|
|
|
 Re: أغاني الفشاحة (Re: بدرالدين بابكر مصطفى)
|
فنيران العشق يوقدها الطلح منذ قديم الزمان، هي مباراة لا يلحق بأحد أطرافها خسران مبين.. وقد أشيع مؤخراً إن كليوباترا كانت تشعل كبريتها في دهاليز هرم خوفو،
فتثير الآلهة التي تتساقط ساجدة تحت قدميها .. وقيل إن بعض الرجال يمارسونه لأسباب أخرى غير الفشاحة
(قيل ، أيوا قلنا قيــــل)..
ولكن قبل أن نسترسل في هذا المجال لابد أن ننوه إلى أن الموضوع له آثار جانبية:
فارقت عروس في الثانية والعشرين من عمرها الحياة أمس ، بعد إحتراقها بنار (حفرة دخان ) بضاحية الكلاكلة جنوبي الخرطوم .
| |
 
|
|
|
|
|
|
|
|
Re: أغاني الفشاحة (Re: بدرالدين بابكر مصطفى)
|
فايحة بالكبَريت والقليب أنّة
الضمير محزوز والعقل جنّة
البخلي الروح لاجـّة تتـأنّي
الكفل مردوم وفي القِديم حِنة
(البكاي العظيم: أبوصلاح)
وقد سبقه في ذلك ود الرضي:
طابق البوخة قام ندى يهتف نام من الدوخة
إيدو عاقباهو جدلة مملوخة
وفي معالق الجوف موسو مجلوخة
فاح لي كبريتا وكبدي كالبنزين قادحا كبريتا
وثم يستسلم أخيراً رافعاً البيرق: أصلو هالكني عني ما نجيتا ويا جرح غور إن شاء الله ما بريتا
| |
|
|
|
|
|
|
|
|
|
Re: أغاني الفشاحة (Re: بدرالدين بابكر مصطفى)
|
قال المهدي المجذوب،
وحفرة بدخان الطلح فاغمـة
تندي الروادف تلويناً وتعطيرا
لمحت فيه - وما أمعنت – عارية
تخفي وتظهر مثل النجم مذعورا
مدّت بناناً به الحناء يانعة
ترد ثوبا إلي النهدين محسورا
قد لفها العطر لف الغيم منتشراً
بدر الدُجي وروي عن نورها نورا
يزيد صفرتها لمعاً وجدتها صقلاً
وناهدهـا المشدود تدويـرا
الحالة دي نكرا حطب وإدعى إنه (لمحت وما أمعنت): طيب وكان أمعنت كنت حتقول شنو ؟؟
| |
|
|
|
|
|
|
|
|
|
Re: أغاني الفشاحة (Re: عبيد الطيب)
|
بدر يا دفعة والعبيد سيد المرابيع
والغناي يهود انصاص الليالي
طابق البوخة وقام ندا يهتف نام من الدوخة
وفي معالق الجوف موسو مجلوخة
لهذه الرمية الشهيرة سكينا يغوص نصلها حتي العود في حنايا القلب والذاكرة
اها
او كما قيل
لهذا الكبريت نكهة الشبق ومناداة العشاق انصاص الليالي الشاتية والماطرة او حتي التي ترمي سخانتها ود ابرق , وودابرق رمزا مقصودا لذاته
لا أظن ان العالم أكتشف عطرا كما الفياجرا , مثلما أكتشفت ناس الوطن نداء الرغبة الخجلي , خجلن النساء من دعوة ازواجهن فأخترعن الدخان ,, ثم ازددن خجلا فأخترعن الخومرة ,,, فأكتسي وجههن حمرة الخجل فأتين بالقرمصيص
البوست ده هواهو بارد
الله لا تاجرك يا بدر
| |
|
|
|
|
|
|
|
|
|
Re: أغاني الفشاحة (Re: عبدالحفيظ ابوسن)
|
"المسخوت" أبو نواس يا "المسخوت" بدر الدين
وفي جو زي الجو دا بالضبط، مشى يتاوق ذي ود المجذوب.
شاف واحدة بس في بِركة موية (ما في حفرة دخان)
قال فيها:
نضت عنها القميص لصب ماء فورّد وجهها فرط الحياء
وقابلت الهواء وقد تعرّت بمعتدل أرق من الهواء
ومدت راحـة كالمـاء منها إلى مـاء معـد في إناء
فلما أن قضت وطراً وهمَّت على عجل إلى أخذ الرداء
رأت شخص الرقيب على التداني فأسبلت الظلام على الضياء
فغاب الصبح منها تحت ليل وظل الماء يقطر فوق ماء
فسبحان الإله وقـد براهـا كأحسن ما يكون من النساء
...
..
.
| |
|
|
|
|
|
|
|
|
|
Re: أغاني الفشاحة (Re: عبدالحفيظ ابوسن)
|
و في بوست أخر أن والي دولة "المشروع الحضاري" في القضارف (رضي الله عنه) قال:
ضبطنا مخدارات تكفي لتسطيل العاصمة كلها.
وكما قال (أبوسن) "الله لا تاجرك" يا بدر الدين في الجو العجيب ده ، جو المجانين والمساطيل ، تجيب لينا كمان المجذوب بتاع:
وليتنى في الزنوج ولى رباب تميد به خطاي وتستقيم
وأجترع المريسة في الحواني وأهذر لا ألام ولا ألوم
وأصرع في الطريق وفي عيوني ضباب السكر والطرب الغشوم
طليق لا تقيدنى قريش بأحساب الكرام ولا تميم
...
..
.
| |
|
|
|
|
|
|
|
|
|
Re: أغاني الفشاحة (Re: عبدالحفيظ ابوسن)
|
و رائحة البوست مع قصائد أبوصلاح تكفي لتسطيل كل مجرة درب التبانة.
أبو صلاح شاعر (الخطيبة وردفك منبرا)
والشعور البسطــل عنبرا
الصدير اعطافك فترا
والنهيد باع فينا واشتـرا
عالي صدرك لي خصرك ضرا
فيهو جوز رمان جل البرا
هذه القصيدة ينبعث منها الدخان
بلا نار..
بل كلها ألغام قابلة للاشتعال دون عود ثقاب ..... و "العياذ الله"..
جــو الرياض يكفي لتسطيل السعودية والسودان وتحويل طعم مياه البحر الأحمر إلى عسل يعشرق في الحلوق..
والرياض اليوم جنة: فيها: ظل ممدود ، وسدر مخضود، وطلح منضود
وأجواء عابقة بالشواء بكافة أنواعه.
والطلع المنضود دا يا بدرالدين
– أكان ما أخاف الكضب-
إيا هو طلحنا دا ذاتو .
ياهو النار الجوه الجنة.
----------------------
لعنة الله عليك يا بدرالدين..
----
Quote:
انهزامي نخب أول، بِكري،
|
بسط إنصرافي و BIKRI في انصرافيته!!
...
..
.
| |
|
|
|
|
|
|
|
|
|
Re: أغاني الفشاحة (Re: الصادق عبدالله الحسن)
|
Quote: جــو الرياض يكفي لتسطيل السعودية والسودان وتحويل طعم مياه البحر الأحمر إلى عسل يعشرق في الحلوق..
والرياض اليوم جنة: فيها: ظل ممدود ، وسدر مخضود، وطلح منضود
وأجواء عابقة بالشواء بكافة أنواعه.
والطلع المنضود دا يا بدرالدين
– أكان ما أخاف الكضب-
إيا هو طلحنا دا ذاتو .
