حسب صديق سعودى : الجنسية السودانية اصبحت كارثة حقيقية ومشكلة تحتاج لوقفة

(عدل بواسطة هشام عباس on 11-11-2013, 01:56 PM)

Quote: بعيدا عن كل هذا وذاك ومن حيث الابتداء لماذا صارت المستندات السودانية مبذولة بهذا الشكل الغريب الذى ربما لا يوجد حتى في دولة بلا مؤسسات مثل الصومال ؟؟

Quote: تحياتي هشام، ياخي دي آخر مشكلة تهم السودانيين، ولايهتم بها الإعلام السوداني، السودان بلد حدودو مفتوحة مناطق سهلية لاتوجد بها أي عوائق طبيعية ومحاط بدول أشد منه فقرا وتعاني من انفجار سكاني لذلك السودان يتعرض لحالة هجرة مستمرة لايأبه لها أحد ولايدرسها أحد، فساد مستشري وضغوط معيشية هائلة،يكره السودانيين بعضهم بعضا وتتقاتل القبائل السودانية وتقتل بعضها بعضا فيما يتم تغيير التركيبة السكانية عن طريق الهجرة وحين ينبتهون ذات يوم سيجدون أنهم أصبحوا أجانب في بلادهم!

Quote: لدينا مشكلة تربية وطنية . والذمم خربت . حتى صرنا نبيع اسم الوطن بتراب الفلوس لكل من هب ودب . هذه كلها مشاكل تحتاج الى نقاش جاد . وقل ذلك الى توعية وطنية والى اعتزار بالوطن والانتماء اليه والى الابتعاد عن القبلية والجهوية . الأمر جد خطير وخطير جدا

Quote: حسب صديق سعودى : الجنسية السودانية اصبحت كارثة حقيقية ومشكلة تحتاج لوقفة

Quote: تحياتى هشام الجنسية السودانية ارخص جنسية يمكن الحصول عليها وبأقل التكاليف ( المادية والزمنية ) فى بواكير عهد الانقاذ وفى سبيل التمكين كان من وسائلهم فى التمكين :- - التغيير الديمغرافى وخاصة فى شرق السودان وغربه .. ثم كانت الطامة الكبرى بفتح ابواب السودان لكل من هب ودب من كل فج عميق .. لينال الجنسية السودانية كل مجرمى العالم .. ولازالوا ينالون حتى الان الان .. ويكفيك مثالاً اتباع ايران وحزب الله وحماس وعملاء الموساد .. وكما قال احد الاخوة فعلاً سيأتى اليوم الذى سيصبح فيه المواطن السودانى اجنبي فى بلده .

Quote: المشكلة عندنا فى الامارات حملة الجوازات السودانية من الجنسيات الاخرى اكثر من السودانين اليوم صادفنى واحد جاء يصرف شيك من عندى اعطانى جواز سودانى وقال انا ما سودانى بس معاى جواز سودانى

Quote: الأخ الفاضل المحترم \ هشام عباس لك مني كل التقدير والتحايا السودانية .. ولضيوفك الكرام . حقيقة يا اخ هشام موضوع في جرح , واااااه يا وطن فقدت الوجيع واليك المشتكي . تخيل يا اخ هشام يا ريت لو وقفت علي كده وبس . نحنا في الدول الاوربية وشايلين جوازات اوربية لكن بعد ما اكدنا جدآ بنستحقها من منطلق الاخلاقيات اولآ وقبال كل شئ . يعني لما نجي نتحصل علي الجوار الشرط الاول ما نكون عملنا اي مخالفة قانوبية ولو حتي نقاش حاد ادي الي الضرب . لانو محسوب عليك وباخر ليك الجواز لفترة من الزمن . ولكن الادهي والامر يا اخ هشام لما اتصدم بانو بعض الجنسيات الافريقية المجنسة سودانية بالتحديد من النساء عارضين نفسهم في ( rod area ) الله اعزك دي بترينات الدعارة المقننة . او العنصر الرجالي الاكبر مجرمين ومزورين العالم وباسم السودان اتحصلوا علي الجنسية الاوربية وامشوا امريكا اعملوا افظع الجرائم ولما اجوا ارحليهم اعترفوا بانهم نجيرين وتخيل كل البحصل ده ما هزة شعرة من سفارتنا الاكثر فسادآ وفاقدة لمشروعية الدبلوماسية . طبعآ يا اخ هشام في اوربا ما بهمهم دة شنو ولا ده منو دي دول ديمقراطية وشعارها كل زول مسؤل عن نفسه . يعني نظام ( لا تزر وازرة وزر اخري ) حقيقة يا هشم مصيبة ونسأل الله السلامة . ومشكور يا ود امي علي الموضوع الفي غاية الاهمية ولي قدام

Quote: الأخ هشام عباس لك التحية هذه جريمة في حق الوطن تستلزم وقفة رسمية قوية ,,, فكل من هب ودب يمكنه أن يستخرج جواز سفر سوداني ويحملنا مصائبه. شاهدت حلقة الفتاة السعودية المنكورة النسب وتخيلت سفارتنا تتقصى الأمر لتعرف كيفية حصولها على أوراق ثبوت سودانية, لكن يبدو أن الأمر عااااااادي اللهم إليك المشتكى

Quote: هشام عباس حكومة المؤتمر الوطني تشدد الشروط والقيود لإستخراج وثيقة جواز سفر السوداني للسودانيين . في نفس الوقت تمنح الجنسية السودانية للأجانب في مطار الخرطوم دون أن يتقدمو بطلب للحصول علي الجنسية السودانية وتمنحهم الجواز السوداني . الآن في السودان كل شئ يصعب علي السوداني حصوله, وساهل علي الأجنبي حصوله

Quote: علاء تحياتى المشكلة الاعظم ان احساسنا بالمسؤولية معدومة في هذه الناحية تحديدا الامر لا يتعلق فقط بنظام حكم او مسؤولين يصدرون هذه المستندات المسالة ان المواطن العادى ايضا مستعد للمساعدة في هذا الامر اما بمال يتقاضاه او لما يعتقده موقف انسانى وشهامة في مساعدة غريب او غيره ... وبالطبع ضعف النظام والرقابة على الاجهزة وتجاوز القانون والتلاعب وعدم الضمير متوفر بكثرة بين الموظفين الذين يساهمون في منح هذه المستندات لنفس الاسباب سابقة الذكر

Quote: Hala Mohamed Ahmed · الأكثر تعليقا حقيقة انه الموضوع في غاية الاهمية والخطورة لازم نحافظ على جنسيتنا.. الاخ الفاضل الفساد الذي يحدث في هذا الجانب لابد ان يتوقف وتوضع شروط وقيود ولا يتم منح الجنسية الا بعد اجراءات صعبه ومعقده والتاكد من أنها لن تستغل بطريقة لاتشبهنا ...