كتب مزمّل أبو القاسم في كبد الحقيقة عدد أمس الثلاثاء الآتي:-
Quote: * سيد الاسم، هيثم الكرار.. وجعو نار.. وفراقو حار!
مع العلم أنّ هيثم مصطفى خسر نتيجة المواجهات المُباشرة ضد الهلال بالتعادل في الذهاب بملعب الهلال والخسارة في الإيّاب بملعب المريخ ... وجاء تفوّق الهلال على المريخ في المواجهات المُباشرة .. نسبة لسيطرة الهلال على خط الوسط الذي يلعب فيه هيثم مُصطفى !!
ولم يُحقق هيثم مصطفى أيّة بطولة خارجية مع المريخ في هذا الموسم !!
صبرى تحياتى مع انى طلقت الكرة السودانية طلاق تلاتة وما متابع الحاصل خالص بس لفت نظرى العنوان قلت ادخل اشوف الحاصل .. بس لقيت المنطق بتاعك دا عاجز جدا صدقنى بطريقتك دى ونظريتك دى طلعت عين الكورة زاتها مافى لاعب يتم تقييمه بالقطاعى ..يعنى انت سايب نتيجة الموسم كله وجاى تقيم هيثم بالمواجهات المباشرة في القمة .. ببساطة هيثم كسب بطولة الممتاز عدة مرات مع الهلال بالرغم من تفوق المريخ في المواجهات المباشرة لا والاكتر من كدا من طرائف الكرة السودانية اتذكر مرة المريخ كان في المركز الثانى رغم انو ما خسر خلال الدورى خالص والهلال شال الكاس الشئ الثانى والاهم من دا كلو نسيت ان الهلال خسر البطولة في اول موسم بدون هيثم والمريخ كسب البطولة في اول موسم مع هيثم ..دا اكيد يحسب لهيثم والمجموعة ثالثا المهم والذى يقاس عليه الفريق هو فوزه بالدورى من عدمه وليس كم حقق من مجموع نقاط لانك بالطريقة دى عادى ممكن تلقى الهلال في المركز الثانى ومجموع نقاطه اكثر من احد مواسمه في المركز الاول دا بيرجع لقوة المنافسة من عدمها رابعا هيثم لم ينال بطولة خارجية مع المريخ في موسم واحد ولكنه لم يفعل ذلك مع الهلال في 17 موسم دا ما بيعنى انو هيثم فاشل لانو كان افضل لاعب طوال المواسم ال17 مع الهلال ..
Quote: مافى لاعب يتم تقييمه بالقطاعى ..يعنى انت سايب نتيجة الموسم كله وجاى تقيم هيثم بالمواجهات المباشرة في القمة
يا هشام .. عندما قرأت ما كتبه مزمّل أبو القاسم في عمود الأمس العبارة الآتية:-
Quote: * سيد الاسم، هيثم الكرار.. وجعو نار.. وفراقو حار!
دار في رأسي سؤال ما هو الوجع النار الذي أحدثه هيثم مصطفى الذي تمّ شطبه من كشوفات الهلال .. وهنا بتفرق لو كان عقدو مع الهلال انتهى وذهب للمريخ ... المهم تجاوزت مسألة الوجع النار دي وانتقلت بعدها إلى الفراق الحار .. فقلت في نفسي ما الذي افتقده الهلال برحيل هيثم وقد كان في آخر موسم له صديق لدكّة البدلاء .. وأيضاً ما الذي حققه مع المريخ لنعض أصابع الندّم حسرةً على فراقه .. فوجدت ما ذهبت إليه من توضيح ...
المريخ بمعية هيثم لم يُحقق الممتاز لقوته .. إنّما لتفريط الهلال .. والدليل أنّ نتيجة المريخ في الممتاز لهذا العام تُعدّ الأسوأ له خلال السبع سنوات الأخيرة سواءً حقق خلالها المركز الأوّل أو المركز الثاني ...
باختصار: لم يضف هيثم للمريخ أيّ جديد .. وإضافة المريخ لبطولة المُمتاز لهذا العام أتت نسبة لإهدار الهلال لنقاط أمام فرق أخرى والدليل تفوّق الهلال على المريخ في المواجهات المُباشرة أداءاً ونتيجةً ذهاباً وإيّاباً ...
ـــــــــ النجيضة: هيثم تمّ شطبه .. ولم يذهب للمريخ مُفاضلةً
11-20-2013, 12:59 PM
Frankly Frankly
تاريخ التسجيل: 02-05-2002
مجموع المشاركات: 35211
Quote: موضوع الإحصاءات دا ما مفيد في كرة القدم وإحراز الكؤوس المحمولة جواء وبراً
سألوا بكينباور مرّة أنّ الألمان لا يجيدون لعب الكرة كما البرتغال والإسبان (يعني ما حريفين) قال لهم ما معناه
"في النهاية يفوز من يدخل أكبر عدد من الأهداف"
يعني أهمية المباراة في نتيجتها لا يهم كيف جاءت
أنت بطل الدوري هذا ما يحسبه التاريخ لعبت جيد لعبت بطال دا ما مهم
مدرب ألماني لا أذكر اسمه سألوه عن أنّ الكمبيوتر يظهر أنّ الخصم تغلب عليه بالضربات الركنية والإحتكاكات والضربات الثابتة والتهديف على المرمى
فقل لهم ما معناه" جيد أن لم يحتسب الكمبيوتر تلك الأرقام أهدافاً"
ما يعني أن كل تلك الإحصاءات والأرقام لا يمكن جبرها لتساوي هدفاً يقود لفوز الفريق صاحب الأرقام الكبيرة
المريخ بطل الممتاز للمرة السابعة
أنت هُنا تحدّثت عن حديث لبيكنباور في زمن ماضي ... ولكن بلغة اليوم الفرق الكبيرة تعتمد بشكل كبير على من يمتلكون الموهبة والمهارة .. وإذا أردت أن تعرف ذلك فانظر إلى أسعار اللاعبين المهرة ...
بايرن ميونخ الألماني فاز بدوري أبطال أوروبا الموسم الماضي بعد سنوات عجاف لأنّه انتهج أسلوب قريب من أسلوب برشلونة الإسباني .. وساعده في ذلك لاعبين مهرة كالفرنسي ريبيري والهولندي روبين .. فهل اعتمد باكنباور على لاعبيه الألمان لتحقيق ذلك ؟!