ياهو النار الجوه الجنة. |
إياهو ذاتو يا الصادق أخوي
طلح رسمي وشعبي
بعدين المجذوب دا رائد الفشاحة والله ينضم لك فوق الموت يشهيك ليه
شوف ضباب السكر والطرب الغشوم
| |
|
|
|
|
|
|
|
|
|
Re: أغاني الفشاحة (Re: عبدالحفيظ ابوسن)
|
Quote: لهذا الكبريت نكهة الشبق ومناداة العشاق انصاص الليالي الشاتية والماطرة او حتي التي ترمي سخانتها ود ابرق , وودابرق رمزا مقصودا لذاته
لا أظن ان العالم أكتشف عطرا كما الفياجرا , مثلما أكتشفت ناس الوطن نداء الرغبة الخجلي , خجلن النساء من دعوة ازواجهن فأخترعن الدخان ,,
ثم ازددن خجلا فأخترعن الخومرة ,,, فأكتسي وجههن حمرة الخجل فأتين بالقرمصيص
البوست ده هواهو بارد
الله لا تاجرك يا بدر |
يا دفعة أيها الأنيق البليغ
أي والله مثل ما قلت، المرا عندنا إذا أرادت أن تخاطب غرائز زوجها
بتعمل ليها مس كول بالحركات دي
الله لا غز فيك بركة
| |
|
|
|
|
|
|
|
|
|
Re: أغاني الفشاحة (Re: عبيد الطيب)
|
بدر يا دفعة والعبيد سيد المرابيع
والغناي يهود انصاص الليالي
طابق البوخة وقام ندا يهتف نام من الدوخة
وفي معالق الجوف موسو مجلوخة
لهذه الرمية الشهيرة سكينا يغوص نصلها حتي العود في حنايا القلب والذاكرة
اها
او كما قيل
لهذا الكبريت نكهة الشبق ومناداة العشاق انصاص الليالي الشاتية والماطرة او حتي التي ترمي سخانتها ود ابرق , وودابرق رمزا مقصودا لذاته
لا أظن ان العالم أكتشف عطرا كما الفياجرا , مثلما أكتشفت ناس الوطن نداء الرغبة الخجلي , خجلن النساء من دعوة ازواجهن فأخترعن الدخان ,, ثم ازددن خجلا فأخترعن الخومرة ,,, فأكتسي وجههن حمرة الخجل فأتين بالقرمصيص
البوست ده هواهو بارد
الله لا تاجرك يا بدر
| |
|
|
|
|
|
|
|
|
|
Re: أغاني الفشاحة (Re: عبدالحفيظ ابوسن)
|
وعندما تنبهل سماوات البوادي لا تسمع في الأرجاء سوى صوت الفشاحة، خرير المياه في الوديان وامتلاء الحفائر في حد ذاته فشاحة،
وشبق الجروف البكر للأمطار حين تصلّ في القيعان رقرقة السراب، وظباء لا قرون لها، يلعبن منا بألباب وأرواح،
رتوع السعية وتقافز الحملان الصغيرة على العشب (العسين)، ذكور الضفادع تنادي الفشاحة بإصرار وإمعان، الكباش تتناطح فداءً للفشاحة،
ود أبرق رمز الفشاحة الأبدي يكون حاضراً على الغصون المغسولة بماء السواري،
ذلك كله يندرج تحت بند الفشاحة ..
| |
|
|
|
|
|
|
|
|
|
Re: أغاني الفشاحة (Re: بدرالدين بابكر مصطفى)
|
ومن حائط حنفي نسرق مرة أخرى: وأيضاً (قد يعفو الله عن اللص):
ودار حنفي في بادية الفيس بوك هي أفضل ما يقيل فيه المرء بعد أن يغلق كافة الأبواب التي تجيب الريح..
إذ يقول (حنفي): ويبقى سؤال محمد فضل الله حسن باقياً ما بقى الجو حاقدا:
سألتك يوم يجيك زيف العشيه الفاك
بتنوم ولاَّ زى ما النوم جفانى جفاك ؟
(للأسف مربوع يتيم وناقص...)
وأيضاً دا مربوع يتيم وناقص أورده حنفي نكاية في المغتربين وفرقة العذابة الصابرة المحتسبة القابضة على جمر القضية والمكتوية بنيرانها:
وينك من بلد مغرب طلوحو تـبٌقْ
وينك من بلد دامشيقو مــٌراً يشُق
وفي الخليج أحياناً يشترط صاحب العقار على السودانيين: ممنوع الدخان، وقد تحايلت حكومات السودانيين في المهاجر على الحفر فابتكرت (ابتكاراً لا يقل عن نسبية اينشتاين)
حفرة متحركة عبارة عن صندوق خشبي.. ما زي أبوك لكن بربيك
| |
|
|
|
|
|
|
|
|
|
Re: أغاني الفشاحة (Re: بدرالدين بابكر مصطفى)
|
الصادق يا ود دفعتنا أنا وأخوي الكاشف داك أب سن
Quote: "المسخوت" أبو نواس يا "المسخوت" بدر الدين
وفي جو زي الجو دا بالضبط، مشى يتاوق ذي ود المجذوب. |
الجو المسخوت مو أنا يا زول
ومثل هذه الأجواء تعتبر شروع في الفشاحة بلا منازع
بمناسبة أبونواس الماجن الأكبر وسيد الفاشحين قالوا معلقة أمرؤ القيس الشهيرة ديك
ما هي إلا وليدة لحظة من لحظات الفشاحة هذه:
يرى بعض الباحثين أن الباعث على نظم معلقة امرء القيس هو (يوم دارة جلجل) حينما التقى الشاعر بابنة عمه شرحبيل (عنيزة أو فاطمة)
ويرى البعض أنهما شخص واحد –وكان هائماً بها- عند غدير كانت عنيزة وصويحباتها يستحممن فيه، وكان امرؤ القيس يتربص فلما رآهن وقد خلعن كامل ثيابهن،
ظهر لهن ومنع عنهن ملابسهن وطلب إليهن أَن يخرجن أمامه واحدة تلو الأخرى مقبلات ومدبرات وعندئذ فقط يعطيهن ملابسهن.
وعندما أوشك المساء أن يحل اضطررن لذلك ما عدا عنيزة فقد أبت الخروج، ولكنها اضطرت أخيراً لمجاراته في طلبه.
وما كان من امرئ القيس تحت برحاء الحب والنشوة إلاّ أن عقر لهن ناقته ورحن يمرحن ويتضاحكن وهن يشوين اللحم ويغلفنه بالشحم،
وهن سعيدات فرحات إلى أقصى ما تكون السعادة والفرح. ((وعلى أثر ذلك نظم مطولته مقاطع مقاطع على الأغلب فوصف الحادث وأضاف إليه شتى الذكريات مما جرى له قبل مقتل أبيه،
فكانت قصيدته وليدة حبه لعنيزة ووليدة ولعه بالصيد والضرب في البلاد.
