|
|
 لما جواك يننزف دم !!#
|
ما بحكي حكاية أنسانية لكين دا واقع بعيشو حاجة تشبه حرقة الحشا زي ما بيقولوا أماتنا الحنان لا هي راحة موت ولا حتي روح خلاص عايزة تموت بنازع قطعة عذب قاعدة فيني من سنين تصحي الصباح معك تمشي الشغل وتغرق فيهو برضو هي نار كان ما حرقتك درجة الحرارة الجاية منها تعذبك وحتي وأنت نايم
وجعك يخلي سريرك بس حتة قلق ما عندو نهاية لا نومة طويلة أنت فيها غايب عن الدنيا تنوم تصحي مخلوع علي صوت حاجات مؤلمة فشل وقصة حب تعيسة ونضال كسيح وخيانة رفاق وعطالة طوالت وعدم قبول من بنات حوا ووضع مالي مأزوم شديد وين أصحابك يا خي ليه أصحابك دمك ولحمك مشوا أمكن عنوانك
بقي بعيد أو راح من ذاكرة كل معارفك وناسك القراب شديد ما بقت متعة ولا حاجة تسلي القراية يا خي دي تحليل تجربتك بقسوة زي مشرط الجراح الخمرة بقت ما سلوي ولا العقل بيها بغيب ولا معها بهجة وحتي نكات السكاري ناشفة منزعة الضحك والاغاني غير أجترار ذكريات تحاول تنسها تقوم تظهر بكل وضوح المحنة ######ف
تصرفاتك تحاول تمشي للبحر (النيل ) عشان تكون شجاع في لحظة صراحة مع ذاتك اللي بقت دلقان وكمان ###### جدا كان من علاقاتك ولا تجربتك لا تقدر تكلم البحر حتي وأنت في أضعف لحظات عمرك بس دموعك نزله وترجع تاني تقول البيت أرحم والوحدة نعمة والقراية تفسير لكل مشوارك ما في حل بس دوامة عذاب طويل
تنزف دواخلك دم عندما تفلت ايادي الزوله اللي بتحبها بقت بعيدة شديد وتقوم تسأل ليه ؟وما تلقي منها رد و نسأل تاني ليه يقوال ليك ( قسمة ونصيب .) لحظات تنزف فيها عيونك دموع من دم عديل عندما يخرج ليك فاسق أو فاسقة وتوطي قدامو عشان لقمة عيش حلال وفي افريقيا يموت اطفال بالملايين من جوع وفقر
لحظات تحس أنك ######## لدرجة لا توصف لما تنحط تحت كبار الشخصيات تطلب شيء معين ولا مصلحة وتقعد تبرر لما تكون عارف الظالم منو وأنت ما قادر تجرو لساحة القصاص تعال شوف كمية القهر والذل والحزن اللي في صدرك وصدر اللي بيعرفون الحقيقة لحظات تنزف لها العين دموع من دم .... ؟!
وبرضو لما يتخلى اقرب الناس ليك عندك ويكون الاقراب منك ابعد الناس ليك فكم من أهللك وصلة الرحم تفتقدهم و تعال قارن مابين قساوة دنياك وناسك كلهم بشبهو بعض ح يحصل ليك شنو غير ما تنزف عيونك دموع دم . دما فقدت كل شيء الاب والام ولا ن هم من سكان المقابر الاموات وأنا عاجز عايز أحقق
حلم واحد بس طفل ا ينشر البسمة على علي دنياي التعيسة فكم من الحنان أحتاج ؟؟ ما عارف ليه لما أ حلم احلامي و أ تمنى امنياتي يبقي بس حلم لا بيكبر ولا بعيش وتكون هي كمان بس أحلام وامنيات مجرد ذاكرة لم تحدث اصلا وتزيد عذابي بس عندما تقف امام باب بيتك ويأتي أحد المارين ويسألك عن أحوالك
فتقول له الحمد عايش وتسيل جواك حسرات وينزف قلب حزين ويهمس أن تفارق ولا تفارق فتصمت ويبقى صوتك في أذني وتغيب وتبقى صورتك في عيني وترحل وتبقى أنفاسك في قلبي وتختفي ويبقى طيفك خلفي يمزقني
محتاج علاج حقيقيى بالجد وفي النهاية الدموع ما نقدر ندسها هي حياتنا بقت وجزء أصيل من جوارحنا واللي ما عندو دموع بالله أحسن ليهو يغادر زمرة الناس ويفتش علي حته أحسن من حتتي دي !
|
|
  
|
|
|
|
زهير عثمان حمد
فيس بوك
تويتر
انستقرام
يوتيوب
بنتيريست