وفي هذا برشلونة يُحدّث عن مواسم متتالية وبطولات متوالية بمهارات لاعبيه العالية .. فالزمن اختلف يا فرانكلي ...
على صعيد دور وإنجاز اللاعبين دا كلام تاني .. لأنّ تقييم اللاعب من خلال ما يُقدّمه داخل الملعب سواءً حقق إنجاز لناديه أم لم يُحقق يزيد وينقص من سعره في أسواق اللاعبين .. مثال لذلك ماذا حقّق جاريث بيل لتوتنهام من إنجازات في الموسم الماضي ؟
وفي بوستنا هذا .. هيثم مُصطفى لم يضف شيئاً للمريخ بلغة الأرقام وفوز المريخ بالممتاز حاجة عادية .. وتحقيق المريخ للممتاز جاء بتفريط الهلال .. والدليل الهلال بطلاً على المريخ في المواجهات المُباشرة للممتاز لهذا الموسم ...
11-20-2013, 02:01 PM
Frankly Frankly
تاريخ التسجيل: 02-05-2002
مجموع المشاركات: 35211
المهارة مطلوبة وبشدة ما يقصده بيكنباور هو الحرفنة التي لا تسبب أهداف أو تقود الفريق للفوز
يعني ما مهم لاعب يقعد يتحرفن في الكرة ويضقل بها مليون مرّة وما يمرر باص لاحراز هدف أو يصيب هو هدف
يا صبري مافي فريق في اوروبا بيدفع في لاعب سنت واحد لأنّه حريف وبيجبّد ويتفنن في الكرة
أي فريق في اوروبا بيدفع للاعب البحرز أهداف أو يصنع أهداف الطريقة البيتم بيها هذا العمل ما مهمة لو حريف زي ماريدونا ورونالدينو مكسبين ولو شوات بالبوز زي شفاينشتايقر مكسب
المهم في النهاية أن تكون نتائج الفريق إيجابية ويحرز الكأس
Quote: المهارة مطلوبة وبشدة ما يقصده بيكنباور هو الحرفنة التي لا تسبب أهداف أو تقود الفريق للفوز
يعني ما مهم لاعب يقعد يتحرفن في الكرة ويضقل بها مليون مرّة وما يمرر باص لاحراز هدف أو يصيب هو هدف
يا صبري مافي فريق في اوروبا بيدفع في لاعب سنت واحد لأنّه حريف وبيجبّد ويتفنن في الكرة
أي فريق في اوروبا بيدفع للاعب البحرز أهداف أو يصنع أهداف الطريقة البيتم بيها هذا العمل ما مهمة لو حريف زي ماريدونا ورونالدينو مكسبين ولو شوات بالبوز زي شفاينشتايقر مكسب
المهم في النهاية أن تكون نتائج الفريق إيجابية ويحرز الكأس
يا فرانكلي .. أكيد أنا بقصد اللاعبين المهرة وأصحاب الموهبة في لعب الكُرة وبالطبع استخدام مهاراتهم/ومواهبهم في إحراز الأهداف وصناعتها ...
ــــــــــ بس أوع تكون فهمت إنّي قاصد مهرة وأصحاب موهبة في كيفية تجليد العناقريب
11-20-2013, 01:30 PM
هشام عباس هشام عباس
تاريخ التسجيل: 08-30-2010
مجموع المشاركات: 5609
Quote: باختصار: لم يضف هيثم للمريخ أيّ جديد .. وإضافة المريخ لبطولة المُمتاز لهذا العام أتت نسبة لإهدار الهلال لنقاط أمام فرق أخرى والدليل تفوّق الهلال على المريخ في المواجهات المُباشرة أداءاً ونتيجةً ذهاباً وإيّاباً ...
يا اخوى دا شنو المنطق الغريب دا هو اسمو بطولة الدورى الممتاز يعنى بتتلعب فيها اكثر من 40 مباراة وبتخلص على بطل واحد والبطل دا هو الفريق الذى استطاع جمع اكبر عدد من النقاط .. وتفوق المريخ على الهلال لانه جمع نقاط اكثر من الهلال لان الهلال نافس نفس الفرق التى نافسها المريخ ولم يقابل فرق اخرى في دورى اخر لكى تاتى وتقيم المنافسة بالمواجهات المباشرة لو اصلا البطولة بتقيم بالمواجهات المباشرة مفروض الدورى تكون مباراتين بين الهلال والمريخ وينتهى الموضوع مافى داعى لورجغة موسم كامل .. يعنى بنفس تقييمك دا نقدر نقول ان ميسى لم يضف شئ لبرشلونة لان الريال تفوق ذهابا وايابا في الموسم الماضى رغم فوز برشلونة بالللقب وبكدا ننسى كل اللى عملو ميسى في الموسم بالكامل حتى توج برشلونة باللقب وتوج هو شخصيا بلقب الهداف !!!!
Quote: يا اخوى دا شنو المنطق الغريب دا هو اسمو بطولة الدورى الممتاز يعنى بتتلعب فيها اكثر من 40 مباراة وبتخلص على بطل واحد والبطل دا هو الفريق الذى استطاع جمع اكبر عدد من النقاط .. وتفوق المريخ على الهلال لانه جمع نقاط اكثر من الهلال لان الهلال نافس نفس الفرق التى نافسها المريخ ولم يقابل فرق اخرى في دورى اخر لكى تاتى وتقيم المنافسة بالمواجهات المباشرة لو اصلا البطولة بتقيم بالمواجهات المباشرة مفروض الدورى تكون مباراتين بين الهلال والمريخ وينتهى الموضوع مافى داعى لورجغة موسم كامل .. يعنى بنفس تقييمك دا نقدر نقول ان ميسى لم يضف شئ لبرشلونة لان الريال تفوق ذهابا وايابا في الموسم الماضى رغم فوز برشلونة بالللقب وبكدا ننسى كل اللى عملو ميسى في الموسم بالكامل حتى توج برشلونة باللقب وتوج هو شخصيا بلقب الهداف !!!!
لكن بطولة الممتاز السودانية هي مُنافسة بين الهلال والمريخ والبقية كومبارس يا هشام ... ودليل كلامي دا .. شوف الإحصائية الجبتها ليك فوق دي البطولة فيها فقط محصورة بين الهلال والمريخ ...
