|
|
|
 Re: ناس المواصفات نجضو الناس (Re: عبدالحفيظ ابوسن)
|
البطاطير الطورش العادية دي , بغيرها اسرع من اغير الحجارة فلا اسبير للمبتها
الساعة بغيرها كلها فالحجر حقها ما بقعد اسبوعين
السفنجات والشباشب المنزلية
والكبابي والفناجيل وادوات المطبخ عموما
| |
 
|
|
|
|
|
|
|
|
Re: ناس المواصفات نجضو الناس (Re: عبدالحفيظ ابوسن)
|
والمشاكل دي رغما عن بساطتها لكل دول العالم اولها وناميها وتحت التنمية , إلا أنها مشاكل عويصة بالنسبة لنا
فرب الاسرة مشغول بقضايا اهم , ولكن ما ممكن يخلي البيت مضلم ,, ولا الماسورة خاربة البيت , او اولاده جزم المدرسة حقتهم مشرطة او في كباية شاي واحده , الواحد يشرب ويدي اخوهو ,, وبكره بتكون اتكسرت
رداءة الموجود في السوق وبعلم المواصفات السودانية
الزنك خفيف ,, والمواسير اخف تقعد في الكرسي ينكسر , السرير ما بشيل اتنين
لأنو الحديد بتباع بالطن , ينقص المستورد سمكه ويكسب عدد زيادة ويخسر المواطن
| |
|
|
|
|
|
|
|
|
|
Re: ناس المواصفات نجضو الناس (Re: عبدالحفيظ ابوسن)
|
مرحبا احمد حمودي
وحبابك
فعلا ,, الصينين والمصريين ببيعو براهم , وما عارف كيف مواطن اجنبي يمارس نشاط تجاري علي كيفو , وهل ديل بدفعو ضرايب ونفايات ورسوم محلية ودمغات ودعم وعندهم ملف ولا لا
وبرضو
أي زول قطع تذكرة وسافر استورد الدايرو هو وبمواصفاتو المربحه هو والبسعر الدايرو هو المهم
يكون دافع الرسوم
او
......
| |
|
|
|
|
|
|
|
|
|
Re: ناس المواصفات نجضو الناس (Re: عبدالحفيظ ابوسن)
|
طبعن ده لو جلينا العربات واسبيراتها , والادوات الكهربائية جنس خلاطة ومكواة وتلفزيون ,,والموبايلات وبطاطيرا
غير المنصرف الزايد في خطورة مميتة كمان
كم موبايل قاعد براهو طق وانفجر ,, ولا وصلة كهربا طقت ولا سلكها انصهر ,, ولا مفتاح نور قامت فيهو نار منو وليهو
فوضي الاستيراد
واتحدي واحد يكون قاعد يصلح جهاز تجدعو بس
وكلو ده خصما من المنصرف الما مكفي الضروريات ويتحمل وزرها
هيئة المواصفات
واللهي
جزء من الحكومة
| |
|
|
|
|
|
|
|
|
|
Re: ناس المواصفات نجضو الناس (Re: عبدالحفيظ ابوسن)
|
والدوا !
ده كلامو تاني
تخش الصيدلية داير ليك دوا واحد , زي الخاشي بوتيك تشتري قميص
اشكال وانواع واسعار
وجهل مطبق لدينا نحن الشعب
تفاوت مذهل في سعر دوا واحد ,, تخليك تدوش وتقع فريسة لأخلاق الصيدلي في معرفة الجيد من الردئ , وهل الصيدلي زولا كويس ولا كعب
ونحن الجهلا نقول بكل جهل
ادينا الغالي فالمرض سلطان
وندفع فرق السعر خصما من .. ما بلاش ,, معروفه ياخ
| |
|
|
|
|
|
|
|
|
|
Re: ناس المواصفات نجضو الناس (Re: عبدالحفيظ ابوسن)
|
الزنك والمواسير والسيخ و الزوي بتباعن بالطن , وبتحاسبن هنا جمركيا بالطن , وبتباعن بالواحدة !
