|
|
 شفتوا الشافع لما التمرجي يجهز الحقنة، يعمل شنو ؟ .. يعمل زي ناس الثورية ..!!
|
... يولول ويصرخ قبال يطعنوه بالحقنة ... بس بمجرد التمرجي يعبيها ويديها كبسة في الهواء، لزوم التسليك . طوالي الشافع جاااااك ( بتعطيش الجيم ) ... ويصرخ صرخة ماكنة.
أها ... جماعة الجبهة الثورية ديل حالم بقى زي حال الشافع مع حقنة التمرجي ... أول ما الجيش دور حديدوا وأخوان فاطنة قدلوا ... وبرزوا للحرابة ... رورادم ضرب ... اراروووك .
- اصبروا ... ساواصل -
الخبير الوطني / م. صلاح غريبة - اعلامي وكاتب صحفي . مدون
|
|
  
|
|
|
|
|
|
|
 Re: شفتوا الشافع لما التمرجي يجهز الحقنة، يعمل شنو ؟ .. يعمل زي ناس الثورية ..!! (Re: سيف النصر محي الدين)
|
السيد /صلاح غريبة
لست من أنصار الجبهة الثورية ، لكن ألم يكن أن تكتب عن الخائن عمر البشير وهو قال ذلك بلسانه في بيان الانقلاب الأول قال "خونة اذا لم تأتي ثورة الانقاذ لأنفصل الجنوب " فهو يصف من لم يفكر بفصل الجنوب بالخونة ، أما هو فقد فصل الجنوب فقد يستحق هذه الكلمة بجدارة فهو الخائن عمر البشير ، أعتقد وأؤمن بان للجبهة الثورية قضية ولكنهم ابتذلوا القضية كابتذال عمر البشير ونافنع على نافع وعلى عثمان طه لقضية ادارة السودان ، منذ الاستقلال والسودان يدار من دائرة لا يزيد نصف قطرها عن 100 كيلومتر ، ونفس هذه المجموعة عندما بدأ التمرد بأقصي جنوب السودان كانوا يقولون سنحسمهم بالقوة حتى انفصل جنوب السودان ، وبدأ التمرد من جنوب كردفان فالنيل الأزرق وكامل كردفان ودارفور والشرق ونفس هذه المجموعة تقول اليوم نحسم التمرد وغدا سترى التمرد داخل الخرطوم وستظل تقول سنحسم التمرد بقوة السلاح ، انها معركة خاسرة سيخسرها النظام حتى لو استدعى قوات لاحتلال السودان كما فعل أجدادهم عندما كان يقاتل السودانيون لتحرير السودان واجدادهم يتآمرون مع المحتل ، فارجع الى التاريخ ليحدثك عن سيرتهم .
| |
|
|
|
|
|
|
|
|
|
Re: شفتوا الشافع لما التمرجي يجهز الحقنة، يعمل شنو ؟ .. يعمل زي ناس الثورية ..!! (Re: Siddig Elghali)
|
أها ... جماعة الجبهة الثورية ديل حالم بقى زي حال الشافع مع حقنة التمرجي ... أول ما الجيش دور حديدوا وأخوان فاطنة قدلوا ... وبرزوا للحرابة ... رورادم ضرب ... اراروووك .
هذه الرسالة ليست للشعب السوداني,
إنما تمثل أضغاث أحلام الإنقاذ, لأن
تعيش يوما إسثنائيا ... آخر. فمن يؤلب
شعب السودان على بعضه البعض هم أهل
الإنقاذ, ومن يجيش السياسة ويخرب الديار
هم أهل الإنقاذ, ومن يسعى بحمى عالية
لإحتكار السلطة وعلى الدوام هم أهل الإنقاذ.