لو الهلال الأوّل المريخ الثاني ولو المريخ الأوّل الهلال الثاني !! يعني فعلاً هي ورجغة موسم كامل .. حقيقي يعني ولو عندك حقيقة غير كدا أشرحها بالتفصيل على الأقل عشان أعرف إنّو الموردة النزلت ممكن تكون فازت عشرة مرات بالدوري الممتاز وكذا النيل الحصاحيصا وكذا دواليك ... فما تعيش الوهمة أكتر من كدا ياخ
فا .. شنو .. قصة 40 مباراة وتنافس وشنو داك حتى في الدوري الإسباني اختفت وأصبح التنافس محصور بين برشلونة وريال مدريد في السنوات الأخيرة ...
النموذج الأقوى لوجود تنافس حقيقي موجود في الدوري الإنجليزي والدوري الفرنسي ...
11-20-2013, 01:41 PM
هشام عباس هشام عباس
تاريخ التسجيل: 08-30-2010
مجموع المشاركات: 5609
يا صبرى عشان كلامك يكون منطقى شوية اعمل تقييم لهيثم مصطفى خلال الموسم وبالأرقام كدا حتقدر تحدد هل كان مؤثرا ام لا لكن تقول لى هلال مريخ دا منظور ضعيف جدا انت قول لينا الاتى : كم مباراة لعبها المريخ خلال الموسم ومن خلال هذه المباريات احسب لنا عدد المباريات التى شارك فيها هيثم اساسيا وشارك فيها احتياطيا دا بيديك حسبة عن مدى اهمية اللاعب لفريقه من خلال حساب مشاركاته بعدها تجى تحسب عدد اهداف اللاعب طوال الموسم وعدد الاهداف التى صنعها ودا بيديك حجم المساهمة الشخصية للاعب في فريقه بعداك بتجى تشوف خلاصة الموسم بالنسبة للفريق لكى ترى ان كان مجهودات ومشاركات اللاعب اثرت في خلاصة الموسم بالنسبة لفريقه .. لكن تجى تقول لى هلال مريخ وسايب اكثر من خمسين مباراة لعبها الراجل بطريقتك دى حنلقى لاعب في اوساسونا افضل من ناس ميسى وشابى وانيستا
11-20-2013, 01:45 PM
هشام عباس هشام عباس
تاريخ التسجيل: 08-30-2010
مجموع المشاركات: 5609
Quote: لكن بطولة الممتاز السودانية هي مُنافسة بين الهلال والمريخ والبقية كومبارس يا هشام ... ودليل كلامي دا .. شوف الإحصائية الجبتها ليك فوق دي البطولة فيها فقط محصورة بين الهلال والمريخ ...
كون البطولة تكون محصورة بين فريقين دا وضع طبيعى لافضلية الفريقين على البقية لكن ما بتقدر تلغى تأثير بقية الفرق على المنافسة بدليل انك بنفسك قلت الهلال تفوق على المريخ في المواجهات المباشرة ..طيب ليه ما فاز بالبطولة في النهاية ؟؟ لانو فقد نقاط مع فرق تانية المريخ قدر يتفوق عليها ودا بيعنى ان بقية الفرق ليها تأثيرها حتى لو ما فازت باللقب
11-20-2013, 01:49 PM
هشام عباس هشام عباس
تاريخ التسجيل: 08-30-2010
مجموع المشاركات: 5609
Quote: قصة 40 مباراة وتنافس وشنو داك حتى في الدوري الإسباني اختفت وأصبح التنافس محصور بين برشلونة وريال مدريد في السنوات الأخيرة ...
النموذج الأقوى لوجود تنافس حقيقي موجود في الدوري الإنجليزي والدوري الفرنسي ...
هناك فرق كبير بين قوة الدورى وقوة الفريق يعنى تقدر تقول الدورى الانجليزى دورى مثير لتقارب المستويات ومنافسة اكثر من فريق على اللقب ونفس الشئ الدورى الفرنسى .. لكن في نفس الوقت ما حتلقى فريق في الدورى الانجليزى او الفرنسى بقوة الريال وبرشلونة يعنى لو شلت برشلونة ختيته في الدورى الفرنسى طبيعى حيفوز باللقب خمسين سنة لقدام
Quote: كون البطولة تكون محصورة بين فريقين دا وضع طبيعى لافضلية الفريقين على البقية لكن ما بتقدر تلغى تأثير بقية الفرق على المنافسة بدليل انك بنفسك قلت الهلال تفوق على المريخ في المواجهات المباشرة ..طيب ليه ما فاز بالبطولة في النهاية ؟؟ لانو فقد نقاط مع فرق تانية المريخ قدر يتفوق عليها ودا بيعنى ان بقية الفرق ليها تأثيرها حتى لو ما فازت باللقب
طيّب هنا حأسألك سؤال: أيهما أفضل من الآخر على حسب كلامك ؟
ــــــــ يا عزيزي فارق النقطتين (باعتبار فوز الهلال اليوم) .. لو اشترى الهلال حكم أيّ مباراة أهدر فيها نقاط يعني خلاص الهلال حيكون في نظرك أفضل من المريخ ؟ دعك من هذا لو الكورة ضربت في ضهر الحكم هيمسيلف ودخلت مرمى الخصم وعلى إثر ذلك فاز الهلال بالثلاثة نقاط هل في نظرك سيكون الهلال أفضل من المريخ ؟
عشان كدا قُلت ليك مقياس الأفضيلة في حالتنا دي أفضل حاجة إنّك تاخدو من المواجهات المُباشرة .. وحتى المواجهات المُباشرة ما تعتمد فيها على النتيجة بس ... يعني على النتيجة والأداء ...
ياخي أنا في كثير من الأحيان لمّا نغلب المريخ وهو يكون أحسن مننا بقولها صراحة المريخ كان أفضل من الهلال ...
