|
ليه مافي اقبال كبير من مواطني جيلي و شندي و عطبرة وباوقة للقتال جنودا في صفوف الجبهة القورية!؟
|
هل فعلت خطابات العنصريين من نخب الشمال امثال ع. ابراهيم و الطيب مصطفى ومن شابههم ...مفعوله ......... فوطنوا في مخيال بعض شعوب السودان الصورة النمطية المنسوجة في مطابخ خطاب النخب.......... ...... واذا كان ذلك كذلك لماذا لم ينجح ....على سبيل لمثال... الصورة المثالية التي ظهرت بها قوات حركة العدل و المساواة
في معركة ام درمان ...........في تغيير نمط تصورات المسبقة السالبة المنقوعة من قبل خطاب النخبة ......في المخيال الشعبي.......؟
ولماذا لا نجد في مخيال الشعوب الاخرى في الشرق او في الغرب ......مثلا .... مثل هذه التصورات النمطية تمنعهم من الانخراط في اي نشاط سياسي او ثوري عسكري او مدني اذا انطلقت من شندي او عطبرة او باوقة....الخ... لماذا لم يمنع الابعاد الجغرافية و الخلفيات الثقافية .......شعوب السودان الاخرى من الانخراط تحت قيادة ود المهدي ابان الثورة المهدية ....... ولماذا لم يمنع اي تصورات تاريخية او ابعاد جغرافية شعوب الشرق او الغرب مثلا من الانخراط في صفوف قوات التحالف الوطني عند ما كان يقاتل نظام الانقاذ ولماذا و لماذا و لماذا........ نريد جنودا من جيلي و من شندي و من عطبرة يندفعون للقتال الى جانب مالك عقار الى جانب الجبهة الثورية........
|
|
|
|
|
|
|
|
Re: ليه مافي اقبال كبير من مواطني جيلي و شندي و عطبرة وباوقة للقتال جنودا في صفوف الجبهة القورية!؟ (Re: د. بشار صقر)
|
ولماذا لم تحمل انت السلاح و تنضم انت للجبهة الثورية ؟ واشمعنى الجيلي وشندي وعطبرة بالاسم ، لييه ما تكون مدني و ام بادر و كوستي ؟
حسب وجهة نظري لا توجد وحدة حقيقية وإنتماء وجداني صادق واحساس بالآ خر بيننا نحن سكان هذا الكوكب الغريب المسمى بالسودان ، قبل نيفاشا 2005 مات ملايين الجنوبيين في، وريني مدينة واحدة طلعت مظاهرات علشانهم ؟ في الشرق او الغرب او الشمال ؟ جات مشكلة دارفور نفس الشي.. جبال النوبة .. البحر الاحمر .. المناصير .. كجبار الخ .. الاجابة كل زول في سودان السجم ده بياكل نيمو براهو للأسف .. وكل زول بيطرح اسئلة ويقعد يتفرج منتظر الاجابة النموذجية عشان يكمل الهووم ويرك بتاعو ويمشي ينوم وهو لا يشعر بالذنب ..
تحياتي
| |
|
|
|
|
|
|
Re: ليه مافي اقبال كبير من مواطني جيلي و شندي و عطبرة وباوقة للقتال جنودا في صفوف الجبهة القورية!؟ (Re: عبدالعظيم عثمان)
|
هلا عبدالعظيم.... انا اعتقد الاختلالات التاريخية لمسار الدولة قتلت بحثا ونبشا....... ولا خلاف حول وجود عناصر تستخدم السلطة لتحقيق مصالحها الخاصة باي تمن من كل التكوينات السياسية ومن كل الاثتيات ومن كل "الاحزمة"..... واعتقد من المهم جد تجاوز محطة الانكار والجدال الى محطة الاعتراف و الاصلاح........ لانو في الدنيا دي دائما هنالك فرصة لمحاولة اخرى..... مهما كرر الناس قول زغلول الماثور..... "يا صفية غطيني مافيش فائدة"
واذا كان في خطاب النظام والمحسوبين له تدمير في تدمير فان جل خطاب النخب المحسوبة لمعارضة ضباب في ضباب........ .........
| |
|
|
|
|
|
|
Re: ليه مافي اقبال كبير من مواطني جيلي و شندي و عطبرة وباوقة للقتال جنودا في صفوف الجبهة القورية!؟ (Re: الصادق عبدالله الحسن)
|
تحياتي أخي الدكتور الدكتور بشار:
الناس دي محددة موقفها بس انتو الحارقين رزكم في تحصيل فارغ.
معليش قد يبدو الكلام قاس وصادم ولكنه يحمل جزء كبير من الحقيقة :
شايلين بنادق ومارقين تحاربو في النظام من اجل سودان واحد موحد ينعم فيه الانسان بالامن والحرية والمساواة...مش كدة؟
يعني نظام تضحية وكدة....
