لطفاً السادة المذكورين يرجى التكرم بالحضور هنا

Quote: اها من سيبدأ بالسلام ؟

Quote: هلا ابوحسين أول الواصلين حبابك والله يا ابوحسين الخط الاحمر واضح ووضوح الشمس باعتبار اننا كلنا سودانيين وصراحة ما دفعني لفتح هذا البوست هو بوست شفتو امبارح بتاع اخونا هجو مختار بخصوصك اها ده ما خط احمر وبدون شرح !!! طبعا اخونا هجو ممكن يجي يقول لي انت ما شفت البوست الفلاني وابوحسين قال لي ومنو قال شنو ونخش في متاهة لايعلم مداها الا الله عشان كده ما دايرين نخش في تفاصيل وامثلة وكلنا ناس كبار وفاهمين الخطوط الحمراء كسودانيين بتعني شنو ............ ياريت يا ابوحسين زي ما جيت أول زول تكون اول زول يتعهد بنبذ الماضي وفتح صفحة جديدة وما بقول ليك ما تخش في بوستات الجماعة ديل لا خش ولو زول فيهم جاب معلومة غلط قول ليهو لا كلامك ده غلط وما صحيح والصحيح كذا وكذا ........ لكن بدون تعدي للخطوط الحمراء وتقبل شكري وتقديري

Quote: ممتاز يامعاوية والف شكر على قبول المبادرة وفي ملاحظة مهمة يا معاوية تعهدك وقبولك هنا ده برضو ينصرف الى بوستات الاخت دكتورة نجاة عندك عليها اى حاجة جيب ورقك وشهودك وزول بقول ليك انت غلطان مافي لكن رمي كلام مرسل ساي ما دايرين مرة تانية مشكور جدا على الاستجابة وياها المحرية فيك ما خيبت ظني

Quote: تحياتي للحضور الكريم وصاحب البوست شكرا يا جنابو علي المباداره انا ما عندي اي حاجه اقوله غير حاضر يا سعادتك تحياتي

Quote: لانو مرات الجمهور زاتو عاوز كده ههههههههههه

طيب نحكي ليك القصه دي ربما ليها علاقه بالحصل

هي قصة الدبيب الكان بجيب بيضه من الدهب لواحد من المزارعين

اها يوم من الايام قام الدبيب ضرب ولد المزارع كتلو

ومسك المزارع الفاس قطع ضنب الدبيب

والعلاقه انتهت , بقى لا بيض دهب ولا عصام دهب ولا غيرو

المزارع امورو باظت ورجع يفتش للدبيب عشان يصالحو

الدبيب قال ليهو الكلام دا مابنفع يا اخوي

لا انت بتنسى كتلت جناك ولا انا بنسى قطعة ضنبي

دحين يا اخوي خلي الاكشن شغال

ابو الحصين دا لا خير فيه ومعاهو وهبة ونجاة

حاول اقرا ردو ليك بتمعن بتلقى انو مٌصر يطارد البوستات ويكبشر لانو دي حياتو


بكري لو عاوز يكتل ابو الحصين دا .. بس يشيل منو الباسويرد .. صدقني تاني يوم يلقوهو ميت نـــــــــــــــــــاشف قرقوش بس

اللهم لا تجعل هذا البورد اكبر همنا ولا مبلغ علمنا

البورد دا بالنسبة لي سوط بجلد بيهو النظام واعوان النظام الفاسد دا

وصوت حر من خلالو بنوصل رسائلنا

ولو ملاحظ يا جنابو فى حاجه مهمة ما افتكر انها تكون فاتت على فطنتك

انك فى بداية البوست كاتب هجو ومعاوية وخضر الطيب مقابل ابو الحصين

يعني البوست بثبت انو الشخص دا مطاردنا انحنا التلاته

وانحنا بنكتب ضد النظام دا ويجي يقول ليك هو ما بدعم النظام

الدعم دا كيفنهو؟؟

كنت تجيب اسم اي واحد من الكيزان ابو الحصين قاعد يطاردو

اكيد ما حتلقى ديل تاج راسو دا لو كان عندو راس

عشان كده المسأله واضحه جداً

وتلقاهو جاري تحت نجاة ذي الهوط ضوق ينبح فى اي زول يقول ليها انتي غلط

وطبعاً هو طوالي غلط عمرها فى البورد ما كتبت حاجة صاح

عشان المصلحة بتقتضي عدم الخروج عن السياق .. ولا كيف ؟

افتكر الموضوع وضح اكثر يا سعادتك

عشان كده ارجو عدم اغفال النقطة الاخيرة

بارك الله فيه يا جنابو

Quote: لا انت بتنسى كتلت جناك ولا انا بنسى قطعة ضنبي

Quote: (الشيطان الرجيم ولا البوليس القديم)

Quote: لو بطل المساسكه انا متاكد مافي زول بيتعرض ليهو

ما بخلي عادتو يا كومريد ..صدقني ...بموت

Quote: اى كوز يدسوا دوس مافى اى رحمة ولا خطوط حمراء لانهم تعدوها بتايدهم لقتلة الشهداء وما تنسوا يا معاوية عبيد الصائم وهجوا وغيروا دم ديل في رقبتكم لحدى ما يتاخد حقهم