|
|
|
 Re: الجالية السودانية الأمريكية بنيويورك ترحب بوفد مصلحة الأراضى وتعلن (Re: حسن حماد محمد)
|
نرجو من الأخوة الكرام مقاطعة هذا الوفد و عدم التعامل معه باي شكل من الأشكال و انا كلي ثقة من ذلك لارتفاع الوعي و الحس الوطني لدى
جميع السودانيين هنا خصوصا هذه الأيام التي تصاعديا فيها و تائر الأجرام و العدوان على الشعب الأعزل .
هذا النظام المترنح يمارس السياسة الوحيدة التي يجيدها كلما ضاق عليه الخناق الا وهي السمسرة و المتاجرة بمقدرات الوطن و ارضه و كل موارده
و نزلاء بالسودان بين الكرام أن يكونوا سببا في تمويل و دعم هذا النظام باي شكل من الأشكال.
| |
  
|
|
|
|
|
|
|
|
Re: الجالية السودانية الأمريكية بنيويورك ترحب بوفد مصلحة الأراضى وتعلن (Re: حسن حماد محمد)
|
Quote: بسم الله الرحمن الرحيم
برنامج زيارة وفد مصلحة أراضي ولاية الخرطوم إلي الولايات المتحدة الامريكية
الإثنين - الثلاثاء الموافق 2-3 ديسمبر 2013م - منطقة واشنطن الكبرى
الخميس - الجمعة الموافق 5-6 ديسمبر 2013م - ولاية نيويورك
السبت - الأحد الموافق 7-8 ديسمبر 2013م - شيكاغو - ولاية إلينوي
الثلاثاء والأربعاء الموافق 10-11 ديسمبر 2013م لوس أنجلوس – ولاية كاليفورنيا
الجمعة - السبت الموافق 13-14 ديسمبر 2013م - دلاس – ولاية تكساس
الإثنين- الثلاثاء الموافق 16-17 ديسمبر 2013م - غرينسبورو –ولاية كالورينا الشمالية
الجمعة - السبت الموافق 20-21 ديسمبر 2013 - الولايات الشمالية الشرقية وكندا - بالفالو – ولاية نيويورك
سيرافق وفد مصلحة الأراضي خلال الزيارة وفد قنصلي لتقديم كافة الخدمات القنصلية للمواطنين(عدا الرقم الوطني وبطاقة الأجانب من أصول سودانية والجواز الإلكتروني).
سيتم لاحقا تحديد مكان تقديم الخدمات. |
مقتبس من بوست الزميل نصر الدين عبدالله
سوف نوافيكم بالمكان والزمان ان شاء الله قريبا
| |
|
|
|
|
|
|
|
|
|
Re: الجالية السودانية الأمريكية بنيويورك ترحب بوفد مصلحة الأراضى وتعلن (Re: حسن حماد محمد)
|
Quote: وبعدين يا جماعة الخير كلام اخونا حسن حماد مش كلام منطقي؟؟ معقولة عشان نحن بنعارض الحكومة نقول ليهم ما دايرين حقنا من اراضي السودان عشان يلغفوها الحرامية والنصابين؟؟؟ يعني اذا ما اشترينا الأراضي دي بالتقسيط وهم جونا لغاية هنا حتضر الحكومة بشنو؟؟؟ اذا ناس امريكا ما اشتروا .. ناس دول الخليج جاهزين ومستعدين يدفعوا اضعاف ما بيدفعوا ناس امريكا.. ولسبب بسيط .. عشان ناس الخليج اغنى من ناس امريكا...حكاية نغيظ الحكومة وما نشتري بضاعتهم من الأراضي دي ما منطقية ابدا.. والكثير من المهاجرين في امريكا عندهم هدف اساسي من قدومهم هنا وهو امتلاك منزل في السودان... وامتلاك منزل في السودان وانت قاعد داخل الوطن صعبة شديد اذا ما عندك واسطة قوية من ناس الحكومة.. ومادام الناس ديل جايين لغاية عندنا هنا.. فكيف تفوتوا الفرصة دي...؟؟ والله ما قادرة افهم المنطق ده!!!
