|
|
 الله يقطعو ويقطع خبر الحكومه معاه
|
يا ابوي والله من يوم اديتوني ليه وماعنده شي صابره عليه اصرف قريشاتي اجيب الكهرباء وادفع ترحيل العيال اها باقي ماهيتي بقول الا تصرفي وصابره علي قرفو وقلة ادب اخوات...و ماتعاين لي كدي في البيت الايجار دا ماهن مريحاتنو ويسمعنو النسوان المربيات بسون ويعملن ويساعدن وانا مروه ماعندي اها التلاجه اشتريته بالقسط والتلفزيون شفت الشفع بدورو يمشو الجيران جبتو بالقسط استلم التلفزيون والولد مايقول داير يحضر اها نهير وقلب خلقه دي عيشه اخير منها كان كنت عند اهلي .
اها الحكومه الله يصرفه ماصرفت المرتبات لهسي مرقت الشغل وجيت لقيتو باع التلاجه خشمي اوجعني لمن عرفت من اشتراها شلت كرعي جبت تلاجتي وبس هاك يامضاربه وكفيت فيني والشفع كان قايله رجاله اليتراجل علي الحكومه الماصرفت المرتبات ماعلي انا
مابرجع وكان رجعت يابكتلني يا بكتل الولاد دحين عليك الله كان ماخليتني هنا لمن تنكشف الغمه ....قعدت في امان الله في بيت ابوي لا من يشخت لا يشاكل والشفع لونن فتح وحمدنا الله انو ماجانا ولا مره وابوي بين نارين داير قعادنا رفقه وداير الشفع يربو مع ابوهن اها فرد مره نسمع من نسوان الجيران خبر عرسو قلت الله يصرفو الكايس وراه منو وباكر من الدقش امش اجيب عدتي
يتبع
|
|
 
|
|
|
|
|
|
|
|
Re: الله يقطعو ويقطع خبر الحكومه معاه (Re: مها عبدالمنعم)
|
وسبحان الله اصبح الصباح وانا مقهوره وفي نفس الوكت الله حلاه من رقبتي دي مرقت الشفع علي مدارسن وضربت اخدت اذن من محل شغلي واجرت عربيه نقل ...اصلو ماقال شي وكمان ساعد الحمالين في رفع العفش وبعد انتهو حاسب سيد العربيه وانا متحيره قطع شك بدور يفضي البيت للمره الجديده
وانا مارقه قال لي بتعرفي مرة فلان
الله يرحمو
اها شغاله شنو ؟
مابقشره بس وزيره والا شي في الحكومه غريبه مالك !
لا بس اشان تشوفي المرة الجات في مكانك
الله ياخدك عليك النبي فرحان كدي انت قايل نفس راجل متل الرجال ديل وبس ضرب وخبت ماوعيت الا وانا في المستشفي
يتبع
| |
|
|
|
|
|
|
|
|
|
Re: الله يقطعو ويقطع خبر الحكومه معاه (Re: مها عبدالمنعم)
|
وانا بتذكر في الكلام دا ببكي ماعليهو ولا مقهوره الا علي الكضب والمسخره الحصلت في العرس قال المره مادايره يجي يوم القيامه شقو مايل جابت لي شنطة زي شنطتها
والعرس لافضل والي لا وزير لا معتمد قالو وهاك ياشكر في نفس الراجل السبق وباع تلاجتي
يتبع
| |
|
|
|
|
|
|
|
|
|
Re: الله يقطعو ويقطع خبر الحكومه معاه (Re: مها عبدالمنعم)
|
قادني العسكري لا ايد لا كراع واليوم خميس بعد الفطور طوالي والشمس حاره ماحسيت بشي الا زي زمه في صدري وماقادره اتنفس من الخلعه العسكري شال حاجاتي وحشرني في حراسة مافيها شي يجلسو فيه اي والله بس قعدت في الواطه ماحسيت بشي من الطوب المكسر الا المره المعاي قالت لي اقعدي جاي من الطوب المكسر دا
الا الراجل الله لا جزاه خير ميت وحي ماشفت منو شي اخره كمان مبيت في الحراسه اها العسكري قال لابوي والله ياج العريضه تتقدم للنيابه لكن براك شايف الجمعه والسبت في وشينا تتعرض ان شاء الله الاحد امش وتعال زوره تاني شوفه كان محتاجه لشي جيبو ليها
ابوي يبكي وانا ابكي
هوي يابا والله ماكتلت زول ولا مرقت من بيتي امس قاعده مع احمد عنده امتحان لعشره !
اها وين لقيتو وكتلتو
وليه انا دون الخلق كلهم يقبضوني فيهو وين مرتو الجديده مايمكن هي الكتلتو !