الغدير : حفرة العذارى
مقبلات ومدبرات يا مفتري ، أي مقبلات ومدبرات .. ون باي ون .. يا لفداحة الفشاحة
| |
|
|
|
|
|
|
|
|
|
Re: أغاني الفشاحة (Re: عبيد الطيب)
|
Quote: وشوق سيدك علي الفوق الحُفَر بدفَّن
"بدفَّن دي ما من يدفّا .الدَّفو لا من بدفَّن من دفن يندفن في الحفرة.......! |
لكن اعتقد إن حسب مخطئ
فنحن يا صديقي عبيد نتبع ما وجدنا عليه آباءنا
لكن بيني وبينك ناس زمان ديل أصلن نارن موقدة بلا حطب ودخاخين
ما أظنهم كانوا محتاجين لكل هذه المقدمات الفاحشة ليلبوا هذا الـ (كول أوف نيتشر)
الواحدة تمرق من بيتهم خطوة واحدة يسووا فيها قصيدة تحير العالمين
وفي ذات السياق:
يحضرني مربوع ود عبشبيش عندما سجنوه في الكاملين وتناهى إلى أسماعه كرير الرعد ولفحته دعاشات الخريف، تضاعفت مصيبته عندما أخذوا جمله ورفيق دربه وعرضوه في مزاد علني (الجمل بما حمل):
سرجك دلّلو وملصوا القلايد منك
وسيدك قيدو شك وإت في المزاد جالبنك
الخلاك بالهاري السنين سالبنك
طال شوقك على العبكن جلادن وجنّك
(هييييه: العبكن جلادن وجنّك؟، أها خُم وصُر)
| |
|
|
|
|
|
|
|
|
|
Re: أغاني الفشاحة (Re: بدرالدين بابكر مصطفى)
|
ههههههههههه
والله انتوا احلي ناس بوست زي الورد وحاشاهو الفشاحة والانصرافية دة تراث
وبهدي ليكم اغنية ( يا الطابق البوخة ) حقيبة عديل كدة .
يديكم العافية ولي قدام .
| |
|
|
|
|
|
|
|
|
|
Re: أغاني الفشاحة (Re: بدرالدين بابكر مصطفى)
|
والقصيدة التي تسمي اليتيمة لشاعرها "دوقلة المنبجي" وهي من عيون الشعر العربي
والتي أوردها الأديب الأريب الشاعر فاروق شوشه
في كتابه أحلي عشرين قصيدة حب ففيها بيت فاحش ولكن الكتاب والشارحين
حذفوه من اليتيمة ...........
"ولها هَنٌ راب مجسّته وعر المسالك حشوه وقد
إذا طعنت طعنت في لُبَدٍ وإذا نزعت يكاد ينسدُّ
| |
|
|
|
|
|
|
|
|
|
Re: أغاني الفشاحة (Re: عبيد الطيب)
|
يابدر الدين يارائق،،،بوستك ده بلمو فيهو الملاماتية بوردوه مورد الهلاك..
قلت لي المجذوب قال شنو!
الناس ديل خابر اظنو روسينن خفاف،،ريحة عطر تسطل بيهم..
اما في هذا الزمن الاوشك،،،فقد رشحت الدواير مخترع الفياغرا لجايزة نوبل السلام...فوحده حضن الغيم القادر علي اطفاء نيران الكره ..والحروب. لو مر هذا الندي والشذا وعطر حواء بفجاجننا،،،لا نشغل الساسة بما يفيد،،صناعة للحياة وتكرفا لعطر دخان حبيب,
| |
|
|
|
|
|
|
|
|
|
Re: أغاني الفشاحة (Re: عبدالعزيز عثمان)
|
غايتو الود اب رويسا مدقوس زي الدليبه النيه ده بورطنا
والعبيد البتشيلو الهوشة ويجي تارس وطاقيتو الحمرا تقع منو ,, وتاني يهوش زي التور الناكع البقر من ورا
الجوز ديل اكان باريتم بفك آخري وببقا ونسه
هسعتي دي عندي بوست خليتو في السهله
بوست أليل حب
| |
|
|
|
|
|
|
|
|
|
Re: أغاني الفشاحة (Re: عبدالحفيظ ابوسن)
|
Quote: ولها هَنٌ راب مجسّته وعر المسالك حشوه وقد
إذا طعنت طعنت في لُبَدٍ وإذا نزعت يكاد ينسدُّ |
ههههههه
أها شوفوا البقينا فيها،
إذا نزعت يكاد ينسد
غايتو يا عبيد البيتين ديل لو داير تشرحن إلا تجيب فيلم X
شكلنا ماشين على الخور راسنا عديييل
| |
|
|
|
|
|
|
|
|
|
Re: أغاني الفشاحة (Re: بدرالدين بابكر مصطفى)
|
Quote: ههههههههههه
والله انتوا احلي ناس بوست زي الورد وحاشاهو الفشاحة والانصرافية دة تراث
وبهدي ليكم اغنية ( يا الطابق البوخة ) حقيبة عديل كدة .
يديكم العافية ولي قدام . |
دقيقة يا شباب
خلوني أرحب بهذه الأنثى النجيضة
تحياتي مثنى وثلاث ورباع
فإنتي يا بت عمسيب أول أنثى تعتّب على هذا البوست
أقول ليك حاجة، مما جيت المنبر دا مافي إنتاية قالت لي عينك في راسك غيرك
تقول في شوك يا قول أب داؤود
أها قديني عين الشيطان الرجيم (يقدها الجيلي أبوالعلمين)
| |
|
|
|
|
|
|
|
|
|
Re: أغاني الفشاحة (Re: عبدالعزيز عثمان)
|
Quote: يابدر الدين يارائق،،،بوستك ده بلمو فيهو الملاماتية بوردوه مورد الهلاك..
قلت لي المجذوب قال شنو!
الناس ديل خابر اظنو روسينن خفاف،،ريحة عطر تسطل بيهم..
اما في هذا الزمن الاوشك،،،فقد رشحت الدواير مخترع الفياغرا لجايزة نوبل السلام...فوحده حضن الغيم القادر علي اطفاء نيران الكره ..والحروب.
لو مر هذا الندي والشذا وعطر حواء بفجاجننا،،،لا نشغل الساسة بما يفيد،،صناعة للحياة وتكرفا لعطر دخان حبيب, |
يا عزو يا حبيب
أوافقك الرأي تماماً :
اعتقد إننا لو استطعنا استثمار سحر أنثانا في السياسة سيعم الأرجاء جو من العبق والسماحة ... والفشاحة
بدلاً من العنف والقتل
تحياتي مثنى وثلاث ورباع
| |
|
|
|
|
|
|
|
|
|
Re: أغاني الفشاحة (Re: بدرالدين بابكر مصطفى)
|
Quote: لمحت بوست المساخيت فى سودانيز
وبضيف ليك فيهو مقطع من قصيدتى لشكل جديد الاهديتها لكل انثى اطفأت حفرة دخانها رأفة ببرم الطلح
واليك المقطع :
أفرح كتير ساعة المغيب لمن حريق طلحك يقيف
وجنب الهشاب فى كم قطار يتهادى صمغو على الرصيف
ما الراعى والريم والطيور مجتاجه لى ضلو الوريف
وين انتصارك لى الزهور ما قلتى احساسك رهيف ؟
/ كيف يرضى ليك تتعصفرى ويتأتم البرم البقوم ؟
وبطعمها ليك بى نكته ( فى مسطول فارش حطب طلح وجات واحده عايزه ليها حطب شاف قالت للمسطول : دا شاف واشارت للحطب ، فأجابها لا دا ماشاف لاكين حا يشوف
اها تكملة رباعية محمد فضل الله:
بريدك ومستحيل انساك
وارحم حبه واشفع فى عذابى كفاك
سالتك يوم يجيك زيف العشيه الفاك
بتنوم ولا زى ما النوم جفانى جفاك ؟ |
صديقنا حنفي الشاعر الفاشح
لووووووول
حيشوف ويشبع شوف
أسع عليك الله السختة فارقتك وين ؟؟؟
| |
|
|
|
|
|
|
|
|
|
Re: أغاني الفشاحة (Re: بدرالدين بابكر مصطفى)
|
.