يعني مثلا طن الزنك التقيل الزمان بجيب مثلا مية زنكية , يقوم المستورد يتفق مع المصنع بتاع بلاد بره ينقص السمك بتاع الزنكي حاجة كدة ,, وبتاع الزبدة لو قالو ليهو اشويها بشويها ماعندو شغلة
اها نقيصة السمك بتاعت الزنكي دي بتعمل فرق في عدد الزنكيات
حسب افادة بتاع مغلق
وبرضو النقيصة حقت السمك ما واقفة اي واحد بنقص شان ينافس
والنتيجة زنك لا يتحمل طلوع طفل صغير ولا هبوب رياح
| |
|
|
|
|
|
|
|
|
|
Re: ناس المواصفات نجضو الناس (Re: عبدالحفيظ ابوسن)
|
بقولو الناس البسافرو الصين
تديهم عينة من الحاجة الداير تستوردها ,, لبسه ,, موبايل ,,, رادي ,,,, اي حاجه ويصنعوها ليك حسب السعر الدايرو انت
وقالو واحد داير يدخلها عبر السعوديه , الصينين قالو ليهو ما بتخش , لانو ناس المواصفات السعوديه مكتبهم في الصين وبيعتمدو البضاعة اول من هناك حتي تتشحن
| |
|
|
|
|
|
|
|
|
|
Re: ناس المواصفات نجضو الناس (Re: عبدالحفيظ ابوسن)
|
ده كلو كوم والاساتك والضرعات وبلالي الركب حقات العربات كوم قاتل
استك جديد يطرشق و تحدث الفاجعة
الاستك فيهو تاريخ الصنع بالسنة والاسبوع ,, تقول لبتاع الاساتك ياخ ده قديم ليهو كم واربعين اسبوع , يقول ليك اصلو كده والاستك بتخزن حتي يتباع ,, وانت عارف انو سعر الاستك بنزل سعرو كلما طالت فترة صناعته
| |
|
|
|
|
|
|
|
|
|
Re: ناس المواصفات نجضو الناس (Re: عبدالحفيظ ابوسن)
|
يا ود ابوسن،، ياخ شكرا..
ده موضوع اوسكار.
جمرة ،مش في قرعينا حارقانا،دي مفورة الراس.
والدتي كبيرة في السن.. ترسل اي زول،بشرط..
لا تجيب لي حاجة صينية..مسكتا في ايدا تفنها،،
الصينين غشاشين..
لكن ما فات عليها،،
انو نحن اكبر الغشاشين..
يا عبدالحفيظ ،الاجازة الفاتت،امضيتها بتمامها في الدلالات
ابحث عن الحديد القديم،،كنت بعمل في جملون وحظيرة وبحفر في بير..كلما هو موجود في السوق،خاذوق وملعبة،،،كل شئ تدليس،ياخي الزنكية ذي الورقة،،ونصيحة لمن يريد عمارا،،،الدلالات القديمة،،ياخي الناس ديل باعو مصانع في مدني الحديد الفيها يبني عشرة،،برماد القروش. وقس علي ذلك ،،كل شئ.
ود ب سن ياخي كان هناك الازهري،،واليوم الكافوري.
كان الشريف واليوم ،،والله ما عارف اسمو..
وكان المحجوب واليوم الكرتي.
وكان بضاعة انجليزية ،ويابانية ،،صح
سفنجة،،هوستن،، وبوكس 81
واليوم،،يالله لي كوريا،،وشباب كوريا،،محبتي.
| |
|
|
|
|
|
|
|
|
|
Re: ناس المواصفات نجضو الناس (Re: عبدالعزيز عثمان)
|
مرحبا عبدالعزيز
يا دفعة
ما قلت إلا الحق
حكي مغترب لمغترب آخر حكي لي ,, قال
جا بعربيتو من السعوديه وحصلت فيها مشكلة في سيور البوبينا ,,, مشي لتاجر اسبيرات , لقا السيور قاعدات في الرف , وراهو السعر ,,, قام صاحبنا قال ليهو
انا داير الاصلي
قال ليهو ده ما اصلي ,, ده تجاري ,,, والاصلي بي كده سعرو زايد , وفعلا فتح كرتونه من تحت واداهو الاصلي
قال وهو مارق اتأخر شوية ,, أتلفت لقا الزول شال سيور من الكرتونة التحت وختاها في الرف
غشاشين صاح ,, لكن الحكومة مساعدانا في الغش
مراية الهايلوكس 2005 تجاري ب 20 واصلي ب 500ج ,, وقبل سنوات وكنت شاهد واشتريت تجاري لصحبي ,, ما مرايه هي شنو اصلها قوقل كاميرا
| |
|
|
|
|
|
|
|
|
|
Re: ناس المواصفات نجضو الناس (Re: عبدالحفيظ ابوسن)
|
ما سمعت بي قصة سيد المصنع الصيني...الجاهو تاجر شايل ليهو عينة وقال ليهو صنع لي زيها..
