اختصاراً للتنظير والتمتير .. أترضى لزوجتك - أختك - ابنتك .. أن تعمل خادمة منزلية

Quote: نعم لو استدعت الحاجة ولم تجد باب رزق شريف غير هذا !

Quote: نعم لو استدعت الحاجة ولم تجد باب رزق شريف غير هذا !

Quote: أيّ شيء جائز .. ولو كان بالتمتير* ــــــــ * بس نحن (أنا يعني) ما جيت المنبر دا ساكّي لي كيس !!

Quote: يا صبري انا ما فهمت انت قاصد شنو وبالله زي ما انا كنت واضح ومختصر ومباشر في ردي - برضو بتوقع منك انك تكون واضح ومختصر ومباشر في ردك ... (عشان نفهم حاجة) !

Quote: انا اعرف واحدة جعلية ضاق بيها الحال في السعودية و لم تجد أمامها غير الخدمة في البيوت فخدمت . اذا فتح الباب ستجد سودانيات من مختلف المناطق و القبائل و الإثنيات على استعداد لقبول هذه المهنة. افتراضك أن هذه المسألة تخص مجموعات سكانية بعينها افتراض خطأ. الجميع مكتوون بنار الفقر و الجوع كافر كما تعلم.

Quote: انت بس يا صبري شايل شوفك وخاتيهو في الجعليات ديل بالتحديد ليه انا اعتراضي في البوستات التانية ديلك على كل نساء السودان ومن اي فبيلةما بنقبل ليها تشتغل خدامة عند زول لا يعرف قيمتها

Quote: طبعا ووقفا لظروف كل أسره وكل بنت وكل أم وكل حبوبه ... اذا كان الأسره مافيها راجل قادر (لا والد لاخال لاعم لاولد) فلاضير من عمل المرأه حتى ولو خادمه مادامت شريفه وقوية الشحصيه أما إذا كان البيت فيهو رجال أولاد رجال وليهم شنبات مابخلو ليهم مره تشتغل بالعكس بشيلوها فى عيونهم وبوفروا ليها إحتياجاتها على حساب نفسهم والله .... انا شخصياً بفضل الواحده فى حالة الإحتياج الشديد تعمل ليها مشروع بيتى يساعد فى الصرف على الأسره ... ماكينه خياطه لقيمات مطعم آيسكريم كشك أى مشروع من المشاريع الصغيره ..........

Quote: اختصاراً للتنظير والتمتير .. أترضى لزوجتك - أختك - ابنتك .. أن تعمل خادمة منزلية

Quote: فى الحقيقه لدى سؤال شرعى :- هل ستتم الموافقه لكل خادمة منزل أن تحضر برفقة مُحرم لها ؟

Quote: يا صبري اعتقد انو المسألة دي تاريخيا اعتمدت على انو كان في مناطق استقرار في السودان بحيث أن هذا الاستقرار أدى لثبات القيم الذكورية و الأبوية و نشأ عنه تقسيم صارم للعمل بين الجنسين تمت حراسته بمنظومة قيمية و أخلاقية معينة. الآن مع انهيار البنى الاقتصادية التقليدية في تلك المناطق يمكننا أن نتوقع انهيار منظومتها الأخلاقية التي تحدد ما يمكن للمرأة أن تفعله و ما يمكن لها الا تفعله و هذا ما يعرف في علم الاجتماع بمفهوم البنية التحتية و البنية الفوقية. يحدث هذا أيضاً في المجتمعات الصناعية المتقدمة التي تحررت فيها المرأة اقتصاديا و تحررت بالتالي من الهيمنة الذكورية فتغيرت الأدوار التي كانت مرسومة لها سابقا، يعني المعنى با صبري يا اخوي أن الاقتصاد لاعب رئيسي في هذه المسائل.

Quote: بعدين يا صبري حنك اترضاه لاختك ده حنك عاضي ساكت فأنا اريد و انت تريد و الله يفعل ما يريد و زي ما بيكتبوا بتاعين الركشات و قبلهم البرنسات و اللواري: على كف القدر نمشي و لا ندري عن المكتوب هسه انت لما تدفع لأخوك مصاريف الجامعة و لما تشتري ليهو إقامة و تتوسط ليهو عند اصحاب و مدراء الشركات ، مش عشان تجنبو انو يشتغل في مهن تعتبرها و يعتبرها المجتمع من خلفك "وضــيعـة"؟ يعني أختك اخوك ود عمك الخ كلو واحد و كلهم بتتمنى ليهم الخير و بتدور ليهم السمح الا مرات الظروف بتحكم و الله غالب زي ما بيقولوا المهم لو ده حصل و السودانيات سافرن برة لخدمة اللي يسوى و اللي ما يسواش فالواحد بالتأكيد سيسكنه الحزن و الانكسار لأنو هذه المهنة تحديدا في الدول العربية تتعارض مع الكرامة الانسانية و تمثل خطورة على الحياة و اخير منها العمل في المناجم!