ثمّ ثانياً لو تساوى الفريقان في عدد النقاط من كان سيكون بطلاً للمُمتاز .. ولماذا ؟
11-20-2013, 02:20 PM
هشام عباس هشام عباس
تاريخ التسجيل: 08-30-2010
مجموع المشاركات: 5609
Quote: طيّب هنا حأسألك سؤال: أيهما أفضل من الآخر على حسب كلامك ؟
ــــــــ يا عزيزي فارق النقطتين (باعتبار فوز الهلال اليوم) .. لو اشترى الهلال حكم أيّ مباراة أهدر فيها نقاط يعني خلاص الهلال حيكون في نظرك أفضل من المريخ ؟ دعك من هذا لو الكورة ضربت في ضهر الحكم هيمسيلف ودخلت مرمى الخصم وعلى إثر ذلك فاز الهلال بالثلاثة نقاط هل في نظرك سيكون الهلال أفضل من المريخ ؟
عشان كدا قُلت ليك مقياس الأفضيلة في حالتنا دي أفضل حاجة إنّك تاخدو من المواجهات المُباشرة .. وحتى المواجهات المُباشرة ما تعتمد فيها على النتيجة بس ... يعني على النتيجة والأداء ...
ياخي أنا في كثير من الأحيان لمّا نغلب المريخ وهو يكون أحسن مننا بقولها صراحة المريخ كان أفضل من الهلال ...
يا صبرى الله يرضى علينا وعليك عادى ممكن فريق يفوز على التانى رغم انو هو الاسوء وعادى ممكن نتيجة مباراة تتحسم بخطأ تحكيمى او حتى ادارى والكورة لو دقت في ضهر الحكم او دقت في رجل الراية هناااك وجات قون دا جزء من الكورة انت مستحيل تقيم منافسة او فريق بجزئيات صغيرة او بحسابات منفردة والا كانت المنافسة تتحسم وفقا للجزئيات دى وليس بمحصلة نهاية الدورى .. طريقتك دى تقيم بيها مباراة في الدورى وليس الدورى بكامله يعنى تقدر تقول فاز الهلال على المريخ لانه كان الطرف الافضل في المباراة وفاز المريخ على اهلى شندى لانه كان الطرف الافضل في المباراة وفاز الامل على الهلال لانه كان الطرف الافضل في المباراة لكن ما اقدر اقول ان الامل وهو ينافس في المركز الاخير افضل من الهلال لانه تفوق على الهلال في المواجهات المباشرة ...
Quote: ثمّ ثانياً لو تساوى الفريقان في عدد النقاط من كان سيكون بطلاً للمُمتاز .. ولماذا ؟
سؤال بسيط جدا والاجابة ابسط تحديد البطل بالمواجهات المباشرة في حالة تساوى فريقين وسيلة من عدة وسائل للفصل يعنى عندك دوريات تتحسم بصافى الاهداف وعندك دوريات تتحسم بعدد الاهداف لصالحك عندك دوريات بتتحسم بمواجهة فاصلة وحتى الفصل بالقرعة كان معمولا به في دوريات في النهاية ايا كانت الوسيلة او المحصلة من فاز باللقب هو الافضل وطالما استطاع فريق ان يتساوى معك في النقاط وتفوق عليك بالمباشرة فهو افضل منك لكن طالما ان هناك فريق تفوق عليك بالنقاط فهو الافضل وهو البطل
Quote: يا صبرى الله يرضى علينا وعليك عادى ممكن فريق يفوز على التانى رغم انو هو الاسوء وعادى ممكن نتيجة مباراة تتحسم بخطأ تحكيمى او حتى ادارى والكورة لو دقت في ضهر الحكم او دقت في رجل الراية هناااك وجات قون دا جزء من الكورة انت مستحيل تقيم منافسة او فريق بجزئيات صغيرة او بحسابات منفردة والا كانت المنافسة تتحسم وفقا للجزئيات دى وليس بمحصلة نهاية الدورى .. طريقتك دى تقيم بيها مباراة في الدورى وليس الدورى بكامله يعنى تقدر تقول فاز الهلال على المريخ لانه كان الطرف الافضل في المباراة وفاز المريخ على اهلى شندى لانه كان الطرف الافضل في المباراة وفاز الامل على الهلال لانه كان الطرف الافضل في المباراة لكن ما اقدر اقول ان الامل وهو ينافس في المركز الاخير افضل من الهلال لانه تفوق على الهلال في المواجهات المباشرة ...
بس الفارق كان نقطتين بس ويكون الهلال بطلاً للدوري يعني ممكن تقيم المنافسة بكل جزئياتها وتضيف نقطتين من عندك للهلال ويصبح بطلاً للدوري .. المهم في الأمر عشان ما نتشتت كتير عندك الكلام الاقتبستو ليك من مزمل بخصوص هيثم مصطفى لا محلّ له من الإعراب في خسارة الهلال للدوري لهذا العام باعتبار أن الهلال افتقد لهيثم مصطفى والدليل فوز الهلال بدوري الموسم الماضي رغم تهميش هيثم مصطفى .. ولا محلّ له من الإعراب في فوز المريخ بدوري هذا الموسم .. والدليل المريخ حقق أسوأ نتيجة له في الممتاز خلال سبعة سنوات واستفاد من تعثّر الهلال .. يعني فوز المريخ بالدوري لم يكن لجدارته بل لتفريط الهلال الذي فاز على البطل شُفت كيف ...
Quote: سؤال بسيط جدا والاجابة ابسط تحديد البطل بالمواجهات المباشرة في حالة تساوى فريقين وسيلة من عدة وسائل للفصل يعنى عندك دوريات تتحسم بصافى الاهداف وعندك دوريات تتحسم بعدد الاهداف لصالحك عندك دوريات بتتحسم بمواجهة فاصلة وحتى الفصل بالقرعة كان معمولا به في دوريات في النهاية ايا كانت الوسيلة او المحصلة من فاز باللقب هو الافضل وطالما استطاع فريق ان يتساوى معك في النقاط وتفوق عليك بالمباشرة فهو افضل منك
تحديد البطل بالمواجهات المُباشرة أفضل من غيرها فليس من المنطقي أن أتفوق عليك في المواجهات المُباشرة وتأتي لتفوز معتمداً على أهدافك الكثيرة في مرمى الحمام ... المواجهات المُباشرة معمول بها في كأس العالم وفي عدّة دوريات أوروبية ...
Quote: لكن طالما ان هناك فريق تفوق عليك بالنقاط فهو الافضل وهو البطل
يعني السودان لو فاز بمساعدة الحكم بكأس العالم في النهائي على البرازيل سيكون أفضل دا مقياسك كدا .. مُش ؟!!!!!