اها ولادي مايعرفو انا وين بس كان قالو ليهم امكم كتلت ابوكم
عليك الرسول يابا مافي زول يقول لهم شي
يتبع
| |
|
|
|
|
|
|
|
|
|
Re: الله يقطعو ويقطع خبر الحكومه معاه (Re: ismeil abbas)
|
| Quote: زي دات اصلاً هي المفروض ترمي عليه يمين الطلاق مش تنتظره لمن يعرس كمان ! |
الدين غيروهو يا عاصم والله النسوان عقولن تمَّت
يا مها زي دا اخير منو ضل الحيطة وبركة الجات منو
كان (يسوعبك) وتبقي لا حنظلة لا بطيخة
مسعولة من الخير انتي بتروحي ويييين ؟
(في رمزيتك بتعصري علي نفسك شديد يوم بفهموك غلط واضافيرينك ما بشيلوك )
:
:
:
:
:
:
:
:
:
:
:
:
مع التحيات لله الزاكيات
| |
|
|
|
|
|
|
|
|
|
Re: الله يقطعو ويقطع خبر الحكومه معاه (Re: مها عبدالمنعم)
|
تلاته ايام وانا في واطة الله برش مافيها واكضب كان قلت حاسه بحر والا برد والا جوع والا نمت المهم اخيرا جا الاحد يتراقص حتي دخلت علي وكيل النيابه حكيت ماحصل في الزمان قبل يعرس وبيع تلاجتي وقلت لو الدفار اتذكرت الدفار
وكيل النيابه قال لي مافهمت دفار شنو
يوم نقلت العفش كان شاهد علي الشكل والضرب الحدث ساعته جيبو
انا الم في كيف
جابو علي عم علي الغفير في الشغل
وحولني للسجن في عنبر انتظار براي قعدت تاني يوم جابو مدرسه تاهمنها كاتله راجله بالصبغه !
| |
|
|
|
|
|
|
|
|
|
Re: الله يقطعو ويقطع خبر الحكومه معاه (Re: مها عبدالمنعم)
|
تلاته ايام وانا في واطة الله برش مافيها واكضب كان قلت حاسه بحر والا برد والا جوع والا نمت المهم اخيرا جا الاحد يتراقص حتي دخلت علي وكيل النيابه حكيت ماحصل في الزمان قبل يعرس وبيع تلاجتي وقلت لو الدفار اتذكرت الدفار
وكيل النيابه قال لي مافهمت دفار شنو
يوم نقلت العفش كان شاهد علي الشكل والضرب الحدث ساعته جيبو
انا الم في كيف
جابو علي عم علي الغفير في الشغل
وحولني للسجن في عنبر انتظار براي قعدت تاني يوم جابو مدرسه تاهمنها كاتله راجله بالصبغه !
| |
|
|
|
|
|
|
|
|
|
Re: الله يقطعو ويقطع خبر الحكومه معاه (Re: مها عبدالمنعم)
|
يوم الاربعا المساء قبضو الكتل الراجل ورماه في الدكان ماعرفت لشنو كتلو ولا دايره اعرف المهم بكره الخميس بمرق علي بيتي ...ونمت زي كاني سنه ما نائمه ..اها زي الساعه عشره من يوم الخميس مرقت علي السهله يعلم الله بكيييت بس ما وجع علي الراجل علي ايام الحبس البلاء سبب
قلت للحريم فد مره تبكيني فيه مافي وكان ما الشرع القال احبسو الاربعه شهور يوم مابحبسو عليه ...بس اتفاجات النسوان يتغامزن ويتلامزن علي ورث ولادي !
فد قرش مابدخل علي الدايرو يشيلو المال كمان وين لقاه في اربعه شهور !
تمت
| |
|
|
|
|
|
|
|
|
|
Re: الله يقطعو ويقطع خبر الحكومه معاه (Re: مها عبدالمنعم)
|
تحياتي أستاذة مها
النص كامل الدسم حقاً ولا نريد اي نصب مضارب مجاملة
فانتِ كاتبه لها لونيتك الخاصة والكل قد وقف عندها وكثير من النقاد لم صادفوا فيها من خلل
فجمال اي نص يكمن في الابداعات التي تتخلله .. فلا تفقي كثيراً تلك الاشارات التي اطلقت فإنتاجك هو من يتحدث عنك
نأمل منك المزيد
| |
|
|
|
|
|
|
| |
مها عبدالمنعم
Asim Fageary
ismeil abbas
محمد حمزة الحسين
ناصر حسين محمد
محمد جمعه الخير
عادل البراري
فيس بوك
تويتر
انستقرام
يوتيوب
بنتيريست