يابدر
مع إننا عيال بندر، لكن لابأس من رفد خيطكم بشعر القدال - قدال الشعر
يقول:
ووكت إتقفّلَتْ شِقّيشْ
قَبَلْ بي المرّة
نَرْمي أمُرنا في بلد المعاني الحُـرّة
الشّمْ خَوّخَتْ
بَرَدَنْ ليالي الحّـرّة
والبرّاق بَرَقْ ..
مِنْ مِنّا جاب القِرّة
شوف عيني الصِّقير بجناحو كَفَتْ الفِرّة
تلقاها ام خدود الليلة مَرَقَتْ بَرّة
مَرَقَتْ بَرّة ..
مَرَقَتْ بَرّة تغلي مديدة الحِلْبة التَسَمِّن رِدْفَها
السَمِنْ المبَسْتَرْ يانْكي
والويقود بعيرات الدُّخان في العين
وفي الفَشْفَاشْ يسوِّي عمايلو
شِنْ فايدة مديدة الحلبة والويقود بشيلو اليانكي ؟؟
يا ابو السُّرة
قامت من دخاخين العمى تلمِّع وشِيها
اليانكي مِسْتَنِّيهَا
كان اليانكي مستنيها في مراية السَجَم في اللّيل
لقيتها مِتِلْ فريخ الطّير
مَرَقْ ود عينها من ود عينها
رجّافة المزمّلْ حُمّى
جَفَلَتْ مِنّو
وَقَعَتْ عندي
صدرها بغلي .. ))
الصورة التي تدعم عطر هذا الخيط تجدها في:
قامت من دخاخين العمى تلمِّع وشِيها
اليانكي مِسْتَنِّيهَا
كان اليانكي مستنيها في مراية السَجَم في اللّيل !
مراية السجم .. يالها من صورة وياله من ليل، بل يا له من ويل!
.
| |
|
|
|
|
|
|
|
|
|
Re: أغاني الفشاحة (Re: سيف اليزل الماحي)
|
Quote: نضت عنها القميص لصب ماء فورّد وجهها فرط الحياء
وقابلت الهواء وقد تعرّت بمعتدل أرق من الهواء
ومدت راحـة كالمـاء منها إلى مـاء معـد في إناء
فلما أن قضت وطراً وهمَّت على عجل إلى أخذ الرداء
رأت شخص الرقيب على التداني فأسبلت الظلام على الضياء
فغاب الصبح منها تحت ليل وظل الماء يقطر فوق ماء
فسبحان الإله وقـد براهـا كأحسن ما يكون من النساء |
شكرا الجميل الصادق عبدالله
هنا تحضرني طرفة جميلة اوردها ابن المعتز في طبقاته قال: اطلع المهدي علي بعض جواريه
وهي عريانه تغتسل فأحست به فضمت فخذيها وسترت متاعها بكفيها فلم يشملاه حتي انثنت فسترته بعكن بطنها
فخرج المهدي ضاحكا وبشاربن برد في داره فقال له المهدي: اجز هذا البيت (ابصرت عيني لحيني) فقال بشّار راجزا:-
أبصرت عيني لحِيني......
منظرا وافق شيني.....
سترته اذ رأتني تحت بطن الراحتين
فبدت منه فضول لم توار باليدين
فانثنت حتي توارت بين طي العكنتين
الكتراااااااااابل عكنة دايرالها عنكة..........!
| |
|
|
|
|
|
|
|
|
|
Re: أغاني الفشاحة (Re: عبيد الطيب)
|
النكت البوست ده عليهو ان يتصدق
بالمناسبة كتاب الأغاني والمستطرف والعقد الفريد وألف ليلة وليلة النسخة الأصلية وكثير من كتب التراث الادبي مليئة بحكاوي الفشاحة وشعر الفشاحة
فكأنهم لا يستحون منها
أضف لذلك كثير من الامثال السودانية فاشحة المنشأ
وبل بعض الامثال فاشحة
| |
|
|
|
|
|
|
|
|
|
Re: أغاني الفشاحة (Re: عبدالحفيظ ابوسن)
|
Quote: قال المهدي المجذوب،
وحفرة بدخان الطلح فاغمـة
تندي الروادف تلويناً وتعطيرا
لمحت فيه - وما أمعنت – عارية
تخفي وتظهر مثل النجم مذعورا
مدّت بناناً به الحناء يانعة
ترد ثوبا إلي النهدين محسورا
قد لفها العطر لف الغيم منتشراً
بدر الدُجي وروي عن نورها نورا
يزيد صفرتها لمعاً وجدتها صقلاً
وناهدهـا المشدود تدويـرا
الحالة دي نكرا حطب وإدعى إنه (لمحت وما أمعنت): طيب وكان أمعنت كنت حتقول شنو ؟؟
|
وهذا البيت من قصيدة المجذوب التي اوردتها يا بدر البوادي
حيَّا قبرالمجذوب السَّواري المُدجنة
"أمسيتُ أرضعها محض الصّبي دمي
حتي انثنيتُ قبيل الصُّبحِ مبهورا"
هذا أبلغ بيت شعري سمعته.............!
نقول مَحَضَ فلانا مَحْضا أي سقاه لبنا خالصا
ونقول لبن مَحْض اي لم يخالطه ماء
ونقول فعلت كذا وكذا بمحض إرادتي......!
هذا البيت حفظته وانا بالثانوي في الثمانينات من الصديق والوزير الحالي بشمال دارفور
الفاتح عبدالعزيز حيَّاه ضحوي السعودية العوير والذي مازال يزرف مُزنه دمعا سخيا من جَفن عارضه الغادي تندرا علي حالنا......!
