|
الي نافع .....
|
نافع علي نافع اسعار البنزين ستصل الى 30 جنيه ومن اراد ان يخرج الشارع فليحمل معه كفنه
لسة ما تبته يا نافع من غضب الشرفاء؟؟؟؟؟؟؟؟ انت قائل روحك خلقتنا عشان موتنا يكون علي يدك!!!!! ولسة عينك قوية تستفز في الشعب الطلع منو البوشي وأشرف الهلالية!!! قلت للشعب الحس كوعك قاموا سيروك بيها بهتافات طردك من عزاء صلاح سنهوري لما هتف الشرفاء منهم ورددوا في وشك اطلع بره والحس كوعك.... نواصل حديثنا معاك ومافي خوف تاني من تصريحاتك الما مسؤولة دي.....
|
|
|
|
|
|
|
|
Re: الي نافع ..... (Re: Nagat Sid Ahmed Elshiekh)
|
Quote: نافع علي نافع اسعار البنزين ستصل الى 30 جنيه ومن اراد ان يخرج الشارع فليحمل معه كفنه |
برضو ممكن تخاطب الكنداكات لحمل اكفانهن عشان الخروج عليكم في ثورة سبتمبر الكل خرج وهتف ضد نظامك وخاصة قطاع النساء قدم شهيدتين وامتلأت سجنوك بمهيرات الوطن.
| |
|
|
|
|
|
|
Re: الي نافع ..... (Re: Nagat Sid Ahmed Elshiekh)
|
ااااااااااااااااااااااااخ تاني نافع واستفزازو الوقــح --------------------------- انت اصبر بس وخليك قدر كلامك الشعب حا يطلع بس انت اركز ما تقوم صوف نجاة يا اختي والله كلام الزول دا بعمل لي حالة بتاعة قرف بتخليني اتشاكل مع اي زول جنبي وبتجيب لي احساس بأني مفروض اربط لي حزام ناسف واكوس لهذا الوغد وانسفو عليكم الله قللوا منو ------------------ شكرا نجاة
| |
|
|
|
|
|
|
Re: الي نافع ..... (Re: علي دفع الله)
|
نجاة يا اختي والله كلام الزول دا بعمل لي حالة بتاعة قرف بتخليني اتشاكل مع اي زول جنبي وبتجيب لي احساس بأني مفروض اربط لي حزام ناسف واكوس لهذا الوغد وانسفو
سلام الاخ علي دا الله ، والله حاجة تمغص من جوه الجوه. انا لو في مكانو بصم خشمي واعاين بعد المركوب مقاس 44 بتاع الهلالية النكروهو في البورد دا لحدي ما محكمة الشريف اشرف الهلالية أعلن عنها وتأكدت الواقعة والحمد لله....
| |
|
|
|
|
|
|
Re: الي نافع ..... (Re: Nagat Sid Ahmed Elshiekh)
|
شايفة أعلنوا ليك جمعة الكفن... يا بخت تجار قماش الكفن ح يخلص من السوق سريع عشان يوم الجمعة كل واحد ح يجي شايل كفنو معاهو.. وانت امشي العزاء الجماعي عشان ما يلقوا ليك حاجة يختوها في الكفن بتاعك.
| |
|
|
|
|
|
|
Re: الي نافع ..... (Re: Nagat Sid Ahmed Elshiekh)
|
Quote:
غارة جوية غامضة على مخازن اسلحة في كسلا و الجيش السوداني صامت الجيش السوداني اسد علينا و في الحروب نعامة
افاد شاهد عيان فى اتصال هاتفي من كسلا "لسودان موشن" هذا الصباح ان ماحدث ليلة امس فى المنطقة التى تقع بين مدينتى كسلا وحلفا الجديدة من ظهور ضوء ساطع للغاية ومن ثم سماع دوى انفجار ليس كما صرّح به بعض المسئولين ان هنالك نيزك سماوى وقع فى تلك المنطقة ، واضاف المصدر وهو طبيب ان ما شاهده بأم عينه مثل الذى شاهده الكثيرون من سكان جنوب الخرطوم ابان قصف اسرائيل لمصنع اليرموك ، وقال ايضا انه سأل بعض السكان المحليين قرب تلك المنطقة واجاب احدهم انه شاهد خلال الشهور الماضية ارتال من عربات الجيش تمر بهذه المنطقة بصورة مستمرة. وهذا ما يرجح ان يكون ما تم تدميره هو عبارة ان اشياء مدفونة تحت الارض تخص الجيش السوداني او انها اسلحة تُخزن فى هذه المنطقة الخاوية لارسالها الى حماس لاحقا،
وما يدلل على صدقية ان ما حدث هو عبارة عن قصف صاروخى او غارة طيران اجنبى هو ان هنالك مواقع الكترونية عالمية كثيرة متخصصة فى ايراد خبر سقوط النيازك وبعد ان قضي محرر "سودان موشن" قرابة الساعتين فى البحث فى كل المواقع المشار اليها لم يجد اى خبر ابدا يشير الى ان هنالك جسم سماوى وقع فى السودان يوم امس.
يُذكر ان اجواء السودان ظلت مختَرقة لسنوات طويلة من قبل سلاح الجو الاسرائيلي الذى يمرح فى السودان وكأنه فى نزهة دون ان مقاومة حتى ولو تصريح من مسئول يشير فيه الى حق الرد اذ انهم دوما مشغولون فى التخطيط لقتل الشعب السوداني اذا طالب بأبسط حقوقه وليس بمستبعد ان تستعين الحكومة نفسها بإسرائيل لقتل المزيد من الناس حتى يوفروا على انفسهم استخدام شعارهم المفضل : اكسح ، امسح ، قشو ، ما تجيبو حي.
|
الجماعة الاستباحوا السودان ديل برضو يجيبوا معاهم كفن
| |
|
|
|
|
|
|
Re: الي نافع ..... (Re: Omer Mustafa)
|
Quote: سلامات نجاة ال###### ###### حتي لو ترك النبيح مع مودتي لفوق |
الاخ محمد طه لاكن ال ك ل ب لازم نديهو عضم عشان يقول خير ام يصمت ,,,,,,, تسلم يا محمد .......
| |
|
|
|
|
|
|
Re: الي نافع ..... (Re: معاوية الزبير)
|
نضحك رغم فاجعة الوطن، لكنها لن تدوم، وهم أنفسهم عارفين كدا، لذلك يرهبون الناس حتى يتأخر هذا المصير
الاخ معاوية الزبير هذا الضار كتر المحلبية في استفزاز الشعب السوداني والدليل ما تعرض اليه في الايامات الماضية من مركوب في الوش لزفة من بيت الشهيد .و... وكرسي لندن و.... الي ما لا نهاية... ياخ الزول دا حيرنا وحير جماعتو الما قادرين يسكتوهو ديل.
| |
|
|
|
|
|
|
|