Quote: أرفض المهنة من أساسا لأي إمرأة وفي أي مكان مهما كانت الظروف ممكن تطوعا لخدمة مرضى أو أطفال ليس لهم أهل يرعونهم

Quote: في زيارة لي لسويسرا في منتصف الثمانينات تلقينا دعوة انا وشقيقتي وزوجها لوليمة غداء من اسرة مدير الخطوط السودانية بجنيف كانت دهشتي< آنذاك > كبيرة وانا اشاهد خادمة انجليزية وهي تقوم بترتيب مائدة الغداء والهرولة بين السفرة والمطبخ كانت شابة صغيرة وتبدو من ملامحها انها انجليزية <اصلية >وليست مهاجرة ولاحظ رب الاسرة ملامح الدهشة بادية على وجهي فقال لي باسما ومداعبا : ها نحن نرد للانجليز الدين . استعمرونا لسنين طويلة .... واليوم أتينا بنسائهم لخدمتنا ثم استدرك قائلا: حقيقة احترم هذه الفتاة فهي طالبة وتدرس اللغة الفرنسية بجنيف للالتحاق بجامعة جنيف وتعمل في البيوت لساعات حتى توفر مصاريف دراستها وأضاف : فهي اانجليزية حقا : تأتي في الموعد وتكمل الثمانية ساعات المقررة لها فتنصرف بعدها دون زيادة دقيقة واحدة اعتقد ان سودانية اوغيرها لو توفرت لها ظروف عمل مشابهة < مقننة ومحمية بقانون الشغل الدولي المعروف > لاأرى فرقا بين خادمة منزل او مديرة بنك

Quote: في زيارة لي لسويسرا في منتصف الثمانينات تلقينا دعوة انا وشقيقتي وزوجها لوليمة غداء من اسرة مدير الخطوط السودانية بجنيف كانت دهشتي< آنذاك > كبيرة وانا اشاهد خادمة انجليزية وهي تقوم بترتيب مائدة الغداء والهرولة بين السفرة والمطبخ كانت شابة صغيرة وتبدو من ملامحها انها انجليزية <اصلية >وليست مهاجرة ولاحظ رب الاسرة ملامح الدهشة بادية على وجهي فقال لي باسما ومداعبا : ها نحن نرد للانجليز الدين . استعمرونا لسنين طويلة .... واليوم أتينا بنسائهم لخدمتنا ثم استدرك قائلا: حقيقة احترم هذه الفتاة فهي طالبة وتدرس اللغة الفرنسية بجنيف للالتحاق بجامعة جنيف وتعمل في البيوت لساعات حتى توفر مصاريف دراستها وأضاف : فهي اانجليزية حقا : تأتي في الموعد وتكمل الثمانية ساعات المقررة لها فتنصرف بعدها دون زيادة دقيقة واحدة اعتقد ان سودانية اوغيرها لو توفرت لها ظروف عمل مشابهة < مقننة ومحمية بقانون الشغل الدولي المعروف > لاأرى فرقا بين خادمة منزل او مديرة بنك

Quote: اولا اجباتي المجرده: نعم. اقبل للسودانيه ان تكون خادمه.

Quote: لا اعرف لماذا ذكرت الجعليه لكن صدقني ده مجرد اوهام لعلمك هذه الحكومه اذلت كثيرين و تظل(مهنة خدامه اشرف من الدعاره التي تمارسها قبائل كثيره سودانيه منها من ذكرت تحديدا! ولما غنن البنوت الشريف مبسوط مني(علي لسان ندي القعله) تفتكر ده تدريس ولا تطبيبب ما كان قلة ادب. يبقي المهنه ليست مسيئه لكن وضعنا مع هؤلاء الاعراب اكيد مرفوض.