| |
|
|
|
|
|
|
|
|
|
Re: أغاني الفشاحة (Re: عبيد الطيب)
|
اها فشاحة كما قال العبيد اكتر من ده
وتجيل مسواك الأراك على
.......... رتل كأن رضابـه الشهـد
والصتدرمنهاقـد يزيـنـه
.......... نهد كحق العـاج إذ يبـدو
والمعصمان فما يرى لهما
.......... من نعمة وبضاضة زنـد
ولها بنان لـو أردت لـه
.......... عقدا بكفك أمكـن العقـد
وكأنمـا سقيـت ترائبهـا
.......... والنحر ماء الـورد إذ يـبـدو
وبصدرها حقان خلتهمـا
......... كافوريتيـن علاهمـا نـد
والبطن مطوي كما طويت
.......... بيض الرياط يصونها الملد
ويخصرها هيـف يزينـه
.......... فـإذا تنـوء يكـاد ينقـد
ولها هـن راب مجستـه
.......... وعر المسالك حشوه وقـد
فإذا طعنت طعنت في لبـد
.......... وإذا نزعـت يكـاد ينسـد
والتف فخذاهـا وفوقهمـا
.......... كفل،يجاذب خصرها نهـد
فقيامها مثنـى إذا نهضـت
.......... من ثقله وقعودهـا فـرد
والساق خرعبـة منعمـة
.......... عبلت فطوق الحجل منسد
والكعب أدرم لا يبين لـه
..........حجم وليس لرأسـه حـد
ومشت على قدمين خصرتا
.......... والتفتـا فتكامـل الـقـد
ما عابها طـول ولا قـصـر
.......... في خلقها فقوامها قصـد
وتجيل مسواك الأراك على
.......... رتل كأن رضابـه الشهـد
والصتدرمنهاقـد يزيـنـه
.......... نهد كحق العـاج إذ يبـدو
والمعصمان فما يرى لهما
.......... من نعمة وبضاضة زنـد
ولها بنان لـو أردت لـه
.......... عقدا بكفك أمكـن العقـد
وكأنمـا سقيـت ترائبهـا
.......... والنحر ماء الـورد إذ يـبـدو
وبصدرها حقان خلتهمـا
......... كافوريتيـن علاهمـا نـد
والبطن مطوي كما طويت
.......... بيض الرياط يصونها الملد
ويخصرها هيـف يزينـه
.......... فـإذا تنـوء يكـاد ينقـد
ولها هـن راب مجستـه
.......... وعر المسالك حشوه وقـد
فإذا طعنت طعنت في لبـد
.......... وإذا نزعـت يكـاد ينسـد
والتف فخذاهـا وفوقهمـا
.......... كفل،يجاذب خصرها نهـد
فقيامها مثنـى إذا نهضـت
.......... من ثقله وقعودهـا فـرد
والساق خرعبـة منعمـة
.......... عبلت فطوق الحجل منسد
والكعب أدرم لا يبين لـه
..........حجم وليس لرأسـه حـد
ومشت على قدمين خصرتا
.......... والتفتـا فتكامـل الـقـد
ما عابها طـول ولا قـصـر
.......... في خلقها فقوامها قصـد
| |
|
|
|
|
|
|
|
|
|
Re: أغاني الفشاحة (Re: عبدالحفيظ ابوسن)
|
سيف اليزل
كيفك يا حبيب
إنت متين بقيت زول بندر ؟؟؟؟
يا سلام عليك وعلى القدال وما أدراك ما القدال
(بدور افرح
واقوم يا ناس بعد هودتا فوق الصي اعود لي بلود الرب
اتيقن واشوف الرحمة شوف العين) القدال
| |
|
|
|
|
|
|
|
|
|
Re: أغاني الفشاحة (Re: بدرالدين بابكر مصطفى)
|
| Quote: هنا .. نحن نمتع ابصارنا بدهشة .. الفري بويم .. .نتخارج ..مع كثير من الملايكة ..والملايقة ... بس يا حنفي لشكل جديد .. دي فيها مهنية شعرية .. والباقي خليتو للمساخيت |
مشاركة أخونا ود سعد الله من الفيس بوك
التحايا من هنا لا عندك
| |
|
|
|
|
|
|
|
|
|
Re: أغاني الفشاحة (Re: بدرالدين بابكر مصطفى)
|
Quote: والتف فخذاهـا وفوقهمـا
.......... كفل،يجاذب خصرها نهـد
فقيامها مثنـى إذا نهضـت
.......... من ثقله وقعودهـا فـرد
والساق خرعبـة منعمـة
.......... عبلت فطوق الحجل منسد |
يا أب سن
كما قلت لك تكاد تتطابق أوصاف المرأة في خيال الرجل الشرقي عموماً
من موريتانيا لحدي العراق
(صدر، وخصر، وكفل)
تحياتي مثنى وثلاث ورباع
| |
|
|
|
|
|
|
|
|
|
Re: أغاني الفشاحة (Re: إدريس محمد إبراهيم)
|
Quote: وبالجد يا باشمهندس بكري يا ريتك تكتر لينا من أمثال الناس المثقفة الراقية دي ....والتي نستفيد ونستمتع بما تجود به علينا .... مش أصحاب المهاترات والصلف البذيء ....
لسه أول أمس واحد أول مره أسمع باسمو قال لي يا لئيم ....في أول مداخله له معي .... تخيلـــــوا !!!! ولما تم فضح البعض فيه ...وكان ممكن الامر يصل للمحاكم قام بكري بحذف البوست ... وايش جاب لي جاب .... |
تعرف يا إدريس
في ناس في المنبر دا عادي بجيبوا ليك الدغت (الضغط)
فـ ما تشتغل بالعينة دي كتير، أو سويهم مهزلة تعال شوفهم راميين وين وأرميهم بي درابة واتخارج
بس بشرط ما ترجع للبوست تشوف ردوا ليك بي شنو، هههههههههه
لأنو اللئامة وحدها ما بتخارجك
والموضوع كما تعلم كله افتراضي، يعني تشاكل زول وتصل لي مرحلتك دي (مرحلة المحاكم)
وعادي ممكن الزول دا يكون شرب معاك شاي في قهوة
أو سطح معاك فوق القطر
المسألة ليست حقيقية إلا في بعض الحالات النادرة
عموماً أشكر مرورك وإطراءك وذوقك الحلو
وتحياتي مثنى وثلاث ورباع
| |
|
|
|
|
|
|
|
|
|
Re: أغاني الفشاحة (Re: إدريس محمد إبراهيم)
|
Quote: وبالجد يا باشمهندس بكري يا ريتك تكتر لينا من أمثال الناس المثقفة الراقية دي ....والتي نستفيد ونستمتع بما تجود به علينا .... مش أصحاب المهاترات والصلف البذيء ....
لسه أول أمس واحد أول مره أسمع باسمو قال لي يا لئيم ....في أول مداخله له معي .... تخيلـــــوا !!!! ولما تم فضح البعض فيه ...وكان ممكن الامر يصل للمحاكم قام بكري بحذف البوست ... وايش جاب لي جاب .... |
تعرف يا إدريس
في ناس في المنبر دا عادي بجيبوا ليك الدغت (الضغط)
فـ ما تشتغل بالعينة دي كتير، أو سويهم مهزلة تعال شوفهم راميين وين وأرميهم بي درابة واتخارج
بس بشرط ما ترجع للبوست تشوف ردوا ليك بي شنو، هههههههههه
لأنو اللئامة وحدها ما بتخارجك
والموضوع كما تعلم كله افتراضي، يعني تشاكل زول وتصل لي مرحلتك دي (مرحلة المحاكم)
وعادي ممكن الزول دا يكون شرب معاك شاي في قهوة
أو سطح معاك فوق القطر
المسألة ليست حقيقية إلا في بعض الحالات النادرة
عموماً أشكر مرورك وإطراءك وذوقك الحلو
وتحياتي مثنى وثلاث ورباع
| |
|
|
|
|
|
|
|
|
|
Re: أغاني الفشاحة (Re: بدرالدين بابكر مصطفى)
|
المجذوب يا بدر شاعر موهووووووووووب او قُل هو شاعر.......!
شوف بييته
"أمسيتُ أرضعها محض الصّبي دمي
حتي انثنيتُ قبيل الصُّبحِ مبهورا"
" بالرغم من "فشاحته
لكنه شعرا جميلا ووصف مهول........
ولكنني لا أدري غادر مبهورا من ماذا ؟ هل من ....! أم من الصبح حيث أسفر وأصبحت تري العين الطُرَّاد
وهذا ما حصل للمتنبي:
كم زَورةٍ لك في الإعراب خافيةٍ أدْهي وقد رقدوا من زورة الذِّيبِ
أزُرُهُم وسواد اللّيل يشفعُ لي وأنثني وبياض الصّبْح يُغري بي
قيل والعهد علي الراوي صاحبي العارف حسب الله قال:
شويم إلي فرقان تنيدة روحه وقضيا كل الليلِ في الأُنس والمناجاة وال.........