والله يديكم العافية |
الأخت اميرة السيد تشكرى على التوضيح
الأخ سيف شكراً على المرور والتعليق
| |
|
|
|
|
|
|
|
|
|
Re: الجالية السودانية الأمريكية بنيويورك ترحب بوفد مصلحة الأراضى وتعلن (Re: حسن حماد محمد)
|
الأخ حسن حماد.. تحياتي
ووالله ما كان العشم!
هل بتصدق إنو البوست ده فيهو تسويق لمعاملات مالية غير قانونية مع نظام الإبادة والقمع؟
ودي في حد ذاتها جريمة يعاقب عليها القانون الأمريكي بموجب قانون المقاطعة. والأهم من ده كلو... العائدات من بيع الأراضي دي بتعرف إنها ماشية لـ وين؟
يعني تفتكر الناس المزقوا الوطن ده عندهم خير حـ يقدموهو لينا في البلد دي؟
طيب، بتعرف إنهم عاوزين يتحايلوا على القانون الأمريكي كيف؟
دعنا نعلنها هنا ليهم ولكل من سيساهم في هذة الجريمة الفيدرالية.... سنكون لكم بالمرصاد في كل بقعة من هذة الأرض التي أرادوا إستحلاب أموال مواطنيها والمقيمين فيها
هم غير مرغوب فيهم.. وعلى كل من يتعامل معهم أن يتحمل مسؤلية نفسه وماله ووضعيته القانونية سواء أن كان مواطن أو مقيم.
ونحن في إنتظارهم كما كنا في إنتظار مجرمهم المطارد دولياً البشير بالهوت دوق والبيتزا!
| |
|
|
|
|
|
|
|
|
|
Re: الجالية السودانية الأمريكية بنيويورك ترحب بوفد مصلحة الأراضى وتعلن (Re: حسن حماد محمد)
|
الأخ محمد يسن
مرحب بعودتك للمنبر ياخى
اما بخصوص تهديدك لنا وللوفد بقانون الحكومة الفيدرالية ياخى ما جيت بجديد
كل ما يكون الحديث عن الجالية تطل علينا بالحكومة الفيدرالية والقانون وما ادراك ما لقانون
عليك الله هديك المحكمة واديك الحكومة الفيدرالية والولائية وحكومة المدينة وحكومة المقاطعة وما فوقها او دونها
ياخى عليك الله أمشى اشتكينا وفضها سيرة
ظللنا نتعامل معك كأخ وانت على الدوام تلوح بهذه المسالة كل ما سنحت لك فرصة وتتعامل معنا بمنطق سرتانا لا يرحم
انا شخصيا مللت من تهديداتك الفارغة
وإذا كنت تود الذهاب للمحكمة ياخى أمشى وبطل البلطجة والوصايا البتمارس فيها دى
لو انت فاكر البتسوى فيهو دا معارضة للنظام دحين اصحى يا للخو
مثل هذا الفهم فى معارضة الإنقاذ هو ما مكن الإنقاذ فينا وعمق كراهية المواطنين فى المعارضة والمعارضين
قالب يهدد قال ياخى شوف ليك كلام غير دا قولو وبرضو بطل التسويف وأمشى المحكمة
ماهو الوفد دا حضر قبل أربعة وله خمسة سنين والناس اشترت وباعت انت كنتا نايم وصحيت الليلة
غايتو جنس غايتو
ياخى تانى مرحب بيك ونشوفك فى 225 آدم ستريت المبنى الفيدرالي ببروكلن أصلك وحشتنا ياخى
يظهر عليك بطلت الجية لى عبدالغني يظهر لقيت عمارى كارب فى حته تانية
ولا أقولك نتلاقى فى المحكمة احسن
| |
|
|
|
|
|
|
|
|
|
Re: الجالية السودانية الأمريكية بنيويورك ترحب بوفد مصلحة الأراضى وتعلن (Re: حسن حماد محمد)
|
الأخ حسن حماد لك التحية
خبر جيد ان تكون هنالك أراضي توزع او تباع لسودانيي الشتات وباسعار زهيدة ...