ابشرك يا مان بانو جزء كبير من الشعب الفضل دة شايفين انو البشير وبقية القرود الخاسئين والمفسدين الحولو ديل افضل ليهم الف مرة من(الجبهة الثورية)
وجزء كبير من الشعب الفضل دة مابيعرف الحرية والمساواة ديل شنن زاتهن لانه ما حاسي بي فقدانهم...لانو لافاقد الحرية ولا هو زاتو عاوز يساووه بي باقي الناس
شفت كيف.
الناس دي بتتظاهر من اجل البنزين والسكر والرغيف لامن اجل ارواح تموت في قبل البلد الاربع...
نجي للوحدة: البلد دي كانت ممالك وسلطنات لحدي وقت قريب والانقليز هم من جمعوا (غصبا) مايعرف بالسودان الحالي.
وحدة شنو البشيلو ليها بندقية دي وبغصبوا عليها الناس غصب دي؟
انت عارف لو اتلموا في دولة واحدة معناها شنو وعملو دستور حقيقي وقانون يعترف بالتنوع؟؟؟ معناها عقار ممكن يكون الرئيس والحلو نايبو....فكرك الناس دي ممكن تقبل بى وضع زي دة؟؟؟؟؟
انت داير الطيب مصطفى ينتحر ولا شنو؟
حفاظا للارواح حقو الناس تكسب زمنا وكل كوم يشوف قبلتو ويعمل دولتو والبعتدي على التاني بعدها بياكل ناروا.
حكمة: اعرف حدود وطنك واعطه روحك, فخارج حدود الوطن ستكون كمن يعطي عطاء من لا يملك لمن لا يستحق!
| |
|
|
|
|
|
|
Re: ليه مافي اقبال كبير من مواطني جيلي و شندي و عطبرة وباوقة للقتال جنودا في صفوف الجبهة القورية!؟ (Re: الصادق عبدالله الحسن)
|
الاخ الصادق عبدالله...... قيادات ابناء هذه المناطق قادت ثورة مسلحة ضد نظام جعفر محمد نميري...... كما ان ابناء تلك المناطق شاركت بشكل كبير في قوات التحالف الوطني التي كانت تقود ايضا حربا مسلحا ضد الدولة........من جهة الشرق وبالتالي الموقف من الحرب و من السلاح ليس بالصرورة موقفا مبدئيا.......
جوهر المسالة هنا ليست البحث عن حجم الانجازات السياسية المناطقية........ وانما التحليل بموضوعية ....... نعم من السهل جدا رمي الجبهة الثورية بالجهوية والعنصرية ولكن ذلك لا يكشف سوى قصور نخب التي تقود الخطاب في السودان في استيعاب حجم المشكلة وابعادها حقيقية .. ......... ..............
| |
|
|
|
|
|
|
Re: ليه مافي اقبال كبير من مواطني جيلي و شندي و عطبرة وباوقة للقتال جنودا في صفوف الجبهة القورية!؟ (Re: عبدالمنعم الطيب حسن)
|
شفت كيف يا عبدالمتعمةعقلك الباطني لايميز بين النظام وبين الوطن وبالتالي اتوماتيكلي ترى القوى التي تقاتل النظام قوى غير وطنية..... انا ابدا لم اقل ان الجبهة الثورية ستجعل شتاء الوطن حارا ...بل قلت شتاء النظام...... يا صديقي في المناطق حتى من قبل الجبهة الثورية .......... عبارة عن جحيم وليست حارا فحسب....... كونك لاترى ولا تتغهم الضرورات التي يدفع مجموعات من شعبنا الى حمل السلاح و تقديم افضل فلذات اكبادها دفاعا عن وجودهم .. ....وما يرونه من تحيز مؤسسي تمارسه منظومة الدولة في حقهم ...شئ يخصك ولكن ذلك لا ينفي الحقيقة.....و لا يوقفها.... والحقيقة هي ان النار يقترب كل يوم اكثر من وسترى بعينيك يوما ما دمت حيا.......
| |
|
|
|
|
|
|
Re: ليه مافي اقبال كبير من مواطني جيلي و شندي و عطبرة وباوقة للقتال جنودا في صفوف الجبهة القورية!؟ (Re: د. بشار صقر)
|
بالله! لمن يغلبك الحوار تلجأ طوالي لنفسيات وغيبيات وتحليلات، مرة اخرى لن تقاتل معك؛ لا الجيلي ولا الباوقة ولا الفاشر اها رايك شنو؟
Quote: لايميز بين النظام وبين الوطن وبالتالي اتوماتيكلي ترى القوى التي تقاتل النظام قوى غير وطنية..... انا ابدا لم اقل ان الجبهة الثورية ستجعل شتاء الوطن حارا ...بل قلت شتاء النظام...... |
ياخ عارفك قلت شتاء النظام، لكن الحرب دي في فهمي، تحرق الوطن، وتقتل شبابه المهمش، وتعطل الحياة، ولن تحزر ارضا، ولن تحرر مدينة، وستظل تدور في تلك الاصقاع، ولن تصل الخرطوم ابدا، ابدا... ولن تؤثر على نافع وصحبه الكرام بل نافع بها افرح، ولا يمكن تكون حاجة بتفرح نافع والشعب في ان، بل اي حاجة بتفرح نافع هي ضد الوطن بالضرورة، عشان كدة انا قلت شتاء الوطن بهذه الحرب حارا...