الصيني قال ليهو دايره بي كم عشان نحن عندنا كم نوعية..
قال ليهو بي خمسة دولار
صنع ليهو كمية ...شالا ومشى بلدو
بعد فترة التاجر جا راجع قال ليهو اعمل لي زيها بي دولارين
عمل ليهو بدولارين
بعد فترة جا قال ليهو بي دولار
عمل ليهو بدولار
بعد فترة جا قال ليهو عايز زيها بي نص دولار
الصيني قال ليهو ( يا اخي حرااااااااااااام عليك)..
ههههههههههههههههه
| |
|
|
|
|
|
|
|
|
|
Re: ناس المواصفات نجضو الناس (Re: عبدالحفيظ ابوسن)
|
من الفيس
حبابك يوسف ابوصالح
ومرحب بيك
واديك دي
صاحبي وودحلتي وجاري
جمال ابوشمة
السهارة العملوها ليهو لامن كان برضع لي هسه موجودة وشغاله ليها اكتر من 40 سنة
صحانت الوالدة حقات الباشري لي الليله قاعده وليها اكتر من 60 سنة
وانا كل فتره اشتري في السهارات والصحانة
التلاجة الاداني ليها ابوي وعمرها قريب 40 سنة , وانت مجدوعة عملت ليها ماكينه احسن من تلاجتي الجديد
وقس
| |
|
|
|
|
|
|
|
|
|
Re: ناس المواصفات نجضو الناس (Re: عبدالحفيظ ابوسن)
|
من الفيس
حبابك آمال ياخيه
تعرفي اظننا الشعب الوحيد الماضيهو افضل من حاضرو , كل الناس حياتها بتسهل وتترقي ونحن بتصعب وتنحط
الحكومة هي المتسبب الرئيسي فيما يحدث , والمواصفات مؤسسة صدق اريد بها شرا
من خلال سياسة التمكين ازاحت الحكومة اناس وشركات عريقة كانت مستوردة واتت بأهل الحظوة وناس ادقشو السوق
ناس ماعندها حس انساني ولا وطني ,, افسدوا الاقتصاد وصحة العباد ,, والمواطن المسكين بي قروشو ما يلقي الحاجة الجيدة
المواطن هو المصدر الاوحد للحكومة ,, لا صناعة لا انتاج ولا زراعة
| |
|
|
|
|
|
|
|
|
|
Re: ناس المواصفات نجضو الناس (Re: عبدالحفيظ ابوسن)
|
المواطن يواجه يوميا مثل هذه المشاكل , وتنقص من دخله , وتنقص من طاقته العصبية للغضب الذي يعتمل في داخله , يعني كما يحدث لي كثيرا ,,ماممكن اشتري لي شبشب لأطفالي بمبلغ 15ج شبشب حمام زي ما بقولو ويا حليل باتا والقمر بوبا , وفي اسبوعين ينقطع , وأصب جام غضبي علي طفلي خوفا علي جيبي المقدود , وهو ما عندو ذنب , فالذنب يتحمله هرم كبير , قاعدته صغار الموظفين من الاستثمار ووزارة التجارة والبنوك وناس المواصفات ويصعد حتي يصل قمته السلطوية
أي بيت بكون فيهو شوال شباشب مقطعه وتبدو عليها الجدة , وده كلو مال مهدر من جيوب تحتاجه , تحتاجه لقلم الرصاص ! اوووو قلم الرصاص ! لغاية هسه ما لقيت قلم رصاص ينبري كويس ,, ويكتب كويس ما ي###### وما ينكسر ,, اشتريتو ب 0,5 ج واشتريتو ب 3 ج ونفس الحال ولا غنا عنه
| |
|
|
|
|
|
|
|
|
|
Re: ناس المواصفات نجضو الناس (Re: محمد جمعه الخير)
|
ابوسن سلام
عارف قبل شهور في امريكا تم الكشف عن مواد مسرطنة في العاب اطفال جاية من الصين .. تخيل دي مصدرة لامريكا اكيد بتاعتنا دي الايدز بتلقي فيها !!
والله العظيم اللعبة بتاعة الطفل عمرها ساعة والكوشة .. السودان اصبح عبارة مكب نفايات
| |
|
|
|
|
|
|
|
|
|
Re: ناس المواصفات نجضو الناس (Re: عبدالحفيظ ابوسن)
|
مرحبا عبدالله ادريس
وحبابك
وبتذكر قيل 5 سنوات تقريبا ارجعت باخرة محملة بالألعاب من الصينه , وقالو مسرطنه
والسايبر يحفل بحكاوي اللعبات المسرطنة
احكي ليك
جا واحد شايل بطاطير طورش ويكورك بيها بنص جنيه ,, وكيس الصعوط بي جنيه ,,
اثارني الامر ومشيت شفتها وبطاطير جيده وشغاله ,,
في حين انو سعر البطارية كان 7 جنيه
ليه ?