ما درجة مصداقية الحكومة في هذه الخطوة وهل لزيارة الوفد وبيع الأراضي في هذا الوقت تحديدا علاقة بالضائقة الاقتصادية والعسر المالي الذي تمر به الحكومة..
هل تستطيع الجالية ان تقدم ضمانات للراغبين بأن أموالهم لا تذهب الى أدراج الرياح ( كأن تكون الاراضي وهمية مثلا)
هل هنالك وسيلة للتحقق من ذلك وفي حالة شراء قطع تأكد لاحقا انها غير صحيحة او غير موجودة من يتحمل ذلك الخطأ؟
مع الود
معتصم
ملحوظة:
مهم جدا فتح بوست بموعد الجمعية العمومية للجالية
| |
|
|
|
|
|
|
|
|
|
Re: الجالية السودانية الأمريكية بنيويورك ترحب بوفد مصلحة الأراضى وتعلن (Re: Mohamed Yassin Khalifa)
|
الأخ حسن حماد وضيوفه
تحياتي
حكاية حوامة وفد الاراضي دي بدعة ومدخل لللغف والماكلة ظهرت في هذا العهد البغيض وكما ذكر الأخوة أهدافها بعيدة تماماً عن خدمة ومصلحة السودانيين في الخارج ، في الواقع هي لخدمة موظفي الاراضي والتي أصبحت بمثابة دخل إضافي يأتيهم بالتناوب وفيها تنويع مرة أمريكا ومرة أوروبا ومرات دول الخليج ، غايتو الجماعة البيجوا عندنا السعودية يبكون عددهم لا يقل عن سبعة ثمانية وفيهم مدير بيمكثوا علي الأقل عشرة ايام النثرية للشخص الواحد 300 دولار ( تعادل اكثر من نثرية مدير عام في الشركة التي اعمل بها في السعودية) وكل هذا الصرف عشان يبيعوا ليهم أراضي في الواق الواق عائدها لا يساوى ما ياخذونه من نثريات ، ثم ثانيا العالم أتطور وبقت هذه المعاملات تتم عبر المواقع الالكترونية اذا أصلا افترضنا حسن النية في مصلحة الاراضي وان أراضيهم جاذبة لمن تركوا البلد بما فيها للكيزان
| |
|
|
|
|
|
|
|
|
|
Re: الجالية السودانية الأمريكية بنيويورك ترحب بوفد مصلحة الأراضى وتعلن (Re: احمد التجانى احمد)
|
سلام جميعا
كما قيل في البوست، الجماعة ديل بيجوا سياحة و نثريات و غيره
و ليس لخدمة السودانيين، العام الماضي جوا يبيعوا
اراضي للسودانيين في النمسا، مع إنو كل النمسا
عدد السودانيين فيها ما بتم 1000 زوول،
على كل الوفد جاء و رجع، و كان مفترض
يمر علينا في هولندا لكنه ما جاء، مع انه
عدد السودانيين في هولندا اضعاف النمسا
لكن هناك اغراض اخرى لم نستبينها
المهم هناك تجربة قديمة مع قصة الآراضي دي
و حصلت برضه في هولندا حيث وزعت اراضي
في الوادي الأخضر عبر السفارة و أسعارها
كانت ازيد من سعرها في السودان، و أجراءاتها
كانت اطول
غايتو نصيحة الوفد ده اسمعوا منوا و ما تشتروا
هي البلد ما شه منهارة يعني بعد شوية بالعملة الصعبة
تشتي قطعة في أي مكان، الليلة الدولار حصل 8200 جنيه
و الغريق قدام
و الله يهون القواسي
| |
|
|
|
|
|
|
|
|
|
Re: الجالية السودانية الأمريكية بنيويورك ترحب بوفد مصلحة الأراضى وتعلن (Re: حسن حماد محمد)
|
Quote: بعدين الزول القروشو جاهزة و دايرلو واطة يرجى وفد السجم ده لي شنو؟