Quote: والحقيقة هي ان النار يقترب كل يوم اكثر من |
من شنو؟ ما ذكرت.... اوعك تكون قاصد من الجيلي، كدة تكون بالغت...
Quote: وسترى بعينيك يوما ما دمت حيا....... |
تهديد دا يامرسي؟ يا زول هوي، النار دي تظل تقتل اهلناالمهمشين من الطرفين، ولكنها لن تغير هذا النظام ابدا، هسع الحكومة تديكم وزارة تجوا جاريين اللعمى شايل المكسر، علي خرطوم الجن دي، وتشاركوا في هذا النظام،وتنسوا التغيير، الذي لن ينساوا الشعب ويسنجز ثورته، باقل دم ممكن، وبلا دم او امكن
| |
|
|
|
|
|
|
Re: ليه مافي اقبال كبير من مواطني جيلي و شندي و عطبرة وباوقة للقتال جنودا في صفوف الجبهة القورية!؟ (Re: عبدالمنعم الطيب حسن)
|
يا عبدالمطلب.... ترى الكلام النكتبو هنا ده...ما جديدة كتلناهو .....سنين عديدة....بحثا
...هون على نفسك.... صيغ الحوار الهسع ماشين فيهو معاك ده ملطفة جدا ..... على العموم انا بفتكر انو السلاح سبيل لتغيير النظام..... انت دايرها سلمية......اتحرك....بس ركز في عدوك اكثر... من سلاح المقاومة.......... واظن سلمية النضال برضو ما مضمونة..بتحغظ الارواح..... ...لانو في تلاتة يوم.. ..بس ....الارواح السلمية التي ازهقته النظام ما بسيطة...... يبقى برضو ممكن في زول يجي يقول ليك مافي داعي نطلع مظاهرات لانو .....ندي النظام فرصة يقتل ارواح بربئة.... ............ويكون جدال ....من اجل تخزيل همم المناضلين....
.......شايفك برضو ..!! بدات تدخل في المقاصد...... المهم! الجبهة الثورية مقصدها الخرطوم وبالتالي عندما نقول يقترب اكثر نقصد اقترابها من الخرطوم وليس جيلي ...... على العموم انا لم احجر عليك وصائلك في النضال بل علي الاستعداد لتقديم المساعدة ..... وكما ناقشك اخونا سامر كوكو....بهناك... الجبهة الثورية .... مستعدة تساند الانتفاضة ... سواء بتعليق العمليات.......عند الضرورة او زيادة وتيرتها اذا لزم حسب مصلحة الانتفاضة ولكن يبدو انك متحير من سلاح المقاومة اكثر من حيرتك من اشكالية ....... المهم....
25 سنة النظام حاكم ..... ما المانع من تجريب كل وسائل التغيير....... وقت النضال راقد.....
| |
|
|
|
|
|
|
Re: ليه مافي اقبال كبير من مواطني جيلي و شندي و عطبرة وباوقة للقتال جنودا في صفوف الجبهة القورية!؟ (Re: د. بشار صقر)
|
مرة كدة
وبعدين برضو كدة
والمداخلة الاولى برضو عجنت الاسم عجن، قليلا من الجهد لا يضير، الاسم تراهو مكتوب تحت الصفحة التي تكتب عليها دي مباشرة؛ اذا كانت الذاكرة طاشة لهذه الدرجة، اذا كانت ناركم عشوائية ومجهجهة زي دا، فقد طالت غربة الوطن.... ...... اما جانب النقاش فهو خرت باخدروا؛
Quote: ...هون على نفسك.... صيغ الحوار الهسع ماشين فيهو معاك ده ملطفة جدا .....على العموم انا بفتكر انو السلاح سبيل لتغيير النظام..... انت دايرها سلمية......اتحرك....بس ركز في عدوك اكثر... من سلاح المقاومة..........