Quote: يا صبرى عشان كلامك يكون منطقى شوية اعمل تقييم لهيثم مصطفى خلال الموسم وبالأرقام كدا حتقدر تحدد هل كان مؤثرا ام لا لكن تقول لى هلال مريخ دا منظور ضعيف جدا انت قول لينا الاتى : كم مباراة لعبها المريخ خلال الموسم ومن خلال هذه المباريات احسب لنا عدد المباريات التى شارك فيها هيثم اساسيا وشارك فيها احتياطيا دا بيديك حسبة عن مدى اهمية اللاعب لفريقه من خلال حساب مشاركاته بعدها تجى تحسب عدد اهداف اللاعب طوال الموسم وعدد الاهداف التى صنعها ودا بيديك حجم المساهمة الشخصية للاعب في فريقه بعداك بتجى تشوف خلاصة الموسم بالنسبة للفريق لكى ترى ان كان مجهودات ومشاركات اللاعب اثرت في خلاصة الموسم بالنسبة لفريقه .. لكن تجى تقول لى هلال مريخ وسايب اكثر من خمسين مباراة لعبها الراجل بطريقتك دى حنلقى لاعب في اوساسونا افضل من ناس ميسى وشابى وانيستا
يا هُشام أنا جبت ليك تحليلي .. وناقشتو معاي ... فحقّو تجيب تحليلك إنت وإن شاء الله حأناقشو معاك ...
يعني عايزني أمشي أفتّش لمُشاركات هيثم مع المريخ في هذا الموسم .. بيت بيت .. دار دار .. زنقة زنقة ... يا حليلك ياخ ...
الهلال أو المريخ بطلاً للموسم القادم المريخ أو الهلال بطلاً للموسم البعد القادم الهلال أو المريخ بطلاً للموسم البعد البعد القادم
تستمر المتوالية كما وضّحتها لك .. وإن حدث وأن فاز أيّ فريق آخر بالدوري الممتاز ستكون مجرّد خروج عن الزمن كما هو مُتعارف عليه في عالم الغناء وكدا .. وسرعان ما يتداركه صاحب الإيقاع بالسنكبة السريعة وتعود المتوالية مرّة أخرى ... والكلام دا كانت بتقوم بيهو الموردة زمان ...
نتائج الهلال والمريخ مع الفرق الأخرى في الممتاز بعضها بيكون ما عندو علاقة ذاتو بمستوى الفريق هل هو جيّد أو غير جيّد .. بل أنّ بعضها يرتبط بأشياء أخرى كتأثير تأخر مرتّبات اللاعبين على مردودهم في المُباريات وكدا ...
ياخي حليفة بالطلاق من رئيس النادي يمكنها أن تذهب بالبطولة للفريق الآخر .. وجايي تقول لي تنافس وفرق أخرى وكدا ...
11-21-2013, 06:51 AM
حمزاوي حمزاوي
تاريخ التسجيل: 10-10-2002
مجموع المشاركات: 11622
صبري اخوي ... مسكاقمي دا شنو المنطق الغريب دا اي فريق يفوز ببطولة اكيد بيكون فاز بجدارة وبالذات لمن يكون دوري من دورتين ودائماً الدوري الممتاز بيكون دوري النفس الطويل لانك بتلاقي كل الفرق مرتين وفي النهاية بيكون البطل الذي جمع اكثر النقاط وحقو الناس تبارك للبطل ذي كل سنة ما نقول عشان انا فريقي ما فاز انتو شلتو الكاس
تعرف يا صبري اخوي البطولة الجاية بتاع الدمازين هي البين المريخ والهلال لان مباراة نهائية بين فريقين البيفوز بيشيل الكاس بنتيجة المباراة نتمنى التوفيق للمريخ في الدمازين
11-21-2013, 08:00 AM
عمر الفاروق عمر الفاروق
تاريخ التسجيل: 10-10-2005
مجموع المشاركات: 9669
صبري .. ياخ بالجد بالغت .. انا الهلالالبي غلبني أفهم إنت عايز تصل لي شنو ؟؟ بالمناسبة بس عشان ما تزحم الناس ديل ساي ..لو تساوى الهلال والمريخ في النقاط كان الدوري ح يتحسم بي الأوفر صافي أهداف وليس بالمواجهات المباشرة عشان ما تكنكش ليهم في قصة المواجهات المباشرة دي .. بس الهلال الأوفر أهدافاً السنة دي عشان كده كان ممكن يكون البطل .. لكن هلال مريخ ما عندها دخل حسب قانون الاتحاد العام لهذه السنة .. بالنسبة لي معادلة هيثم العايز تصل ليها انا أديك ليها ببساطة شديدة .. هيثم لم يضيف للمريخ الكتير.. لكن هيثم أفقد الهلال الكتيييير ..والكتييير جداً.. هيثم المريخ لعب ب 20% مما قدمه للهلال.. بالمناسبة خسارة الهلال للدوري واحدة من أسبابها كانت فوزه على المريخ في المباراة الأخيرة البتتكلم عنها دي .. عارف لو كانت إنتهت تعادل انا كنت بضمن ليك المريخ كان ممكن يتعطل في كورتين على الاقل بي هزيمة وتعادل لأنو كان ح يكون نايم على فارق ال5 نقاط وما ح يفكر لا يفوز تحكيميا لا بي معنويات لعيبته الحماسية .. فارق النقطتين خلّى المريخ يفتش للفوز بكل السبل ومع صافرة النهاية بتاعت هلال مريخ وفارق النقطتين ضرب لي زول نااافذ في المريخ بيضحك قال لي أها يا العوورا شوفو كان تاني نفقد ليكم نقطة كان بالحكم كان بي الدفع للفرق.. ودي فلسفة بسيييطة يا صبري ما عايزة تحليل ودراسة زي الجبتها فوق دي.. صبري إنت ما بتخش مدرجات شعبية ولا شنو ؟؟؟
11-21-2013, 08:10 AM
تاج السر محمد حامد تاج السر محمد حامد
تاريخ التسجيل: 12-28-2006
مجموع المشاركات: 7430
تمام يا تاج السر ... وأنا زعلي من التضليل العايز يعملو مزمّل ... شنو قال وجعو نار وفراقو حار ...
أقول ليك حاجة: وجود هيثم في المباراة الأولى لهلال مريخ للممتاز لهذا العام في وسط المريخ نزل برداً وسلاماً على الهلال الذي سيطر على وسط الملعب في معظم أوقات المُباراة ...