ما ديك الخرطوم و ديلاك السماسرة و الاراضي المعروضة للبيع. |
الأخ سيف انت بتهظر وهو فى مغترب اليومين ديل عندو قروش وجاهزة كمان ، نحن وحاتك بالوضع الاقتصادى العالمى المتدهور بعد شوية نفتش ارض فى ود حسونة ما نلقى (دحين بتعرف ودحسونة )
البيع بالتقسيط يالحبيب ومخفض عشان كدا الفرصة لا تتكرر - انت ياللخو دحين ماك فى السعودية وقت يجوكم هناك ما تمش خلنا نحن طمعانين فى الأراضى ومنتظرين برضو يجونا يطلعولنا البطاقة البتخلى الواحد يدخل ويمرق بسهولة
ومن غير رسوم عالية وعايزين كمان شهايد ميلاد لى ولادنا يكون مكتوب فيها سودانى مولود فى امريكا يمكن يوم يرجعوا ولا على الاقل الواحد فيهم يعاين فيها يوم ويقول يا جماعة انا ما برضو سودانى
وطماعنين فى الاعفاءات الجمركية احتمال نقدر ندخلنا عربية قديمة من امريكا ، اصلهم قالوا معاهم جماعة من قسم الجوازات عشان يقدمولنا الخدمات القنصلية فى التو واللحظة
الشباب هنا جاهزين ومنتظرين على أحر من الجمر
Quote: الأخ حسن حماد لك التحية
خبر جيد ان تكون هنالك أراضي توزع او تباع لسودانيي الشتات وباسعار زهيدة ...
ما درجة مصداقية الحكومة في هذه الخطوة وهل لزيارة الوفد وبيع الأراضي في هذا الوقت تحديدا علاقة بالضائقة الاقتصادية والعسر المالي الذي تمر به الحكومة..
هل تستطيع الجالية ان تقدم ضمانات للراغبين بأن أموالهم لا تذهب الى أدراج الرياح ( كأن تكون الاراضي وهمية مثلا)
هل هنالك وسيلة للتحقق من ذلك وفي حالة شراء قطع تأكد لاحقا انها غير صحيحة او غير موجودة من يتحمل ذلك الخطأ؟
|
ولك مثلها ضعفين
ها زول ضمانات شنو !!!! الوووووووووووووو - هنا السودان
بتتكلم كأنك ما بتعرف السودان وكأنك الحيكومة دى ما كت فيها !!!!!!!!!
اسئلتك شرعية وممكن تجى قبل ما تشترى تسمع من الوفد مباشرةً وأنا زاتى عندى نفس الأسئلة دى وغيرها
وليك على لو انت ما سألتها أسألها ليك أنا
بعدين أنا برضو عايز منك ضمانات ما تقلبوا الحيكومة قبل من نستلم اراضينا باعتبار ما سيكون (اصلكم اعندكم شعار 100 يوم وستة شهور وكدا ، والمسألة أظنها بتاخد سنتين )
انا حسب علمى بأن المرة الفاتت الناس اشترت واستلمت وعندى اخوين واحد منهم مازال مالك لأرض قرب السفارة الأمريكية والتانى باع ارضو وطلع كسبان كتييييييييييييير
وحسب علمى الناس ما عجبتهم اراضى الوادى الأخضر وطبعاً اسعارها كانت اقل من الفين دولار وما عارف هم متوقعين بمبلغ زى دا اراضيهم تتطلع فى المعمورة
انا غايتو من سمعت كلمة وادى دى قلت يازول مقعول تشترليك واطة فى وادى وبعدت منها وهسع اتحسرت عليها عشان عارف فى نا س حوشوها وقاعده وماشية زايدة
اذا عندك امثلة لناس اشتروا ووجدوها وهمية نورنا حتى نستفيد
Quote: طيب يا الحسن يا الحماد... طيب!
