|
|
 جلدك..وضفرك
|
بيتك فوق فى تلك التلة
نومك ما عاد نوم فى ديك الحلة
نومك قلا
كلما تنوم تحلم بى (كلا)
تحلم وانت هناك فى قيف العادى
تصحى وتسمع فى كل بكان
بلادى
فى الحلة
فى المدرسة
فى الجامع
فى الرادى
بلادى
وما فاهم ليش ندهوك
منامك جاك من تالا الوجعة المدهون بى لونك
شمسك ما طلعت برا الله يكون فى عونك
مكتوب فى ضهرك
ممدود فى لوح مكتوب فى عيونك
ما حك جلدك مثل ظفرك
وات مذعور
ماسكينك من ايدك وجعك امك مرتك بنتك
وجلدك شايلك وشايل دمك وهمك
ما فيهم بابك
جلدك ما بيعرف ضلك
كلك ما كلك
الحلم الكان مدخور لى من حنك
مرعوب من قولة
اهلك تهلك
غتوك بى لونا ما لونك خلوك ال بدلك
كت فاكر الناس ضهرك
آخرك
ما ترضع قهرك
ما تضحك فى وش الشال من جلدك ويبس ضفرك
جلدك
وضفرك
بابين ما فيهم بابك
بابك فاتح فى نبض الشارع
يا مشدوه بين قلبك وبطنك
حلمك اكبر من جلدك
جر
جرجر فينى معاك يا تقفل فمى
ويا تكتل امى
وما بسكت
جلدك ما جلدى
وضفرى هناك ما ضفرك
انت ال تقفل فمك
أنعل ام_______
ات من وين جابوك
ما بتشبهنا ولا لاقيت فى يوم شبهك
جيت من وين واقف فى البيبان
شايل البنبان
واقف بين جلدى وضفرى
غناك مبحوح
ايدك مليان يا سجمان
واقف بين جلدى وظفرى براك
ارجا الراجيك
يوم الشمس التمرق برا
غناى ينشرا
مناى ينفرا
انا ما طالع
راجع
انت التطلع برا
|
|
 
|
|
|
|
|
|
|
|
Re: جلدك..وضفرك (Re: محمد عبد الله حرسم)
|
وعذرا إن خدشت تفرد غناءك بإقتباس حميد
نادوس يا فجر القصائد اندلق
ما حك جلدك مثل ظفرك فأنطلق
انا شرحنا لك صدرك أو شرخنا فأنعتق
يا أنت يا كل الذين لأجل خاطرهم طهوت غداه عقم زهور كلم لتنفتق
غضبآ يؤرق موقديه كورته
رجمآ لكل من تنازل أو تخاذل
أو تشاعر أو تداعر
أو تهاون أو تخاون أو تعاون ضد فتحك أو أتاني ليسترق
تربت يداك…تبت يدا كل الذين تغامزوا
وتهامزو وتلامزو وتقززو وتلذذو
من فيه جرحك يا وطن
نادوس أه … نادوس يا………
أمسينا يا نادوس وأصبحنا بيك يا أم
يا سوسه ضد السوس قلبآ بلاك يضم
ليل الضياع مهووس يحلم هواك يؤم
بعد الحصاد الروس عالم نداهو بعم
ختيت هواك فانوس بقالي شلتو وحم
جيت المدن باخوس لاقيتو جالب السم
راشح هجير البوس وكل الوجود دم دم
كوركت يا نادوس أم الغبش يا أم
يا نخل يا أبنوس يا سامبا يا تم تم
يالبيك غناي محروس دخري الغلابه هلم
دهمني كم مجروس وعكمت تاني وقم
كثير اعزاز
| |
|
|
|
|
|
|
|
|
|
Re: جلدك..وضفرك (Re: عبدالحفيظ ابوسن)
|
عبدالحفيظ ابوسن
.| Quote: وعذرا إن خدشت تفرد غناءك بإقتباس حميد |
يا صديقى حين يكون الهطول فان المواعين واسعة كما ارض الكلام
وهذا الشاعر الانسان (حميد) هو كثيرا من يمنح الكلام معنى يرجك ويحرك ساكنك ويدير راسك عنوة حيث يريد
وبجيك للنظر فى الجلدين والضفرين
| |
|
|
|
|