Quote: صبري .. ياخ بالجد بالغت .. انا الهلالالبي غلبني أفهم إنت عايز تصل لي شنو ؟؟
عايز أصل لي إنّو فراق هيثم مصطفى أصلو ما فرق مع الهلال في هذا العام .. والدليل فوز الهلال بالممتاز في الموسم الماضي وكان حينها هيثم مصطفى مهمش ...
Quote: بالمناسبة بس عشان ما تزحم الناس ديل ساي ..لو تساوى الهلال والمريخ في النقاط كان الدوري ح يتحسم بي الأوفر صافي أهداف وليس بالمواجهات المباشرة عشان ما تكنكش ليهم في قصة المواجهات المباشرة دي ..
أوكي سأتأكد من حتّة من سيفوز بالممتاز في حال تساوى الفريقين .. وإن كان بالأهداف دي تكون كمان مصيبة في عالم الكُرة السودانية .. لأنّ نظام القرعة وفارق الأهداف وشنو ما عارف دا كلّو الفيفا وضعو على جنب في منافساته الكُبرى واعتمد على المواجهات المُباشرة .. وكذا دوري أبطال أوروبا ...
Quote: بالنسبة لي معادلة هيثم العايز تصل ليها انا أديك ليها ببساطة شديدة .. هيثم لم يضيف للمريخ الكتير.. لكن هيثم أفقد الهلال الكتيييير ..والكتييير جداً.. هيثم المريخ لعب ب 20% مما قدمه للهلال..
لاحظ إنّك بترد على نفسك بسؤال وهو: لماذا لعب هيثم للمريخ بـ 20% ؟ ستجد الإجابة بقاء الحال من المحال مع تقدّم السن ...
الهلال افتقد هيثم عندما تقدّم به العُمر وليس بعدما تمّ شطبه كدا ساي .. وكذا الأرجنتين لمارادونا والبرازيل للكثير من لاعبيها المهرة ...
Quote: بالمناسبة خسارة الهلال للدوري واحدة من أسبابها كانت فوزه على المريخ في المباراة الأخيرة البتتكلم عنها دي .. عارف لو كانت إنتهت تعادل انا كنت بضمن ليك المريخ كان ممكن يتعطل في كورتين على الاقل بي هزيمة وتعادل لأنو كان ح يكون نايم على فارق ال5 نقاط وما ح يفكر لا يفوز تحكيميا لا بي معنويات لعيبته الحماسية .. فارق النقطتين خلّى المريخ يفتش للفوز بكل السبل ومع صافرة النهاية بتاعت هلال مريخ وفارق النقطتين ضرب لي زول نااافذ في المريخ بيضحك قال لي أها يا العوورا شوفو كان تاني نفقد ليكم نقطة كان بالحكم كان بي الدفع للفرق..
أتمنى أن يأتي أحد مواسم الممتاز وتكون النتيجة ومسار النقاط كما اشتهيت .. بس عشان لحظتها حأستمتع بتبريرك
Quote: ودي فلسفة بسيييطة يا صبري ما عايزة تحليل ودراسة زي الجبتها فوق دي.. صبري إنت ما بتخش مدرجات شعبية ولا شنو ؟؟؟
عارف ناس المدرجات الشعبية ديل ممكن لو المريخ شطب هيثم مصطفى يطالبوا الإدارة الحالية أو الإدارة القادمة بتسجيله مرّة أخرى ... وفي مطالبة الإدارة القادمة حيعتبروا الحتّة دي لتصحيح المسار وتصحيح الأخطاء وكدا ... ياخي هي مُش كورة سودانية .. أيّ شي جائز
بمُناسبة المساطب الشعبية دي .. أخبار فيصل العجب شنو .. الهلال حيسجّلوا ولاّ لا
Quote: دا شنو المنطق الغريب دا اي فريق يفوز ببطولة اكيد بيكون فاز بجدارة وبالذات لمن يكون دوري من دورتين ودائماً الدوري الممتاز بيكون دوري النفس الطويل لانك بتلاقي كل الفرق مرتين وفي النهاية بيكون البطل الذي جمع اكثر النقاط وحقو الناس تبارك للبطل ذي كل سنة ما نقول عشان انا فريقي ما فاز انتو شلتو الكاس
تعرف يا صبري اخوي البطولة الجاية بتاع الدمازين هي البين المريخ والهلال لان مباراة نهائية بين فريقين البيفوز بيشيل الكاس بنتيجة المباراة نتمنى التوفيق للمريخ في الدمازين
أنا موضوعي هنا عن هيثم مصطفى ووجعو النار .. وفراقو الحار .. كما كتب مزمّل أبو القاسم ... فهيثم في هذا الموسم لم يوجع الهلال ولم يتأثر الهلال بفراقه ...
وأيّ فريق كُرة يتأثر بفقدان لاعب شارف أو تجاوز عمره الأربعين .. فأحسن يشوف ليهو نشاط غير كُرة القدم ... هيثم مصطفى في الموسم الماضي كان مهمّش وفاز الهلال بالدوري .. الجديد شنو ؟
وأضفت حقق المريخ الفوز بالممتاز مع هيثم ولكن بأسوأ نتيجة له خلال سبع سنوات وساعده في ذلك تفريط الهلال وأخصّ منه تفريطه في الدورة الأولى ...
يا جماعة انتو ما بتعرفو هضربة الزول الراميهو جمل صبرى شكلو البنج ما فكا لامى الليله اها كدى حلل لينا مباراة تحسين الاوضاع اللعبها الهلال مع اهلى شندى انتهت كم؟ قال احصاء قال!! قوم لف لووووووووووووووووووووووووول،،،
11-21-2013, 09:40 AM
هشام عباس هشام عباس
تاريخ التسجيل: 08-30-2010
مجموع المشاركات: 5609
Quote: أوكي سأتأكد من حتّة من سيفوز بالممتاز في حال تساوى الفريقين .. وإن كان بالأهداف دي تكون كمان مصيبة في عالم الكُرة السودانية .. لأنّ نظام القرعة وفارق الأهداف وشنو ما عارف دا كلّو الفيفا وضعو على جنب في منافساته الكُبرى واعتمد على المواجهات المُباشرة .. وكذا دوري أبطال أوروبا ...