|
يازول هوي انا معاك في النقاش بنفس هين جدا لامن تقتنع، لم اقل انها غي ملطفة ولكن قلت واصر انها مغلفة بعنصرية تقسم الوطن، والنضال، وتكسر رقبة المخالف لسلاح الجبهة الثورية، وتقول انه من الجيلي، وكأن دارفور كلها معك، النار التي تسميها سلاح المقاومة ستطيل عمر الانقاذ، لذلك الخطوة الحاسمة، هي انضمام الجبهة الثورية، بكافة مكوناتهاللحل السلمي الديمقراطي، فهو الانجع والاقل كلفة لجهة الارواح العزيزة، والارض المحروقة، واستمرار دورة الحياة الدم السوداني غالي وذكي، فلا تهدرونه بلا طائل، ولا تهدرونه على الهوية، والمناطقية،
| |
|
|
|
|
|
|
Re: ليه مافي اقبال كبير من مواطني جيلي و شندي و عطبرة وباوقة للقتال جنودا في صفوف الجبهة القورية!؟ (Re: د. بشار صقر)
|
دكتور بشار السلام عليكم ببساطةالاجابة لان طبيعة انسان المناطق هذه التى ذكرتها تختلف عن طبيعة المناطق الاخرى والا بماذا تبرر عدم حملهم للسلاح فى وجه الدولة المكزية المحسوبه على الوسط وهم الاولى بذلك حتى قبل الجنوب ودارفور نفسهم دعكمن الجبهة الثورية وذلك نسبة للظلم الاجتماعى والاقتصادى اللذى ترزح فيه هذه المنطقة وباختصار كده ادينى مشروع حكومى واحد من ما تتطلع من الجيلى لحدى ما تصل ابوحمد غير اسمنت عطبرة ودا من سنوات خلت ... ولكن رغم ذلك فمواطن هذه المنطقة يكون لديه وعى سياسى انا لا اقول مرتفع عن الاخرين لكنه يتمحور حول الصبر والمطالبه السلمية بحقوقه . ثانيا احيلك الى المواقف السابقة لاهالى هذه المنطقة عبر التاريخ اذا كان قصدك انه لم يكن لهم دور تاريخى فى صناعة قومية السودان اجيلك الى نضالات اهالى بربر وشيخهم محمد شريف نور الدائم مع الامام المهدى وتحيلك الى موقعة النخيلة فى عطبرة واحيلك الى نضالات الجعليين فى شندى وحريق الخديوى وتضحياتهم فى حملات الدفتردار الانتقامية وهل حارب معه احد من مناطق السودان الاخرى واستحضر هنا مقولة الحسانية فى شنو والناس فى شنو مع اعتذارى للحسانية . وفى العصر القريب منهم الشباب اللذين انخرطو فى قوات الحركة الشعبية فى نضالاتها قبل وبعد هذه الحكومة وهاك ياسر عرمان ابن ديم القراى وهو عبارة عن جيفارا السودان وعلى عسكورى وغيرهم من الشباب اللذين لم يكن لهم الحظوة فى الاعلام حتى تعرفهمانت وغيرك ومن هم الشباب اللذين حققو اكبر نسبة انضمام للحركة الشعبية بعد تحولها الى حزب سياسى فى السودان همابناء نهر النيل وبامكانك انتتاكد من ذلك من سجلات الحركة الشعبية ولدينا اعضاء للحركة الشعبية فى المنبر هنا يمكن ان يصدققونى او يكذبوننى وافيدك ان اكبر ندوة اقيمت لمرشح الرئاسة ياسر عرمان اقيمت فى عطبرة وسط حشد كاد ان يفوق حشد استقبال قرنق فى الخرطوم ولكن رغم ذلك الحركة الشعبية خزلتهم وسحبت مرشحها فى سعيها المخيب للامال وبيعها للقضية مكتفية بوعد الاستفتاء والانفصال وبذلك سسددت طعنة نجلا لمناصريها فى الشمال عموما جعلتهم لا ينجرفون لدعواتها اللاحقة للقتال ضد الحكومة خوفا من تكرار تجربة البيع والدخول فى تسويات مع الحكومة تخص فقط مناطق المنطقتين جبال النوبة والنيل الازرق . الله يسامحك خليتنا ناخد خطوة للوراء ونطر للدفاع عن جهويتنا ومناطقنا فى حين اننا فى هم اكبر من ذلك
| |
|
|
|
|
|
|
Re: ليه مافي اقبال كبير من مواطني جيلي و شندي و عطبرة وباوقة للقتال جنودا في صفوف الجبهة القورية!؟ (Re: د. بشار صقر)
|
السيد د/ بشار صقر سبب عدم التحاق أبناء المناطق المذكورة يرجع الى انقلاب أبناء هذه المناطق على حكومة الكيزان وبالتالي صارت حكومة الإنقاذ سلطة قبلية حتى لو سميت زورا باسم الحركة الإسلامية للتمويه فتظل الحكومة الآن حكومة تدار بقبائل معينة شأنا أم أبينا ، فكل قوات الأمن والمخابرات الوطني من هذه المناطق ويحكى لي مصدر ثقة ابان هجوم الجبهة الثورية فقدت قرية صلاح قوش أكثر من 65 فردا ، كما أن الكتيبة الاستراتيجية بشندي تمثل قلعة عسكرية كاللاذقية بالنسبة لبشار الأسد ، فمثلا كل الولايتين الشماليتين عدد سكانهم لا يزيد عن مليون وسبعمائة ألف ، فقوات هذه المناطق منوط بها حماية المربع الأمني وهو يتكون من العاصمة وحتى مصر واعتقد أن هذه الحكومة اذا شارفت على الزوال ستطالب بالحماية من السلطات المصرية وحتى الطلب بانضمام شمال السودان الى مصر كما فعل أسلافهم الذين أعانوا المستعمر لاحتلال السودان ، فلا يهم من أي حزب اذا كنت من أبناء هذه المناطق ، حتى لو كنت ضدهم لا يكيدون لك كما يكيدون لغيرهم من المعارضين ، فلماذا يذهبوا الى الجبهة الثورية والتي هي مريضة بنفس داء مجموعة حمدي .