أو كما يقول شيخي الكبير وسيِّدي الوهيط:
"أني وتمكت مجاري السَّيل
في ونسه وإنبساط نامن قسمنا اللَّيل
وكت النِّعام إشقلبنبُو الخيل
لا جادة ولا بخلت علي بلحيل
يا سلااااااام الناس ديل حياتهُن خريف وكلامهُن خريف وأُنسهن خريف
شوف تمكة مجاري السَّيل دي ...وعشان نشرح التَّمكة شوف صاحب غنا التّوية:
التَّمكة أم عِرْقَن رامي
أم شلخَن سير عرَّامي"
اها ونسه وإنبساط إلي الهزيع الأخير من ليلِ المحبين.....
وإلي ان ذهب نجم النِّعام إلي طرف السماء وإنحدر جنوبا ..يعني قُبيل صبح المجذوب
اها نرجع إلي نكتة حسب الله قال وهُما في دل الأشواق والنجوي حتي ظهر "الحَمار" وصاح "ديك الجِن""
اها حسب الله قال: صاحبته لم تصدق ان الصبحَ قد أسفر فقالت
"الديك البعوعي العشاء دي جنَّ"
ويابدر البوادي زي ما قال ود أب سن "الزول المرق البوست دي حقُّو يتصدق"
اها دي الصدقة والهدية ليكم من شوارد شيخنا الكبير
و شيخي الكبير وسيِّدي الوهيط أحيانا يكون شوَّافا و"عزَّالا" و"عوَّافا"
جيت باري البيت ناَمَن مليت شوفي
جرَّت مُقنع الحشمة العرق جوفي
البنوت بلاك يا مُنضرة شوفي
عملن لي طُمام فيهِن كِتِر عُوفي"
محبتي ودمتم سمحين
| |
|
|
|
|
|
|
|
|
|
Re: أغاني الفشاحة (Re: عبيد الطيب)
|
Quote:
ضمت فخذيها وسترت متاعها بكفيها فلم يشملاه حتي انثنت فسترته بعكن بطنها
|
بالغت يا ود المقدم، وحتى موسوعة جنيس لم تسجل شيئاً كهذا..
هذا شيء عظيم بمقياس الندرة ، وهو شيء خطير بمعيار الـ" وفــــــرة"
والسؤال:
ماذا إن ارادت هذه الجارية مسحـه كله من محيطه إلى خليجه، هل عليها الاستعانة بطائرات "الإيواكس"؟!
وأذكر أنني قرأت قصيدة لأحد شعراء البطانة وقد ذهب كـ(المهدي والمهدي) يتاوق على ( أم خدود) وقد رآها (مَرَقَتْ بَرّة) (مَرَقَتْ بَرّة) ،
وقد شاء حظه العاثر أن يرى:
( الـدوف ساترو إن بِـقى من هـدوموا إتعَّــرا )
----
ذلك زمان مضى .. زمن (عائشة بنت طلحة) وصويحباتها ذوات الأعكان، أما في زماننا هذا الذي تمتلئ فيه الصيدليات والجيوب بأقراص علاج فرط ضغط الدم المعروف بـ (الدغت)،
فالأكثر أماناً -أخي بدر- أن نبتعد عن اللحوم وأن نتكئ لنستريح قليلاً مع (محمود درويش) :
الجميلات هنَّ الجميلاتُ
"نقش الكمنجات في الخاصرة"
الجميلات هنَّ الضعيفاتُ
"عرشٌ طفيفٌ بلا ذاكرة"
الجميلات هنَّ القوياتُ
"يأسٌ يضيء ولا يحترق"
الجميلات هنَّ الأميراتُ
"ربَّاتُ وحيٍ قلق "
الجميلات هنَّ القريباتُ
"جاراتُ قوس قزح "
الجميلات هنَّ البعيداتُ
"مثل أغاني الفرح"
الجميلات هنَّ الفقيراتُ
"مثل الوصيفات في حضرة الملكة"
الجميلات هنَّ الطويلاتُ
"خالات نخل السماء"
الجميلات هنَّ القصيراتُ
"يُشرَبْنَ في كأس ماء"
الجميلات هنَّ الكبيراتُ
"مانجو مقشرةٌ ونبيذٌ معتق"
الجميلات هنَّ الصغيراتُ
"وَعْدُ غدٍ وبراعم زنبق"
الجميلات، كلّْ الجميلات، أنتِ
إذا ما اجتمعن ليخترن لي أنبلَ القاتلات
...
..
.
| |
|
|
|
|
|
|
|
|
|
Re: أغاني الفشاحة (Re: الصادق عبدالله الحسن)
|
| Quote: البدير....ياصديق كما عهدناك دائماً رومانسي (بكااااااااااااي) كما الأتبراوى :) ...غايتو بوست نارو طالقة داير لو مركز مطافي..بس فاقد العربى وسلوق ههههههههههههههههه ...ياخي ناس عبد الحفيظ والمقدم ديل بس مارد وفكوه تحياتى لكم يامبدعين |
يا صديقي الجميل
إنت براك هين ؟؟
عبيد وأب سن والصادق كانوا مكبوتين والبوست دا فجر طاقاتهم (الفاشحة)
لكن إنت براك ماك هين
تحياتي مثنى وثلاث ورباع
| |
|
|
|
|
|
|
|
|
|
Re: أغاني الفشاحة (Re: بدرالدين بابكر مصطفى)
|
Quote: وأذكر أنني قرأت قصيدة لأحد شعراء البطانة وقد ذهب كـ(المهدي والمهدي) يتاوق على ( أم خدود) وقد رآها (مَرَقَتْ بَرّة) (مَرَقَتْ بَرّة) ،
وقد شاء حظه العاثر أن يرى:
( الـدوف ساترو إن بِـقى من هـدوموا إتعَّــرا |
الدووووووووف ساتر.....!
شوف يا الصادق أخوي
شوف بخيت ود عبدالمولي بعد ما رحلت ست روحه وعزفت أجراس هوادجها
ماذا فعل به إبليس.........!
"يا .....أهلي شالو طبقو الرَّحلْي
وجرسك ناغا فوق ود السَّهيت بي المَحلْي
تري الناس نامُو ,اني إبليس قعد بمدَحلي
هسَّاع تلَّلْ الرِّيق فوق عراطم الكحلي"
"جرس ناغا .أو حسُّو ..صوت الأجراس مع حركت القُود ...ودالسَّهي هو الحاشي الذي لم يُشارك بحلبٍ في رضاعة أُمَّه والمحلة من المحل والمحُول والجدب إبليس بمدحلي أي يُذكِّره بمحبوبته وماذا قال له إبليس..؟ "هسَّاع تلَّلْ الرِّقيق فوق عراطْمْ الكَحْلِي" "تلَّل اي صار عذبا وبه برودة
تقول إحدي العذاري تصف حبيبها بعذوبة الماء وصفاءه
"التلَّل تحت الكِتري
خايفالَك الفكري
نامَن جبت الذِّكْرِي
لعب الفار فوق حكْرِي
الكتر شجر شوكي ينبت علي الحصباء وكثيرا ما يكون الماء الذي تحته نقيا وعذبا
الفكري من
فكر ليك" اي سحرك وأصابتك عينه
العراطِم هي الشِّفاه ولكن شفاه........!