|
|
|
|
|
Re: جلدك..وضفرك (Re: علي دفع الله)
|
| Quote: ابو ذر المنبر سلام ما يغشاك شر ،، |
بركة الجيت حرسم يا صديق كل عام وانت بالف خير
المناضل الجسور علي ادم دفع الله حق التسمية فى المنبر دا
مسجل باسمي وراجع بوست ابو سن نحن الاعضاء الجُدد
:
:
:
:
:
:
مع التحيات لله الزاكيات
| |
|
|
|
|
|
|
|
|
|
Re: جلدك..وضفرك (Re: محمد حمزة الحسين)
|
شكرا ابوحميد
تذكرت الجميل الشفيع شوستا
فى منبر آخر
اطلق على ذات اللقب قبل سنوات طويلة فوق الثمانية سنوات تقيربا
وكلكم اعتز بهم
وحقوق الملكية لكم جميعا لانى احبكم بى ضدق
| |
|
|
|
|
|
|
|
|
|
Re: جلدك..وضفرك (Re: علي دفع الله)
|
علي دفع الله
Quote: ابو ذر المنبر سلام ما يغشاك شر ،،
والله ببداء بيك يومي في المنبر متى ما رأيت اسمك
مودة وتحية واحترام
واصل دررك يا ملهم وانيق الكلم |
صديق الفكرة والحضور البهى
كلمة من صادق واع خير عندى من الف عين ترى ولا ترى
اجتهد دوما لاقول ما اريد واعتقد ما عندى دون خوف من جماعة ولا حزب ولا سجن ودولة ولا مؤسسة
انا انتمى لنفسى سيدى الانيق
ويبهجنى جدا راى من اعتقد انهم اجمل الناس هنا وفى منابر اخرى
انت منهم يا عبير المكان
| |
|
|
|
|
|
|
|
|
|
Re: جلدك..وضفرك (Re: محمد عبد الله حرسم)
|
الاديب الاريب حرسم
اسعد الله اوقاتك بكل الخير
انت كماء توتيل من يشرب منها
لابد ان يعود لها ومن يقراء لك
حرفا سيتبع حروفك اين وجدت
اتمني لك من قلبي التوفيق
والف مبروك ديوانك الاول
ولاتنسي نسختي الموقعة
تسلم ياحبيب
| |
|
|
|
|
|
|
|
|
|
Re: جلدك..وضفرك (Re: محمد عبد الله حرسم)
|
Quote: ماسكينك من ايدك وجعك امك مرتك بنتك
وجلدك شايلك وشايل دمك وهمك
ما فيهم بابك
جلدك ما بيعرف ضلك
كلك ما كلك
الحلم الكان مدخور لى من حنك
مرعوب من قولة
اهلك تهلك
غتوك بى لونا ما لونك خلوك ال بدلك
كت فاكر الناس ضهرك
آخرك
ما ترضع قهرك
ما تضحك فى وش الشال من جلدك ويبس ضفرك
جلدك
وضفرك
بابين ما فيهم بابك
بابك فاتح فى نبض الشارع
يا مشدوه بين قلبك وبطنك |
شكرا علي النبض الفاتح في باب الشارع
شكرا ياجميل
وشكرا لأنك فتحت في نبض الشارع ضلفتين......
محبتي
| |
|
|
|
|
|
|
|
|
|
Re: جلدك..وضفرك (Re: عبيد الطيب)
|
عبيد الطيب
Quote: شكرا علي النبض الفاتح في باب الشارع
شكرا ياجميل
وشكرا لأنك فتحت في نبض الشارع ضلفتين......
محبتي |
شكرا على هذا التوقيع الفرايحى
والمفرهد والمنتج قمحا ووعدا وتمنى
ونبضا كما الفعل حين يكون السودان هو المراد
شكرا حتى تنثى اعواد القمح تحت هفهفات النسيم
شكرا رقيقا
| |
|
|
|
|
|
|
| |
محمد عبد الله حرسم
عبدالحفيظ ابوسن
علي دفع الله
محمد حمزة الحسين
سليمان القرشي
عبيد الطيب
فيس بوك
تويتر
انستقرام
يوتيوب
بنتيريست