تراجي ركّزي معاي ...
بمدينتنا "نوبة الجبال" الذين عاشوا معنا مُنذ عقود خلت لا يعملون بهذه المهنة ونظرتهم لها كنظرة الغالب الأعم من مجتمع المدينة ...
"الوافدون الجُدد من نفس النوبة" يعملون بها بشكل عادي .. وأتوقع ألاّ يعملون بها مع مرور السنين وانصهارهم مع مجتمع المدينة ...

السؤال لماذا ؟

يعني القصّة وما فيها هو ترسّخ المفهوم عن هذه المهنة بـ "العبودية والرق" مُنذ قرون ...
ورثها الجعليون والعرب بشكل عام عن آبائهم وفي الماضي كانت مُمارستها من غير أجر كون أنّ الخادم/الخادمة مملوك/ة لك ...

إذاً نظرة المُجتمع السالبة لهذه المهنة لم تأتِ من فراغ إنّما ارتبطت بمظاهر اجتماعية في الماضي ...
هذه المظاهر الاجتماعية تأثّر بها "نوبة الجبال" الذين عاشرونا أربعين (ليلة كما في المثل) و (عاماً كما في الواقع) ...
ومن رأى أنّ غالبية المُجتمع ترى شيئاً مُعيباً فسيراه كذلك أو سينساق إلى ذلك بحكم عُنصر المُحاكاة ...

يا تراجي في السودان بيطلقوا على بعض الإثنيات بـ "الخدم" حتى ولو لم يشتغلوا بهذه المهنة .. شُفتي كيف توارث أعراب السودان عن أجدادهم ؟!




ـــــــــــ

(عدل بواسطة صبري طه on 11-26-2013, 09:18 AM)

Quote: يا صبري يمكن الناس البتكتب هنا دى ما بترضي...بس ديل أقل من 1% من مجموعة أهل الخرطوم مش السودان... أنا عشت في مناطق مختلفة من السودان ودايما كانت في واحدة أو أكثر بشتغلو معنا... بعدين انتوا الجنوبيين والنوبة والفلاتة الكنتو بتشغلوهم ديل ما سودانيين ولا شنو...أنا كانت عندي واحدة أمريكية بيضاء طالبة جامعية عمرها 21 سنة وأمها وأبوها أطباء...كانت بتشتغل معاي في البيت... واسع يوم الليلة دة كثير من الطالبات بنات الأقاليم بيشتغلوا في البيوت لتوفير سكن ودخل إضافي... غايتو لو في حسنة واحدة للإنقاذ فهي انها ساوت بين أبناء الشعب السوداني

Quote: انا المضاييقني في الموضوع انو نحن كسودانيين دخلنا السعودية ورجالنا خدامين.. اها نقدر ننكر دي؟؟ كل قدامى المغتربين الرجال كانوا طباخين او لبيسين للامرا في القصور.. ياخ رجالنا خدمو بقت علي نسوانا؟؟

Quote: Quote: يا صبري كدي هلينا من اختك وامك وبتك.. بترضى ابوك اخوك ولدك يشتغل عامل نضافة في السعودية؟؟

لن أرضى .. وأيضاً لا أرضى أن يعمل بهذه المهنة في السودان ...
وأعتقد - والعلم عند الله - أنت كذلك

Quote: تناول الموضوع وتعميمه على مهنة الخادمة لا يختصر التنظير ولكن تخصيص الموضوع ب" هل ترضى،،،،،،،،، خادمة منزلية في الخليج "..؟؟ هو ما يختصر التنظير وفي رايي لا ارضى لاي كائن كان ان يعمل في خدمة بيوت هؤلاء،،، لسطحية عقليتهم وعدم قدرتهم على استيعاب ان مهنة خادمة لاتعني " عبدة" وانها مهنة شريفة واضف الى هذا راي تراجي " يرسخ مفهوم عند اجيال العرب باننا عبيد " اعتقد ان المهنة في حد ذاتها لا غضاضة فيها وهنالك من تعمل خادمة في السودان وبكثرة وعند كثير من الاسر واحيانا يصدف انها من ذات قبيلة من تخدمهم ولم نرى فيها عيب بل صادقنا ابناء تلك الخادمة ودرسوا معنا ولعبنا سويا وتقدمو ومنهم اليوم أطباء ومهندسين ولاغضاضة

Quote: المهم لو ده حصل و السودانيات سافرن برة لخدمة اللي يسوى و اللي ما يسواش فالواحد بالتأكيد سيسكنه الحزن و الانكسار لأنو هذه المهنة تحديدا في الدول العربية تتعارض مع الكرامة الانسانية و تمثل خطورة على الحياة و اخير منها العمل في المناجم!

