كتب الكاتب الفاتح جبرا المتوفرة بمعرض الدوحة
|
|
 لكن أنا ما متوضية ياخالو"... !#
|
والناس مشغولين بالسلم التعليمي والأساس ومش عارف الجامعي وحرية البحث العلمي والجماعة بهناك قبلو على أطفالنا "صم لم".. وهاكم القصة الحقيقية دي: صاحبي أشرف جاي راجع البيت العصر كده عندو بت أختو إسمها "مزونة" بتقرا في روضة أطفال دينية وداها ليها أبوها.. المهم الشافعة بقت (صلاية) وعلمت ليها مصلاية صغيرووونة قدرها كده وإشترت ليها إبريق صغمبروتي كمان المهم أشرف جاي داخل لقاها فرشت المصلاية وملفوفة بطرحة بتاعة أمها نظام البت لابسة توب وكده.. قام إتبسط منها شالا رفعا وباسا ليك في خدها بمحبة الخال ديك..
إتخيلوا الشافعة الفنطوطة قالت شنو!!؟.. "لكن أنا ما متوضية ياخالو"....ههههههههههههههههههههههههه غايتو "عشان عيون أطفالنا ما تضوق الهزيمة" خارجونا من قصة رياض الأطفال الدينية دي سريييع
من صفحة الزميل الصديق عادل كلر
بالجد دا ما أنا
|
|
  
|
|
|
|
|
|
|
 Re: لكن أنا ما متوضية ياخالوandquot;... !# (Re: زهير عثمان حمد)
|
كتار من الشباب أتصلو بي قالوا كلامي دا ما مقبول والله أقول للكل زهير عثمان مسلم وبصلي الاوقات الخمسة دا ما معناهو أني مرقت من المله وبقيت كافر عديل عشان بوست هزلي
دي ما كتابة الاخ أبو الزهراء دا زميل فاضل وبرضو مسلم أبن مسلم ومسلمة
بالله ما داعي للتفكير التكفيري دا نحن خلاص فاض بينا وعارفين منو الزول اللي قلبو علي الدين والبلد من ناس هي لله
ولكم صادق الود
| |
|
|
|
|
|
|
|
|
 Re: لكن أنا ما متوضية ياخالوandquot;... !# (Re: عبدالكريم أحمد الامين)
|
| Quote: كتار من الشباب أتصلو بي |
اعمل ليهم ديليت طوالي يا أبو الزهراء. النوع دا بوديك جهنم بالنص
| Quote: من أخطر الأشياء فى عملية غسيل المخ تحت شعار التدين :- أن لايعيش الطفل طفولته |
هسه يا عبد الكريم
في المنبر دا معانا ناس كانوا أطفال لما جات الإنقاذ، وقامت وزارة التخطيط بتاعت علي عثمان بإجراء اللازم معهم
أها شوف حالهم كيف الآن! مساكين، ما منهم، من "الجَلَوَه" متذكر الكلمة دي؟
تحياتي لكما
| |
|
|
|
|
|
|
|
|
|
Re: لكن أنا ما متوضية ياخالوandquot;... !# (Re: معاوية الزبير)
|
سلام زهير وضيوفه
واخص معاويه الزبير
العقلية التكفيرية صارت سمة ,, انتقلت من قمة السلطة وصارت نمط تفكير وهذه خطورة بالغة
التعليم الاساسي يوضع بواسطة متخصصين تربوين واكاديمين , وليس تعليما نازيا لإخراج جيل بفهم محدد ,, وواضح جدا نتائج تلك المقررات ,, وبرأي غير متخصص اشاهد مجموعات بالفيس البوك من الشباب بأسماء الملحدين السودانيين و الشاذين جنسيا السودانيين ,, هذا غير نوع الجرائم التي لم توجد سابقا ,,وانتشار المخدرات وسط الشباب حتي الجامعات
الاطفال هم الاطفال في كل انحاء العالم ,, لذا كان التعليم الاساسي مربوط باللعب لتحفيزهم وتحفيز عقولهم
ارجو ان يزن كل واحدا منا شنطة طفلة ويري كم كيلوجرام تساوي
وان ينظر لمواد الحفظ
سألتني بنتي الصغيرة والتي لم تبلغ الحلم ودونه كثيرا
ما معني الحافظين فروجهم
فأسقط في يدي
كامل الود
| |
|
|
|
|
|
|
|
|
|
Re: لكن أنا ما متوضية ياخالوandquot;... !# (Re: عبدالحفيظ ابوسن)
|
عندي واحد صحبي برضة بتو ذي اربعة سنة... يوم نعسان وقاعد يتثاءب بتو قالت ليهو يابابا ماتفتح خشمك كدا الشيطان "بقهقه" منو....قال ليها الكلام دا جبتيهو من
وين قالت ليو دي المدرسة في الروضة ...صاحبك تاني يوم طلع البت من الروضة و قال ليها اقعدي مع امك هنا مابودك مدرسة الا نتخارج من البلد دي ...
| |
|
|
|
|
|
|
| |
زهير عثمان حمد
عبدالكريم أحمد الامين
عزالدين عباس الفحل
معاوية الزبير
عبدالحفيظ ابوسن
Mohd Ibrahim
فيس بوك
تويتر
انستقرام
يوتيوب
بنتيريست