محبتي
| |
|
|
|
|
|
|
|
|
|
Re: أغاني الفشاحة (Re: عبيد الطيب)
|
شوف حسب الله يومو البِجْدع فيهو لوح ناس بُشر الحافي
ويدِّي فرقان بن عذرة يساروا ويتعنَّا ناس بت مجذوب.........!
البارح في المنام جاني القرين بتنَّا
ونقر الباب سلاااام :شميّت روايح الجنَّة
كاوشْتُو وبكا وقال ليَّ روق : وإستنَّا
خلِّي الناس ينومُو والدَّايرو كلُّو إتمنَّي
مفردة كاوشتُو دي ماها زاتها الطابقة البوخة..........
وعد الحُر دين إن كان في صبُر............!
| |
|
|
|
|
|
|
|
|
|
Re: أغاني الفشاحة (Re: عبدالحفيظ ابوسن)
|
بدر اخوي
بوستيك سمح بالحيل والدخاخين في السما .
بس بحملك كااامل المسؤولية علي ما يجري ..
الاولاد في السودان .. وانا وحيد في الغربة .
اللهم بلغت .. اللهم فاشهد .
التحية للمساخيت المعاك ديل ... الله لا كسبكم
| |
|
|
|
|
|
|
|
|
|
Re: أغاني الفشاحة (Re: منتصر صلاح)
|
بدر الدين اخوي مالك علي المسخوت
بشوف ود المقدم كايس ندا البنوت
اخير اب سن عقل من بدري قرر افوت
بت عمسيب حبابة والباقي تمو سكوت
حليل زمن الصفا وشميم شذا الدخان
وحليل دلع الحبيب وفركة الحبان
لعن الله الكبر ابليس عظيم الجان
وشكر الله الفياجرا بت السترة والاحسان
- غايتو شغلكم ده بدخلكم النار،،تراني حذرتكم يا فقرا.-وش شنو ماعارف-
| |
|
|
|
|
|
|
|
|
|
Re: أغاني الفشاحة (Re: عبدالعزيز عثمان)
|
ود عيتمان
بشوف النضمي عجبك تب ,, وبدور زيادتو
علا نحنا ممسوكين والحمام فوقو بلوما ,, وخايف النضمي يبقا رقبة قملة ,, ويضايرونا
العروس بفتحو ليها الدخان وبجيبو ليها وحيدة دخانة ,, ما البدخن بي خبوبن ديلك وتشوف بادرتا مكشنة بال###### ,, بقعدوها انصاص الليالي مع البرودة ,, وبدل شملة الماعز الزمان بقن بطاطين وبقن شيتن بلبسوهو لباس زي القميص ,, ومصنع الشمال حق السنيط غرب كوستي سوقو خرب
وبدل راس الزير المدفون جوة حفرة ,, بقا كرسي عديل كدة ,,والواحدة تقعد في الحفرة والام بي ثري في اضانا
| |
|
|
|
|
|
|
|
|
|
Re: أغاني الفشاحة (Re: عبدالحفيظ ابوسن)
|
يازول انضم،،عليك امان الله الولية ترطن مع خوجياته ولي فارزة شي،،بنات الحنوت سمحاااات ياود ب سن،،الا غبيانات ما بشكن،،الله اقطع الصقت وايامو ضايرن خلاهن ذي الليلاة ناس بكري وحنفي،،والله تاني اكان تشوفن تصاوير،، قلت ليك الخواجات الله اصلح حالن سوو واحد جديد،،،يازول ترجع صبي،،الله استر حالن المباريك،،اها اتا شايفك فيك رقشه لسع،،،لكن شوف جماعتنا ناس السكري نستاجر فيهن،،ديل بس.
| |
|
|
|
|
|
|
|
|
|
Re: أغاني الفشاحة (Re: عبدالعزيز عثمان)
|
Quote: يا عبد الحفيظ اب سن يا لذيذ يا مبدع ، عطفاً على ما اورده ود المقدم من الشعراء المساخيب ( كاوشتو وبكا ) قال احدهم:
ابورقبه البـِخاف منى وبلقَّى ادينوا */ بضبَح لى جمل كان عينى شافت عينوا / وكان قالولى عيل تفرز كتيلـــَكْ وينو / بقول ليهم بخاف الغلطه بينى وبينو )
* استوقفتى الشطره الاولى فهل الخوف والاتقاء باليدين يندرج ضمن أدب المكاوشه ام فهمى تقيل ؟
دي مشاركة من أخونا حنفي بتواق متاوقة |
| |
|
|
|
|
|
|
|
|
|
Re: أغاني الفشاحة (Re: عبيد الطيب)
|
ود أب سن
قات المكاوشة كانت في المنااااااااام ومع دقَّة الباب
اها يا عبد العزيز والصادق هاكم دي هدية
الناظر الحكيم عندما عاد احد اقاربه من السعودية بعد غياب دام اكثر من خمسة سنوات
وذهب ليسلم علي الشيخ فسأله الشيخ قائلا:- ( هسع جيت بعد كم سنة؟
ليرد : بعد خمس سنين
فيقول له الشيخ ما إتطولوا الطُوَل فيها الهُول.... إتَّ ما شفت البدوية الرسَّل ليها ابوعيالها.....
الشنطة والمصاريف من ليبيا ومارجع قالت ليهو شنو ومن غنا الجراري :-...
وَد الناس الكُسَّر
خيرك ما يتبسَّر
مُرسَالَك تََبْ ما قصَّر
لكن وين الما بِترسَّل......!
وين الما بترسَّل...................................!
والله سؤال ونُص يا اهل المهجر..!
تطاول هذا الليل وأزورَّ جانبه وأرقني أن لا حبيبٌ الاعبه
لعبة العِيتنوبا............
محبتي لكم جميعا
| |
|
|
|
|
|
|
|
|
|
Re: أغاني الفشاحة (Re: عبيد الطيب)
|
زول المتاوقة بي راس الحيطة ,, وشان اشوفا دايره ليها دباره وبعملا في بوستاتي وفوقا حبة تعب ,, كتر خيرك وشوكران للعبيد الجابا ,,
قالو الراجل شغال برة , وبجي كل خميس وبسافر ضهر الجمعة ,,, جا لقا المرة بارت ليها سيرة وبيتت غادي ,, بقا ماشي ,, نادا جارتو
هاك المصاريف لي فلانة دي وانا عندي شغل مسافر
المرة قيلت الجمعة وجات لا المغيرب ,, جارتا قالت ليها ابو عيالك جا الخميس و سافر
قالت ليها
نان يسافر كيف لا عرف راسنا من قعرنا
قالت ليها
أكان للراس هاك المصاريف
واكان للقعر ارجي الخميس
الله يختكم ختا آ المساخيت المسانيح
| |
|
|
|
|
|
|
|
|
|
Re: أغاني الفشاحة (Re: عبيد الطيب)
|
الصادق المسخوت
كدي عاين عمك ودشوراني قال شنو ؟؟؟
ضَرّاع واسع العتمور شروفُو وصيُّو
مدة وقدة .. فات حسان وزوالات حَيُّو
ناطح الخلًّ بصري النوم مجافي صِبيُّو
واحلاً رِدْفو شاكيات التياب من طَيُّو
أي قالولك شاكيات التياب من طيو
النت عندي تعبان تعب شديد يختا ويصيب
| |
|
|
|
|
|
|
|
|
|
Re: أغاني الفشاحة (Re: بدرالدين بابكر مصطفى)
|
أب سن وعبيد والصادق
ما لاقي راحتي في النت، تعبانة جداً سأعود لمداخلاتكم واحدة واحدة
ولو إنتو أسياد بيت
بس في شوية ملاحيظ
طبعاً وكت جينا لي الكفل إن ما ذكرنا ود الفراش الفاشح الأكبر بنكون مقصرين
| |
|
|
|
|
|
|
|
|
|
Re: أغاني الفشاحة (Re: بدرالدين بابكر مصطفى)
|
ويقول مخاطباً والده بعد أن زجره وعنفه بسبب حبه الطائش لهذه الدون:
الدون حبابا الدون حبابا
أم شعراً متل وتر الربابة
يا فراش أبوي كان شُف جعابا
تجرد المال تخلي الحوش خرابة
(شف: شفت يعني التاء صايلنت)
| |
|
|
|
|
|
|
|
|
|
Re: أغاني الفشاحة (Re: عبدالعزيز عثمان)
|
يحكي أحد الأصدقاء السوريين: عندهم جارتين واحدة ما اتزوجت وفاتها القطر والتانية كبيرة وعندها حلة من الولاد والبنات
أها المرا الكبيرة دي مرة قاعدة في السطوح تغسل في شعرها، وفي السطوح المقابل ليها جات البت الما تزوجت ديك، وبعد المطايبة والسلام،
المرا الكبيرة سألت جارتا إنت لسع ما تزوجتي ليه؟ البت قالت ليها: وهبت نفسي للحزب (حزب البعث) ..