ههه، إنتا زعلتا ولا شنو؟ وفي شنو؟؟ |
| Quote: وعلى كل من يتعامل معهم أن يتحمل مسؤلية نفسه وماله ووضعيته القانونية سواء أن كان مواطن أو مقيم. |
الأخ محمد يسن معقول ياخى ازعل وهو كلامك دا بيزعل
شنو يعنى الواحد يخسر نفسو ومالو ووضعيتو القانونية دى حاجات بسيطة وملحوقة وبعدين ياللخو انت بيزعلو منك !!! يا راجل قول كلام غير دا
انا المحيرنى كلامك دا كل ما يكون فى موضوع خاص بالجالية تقوم ترمى لينا بب كدا - اتكنك عايز تتدخلنا ابوزعبل مع انو نحن بنحبك ياخى ماعارف ات شايلا معانا تقيييييييييييل كدا ليه
بعدين بينى وبينك الحيكومة الفيدرالية دى ما ياها زات نفسا الادت الجماعة ديل التاشيرة وعارفة غرضهم وله زى ما قلت يكونوا اولاد الذين اتحايلوا عليها !!! بيعملوها انا عارفم عفارم عليهم النجاض
معليش الواحد زاتو مرات بيبقى ساذج وفهمو بسيط فاعذرنا يالحبيب
Quote: ملحوظة:
مهم جدا فتح بوست بموعد الجمعية العمومية للجالية |
اخى معتصم بالتأكيد وأظنك فات عليك الاجتماع الأخير فقد خرج بقرار فتح البوست فى اول ديسيمبر حتى لا تطول المدة حاول واظب ع الاجتماعات مهمة فى المرحلة دى
| Quote: في الواقع هي لخدمة موظفي الاراضي والتي أصبحت بمثابة دخل إضافي يأتيهم بالتناوب وفيها تنويع مرة أمريكا ومرة أوروبا ومرات دول الخليج |
اها دى عاد نحن نتحكم فيها كيفن يا احمد اخوى ، كلامك دا شامى فيهو ريحة اسقاط النظام عديييييييييييل ياللخو ، وبينى وبينك دى لحدى هسع حلم براودنا كلنا لكن شكلو حايظل حلم لفترة سوف تطول
وحاتك كلامى دا ما تثبيط للثورة لكن لو انت شايف غير كدا خبرنا وأدينا ضمانات زى الضمانات البفتش ليها اخونا معتصم عشان حبة القريشات العندنا ما تقع واطة
تحياتى للجميع ولنا عودة
| |
|
|
|
|
|
|
|
|
|
Re: الجالية السودانية الأمريكية بنيويورك ترحب بوفد مصلحة الأراضى وتعلن (Re: حسن حماد محمد)
|
Quote: اها دى عاد نحن نتحكم فيها كيفن يا احمد اخوى ، كلامك دا شامى فيهو ريحة اسقاط النظام عديييييييييييل ياللخو ، وبينى وبينك دى لحدى هسع حلم براودنا كلنا لكن شكلو حايظل حلم لفترة سوف تطول
وحاتك كلامى دا ما تثبيط للثورة لكن لو انت شايف غير كدا خبرنا وأدينا ضمانات زى الضمانات البفتش ليها اخونا معتصم عشان حبة القريشات العندنا ما تقع واطة |
الاخ حسن حماد
الرد بتاعك دة ما شايف ليه اى توصيف غير انك قصدت به تلحقه سوق الردود
مداخلتى اقتصرت على بدعة حوامة مصلحة الاراضى لامريكا وفرنسا والنمسا والخليج لتسويق اراضى قيمتها لا تساوى تكاليف نثرياتهم وتذاكر سفرياتهم