| |
|
|
|
|
|
|
Re: ليه مافي اقبال كبير من مواطني جيلي و شندي و عطبرة وباوقة للقتال جنودا في صفوف الجبهة القورية!؟ (Re: Siddig Elghali)
|
ويا د. بشار صقر
وليه طلع 6 مليون مواطن سوداني في المركز لاستقبال جون قرنق في 2005 ولم يخرجو حتى الان لاي سبب وليه سجل 18 مليون سوداني لانتخابات 2010...وهذا يؤكد ديموقراطية الشعب السوداني الاجابة الشعب السوداني عملاق يتقدمه الاقزام والجبهة الثورية واحد من هذه الاقزام ونحن حدنا مع مع الابداع السياسي بتاع جون قرنق"رؤية لا تموت"-اتفاقية نيفاشا ودستور 2005 والقرار 2046 واستعادة الوجود الطبيعي للحركة الشعبية وبرنامج الامل الانتخابي للحركة الشعبية"الاصل" في السودان والحركة الشعبية الاصل تستهدف الوعي وليس الاشخاص او القبائل او المناطق والمنفستو بتاعا من 1983 يحدد ذلك تحرر من شنو وعايزة منابر حرة وشرعية دستورية انتخابية شعبية الان... فقدتا بسبب الانسحاب مع المهروليين-نخب السودان القديم-في انتخابات 2010 وادخلتنا في هذه المتاهة... واخر ابداع سياسي قدمه الجنوبيين الاذكياء استفتاء دينكا نقوك اما نحن مصيرنا عالق مع -نفس الناس- العاطلين عن المواهب من 25 سنة"الانقاذ" او 50 سنة احزاب السودان القديم عرفت ليه الناس زهدت في كل شيء؟ غياب الابداع السياسي وفشل الحركة الشعبية شمال من 2010 ولحدي الان....
| |
|
|
|
|
|
|
Re: ليه مافي اقبال كبير من مواطني جيلي و شندي و عطبرة وباوقة للقتال جنودا في صفوف الجبهة القورية!؟ (Re: adil amin)
|
انها التحدي يا دكتور!! اول ما جاء الانقاذ قام بتشييد طريق التحدي تمهيدا لمصفاة الجيلي التي هي اقري لحوش ود بانقا منه للجيلي!! فالبشير فكره كان قبليا لان طريق التحدي الذي انجز قبل شريان الشمال كان اساس الدعم.. لذلك تري انهم قتلوا بقية شعوب المنطقة التي ذكرتها في ايام الحروب الجهادية وان تمعنت في اغاني الجهاد انذاك لوجدتها عن المتمة وفنجان القهوة الذي اراد ان يشربه قرنق هناك!!! وبعد الاستقطاب علي نمط قبلي فتن الاخوان فكان نظام التمكين العائلي الا ان بعض ابناء هذه المناطق ولا حسد عليهم يؤمنون بان الانقاذ احسن حكومة لما تلقوه من طرق وكهرباء رغم الاضطهاد فعلي الاقل انجزت الانقاذ طريق التحدي وشريان الشمال ومصفاة الجيلي واوصل الكهرباء للباوقة ومكن بعض واقول بعض ابناء هذه المناطق وشييد كبري المك نمر رمز الوحدة الجعلية وفخرها!!!نعم لابد ان يقل الاقبال في هذه المناطق !! اما الثورة الاخيرة فهي ثورة هامشي المركز!! فالانقاذ شتت شمل المركز التقليدي الذي كان متعارف عليه ونقل السلطة من العمارات واركويت والديوم و الصافية ووالخ... الي احياء جديدة ككافوري والمصورة ووالخ!! السودان يتعامل مع نظام مركزي جديد قابل للتجدد في مطاق المركز فقط وعلي بقية الشعب السوداني السلام. فانا ان تتلائم مع المركز الجديد او تكون معارض عميل حتي وان كنت من حوش ود بانقا نفسه!! وعليكم وعلينا السلام
| |
|
|
|
|
|
|
Re: ليه مافي اقبال كبير من مواطني جيلي و شندي و عطبرة وباوقة للقتال جنودا في صفوف الجبهة القورية!؟ (Re: عزام حسن فرح)
|
