمات طه. حلتنا كلها فيها حمارين دبلاويات اي ديراويات من دراو في مصر. أما حكاية المليون دولار ذاتي ما بعرف أعدها أنا حافظ جدول الضرب لحد 9 في 9 ب 91 وبس. يعني الحساب لمن يفوت الماية ببقى لي صعب.
لكن لو دايرين نشكر ليهم الفساد نشكرو مالو؟ مش قالوا: لو سيد الزبدة قال أشووها تشووها طوالي؟ ما فوقا حاجة. الله يكون في عون مساكين الشعب السوداني.
تحياتي
كبـّاشي الصـّـافي
| |
|
|
|
|
|
|
|
|
|
Re: آخر ما توصل اليه الهندي عز الدين !! (Re: عبدالكريم أحمد الامين)
|
عبد الكريم أحمد
| Quote: يا هندى العينم مليانه طلعوا خلوها ليكم ,, منها تملوا جيبوكم وعيونكم تشوف الماشفتو |
مرة كانت عندي اجراءات كده ولفيت العديد من المكاتب الحكومية واتعذبت شديد من حتة الموظف الليلة ما جا والموظفة جا وطلع ، والموظف ماخد اجازة !
اشتكيت لصاحبي واحد من الموظفين المتسيبين ديل، المهم افحمني برد بسيط جداً ..
قال لي الموظف البتلقاهو مافي ده بكون أحسن واحد - لانو عندو (شغل تاني) مشلى ليهو عشان يسترزق ويساعد المرتب!،
اما البتلقاهم قاعدين ديل فديل بيسترزقوا وبساعدوا المرتب في قعادهم ده ومن الحتة الشغالين فيها دي - وده النوع الاسوأ !
| |
|
|
|
|
|
|
|
|
|
Re: آخر ما توصل اليه الهندي عز الدين !! (Re: أيمن محمود)
|
Quote: قال لي الموظف البتلقاهو مافي ده بكون أحسن واحد - لانو عندو (شغل تاني) مشلى ليهو عشان يسترزق ويساعد المرتب!،
اما البتلقاهم قاعدين ديل فديل بيسترزقوا وبساعدوا المرتب في قعادهم ده ومن الحتة الشغالين فيها دي - وده النوع الاسوأ ! |
** أيمن ..
**سلام..
## يعنى بالواضح عايز يفهمك الفوله ( أدفع حق الزِباله) أمورك بنمشيها ليك ..
** تعرف مره مشيت مكتب فى السودان فيهو 8 ترابيز والساعه كانت 11:30 ص. يعنى الفطور مواعيدو خلصت ,,, لقيت الفراش ,, سألتو الجماعه ديل وين .... قال لى:- إثنيين مشو عندهم درس تجويد ,, وإتنين مشو التحفيظ ,, وواحد مشى يود مرتو المُستشفى ,, وواحد مشا بكا فى أمبده ,, وواحد مشا الفطور ولسه ماجا مُمكن تننظرو والأخير غايب... على قول ملاسى :- تــــــــــأمـــــــلــــــــــت ... وإتخارجت .......
| |
|
|
|
|
|
|
|
|
|
Re: آخر ما توصل اليه الهندي عز الدين !! (Re: الفاضل يسن عثمان)
|
Quote: يظنون بان, أرائهم
وهرطقاتهم , يمكن أن يعتد بها سفيه يسير بالطرقات |
يا الفاضل وانت تدري انو خلال ربع القرن المنصرم عملت الانقاذ (ودي مافي أجعص كوز دجال يقدر ينكرها) على تركيز الثرورة في أيدي ناسها (التمكين)
وبما انو الكوز (مفروض عينو اتملت من الخم الخماهو) يبقى هو العينو مليانة (بالمنطق ده) وهو المفروض يوزر !
وبطريقة دي نتوقع المرة الجاية الهندي يزكي لينا ابات جضوم لانهم وبالمنطق بتاعو (جضومهم مليانة ... وكده) !
| |
|
|
|
|
|
|
| |
أيمن محمود
الفاضل يسن عثمان
عبدالكريم أحمد الامين
cantona_1
Mohammed Elhaj
عبدالمنعم الطيب حسن
فيس بوك
تويتر
انستقرام
يوتيوب
بنتيريست