|
|
|
 Re: لو،،،،،،،،،،،؟؟؟... (Re: عبدالعزيز عثمان)
|
مرحبا ود المدير وضيفه
نكون كما قال حميد
نكون ياطيبة غنينا وبدينا
ولفنا غنينا الغنا الراجا
وبدت كاس المودة تدور
عشق من حلفا لي راجا
الف
و
تكون دارة الزمن عمرت
نكون لمينا في الفاتو
وتكون فاقت ملامحنا
تضاريسنا القبيل غمرت
دغش ساقت بوابيرنا
وندت شتلات بعد بعد ضمرت
ضراعيك ياالولد كبرت
مراعيك يابلد كترت
خدار خدرت
غزار غزرت
غزارا زين برغم الصيف وصناتو
برغم البين وأناتو
عصافير الجلد قدرت
تباصر نسمة منتحرة
وتطمن غيمة مندحرة
تضاير الغابة والصحرا
من الغمة وضلاما شين
ومنك يا قريد ننفك
تكون حلت عقدة الدين
عقب سيرة البلد سارت علي النغمة العديل والزين
بعد ها لحال بلا مرسال
يجو العمال يجو الكداح
يجو الناس البخبرو شليل وشقيش راح
وقمريتين جناح يندلي فوق الصاح
من الغفلة ورياح الليل
وللدنيا الجديدة جناح
صباح ينسله شدة حيل
فياخيالا عدو الخيل
وياطيبة البتملا العين مدي ونباه
في حزالقلب فى غنوة
| |
 
|
|
|
|
|
|
|
 Re: لو،،،،،،،،،،،؟؟؟... (Re: وضاحة)
|
Quote:
ذي ما قال حميد عليه الرحمة..
تسال سؤال ! |
عبد العزيز يا قريبي،
يعني نخُت الخمسة فوق اللِتنين ؟؟؟.
الله يرحم حميد ويغفر له،
لكن خلني اللسعلك،
الأحزاب حتشارك في الإنتخابات الجاية ؟؟؟...
| |
|
|
|
|
|
|
|
|
|
Re: لو،،،،،،،،،،،؟؟؟... (Re: عبدالمنعم الطيب حسن)
|
Quote: مرحبا ود المدير وضيفه
نكون كما قال حميد |
حباب عبد الحفيض.
حميد إياهو كان دخرينا، لكن مُو كتير علي ربو.
نسأل الله له الرحمة والمغفرة.
أكان متذكر قول لي يا عبد الحفيض،
الـ25 سنة دي فيها كم ديموقراطية ؟؟؟،
علماً بأننا اليوم محكومين بحكومة ديموقراطية...
| |
|
|
|
|
|
|
|
|
 Re: لو،،،،،،،،،،،؟؟؟... (Re: معاوية المدير)
|
Quote:
غايتو؛
انا كنت اليوم الجمعة دي بكون في واوسي،
والحريق مسخن،
والغدا ياتي على مراحل،
والحرق اللتغدا ياجماعة، |
سلآمات يا عبد المنعم.
ما ترآكَ هسّع عايش في ضُل ديموقراطية
طُظ اصبعك في أضانك ودوبي ساااااكت...
| |
|
|
|
|
|
|
|
|
|
Re: لو،،،،،،،،،،،؟؟؟... (Re: معاوية المدير)
|
Quote: ما ترآكَ هسّع عايش في ضُل ديموقراطية
طُظ اصبعك في أضانك ودوبي ساااااكت... |
طالبات الجامعة حتَّنو باخدرو، في الحافلة المتجهة نحو الحلة، تحدثنا في
وقت واحد عن الجامعة والمحاضر والفطور وزملاهن، هنالك في ذات الحافلة اتنين
من اعمامك، يبدو انهما مستاءان من الهرجي الكتيرة دا
قال احداهما للبنات: هوي يابنات ما تسكتن شوية؛
رد عمك الاخر باخر نفس: يازول هو السكات حلييلو،
دحين يا ود المدير يا اخوي؛
الدوبيت حلييلو....
| |
|
|
|
|
|
|
| |
معاوية المدير
عبدالعزيز عثمان
عبدالحفيظ ابوسن
وضاحة
عبدالمنعم الطيب حسن
فيس بوك
تويتر
انستقرام
يوتيوب
بنتيريست