الكلام دا غير صحيح يا صبرى راجع قانون حسم الدوريات الاوربية كلها الدولة الوحيدة التى تستخدم قانون المواجهات المباشرة هى اسبانيا ايطاليا = مواجهة فاصلة بين الفريقين في حالة التساوى في النقاط الدوري الانجليزي : بفارق الاهداف
الدوري الهولندي : بفارق الاهداف
الدوري الألماني : بفارق الأهداف
الدوري الفرنسي : بفارق الأهداف
الدوري البرتغالي : بفارق الاهداف في امريكيا الجنوبية لا توجد اى دولة تستخدم المواجهات المباشرة كلها تتبع قانون فارق الاهداف
11-21-2013, 09:52 AM
هشام عباس هشام عباس
تاريخ التسجيل: 08-30-2010
مجموع المشاركات: 5609
Quote: ثمّ يا هشام .. ماذا قال رئيس ناديكم جمال الوالي عندما انسحب المريخ من مُنافسة كأس السودان ؟
قال فيما معناه: بطولة ضعيفة ونعتبرها مُناسبة تجمعنا بندّنا التقليدي ...
وأنا أيضاً أقول بطولة الدوري الممتاز السوداني ضعيفة .. وبطلها معلوم يا هلال يا مريخ .. وبقية الأندية كومبارس وسبيل يشرب منه الناديين النقاط ...
يا صبرى اصلا حكاية ان البطولة ضعيفة دى ما بيتغالطوا فيها ناس مش البطولة بس اصلا الكرة السودانية بكامل تركيبتها ضعيفة وانا القدامك دا لى تقريبا 3 سنوات ما حضرت كرة سودانية ولا اتابع الدورى والمباراة الوحيدة اللى شهادتها هى القمة الاخيرة وبالصدفة ... دى ما حتة نتغالط فيها انا بتكلم عن احقية المريخ بالفوز لانه الافضل او احسن السيئيين لانه الفريق الذى استطاع جمع اكبر عدد من النقاط وحصل على البطولة وطالما هيثم كان جزء ومساهم في البطولة دى يبقى هو كان ليه تاثير وافاد المريخ اما قولك ان الهلال لم يتاثر بذهاب هيثم دى بتحتمل وجهات نظر : 1- فنيا ممكن يكون هناك وجهتى نظر قد يرى البعض ان خروج هيثم المفاجئ من الهلال وبدون تجهيز البديل المناسب اضر بالفريق حتى يستوعب المجموعة غياب القائد والممون بدليل ان مستوى الهلال لم يكن كما كان في السنوات السابقة افريقيا ومحليا وممكن ناس تانية تشوف ان هيثم اصلا كان تاثيره قد اختفى في الهلال لعامل السن ووجوده من عدمه ما كان ليؤثر في موقف ومستوى الفريق هذا الموسم وممكن ناس تانية تشوف ان بديل هيثم وهو اللاعب المالى سد الخانة وزيادة ... 2- لكن الشئ الذى لا يقبل الاختلاف هو ان خروج هيثم كان مؤثر ومؤثر جدا على المستويين النفسى والتنظيمى بدليل ان خروج هيثم احدث انقساما كبيرا بين جماهير الهلال لدرجة ان بعضهم فكر في الانتحار كما قالوا وكذلك كان لهيثم تأثيره كقائد على المجموعة من حيث القيادة والحنكة والتوجيه حتى لو لم يكن لاعبا فوجوده مؤثر بالنسبة للمجموعة .. لانو هيثم بالنسبة للهلال ما كان مجرد لاعب هيثم كان معشوق الجماهير ورمزهم زى توتى في روما واكزافى في البارسا وقيقز في اليونايتد وهنرى في الارسنال هناك لاعبون بغض النظر عن مستوياتهم لديهم مكانة خاصة بالنسبة للفريق والمشجعين وخروج هيثم بتلك الطريقة المهينة كان شيئا سلبيا في حق الهلال وتاريخه .
Quote: وخروج هيثم بتلك الطريقة المهينة كان شيئا سلبيا في حق الهلال وتاريخه .
أفهم من كلامك في خروج من باب الجنة وخروج من باب النار ... لاعب تقدّم به السن ولم يُعلن اعتزاله .. وقامت إدارة النادي (ومن المُفترض أن يكون الطلب من الإدارة الفنّية طبعاً) بشطبه ...
ما المُهين في ذلك ؟ ألم يتخلّى اليوفي عن ديل بييرو الذي ما زال يلعب ؟ ألم يتخلّى ريال مدريد عن راؤول جوانزاليس ؟ ألم يتخلى مريخك عن فيصل العجب ؟
والأمثلة كثيرة جداً ومافي داعي ليها ...
مُشكلتنا في إعلامنا بالمقام الأوّل وجمهورنا بالمقام الثاني .. فلولاهما لتمّ شطب هيثم مُنذ مواسم خلت وكذا الحال لفيصل العجب ...
أين ذكرت أنا ما اقتبسته لك حتى يكون كلامي غير صحيح يا هُشام ...
Quote: ايطاليا = مواجهة فاصلة بين الفريقين في حالة التساوى في النقاط الدوري الانجليزي : بفارق الاهداف
الدوري الهولندي : بفارق الاهداف
الدوري الألماني : بفارق الأهداف
الدوري الفرنسي : بفارق الأهداف
الدوري البرتغالي : بفارق الاهداف في امريكيا الجنوبية لا توجد اى دولة تستخدم المواجهات المباشرة كلها تتبع قانون فارق الاهداف
هذا ما كتبته:-
Quote: لأنّ نظام القرعة وفارق الأهداف وشنو ما عارف دا كلّو الفيفا وضعو على جنب في منافساته الكُبرى واعتمد على المواجهات المُباشرة .. وكذا دوري أبطال أوروبا ...
مُنافسات الفيفا الكُبرى هي:- 1- كأس العالم 2- كأس القارات 3- كأس العالم للأندية
وأضفت دوري أبطال أوروبا ...
فياخي ما تجيب حاجة من عندك وتنسبها لي !!!
11-21-2013, 10:05 AM
هشام عباس هشام عباس
تاريخ التسجيل: 08-30-2010
مجموع المشاركات: 5609
Quote: مُنافسات الفيفا الكُبرى هي:- 1- كأس العالم 2- كأس القارات 3- كأس العالم للأندية
وأضفت دوري أبطال أوروبا ...