Quote: تموت الحُرّة ولا تأكل بثديها .. دي قالوها عشان شنو يا سيف .. ما ياهو عشان جنس الظروف والاقتصاد المهبّب دا ... نظرة المُجتمع عندنا = الأكل بالثديين

Quote: مهنة خدامه اشرف من الدعاره التي تمارسها قبائل كثيره سودانيه منها من ذكرت تحديدا!

Quote: اختصاراً للتنظير والتمتير .. أترضى لزوجتك - أختك - ابنتك .. أن تعمل خادمة منزلية

Quote: يا صبري دا سؤال الزول العاجز ... الذي استنفذ كل حججه فلجأ الى احراج محاوره .. مع انو السؤال ما محرج ولا حاجة ... والله صحي :)

Quote: الاجابة مبدئياً نعم... ااذا لم يكن هنالك باب رزق لها غير هذا ولا عيب في العمل مطلقاً ..

لا يا حبيب .. أنا إجابتك خلاص أخدتها من الاقتباس الأوّل وهو إنّو المسألة مُرتبطة بحرج وكدا

Quote: ادرك حجم المخاطر التي سوف يتعرضن لها هنا في السعودية على سفارة السودان أن تكون على قدر المسؤولية لمتابعتهن لو قصدك التحرش .الجنسي الممكن يتعرضن ليهو في زمن الانقاذ دا وهن في بلدهن في البيت .. في العمل .. في الشارع .. الخ الخ

مسألة ما يحدث لهن دا ما موضوعي الأساسي .. أنا موضوعي الأساسي المهنة في شحمها ولحمها ونظرة المجتمع السوداني والخليجي لها ...
يعني يا بُشاري أجيك من الآخر كدا .. وأريّحك من رأي السودانيين شوية كدا .. أمشي أعمل ليك موضوع في صحيفة أو موقع إنترنت شهير وطالب فيه بخادمات خليجيات ليعملن في السودان وانتظر التعليقات المُرحبة طبعاً
!!

Quote: لفتح باب تنظير إضافي (شوف ليك وش يا صبري وضعه بين القوسين): لماذا هناك عمل وضــــيع وآخر بخلافه (ذلك بالطبع خارج ما هو غير شريف وداخل ما هو شريف)؟ هل عمل النساء مما يعيب؟ وفي حال أنه لا يعيب فما هي قائمة الأعمال التي ينبغي لها ممارستها؟ وبأي مكان ينبغي للمرأة أن تعمل (بجوار منزل أهلها وزوجها، داخل البلاد وبأي مكان فيها وبشروط محددة) أم يمكنها الخروج خارج الحدود؟ ما هي الشروط التي يتوجب مراعاتها عند عمل المرأة؟ {هذا السؤال هو مربط الفرس بخصوص العمل جميعه} ...الخ. شخصياً لا أرى أن هناك أي عيب في أن تعمل (والدتي، أختي، زوجتي، أبنتي، ...الخ) في أي عمل (شريف) فيه (بيئة صالحة للعمل كأنثى) وتستطيع من خلاله ممارسة حقها في الحياة...

Quote: الصادق ود الجاه عبر نافذة تعليقات الفيسبوك كتب: اسمع يا طه ياخي ما احسن تختصر الطريق وتدينا من الآخر ... بدل اللف والدوران بتاعك دا ... ياخي قول اصلوا الشغلة دي في السودان بشتغلوها الخدم وما لقيت بت عرب بتشتغل في البيوت ... وكمان ما لقيت لي بت عرب ست شاي ... خلاص بدل الحكومة السعودية تناقش حكومة السودان في المسالة دي ... حقو تناقش الحاج ادم كممثل لناس الغرب ... والحاج ادم يسال ناس الغرب ... يا جماعة بناتكم اصلوا هنا شغالات خدم .. بترضوا يشتغلوا خدم في السعودية ... ولا ، لا

Quote: يا بُشاري إنت حدّدت إنّي لجأت للإحراج ودا يعني إنّو مهنة الخادمة المنزلية فيها إحراج وهي ليست كمهنة الطبيبة مثلاً ... وبعدها قرّرت إنّو السؤال ما مُحرج ولا حاجة .. فكيف تجمع بين الأضداد في تعليق واحد ؟!