ما بعرف ,,,
لكن صرنا مستوعب كبير لنفايات العالم حتي اخراج بطونهم ولعلك تذكر الباخرة اليونانية المحملة بالخراء
| |
|
|
|
|
|
|
|
|
|
Re: ناس المواصفات نجضو الناس (Re: عبدالحفيظ ابوسن)
|
موضوع في الصميم المفيد
وقال ليك شنو
ناس المواصفات خاتين ترابيزهم في طريق شريان الشمال
الطماطم الجاية من الشمالية لسوق الخرطوم في غضب الله
قالوا لناس الضرائب إنتو شنو كمان
منجضين الناس نجاض
واريتهم لو كان بفحصوا المواصفات
تدفع تمر
ولو كنت شايلة لوري زبالة وكاتب عليه طماطم
| |
|
|
|
|
|
|
|
|
|
Re: ناس المواصفات نجضو الناس (Re: Nasr)
|
مرحب نصر
وحبابك
تعرف دولاب العمل الوحيد الشغال في السودان هو ناس الجبايات ,, مافي خدمات اصلا
وناس المواصفات عشان الرسوم بس , وتتبع مباشرة لرئاسة الجمهورية ! ليه ? ماتعرف
المهم تدفع وتمر
جايب شنو دي ما مشكلة
اقول ليك
كرتونة الصابون كانت 200 جم و45 قطعة , هسه 90 و 80 جم و 27 قطعة ,,
جركانة الزيت كانت 36 رطل بقت 30 رطل ,, اوزان البسكويت وصابون الحمام وحتي مقاسات الطوب الاحمر قلت , ودي مسؤوليه المواصفات
| |
|
|
|
|
|
|
|
|
|
Re: ناس المواصفات نجضو الناس (Re: عبدالحفيظ ابوسن)
|
سلام يا عبد الحفيظ فتحت موضوع هام شديد الشهادة لله، و اليك طرف من رسالة كتبتها الى صديق يعمل فى المواصفات و المقايس فى ابريل 2011 الراجل كان بيسألني عن فرصة الدراسة بالخارج و طرق التقديم و المجالات المناسبة. بعد ان افدته بطرق التقديم للدراسة فى السويد قلت له ما يلي:
| Quote: بالمناسبة شايف السودان مركز فى التجارة و الاستيراد على الصين شديد، و الحاجة دي واحدة من المخاطر البيئية المشغول بيها العالم. لانو الصنيين بينتجوا بضائع و سلع رخيصة جدا لكن عمرها في الاستخدام قصير جداً، يعنى بتتحول لنفايات سريع. النتيجة النهائية و على المدي الطويل بتكون بلادنا اٍتحولت الى مخزن نفايات صينية جبار جداً. و قديماً قيل الرخيص برخصتو يضوقك مغستو و ح يطلع عين النظام البيئي كمان. |
بعدها قابلته فى السودان و اقترحت عليه تبنى هذه الفكرة كموضوع دراسة و تناقشنا حول بعض الطرق المستخدمه فى مثل هذه الدراسات. سوف احاول صياغة تلك الافكار بطريقة احسن و طرحها مرة اخرى على الناس عسى و لعل تجد من يتبنها و يشرع فيها.
| |
|
|
|
|
|
|
|
|
|
Re: ناس المواصفات نجضو الناس (Re: abubakr salih)
|
مرحبا ابوبكر صالح
وحبابك
وزي ما قلت الموضوع خطير , فهو يضم كل ما نتسخدمه يوميا
ملابس ,,, لعب اطفال , موبايلات ,,, ادوية بشريه وحيوانيه ,,, روادي ,, بطاطير ,, تلفزيون ,,,, ألخ
وللصين صناعات جيدة ولكن لا يأتينا منها اسوأها ,نتيجة لفوضي الاستيراد
| |
|
|
|
|
|
|
| |
عبدالحفيظ ابوسن
احمد حمودى
عبدالعزيز عثمان
ياسر منصور عثمان
محمد جمعه الخير
Abdullah Idrees
Nasr
abubakr salih
فيس بوك
تويتر
انستقرام
يوتيوب
بنتيريست