Quote: انها التحدي يا دكتور!! اول ما جاء الانقاذ قام بتشييد طريق التحدي تمهيدا لمصفاة الجيلي التي هي اقري لحوش ود بانقا منه للجيلي!! فالبشير فكره كان قبليا لان طريق التحدي الذي انجز قبل شريان الشمال كان اساس الدعم.. لذلك تري انهم قتلوا بقية شعوب المنطقة التي ذكرتها في ايام الحروب الجهادية وان تمعنت في اغاني الجهاد انذاك لوجدتها عن المتمة وفنجان القهوة الذي اراد ان يشربه قرنق هناك!!! وبعد الاستقطاب علي نمط قبلي فتن الاخوان فكان نظام التمكين العائلي الا ان بعض ابناء هذه المناطق ولا حسد عليهم يؤمنون بان الانقاذ احسن حكومة لما تلقوه من طرق وكهرباء رغم الاضطهاد فعلي الاقل انجزت الانقاذ طريق التحدي وشريان الشمال ومصفاة الجيلي واوصل الكهرباء للباوقة ومكن بعض واقول بعض ابناء هذه المناطق وشييد كبري المك نمر رمز الوحدة الجعلية وفخرها!!!نعم لابد ان يقل الاقبال في هذه المناطق !! اما الثورة الاخيرة فهي ثورة هامشي المركز!! فالانقاذ شتت شمل المركز التقليدي الذي كان متعارف عليه ونقل السلطة من العمارات واركويت والديوم و الصافية ووالخ... الي احياء جديدة ككافوري والمصورة ووالخ!! السودان يتعامل مع نظام مركزي جديد قابل للتجدد في مطاق المركز فقط وعلي بقية الشعب السوداني السلام. فانا ان تتلائم مع المركز الجديد او تكون معارض عميل حتي وان كنت من حوش ود بانقا نفسه!!
|
البينوسلام ياخ انا من هناك، ةالمنطقة الممتدة من الجيلي حتى تخوم شندي، من الجنوب، اكاد اعرفهم فردا فردا، ويقيني اني اعرف معاناتهم جدا فانا جزء من تيار المعاناة هناك ، وفي كل السودان، فلا تقلب علينا المواجع ارجوك، طريق التحدي لخطا في التنفيذ والتسرع، جاء معيبا، وكل يوم يقتل عشرة منا، وكل ساعة يبحث عن ضحية، والمصفا يجيهو الكوز من دارفو او من صراصر، او حلة فلان النافذ، والغريبة كيزان المنطقة مع قلتهم وانحسارهم الان ما بوظفوهم، يا زول الانسان في تلك المنطقة -كما كل السسودان- يكاد يموت من الضيم والقهر والظلم، فالحكومة دي ظلمت من طرف، ولم توفر منطقة او اثنية، ولي عودة
| |
|
|
|
|
|
|
Re: ليه مافي اقبال كبير من مواطني جيلي و شندي و عطبرة وباوقة للقتال جنودا في صفوف الجبهة القورية!؟ (Re: بدرالدين بابكر مصطفى)
|
الكلام ده عشان في ناس كده ما عايزة تفهم لانه ما قادرة تفهم
ياا حليل الحركة الشعبية"الاصل" من فارقونا الجنوبيين الاذكياء فقدت بريقها وزخمها بقت مطية لليسوى وما يسواش من النخبة السودانية وادمان الفشل احزاب المركز القديم وعقاب اليسار وموسوعة جنتس للحركات دارفور المشترزمة التي عجزت عن حل ازمة دارفور نفسها التي هي اكثر من الحركات التي قامت في كل امريكيا الجنوبية في الزمن الشمولي القديم ضقلو بيهم الاخوان المسلمين لامن فترو في الدوحة جو قالو نحن جبهة ثورية... يا اخوى لو عايز تعرف درجة وعي ناس الشمال من االرويان لي حلفا خت الصندوق وزح بعيدشوف البفوز منو في الانتخابات ولو داير دليل نجيب ملفات لانتخابات 2010 عشان تعرف جماهير الحركة االشعبية"الاصل" في الشمال... والناس الحاسبنهم علينا في "المركز الجديد "ديل لو عندهم اصل او فصل"جنسية خضراء " كان طورو مناطقهم وما جو اتكدسوا في الخرطوم "عقدة الناس" في السودان القديم وبلد الما عنده بلد
| |
|
|
|
|
|
|
Re: ليه مافي اقبال كبير من مواطني جيلي و شندي و عطبرة وباوقة للقتال جنودا في صفوف الجبهة القورية!؟ (Re: عادل عبدالعزيز عبد الرحيم)
|
هلا عادل
اظن حكاية انو طبيعة سكان مناطق معينة ما تشيل سلاح دي ما صحيحة.... الظلم ظلمات...... وبيدفع الانسان لحمل اي شئ.....خصوصا لمان يكون المسالة في سياق الدفاع عن النفس والارض و العرض......الخ المسائل المرتبطة بحقوق الانسان الاولية جدا....