يا صبري العمل ما فيهو عيب .. وما عيب الا العيب نفسه
انا قلته دا اسلوب الزول المفلس الذي لم يستطيع (ضحض) وجهة نظر الاخرين
فلجأ الى احراجهم بسؤال سخيف زي الفوق دا ..
يا حبيب العمل ما هو عيب ابداً .. وماف قيمة اعلى من حياة الانسان في هذه الدنيا
وعشان الزول يحافظ على القيمة دي ممكن يشتغل أي حاجة ما لم(خت تحتها خطين)
تتعارض مع قيم واعراف ودين وعادات وتقاليد الزول العايز يشتغل..
لما الزول يتجاوز الخطوط الفوق دي ممكن تقدر تقول ليهو عيب .. والله صحي :)

Quote: أنا موضوعي الأساسي المهنة في شحمها ولحمها ونظرة المجتمع السوداني والخليجي لها ... يعني يا بُشاري أجيك من الآخر كدا .. وأريّحك من رأي السودانيين شوية كدا .. أمشي أعمل ليك موضوع في صحيفة أو موقع إنترنت شهير وطالب فيه بخادمات خليجيات ليعملن في السودان وانتظر التعليقات المُرحبة طبعاً

يا صبري بطل دجل ناس الضلله الباردة دا..
زمان المرأة الخليجية بتشتغل أي حاجة قبل ما يفتح الله عليهم بالبترول
راعية ومزراعة وخادمة وخاطبه ........ الخ
ليه؟
لأنها كانت محتاجة .. أما حالتها اليوم فهي ليست في حاجة أن تشتغل خادمة
ولعملك الخاص لغاية هسي في خادمات خليجيات بشتغلن في قصور الافراح
حصل سمعته بالصبابات؟
ديل يا سيدي هن البصبن القهوة والشاي وبقدمن الطعام .. والله صحي :)

Quote: سعوديات يعملن خادمات بـ1500 ريال شهرياً المصدر: جدة - د.ب.أ التاريخ: 03 أغسطس 2009 باشرت30 عاملة منزلية سعودية عملهن بمرتبات تصل إلى 1500 ريال شهريا ليكنّ أول سعوديات يعملن في مهن منزلية بعد أن كانت مقتصرة فقط على العمالة الأجنبية ومن جنسيات آسيوية خصوصا. وقالت صحيفة المدينة السعودية أمس، نقلا عن مسؤولة قسم التوظيف في احدى المؤسسات الخاصة بالوساطة في اعمال التوظيف هناء عثمان حسن إن المستفيدات تم حصرهن من أحياء عشوائية عدة، منها حي البوادي بعد أن أبدين موافقتهن على العمل بهذه المهنة وفق ضوابط تتوافق مع المرأة السعودية كالعمل لثماني ساعات في اليوم أثناء خروج رب المنزل وانشغاله بالدوام الرسمي مع توفير مواصلات عن طريق المؤسسة لتوصيل العاملة المنزلية من وإلى منزلها. وأضافت المسؤولة أن العاملات تم اختيارهن بعد مقابلات شخصية مع تدريب عملي مكثف، وتم اختيار 30 سعودية تتراوح أعمارهن ما بين 20 إلى 45 عاما جميعهن لا يحملن الشهادة الابتدائية، مشيرة إلى أن هناك ما يزيد على 100 متقدمة لديهن الرغبة في العمل في هذا المجال سيتم عمل مقابلات لهن في ما بعد. وأشارت إلى أن هناك ضوابط تم إعدادها قبل عمل العاملة السعودية كإقرار تعهد خطي من قبل رب وربة العمل بالحفاظ عليها وفق شروط محددة تحفظ كرامة العاملة سواء السعودية أو الأجنبية. وأكدت أن الطلب على العاملات السعوديات يفوق بمراحل الطلب على الأجنبية وذلك لخوف الأسر من التجاوزات التي تصاحب بعض الخادمات الأجنبيات خصوصا أعمال السحر التي لا تخلو الصحف من ايرادها بصفة شبه يومية، إضافة إلى رغبة البعض في توفير عاملات دون الخوض في مشكلات الاستقدام وارتفاع تكاليفه. وكان قرار وزارة العمل الاستعانة بـ«مدبرات منازل سعوديات» قبل عامين لإحلالهن محل العاملات المنزليات غير السعوديات قد أثار ردود فعل متباينة ما بين معارض ومؤيد، حيث يرفضه المعارضون بسبب النظرة الدونية للخدمة المنزلية في حين رفع المؤيدون شعار «العمل الشريف لا ينتقص ولا يقلل من شأن صاحبه» وأن ثمة أرامل وغيرهن في حاجة إلى تلك العمالة بدلا من العاملات الآسيويات. تابع آخر الأخبار المحلية والعربية والدولية على موقع الإمارات اليوم على:

Quote: يااخى دايما فى فهم مغلوط للمثل الفوق ده تجوع الحرة ولا تأكل بثدييها ده كان زمن الجاهلية زمن المرضعات وكان القول حينها ان الحرة لا تعمل مرضعة والعامة مسكوا فى حكاية الثديين دى بفهم تانى

Quote: ده موضوع ميت .