ردت الكبيرة: الله ياخدج وياخد الحزب، والله (.....) واحدة بالحزب كله
| |
|
|
|
|
|
|
|
|
|
Re: أغاني الفشاحة (Re: بدرالدين بابكر مصطفى)
|
أوصاف المرأة في خيال الشاعر البدوي (في أي مكان في عالمنا الشرقي دا) تكاد تتطابق مثلما قلنا سابقاً
فهي:
السدير الباني، أو نهداً مثل حق العاج، أو سدراً شاب وردفاً للملابس طاوي
السدر البخيت ما زال هو في تحسين
دنده وشال ثماراتو العنب والتين
وهي رقيقة الخصر
أو المحزوم رحيطة،
أو
ضمرة هافك القايسنو مسكة هين،
أو
ضامرة هاف وعالية أرداف
وهي عظيمة الكفل
ضامرة هاف وعالية أرداف وقارن نونك، إنكال بالجمال نامن دفق ماعونك
أو
كفلك وضعو زي ود الدروع أب غرة
ولخص المعنى كلو أبوصلاح:
والصدر البى النهد برز قلع
تقلو رجح بالضمير الانتحل
والكفل في المشيه يقلع ويتنتل
زى مشية المهره في الطين الوحل
| |
|
|
|
|
|
|
|
|
|
Re: أغاني الفشاحة (Re: بدرالدين بابكر مصطفى)
|
Quote: يا عبد الحفيظ اب سن يا لذيذ يا مبدع ، عطفاً على ما اورده ود المقدم من الشعراء المساخيب ( كاوشتو وبكا ) قال احدهم:
ابورقبه البـِخاف منى وبلقَّى ادينوا
بضبَح لى جمل كان عينى شافت عينوا
وكان قالولى عيل تفرز كتيلـــَكْ وينو
بقول ليهم بخاف الغلطه بينى وبينو
* استوقفتى الشطره الاولى فهل الخوف والاتقاء باليدين يندرج ضمن أدب المكاوشه ام فهمى تقيل ؟ |
| |
|
|
|
|
|
|
|
|
|
Re: أغاني الفشاحة (Re: بدرالدين بابكر مصطفى)
|
Quote: يا زول ات طلق وحات ابوي.
يا زول ات قايل حوش بكري ده مافيه غفر. |
شكلو غفيرو نايم
أوعى الخور سيلو جارف
غايتو لو جاء الغفير هنا بتلحقني طلقة
تحياتي مثنى وثلاث ورباع
| |
|
|
|
|
|
|
|
|
|
Re: أغاني الفشاحة (Re: بدرالدين بابكر مصطفى)
|
غايتو يا حنفي المداخلات دي على مسئوليتك
وشيل شيلتك
Quote: ومن أغانى الفشاحة الجد جد
قال كباشى فى هجاء مخدمته الليبيه حين استعجلته الخروج بأغنامها صبحاً فنسى باغة اللبن الرايب فأضطر لأكل خبر التنور حافباً وكانت تلبس ثوباً يسمونه الجَرْد ْ :
من جاتنى الدُغش متحزمابو التوب
عرفت الليله بتنسينى باغة الروب
أدَّك عقرباً فى مُــطْخَن الدبدوب*
وانا قلابها ماسك سبحة اللالوب
ما قلتيلى خير قَت ليكى خير شن حالكْ
وباكل الخبزه بيش يا جعلتى تاكلى صغارك ؟
أدَّك عقرباً تلقيها فى سروالك
وانا قلابها اكتب يا لطيف وامحالك
*وحتى لايذهب خيالكم بعيدا الدبودب هو لعبة اطفال حسب علمى المتواضع
|
| |
|
|
|
|
|
|
|
|
|
Re: أغاني الفشاحة (Re: بدرالدين بابكر مصطفى)
|
Quote: أى والله شاعرها قضيت معه يوم كامل بصحراء ليبيا وهو خريج ثانوية كمان وقد حفظت من غزلياته:
برروبة البلاسِع و فى الخَضار ما قارَم
بعد كتلتنى قالت ليا ما بتجارَم
بقت ما ضيانى بى الصناعو ما بتكالَم
الهددبو صدام اليهود والعالم
وعرفت انه مضروب بالكيماوى
|
Quote: *وحتى لايذهب خيالكم بعيدا الدبودب هو لعبة اطفال حسب علمى المتواضع
|
هي نان دي بتحلك ؟؟؟
يا قول الشايقي القبض الزول لافي الصينية غلت ..
| |
|
|
|
|
|
|
|
|
|
Re: أغاني الفشاحة (Re: بدرالدين بابكر مصطفى)
|
Quote: من جاتنى الدُغش متحزمابو التوب
عرفت الليله بتنسينى باغة الروب
أدَّك عقرباً فى مُــطْخَن الدبدوب*
وانا قلابها ماسك سبحة اللالوب |
الكتراااااااااابل
"أني قلابها ما سك سبحة اللالوب
"وأني قلابها أمسك يالطيف وأمحالك"
ود جودة دي ياحنفي وبدر الدين دعوتو دي مو زعلان من كشحة كورة الروب ....
أصلو جاري يقلب العقرررررررررررب
| |
|
|
|
|
|
|
|
|
|
Re: أغاني الفشاحة (Re: عبيد الطيب)
|
Quote: ود جودة دي ياحنفي وبدر الدين دعوتو دي مو زعلان من كشحة كورة الروب ....
أصلو جاري يقلب العقرررررررررررب |
أي واضح إنو دايرلو سبب يقلب
ويفتش
تحياتي
| |
|
|
|
|
|
|
| |
بدرالدين بابكر مصطفى
عبيد الطيب
عبدالحفيظ ابوسن
الصادق عبدالله الحسن
مني عمسيب
عبدالعزيز عثمان
إدريس محمد إبراهيم
منتصر صلاح
فيس بوك
تويتر
انستقرام
يوتيوب
بنتيريست