انا مغترب فى السعودية دفغت ضرائب اكثر من اى فرد فى الموتمر الوطنى او فى الحكومة ولم تمنحنى هذه الحكومة اى شى فى المقابل , ديل قلعوا منى قرابة ال 200 دولار جمارك لتلفزيون للاستخدام الشخصى وليس لاستخدام نادى او مقهى والغريبة انه 200 دولارى دى كان واقف عليها جميع الضباط الكانوا موجودين بما فيهم المدير برتبة عميد
المؤسف يا حماد حوجتك لامتلاك قطعة ارض بالتقسيط كما هى حوجتنا جميعا حجبت اعينك عن فساد هذه الجهة المنتفعة والتى لا يهمها انت ولا انا ولا خزينة الدولة بل جيوبهم فى المقام الاول
اما الثورة واسقاط النظام وهلم جر فهى خارج سياق مداخلنى وان كانت هى الاستئصال الجذرى للفساد ايا كان نوعه
وشكرا
| |
|
|
|
|
|
|
|
|
|
Re: الجالية السودانية الأمريكية بنيويورك ترحب بوفد مصلحة الأراضى وتعلن (Re: حسن حماد محمد)
|
Quote: بتتكلم كأنك ما بتعرف السودان وكأنك الحيكومة دى ما كت فيها !!!!!!!!!
|
يا حسن حماد الاختشوا ماتوا!
يعني لازم تمارس هواية الكذب والاسقاط حتى تدفع التهمة عن نفسك ام عملت بنظرية (ال في بطنك بدر بو)،
هل في اسئلتي اتهام لك بالانتماء لهذا النظام او مروج له؟ ام ان في نفسك شيء من حتى تخشى له ان يتسلل خلسة دون ان تعلم؟
اذكر لي متى كنت في هذه الحكومة ؟ اخبرني ربما انا في الحكومة دون ان اعلم..
ياخي ما في داعي تخرب بوستك دا بالمهاترات
| |
|
|
|
|
|
|
|
|
|
Re: الجالية السودانية الأمريكية بنيويورك ترحب بوفد مصلحة الأراضى وتعلن (Re: حسن حماد محمد)
|
Quote: يا ريتك تنزل لينا اسماء لجنة جاليتكم كلها
عشان نعرف بس منو الهم بيمرروا قرارت مثل هذه. |
ام حازم اعتقد أننى أعلم سبب سؤالك وربما أعرف ايضاً الشخص المعين الذى تقصدين
وللحقيقة والحق الأخ المقصود هو من أعضاء اللجنة التمهيدية للجالية
ولكن عند مناقشة هذا الأمر لم يكن موجود ولا علم لى ان كان له رأى مخالف لبقية الأعضاء فى أن تقوم اللجنة بمساعدة لجنة الأراضى فى هذا الأمر ام لا
تريدين أن تتحدثى عن التطبيع مع النظام فى هذا العمل وتنتهزى الفرصة للنيل من اعضاء اللجنة الذين تختلفين معهم لأسباب تخصكم
ولكن فى هذا الأمر فقد جانبك الصواب فشوفى غيرها (وجه غامز)
ولا أظنك بعد ذلك تريدين معرفة أعضاء اللجنة
نشكرك على المرور وتحياتى
| |
|
|
|
|
|
|
|
|
|
Re: الجالية السودانية الأمريكية بنيويورك ترحب بوفد مصلحة الأراضى وتعلن (Re: حسن حماد محمد)
|
حسن حماد قلت لي دافنه لزول واحد؟! هههههههههههه
لا ما تخاف الدافنه لهم كثر.....انت بس ارمي الودع.....يا سيد الودع.....وما تخاف......