Quote: خالد حسن عبر نافذة الفيسبوك كتب: مهنة خادمة ليست مهنة مسيئة تحط من قدر الشخص . السيده هاجر كانت جارية قبل ان تهدي للسيدة سارة الني اهدنها بدورها الي نبي الله ابراهيم لكي يتزوجها كلنا يعرف حليمة مرضعة الرسول وغيرهم من النساء المسلمات الاني كانت لهن بصمة واضحة في تاريخ الدعوة الاسلمية وكن جواري او ملك يمين قبل ان يعمل الاسلام علي تحريرهم. فهل السودانيات اكرم من السيدة هاجر ام نبي الله اسماعيل. فيا سيدي العمل ليس عيبا والوظيفة من ناحية دين ليس فيها حرج, ومن ناحية حوجه اقنصادية وضع السودان الان اسوء من الفلبين واندونسيا وغيرها من دول جنوب شرق اسيا. دعك من السودانية عملت خادمة ام لا انت بنفسك الان في دول الخليج تعتبر (عب وخادم) في فهم شعوب هذه الدول. مشكلتا نحن السودانيين عندنا انفة وكبرياء فارغ ووشايفين روحنا احسن ناس ونحن لا نساوي شي في نظر العالم .

Quote: يوسف أمين عبر نافذة الفيسبوك كتب: لكن بصراحة هو بوست يكشف عن خلفية استعلائية لصاحبه (من ناحية هذا الموضوع ) ولا يراعي الإحترام لنساء شريفات قويات ناجحات استعطن مواجهة صعوبة الحياة كغيرهن من النساء العاملات، عملن كخادمات في البيوت بكل شجاعة واحترام لذواتهن وقد عجز او تهرب اوليائهن من الرجال عن واجباتهم، نساء يؤدين ما عليهن من واجبات في العمل ويأخذهن حقوقهن كاملة وقمن بتربية ابناء وبنات شرفاء. واعلم ان هناك من يحرم ويمنع تعليم النساء حتى الآن وهناك من يجرم عمل النساء في أي مكان ويعتبره عيبا واعلم ان هنالك من يعتبر مهن اخري كالسكرتارية وبيع الشاي نوع من العهر. وأن هنالك اسر فعلا تحتاج لخادمات ناجحات متميزات في عملهن وفي حياتهن. إن لم تعتذر لهؤلاء النسوة فهذا يؤكد ان ليس رأيا بل هو تعبير عن صورة ذهنية لترسبات نفسية تراكمت داخلك ومن الصعب إزالتها. وأكرر أن النقد هو (من هذه ناحية هذا الموضوع) فقط مع احترامي الكامل لكاتب البوست.

Quote: يوسف أمين عبر نافذة الفيسبوك كتب: تحياتي صبري ونشكرك على حرصك على الرد: البوست واضح تماماً، انت تعتبر هذه المهنة عيب !، وهذه هي إساءة لفئة من المجتمع نرجو الإعتذار لها. يمكن الحديث عن خادمة فاشلة وناجحة واسباب النجاح واسباب الفشل

Quote: موضوع الخادمة المنزلية او المربية وغيرها استغل في الفترة الاخيرة من قبل السودانيين بالسعودية لاستقدام زوجاتهم كمرحلة من مراحل دخول المملكة وبعدها يتم نقل كفالة الخادمة او المربية الى كفالة زوجها وهو الغرض الاساسي في الموضوع .. لا توجد سودانية تعمل كخادمة في السعودية بالمعنى المتعارف عليه ، والعمل ليس عيبا .. لكن هذه الاشياء لازال مجتمعنا لم يتصالح معها بعد . وفي نظري انا ارفض حتى حكاية استقدام الزوجة كمربية او خادمة .. لان الموضوع ايضا فيه شئ من حتى