ومن يصغر السودان ويقطعه إربا هم أهل
الإنقاذ. الجبهة الثورية وغيرها من قوى المعارضة
المسلحة أو الشعبية, هم من أجبرتهم الإنقاذ على
النهوض وحمل السلاح والروح والبيان والخروج للشارع,
فقدموا أرواحهم الغالية طعما وطمعا في سودان غير, زي
شهداء هبة سبتمبر, سنهوري ووفاء وغيرهم ممن حصدت
أرواحهم آلة الإنقاذ الأمنية الدامية. ليلحقوا بركب شهداء
الأمة من سابقي شهداء ظلم الإنقاذ, في دارفور وفي جنوب
كردفان وفي النيل الأزرق وفي بورتسودان وفي كجبار وفي
العيلفون وفي بيوت الأشباح, وفي مقاصل الإعدام بجريمة
حيازة وتداول العملة ... فهذا يا {أيها الغائب} هو تاريخ
الإنقاذ الذي هو آيل إلى نهاياته العظمي طال الزمن أم
قصر.
ما كنت أعتقد البتة ... أن بعد هبة سبتمبر سوف تتوالى
نفس الوجوه وتنطق بذات لسان الإنقاذ الزفر. كنت أتحرى
توقيعا أكثر عقلانية للشأن السياسي السوداني, وهو في حاله
مخاض وأوجاع عظيمة. على كل ... المحرش ما بكاتل, وسوح
السودان هي لأهله, طمرا بالعشب الخصب وبالنشيد العالي وبالدم
الوهاج. وإن يستعدي صاحب هذا البوست مللا من أهل السودان
بهكذا طريقة غوغائية إستفزازية ... فلينتظر الراجيهو. أما جيشه
المهود المتنطع والمتطلع لإراقة مزيد من الدماء, فحقو إخجل
وإقاتل أعداء الوطن, إن وجدوا, وليس أبناء الوطن ... أخخخ
| |
|
|
|
|
|
|
|
|
 صلاح غريبة - الثورية (Re: صلاح غريبة)
|
نواصل ....
الجبهة الثورية تحاصر الدلنج ... الثورية قطعت طريق الدبيبات واسمعوا الانتصارات من اذاعة شنو ما عارف ... وكضب ساي ... واشاعات تقيلة لزوم رفع معنويات ناسهم المنهارة ...
بس من شافوا أحفاد النجومي واب قرجة ديل جو مارين بي كوستي ساي وعجاجاتهم حدها السما ... الكبكبة والهضربة حصلت ... وهاك يا اسافير وهاك يابوستات ... وانا قاعد اسميها (انتصارات ناس النت).
اركزوا الحقنة لسع بسلكوا فيها ... الطعن والطعان لسع مابدت.
وزي ديل حبوبتي تقول عليهم " ديل هراطين ساي ..."، وتقوم تسوي جبنتها ....
- نواصل -
الخبير الوطني / م. صلاح غريبة - اعلامي وكاتب صحفي . مدون
| |
|
|
|
|
|
|
|
|
|
Re: شفتوا الشافع لما التمرجي يجهز الحقنة، يعمل شنو ؟ .. يعمل زي ناس الثورية ..!! (Re: فتح العليم محمد أبوالقاسم)
|
يا غريبة اعمل حسابك ودير بالك، لأنو نما الى علمنا بأنك بقيت تتطاول على أولياء نعمتك ومن قيادات حكومية نافذة وبتشتم فيهم وفي سياساتهم التي يقودون بها البلد في جلساتك التي تعتبرها أنت" خاصة جدا"
لازم تعرف أنو" للحيطة ودان" على قول المصريين. وواضح جدا أنك لم تتخلى عن عادتك السيئة بتاعت السعودية ديك وعندما تطاولت على آل سعود. وما أظنك أنت بتقدر على السجون والتعذيب.
ولازم تعرف الكيزان ديل ما عندهم أمان وديل باعو شيخهم و كبيرهم الذي علمهم السحر وأنت لا تساوي أي شئ عندهم.
غريبة أختشي.
| |
|
|
|
|
|
|
| |
صلاح غريبة
سيف النصر محي الدين
HAYDER GASIM
محمد علي عثمان
فتح العليم محمد أبوالقاسم
Deng
مهدي صلاح
محمد يوسف طه
saif massad ali
محمد حمزة الحسين
عزام حسن فرح
Azhari Mohamed
فيس بوك
تويتر
انستقرام
يوتيوب
بنتيريست