Quote:
ام حازم اعتقد أننى أعلم سبب سؤالك وربما أعرف ايضاً الشخص المعين الذى تقصدين
وللحقيقة والحق الأخ المقصود هو من أعضاء اللجنة التمهيدية للجالية
ولكن عند مناقشة هذا الأمر لم يكن موجود ولا علم لى ان كان له رأى مخالف لبقية الأعضاء فى أن تقوم اللجنة بمساعدة لجنة الأراضى فى هذا الأمر ام لا
تريدين أن تتحدثى عن التطبيع مع النظام فى هذا العمل وتنتهزى الفرصة للنيل من اعضاء اللجنة الذين تختلفين معهم لأسباب تخصكم
ولكن فى هذا الأمر فقد جانبك الصواب فشوفى غيرها (وجه غامز)
ولا أظنك بعد ذلك تريدين معرفة أعضاء اللجنة
نشكرك على المرور وتحياتى
|
وبعدين صدقني قد لا اكون اعني من تعني....بس بحبن نعرف نوع الجغمسات دي للتاريخ و للتوثيق
واكيد انت عارف انه لجنتكم ليست سرا.....وبقدر اجيبها لو عايزه......
بس انا عايزاهم يطالعوا و اكيد هم الان من (المتابعين) اننا متابعين و حافظين......و الشنوف آخرة الحركات دي شنو؟!
وبعدين مشروع مدرستهم اياهو التبرعات بتاعت ال (110) الف كل الشاركوا فيها من ناس المؤتمر الوطني برضو عندنا خبرهم.
لا توجد اسرار في المدينه.
كن بخير.
| |
|
|
|
|
|
|
|
|
|
Re: الجالية السودانية الأمريكية بنيويورك ترحب بوفد مصلحة الأراضى وتعلن (Re: حسن حماد محمد)
|
| Quote: ما درجة مصداقية الحكومة في هذه الخطوة وهل لزيارة الوفد وبيع الأراضي في هذا الوقت تحديدا علاقة بالضائقة الاقتصادية والعسر المالي الذي تمر به الحكومة.. |
على ما أذكر قبل أكثر من ثلاثة سنوات زارونا ناس الأراضي في السعودية, وأنا أاتوكلت وإشتريت قطعة بتسعة ألف ريال ومشيت السودان وإستلمت شهادة البحث والقطعة الآن سعرها يعادل أكثر من خمسة وعشرين ألف ريال
| |
|
|
|
|
|
|
|
|
|
Re: الجالية السودانية الأمريكية بنيويورك ترحب بوفد مصلحة الأراضى وتعلن (Re: Kostawi)
|
مسؤؤؤؤؤؤؤؤؤؤؤل الامن بسفارة النظام بواشنطن
نصرالدين . وهو الشخص المسؤل عن اختراق الجاليات ومنظمات المجتمع المدني للسودانيين الامريكان.
وتجنييد بعض افراد السودانيين ضعاف النفوس للعمل على تنفيذ هذه المهمة . ولعلكم بمتابعتكم لموضوع بيع الاراضي
قد عرفتم بعضهم من اعضاء البورد . وبعض عملائهم كما هو الحال في جالية نيويورك وشيكاغو . وسوف يتواصل كشف هؤلاء
المندسين الذين يريدون ان يشيدوا ( مساكنهم ) في السودان على جثث الشهداء وطينها مبلول بدماء الشهداء الطاهرة. يا لها من حقارة سوف
تظل تتبعكم الى يوم تبعثون
| |
|
|
|
|
|
|
| |
حسن حماد محمد
سيف النصر محي الدين
Mohamed Yassin Khalifa
معتصم احمد صالح
احمد التجانى احمد
Tragie Mustafa
aosman
ابراهيم محمود الحاج احمد
Kostawi
فيس بوك
تويتر
انستقرام
يوتيوب
بنتيريست