فياخي ما تجيب حاجة من عندك وتنسبها لي !!!
العفو يا حبيب انا كنت برد على الجزئية دى :
Quote: أوكي سأتأكد من حتّة من سيفوز بالممتاز في حال تساوى الفريقين .. وإن كان بالأهداف دي تكون كمان مصيبة في عالم الكُرة السودانية
انت رأيت ان استخدام نظام فارق الاهداف كارثة في عالم الكرة السودانية انا بينت لك انها ليست كارثة بل هو المتبع في كل البطولات الاوربية وهى الاقوى والاعظم والمنظم على مستوى العالم .. اما بطولات الفيفا فيا اخى هذه تختلف كثيرا بطولات الفيفا وبطولات الاتحاد الاوربى هى ليست دوريات هى بطولات مجمعة تتخذ اكثر من مرحلة واكثر من دور لذلك {ات الفيفا ان هذا النظام هو الامثل .
11-21-2013, 10:12 AM
هشام عباس هشام عباس
تاريخ التسجيل: 08-30-2010
مجموع المشاركات: 5609
Quote: أفهم من كلامك في خروج من باب الجنة وخروج من باب النار ... لاعب تقدّم به السن ولم يُعلن اعتزاله .. وقامت إدارة النادي (ومن المُفترض أن يكون الطلب من الإدارة الفنّية طبعاً) بشطبه ...
ما المُهين في ذلك ؟ ألم يتخلّى اليوفي عن ديل بييرو الذي ما زال يلعب ؟ ألم يتخلّى ريال مدريد عن راؤول جوانزاليس ؟ ألم يتخلى مريخك عن فيصل العجب ؟
والأمثلة كثيرة جداً ومافي داعي ليها ...
مُشكلتنا في إعلامنا بالمقام الأوّل وجمهورنا بالمقام الثاني .. فلولاهما لتمّ شطب هيثم مُنذ مواسم خلت وكذا الحال لفيصل العجب ...
لا هناك فرق كبير يا اخى اصلا اى لاعب في النهاية سيترك الكرة ولن يدوم ودا طبيعى وخروج لاعب من فريق امر طبيعى ما مشكلة ابدا نحن بنتكلم عن الطريقة والتعامل يعنى مستحيل تقنعنى ان خروج هيثم من الهلال كان قرارا فنيا لان الجميع تابع المشكلة منذ البداية وحتى النهاية وكل السيناريوهات اللى حصلت معروفة يا صبرى اخوى ..
السيناريوهات بتاعة قالوا وقلنا والقرار كان قرار منو .. أهو في النهاية هو كلام × كلام .. والنجيضة تايهة .. خاصة وأنّ ثقافة القرار الفنّي البرجع للمدرّب بشكل مُباشر شبه معدومة في الكُرة السودانية بشكل عام ... أهو في نهاية كل سنة بتلقى إدارات الأندية بتشوف وين الزول اللّعاب وبتجري ليهو وإن اختلفت الثقافة هنا وهناك ولكن في حتّات ضيقة ...
Quote: يعنى مستحيل تقنعنى ان خروج هيثم من الهلال كان قرارا فنيا لان الجميع تابع المشكلة
والمهم في الأمر لو جبت مدرّب شهير ومعروف عالمياً في الغالب قراره سيكون بالاستغناء عن هيثم مصطفى ... ودي النجيضة ...
طالما طلعت "غير صحيح" لي كلاماً تاني .. مافي مُشكلة يا هُشام ...
Quote: انت رأيت ان استخدام نظام فارق الاهداف كارثة في عالم الكرة السودانية انا بينت لك انها ليست كارثة بل هو المتبع في كل البطولات الاوربية وهى الاقوى والاعظم والمنظم على مستوى العالم .. اما بطولات الفيفا فيا اخى هذه تختلف كثيرا بطولات الفيفا وبطولات الاتحاد الاوربى هى ليست دوريات هى بطولات مجمعة تتخذ اكثر من مرحلة واكثر من دور لذلك {ات الفيفا ان هذا النظام هو الامثل .
ورأى الاتحاد الإسباني أيضاً أنّ هذا النظام هو الأمثل ...
طيب رأيي في الحتّة دي (عشان ما تقول لي غير صحيح) هو:- نظام الفصل بالمواجهات المُباشرة أفضل حاجة ... بجي بعدو النموذج الإيطالي وهو المُباراة الفاصلة ...
ما عدا ذلك مُصيبة في عالم المُستديرة*
ـــــ * كدا كيف ؟
11-21-2013, 11:02 AM
حمزاوي حمزاوي
تاريخ التسجيل: 10-10-2002
مجموع المشاركات: 11622
Quote: يا جماعة انتو ما بتعرفو هضربة الزول الراميهو جمل صبرى شكلو البنج ما فكا لامى الليله اها كدى حلل لينا مباراة تحسين الاوضاع اللعبها الهلال مع اهلى شندى انتهت كم؟ قال احصاء قال!! قوم لف لووووووووووووووووووووووووول،،،
Quote: وأنا زعلي من التضليل العايز يعملو مزمّل ... شنو قال وجعو نار وفراقو حار ...
الأخ/ صبري كلامك كلو بيثبت كلام مزمل لو دا منطق عايز تنفي بيهو كلامه.
( أربعة) كلمات من مزمل خلتك تعمل إحصائية طويلة عريضة وكلام طويل عريض (ربما) أنت ما مقتنع بيه!!!!. كويس المريخ أحرز ثالث اسوأ نتيجة مع هيثم ما الأولي!!!.
11-21-2013, 06:22 PM
عمر الفاروق عمر الفاروق
تاريخ التسجيل: 10-10-2005
مجموع المشاركات: 9669
صبري اطلع ليك كلام غير صحيح ؟؟؟ لو ما خانتني الذاكرة ف الاتحاد مدني فاز بالدوري الممتاز بي مسماه الجديد..بعد انسحاب الهلال والمريخ تقريبا.. وعليييك الخلقك ما تجي تفلسفا لي لو طلع كلامي صاح تعال اعتذر وامسح معلومتك الفوق ديك..
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
هشام عباس
Frankly
عمر الفاروق
تاج السر محمد حامد
صديق الموج
محمد جمعه الخير
Mirghani Taitawi
فيس بوك
تويتر
انستقرام
يوتيوب
بنتيريست