تامل ازدواجية .... الخطاب العجيب لدى بعض في عرض البوست ده...... يتكلمون كمعارضين وطنيين لا يفرقون بين احدا من ابناء شعبهم..... وفي الوقت نفسو .... يستهجنون دعوة مواطن تجاه جزء من الوطن ...... .....لمقاومة نظام الابادة.. ..الا يحق لنا فتح نقاش حول اي فرد من اي منطقة من مناطق السودان...... لمحاربة النظام ..!! ليه الناس دي مستهجنة النقاش دي! هسي لو في مدن خرجت في تظاهرات عارمة ومدن ما خرجت.... ......الا يحق لنا نقاش الاساب....و شحذ هممهم.... طيب ما دي برضو وسيلة من وسائل التغيير ودايرين كل السودان يشارك .....@ اسقاط النظام ايه المانع ......!
الغريب انو في ناس ....ناس كتيرين جدا ... ...... مجرد تخيل انو في ناس من المناطق دي ممكن تقاتل في صفوف الجبهة الثورية ...ما قادرين يهضهموها.... ..... . وفي نفس الوقت ....نفس العينة دي تلقاهو ينظر بكل ( انسجام) عن شعبنا في الفاشر و في كادقلي.... و غبيش و نيالا ..... وهلمجرا..............مش غريب..... ............. لم اقصد نضالات سكان هذه المناطق كما تفضلت بل ذكرت امثلة عن احتشاد ناس من معظم بقاع السودان سابقا و حديثا للوقوف مع قيادات من هذه المناطق ..... ولا شك انو بعض ابناء هذه المناطق شاركت مع مختلف قوى المقاومة المسلحة عشان كدا انا قلت ليه مافي ....اقبال كبير .....
| |
|
|
|
|
|
|
Re: ليه مافي اقبال كبير من مواطني جيلي و شندي و عطبرة وباوقة للقتال جنودا في صفوف الجبهة القورية!؟ (Re: د. بشار صقر)
|
عشان كدا لمان تقول خليتنا نتكلم عن المناطق.....في بلد دخان حريق المناطق يتنفسه الناس صباحا مساء... .......اراه تافف في غير محله........ المهم
الله يسامحك ارجع اقرى كلامى تانى هل فيه تافف ؟؟؟ انا قلت ليك رجعتنا نتكلم عن مناطقنا ومناطقم ومناطقهم وهذا لا يجب ان يكون بل اللذى يجب ان يكون ان نتحدث عن كل اسمه السودان ككتلة واحدة ووحدة كاملة وهم واحد .... هذا قصدى لكنك اولت كلامى ولويت عنقه وفسرته بما يرضى غرورك ولم تجب على باقى مداخلتى ارجو ان تكونامينا فى تناولك لمداخلات الناس والا ان لم تكن على قدر النقاش بحجج ومنطق فاقترح عليك ان لا تفتح مواضيع مثل هذه يا هذا
| |
|
|
|
|
|
|
Re: ليه مافي اقبال كبير من مواطني جيلي و شندي و عطبرة وباوقة للقتال جنودا في صفوف الجبهة القورية!؟ (Re: عادل عبدالعزيز عبد الرحيم)
|
يا عادل عبدالرحيم اذا ده بوست جائز يرجع الواحد خطوة للوراء ويضطره للدفاع عن جهويته و مناطقيته..... يبقى كلامى ....معناه .... حقو يكون عندك القدرة على تفهم نقاش لمان ياخذ بعد مناطقي او جهوي ..... ..... في بلد في ناس مناطقها بتحترق بشكل يومي .......
