يا بورداب الدوحة...شايقي تعلقت روحه بالعسكرية...

Quote: يللا يا ناس الدوحة إيديكم مع الزول دا التقديمات للشرطة شغالة، لكن المشكلة الزيارة كيف ؟

Quote: إخوتي بورداب الدوحة الموضوع بإختصار إنو ود أختي إتصل علي وطلب مساعدتي من زمن... قال لي يا خال أنا عايز لي طريقة زيارة للدوحة...لأني سمعت إنو الشرطة فاتحة هنالك يعني عايز يجي زيارة ومنها لو لقي ليه شغل في الشرطة أو الجيش كويس... وود أختي ده أصلا أبوه شايقي بدون عنصرية كده... فالظاهر الدم حن للعسكرية لذلك توالت اتصالاته لي وهو عشمان فيني خير لديه خبرة في شركة الهدف الامنية سابقا علي ما اظن... ووالدته معانا هنا في امريكا وقامت اشترت ليه ركشة للمصاريف بعد تخرجه من الجامعة لكنها لم ترض طموحاته وتطلعاته... هو من مواليد 1987 ميلادية ويسكن بالصحافة زلط... بصراحة عشمان في مساعدة بورداب الدوحة في هذا الموضوع وكلي ثقي ان الامر مقضي علي يديهم بإذن الله. كسرة: سألت ود أختي( الليندي) وقلت ليه انت الفاتح شنو هناك في الدوحة الشرطة ولا الجيش قال لي الشرطة فاتحة في الدوحة والجيش في البحرين. فيا ناس البحرين برضو ممكن تدونا طله لو امكن

Quote: فعلا الجيش فاتح في البحرين للسودانيين ، محددين الأعمار من and#1633;and#1641;- and#1634;and#1637; سنة ، المهم يدخل موقع قوة دفاع البحرين ويشوف الشروط وطريقة التقديم ما عايزين واسطة شالو ناس كتير

Quote: هنا بالامارات الجيش للمواطنيين وابنا دول الخليج اما الشرطة دبي لابناء العاملين بالشرطة بانسبة للوافدين والمواطنيين اما باقي الامارات ماعنديش فكره اذا يوجد مؤهل تعليمي مرغوب بالبحث الجنائي عمل نظم وتطوير الشبكات بكون داعم للتعيين

Quote: شرطة الدوحة طلبها يكون عندك إقامة سارية او مواليد الدوحة او فيتامين واو

Quote: Shams Eldin Khalifa صباح/مساء الخير... كيف يا خوي عاوِز زول يقول إنو الفي زِيارة بقبلوهو، إذا كان شرط القبول أنو يكون المتقدم للعمل لديه إقامة سارية، يعني إنت عاوز الناس تكضِب ولا تكتب والسلام، لأن حسب كلامك، الخوف من الحرج هو المخلي الناس ما تقول الكلام الإنت دايِر تسمعو: [تُقبل الزيارة]. وبعدين يا شيخنا وصف حال الناس بالخوف من الحرج ما شرط صحة لتوضيح الصورة. شكرًا