باقي كلامك لو ركزت كويس اظن رديت عليه.... اساسا لم اتحدث عن نضالات شعوب السودان تاريخيا ولم انفي اقبال كثيرين ..... في السودان من الشمال ومن بقية المناطق تجاه الحركةالشعبية.....ولكن كان اقبالا متأخرا وفي الزمن الضائع للاسف....... ولو ان هذا الاقبال الكبير.... من مختلف شعوب السودان .... اتت في زمن مبكر .... في زمن التضحيات و شاركوا الحركة ...الحصاد لربما كفوا مشقة الانفصال ...... ولربما ساهموا في اجبار النظام على المضي في سبيل يجعل الوحدة جاذبا..... ولذلك ما اريد قوله في هذا البوست هو ان الناس اذا شاركت من كل المناطق كفاح التغيير ......المسلح البقى من وجهة نظري مافي سبيل غيرو مع هذا النظام..... واذا الناس في مختلف مناطق السودان تخلت عن ثوب الوطنبة المصطنع ونظرت الى مشاكل السودان بشكل وطني حقيقي ...و ليس جهوي و مناطقي مغلف في لبوس التصورات "الوطنية" الماحقيقية ... لتدافع الناس من كل المناطق لتغيير النظام ...... عبر بناء اي جهد موجود... و لقرأ الناس دعوة هذا البوست .... مجرد دعوة من مواطن سوداني..... تجاه مواطنين في مناطق اخرى..... ليهبوا لاسقاط نظام دموي على هوى التصورات النضالية المشتركة....... ياخي اذا في مجموعات من سكان هذه المناطق تريد المشاركة في اسقاط النظام بالقوة العسكرية .... ....مع الكيانات المسلحة القائمة.... اليس مثل هذا التفكير الكاسح السالب... .. يساهم في تقويض رغبتهم ..؟
.............. انا جبت امثلة مثل قوات التحالف بقيادة عبدالعزيز خالد... وتجارب بعض الاحزاب في حمل السلاح لاشارة الى ان مبدا حمل السلاح في حد زاتو عندو جذور في كل ارجاء السودان..... وجبت امثلة لناس جو من مختلف مناطق السودان ليقاتلوا تحت امرة قادة من شمال السودان لادلل على ان الناس دي ما عندها عمليا التصورات الجهوية.... و لا المعلبات المناطقية التي ينتجها الخطاب الرسمي و يوزعهامنظريه بالمجان ... ولمان اقول ناس بقصد مثلا تدافع سكان غرب السودان للقتال تحت امرة ....... محمد احمد المهدي....على سبيل المثال دون نظر جهوي او مناطقي....... فخلو ناس كمان تجي تقاتل مع عقار . ....اذا في زول عندو رغبة...... ما تساهموا في تكريس الخطاب النمطي السلبي ..... ما تتتوهموا ان الجبهة الثورية اذا حكمت ... ستحكم حكما جهويا او مناطقيا....... ما تتوهموا انو البشير بعوارتو احسن من الجبهة الثوربة... طبعا ده نمط تفكير الصادق المهدي .......... الذي يرى في البشير جلدو.... ولكن لحد الآن ما عندي تصريح واحد من ود المهدي يشير الى ان مالك عقار برضو جلدو.......
| |
|
|
|
|
|
|
Re: ليه مافي اقبال كبير من مواطني جيلي و شندي و عطبرة وباوقة للقتال جنودا في صفوف الجبهة القورية!؟ (Re: د. بشار صقر)
|
Quote: ولكن الاشكال الحقيقي في مشكلة السودان هو كثرة المبشرين للتغيير ......وقليل من الفاعلين الحقيقين |
يا بشار انا مرجعيتي النسخة الاصلية للسودان الجديد بتاعة جون قرنق من 2005 والحد الادنى لها اتفاقية نيفاشا والدستور الانتقالي وبؤمن بان الشعب والانتخابات قادر على التغيير عبر الانتخابات اذا توفرت الاسس الصحيحة والرغبة في التغيير اما الحركات المسلحة الجايطة الواطة دي ما تلزمني.. لا طريقة التغيير التي تتبعها ولا الرؤى الفطيرة التي تحملها.. حدي برنامج الامل بتاع انتخابات 2010 والقرار 2046 ومبادرة نافع /عقارواطلاق الحريات في السودان والاعتراف بالحركة الشعبية شمال ودمج مقاتليها في الفرقة 9و10 في الجيش السوداني,,, والانتخابات المبكرة في 2014 لمصلحة الجميع
| |
|
|
|
|
|
|
Re: ليه مافي اقبال كبير من مواطني جيلي و شندي و عطبرة وباوقة للقتال جنودا في صفوف الجبهة القورية!؟ (Re: adil amin)
|
Quote: فخلو ناس كمان تجي تقاتل مع عقار . ....اذا في زول عندو رغبة...... |
يادكتور بشار ... انا ذاتي قلت ليهم كدة وقلت ليهم فكوا الناس ديل اليمشو يقاتلوا لكن تقول شنو..
قاتل الله الكواديك والكجور.. مشكلة مواطني هذه الولايات يا دكتور بشار انهم كلهم مكودكين ومكجريــن بفعل السحر الاسود ..ودا طبعاً يعود لعصابة الظلمة الحاكمة مكجراهم ومكجرة بنادقهم عن نصرة عقار..
دعواتك بالله .. ولو بتعرف فكي كااارب - مازي فكي الجدادة اياها - بالله كلمه يجي يفك الكواديك وليك علي مئة الف بندقية او يزيد سترتفع خلال فترة وجيزة مع عقار ..
قول يا فكيك بس .. :)
| |
|
|
|
|
|
|
|