كتب الكاتب الفاتح جبرا المتوفرة بمعرض الدوحة
|
|
 افكر فى فتح صالون حلاقة....اقتراحاتكم
|
Quote:
بما افكر اليوم؟
افكر فى فتح دكان حلاقة بدل الغربة و الجهجهة دى.
والواحد هنا لازم يشكر اخونا عبد الله احمد البشير شقيق الرئيس على اريحيته و كشف سر ثرائه و مصدر ثروته لنا نحن العبيد التعابى الساعون فى الارض.
بالله شوف الناس التعبانة بتقرى اولادها مصاريف و جامعات و تلتلة مافى داعى ليها.
الحل بسيط افتحوا ليهم دكاكين حلاقة..
و الناس الهاجة ماشة امريكا و كندا و استراليا و ضاربة كل اصقاع الارض نقول ليهم ايه الهبالة وضياع الفلوس والتعب ده ما تفتحو دكاكين حلاقة.
والحبايب و المخطوبين و ما لاقين يعرسو لانو ما عندهم ..دكان حلاقة
و ماعندو حق وجبة بيشكى ليه مافى احسن من دكان الحلاقة.
و الداير يبنى بيت بدل ما ينى احسن ليهو يفتح دكان حلاقة.
مشروع دكان حلاقة لكل سودانى..شكرا لرئيسنا البشير الذى اهدانا الاخ الرائع و المفكر الاقتصادى د. عبد الله احمد البشير.
بالمناسبة ثروة الاخ العفيف النظيف عبد الله البشير تقدر بعشرات الملايين من الدولارات.. من دكان حلاقة ..عشان تعرفوا |
الحالة من امس نقلا على صفحتى فى الفيسبوك
اقتراحاتكم دام فضلكم
|
|
  
|
|
|
|
|
|
|
 Re: افكر فى فتح صالون حلاقة....اقتراحاتكم (Re: هشام المجمر)
|
هشام .. سلام .. وكل سنة وانت طيب ..
اقتراحك وجيه .....
وانا حجيب ليك الكريمات .. والشامبو ... ومكنة المساااج ( للدلك )..
واهو .. نترزق .. بدل الشحطفه دي ...
بس المشكلة ... الناس دي كلها حتفتح دكاكين حلاقه جنبك ..
وما تلقى ليك زول تحلق ليهو ..
يا زول .. شوف ليك شغلانية تانيه .. تكون ما معروفه ...
تحياتي ,,,
| |
|
|
|
|
|
|
|
|
|
Re: افكر فى فتح صالون حلاقة....اقتراحاتكم (Re: صبري طه)
|
Quote: .. سلام .. وكل سنة وانت طيب ..
اقتراحك وجيه .....
وانا حجيب ليك الكريمات .. والشامبو ... ومكنة المساااج ( للدلك )..
واهو .. نترزق .. بدل الشحطفه دي ...
بس المشكلة ... الناس دي كلها حتفتح دكاكين حلاقه جنبك ..
وما تلقى ليك زول تحلق ليهو ..
يا زول .. شوف ليك شغلانية تانيه .. تكون ما معروفه ...
تحياتي ,,, |
كل سنة و انت طيب يا مجيدو
طيب ليه اولاد البشير نجحوا النجاح ده؟
| |
|
|
|
|
|
|
|
|
|
Re: افكر فى فتح صالون حلاقة....اقتراحاتكم (Re: هشام المجمر)
|
| Quote: افكر فى فتح صالون حلاقة....اقتراحاتكم |
الأخ هشام كل عام وأنتم بخير
عندما أتتك الفكرة لفتح صالون الحلاقة أكيد تيقنت بمدى جدوى هذا المشروع ومن واقع هذه الدراسة نرجو و نحتاج منك للإجابة على بعد التساؤلات
- كم تتوقع أن يبلُغ عدد الزائرين المتعاملين مع هذا الصالون فى اليوم ؟
- وبكم سعر الحلاقة للفرد ؟؟
- الأسعار فى المحل بالدولار أم بالعملة السودانية ؟
- صالون الحلاقة بالإيجار أم فى الملك الحر ؟
- كم تبلغ رسوم الرخصة التجارية للمحل و تجديداتها السنوية ؟
- عدد العمالة (الحلاقين) بالمحل وكم يتقاضون من مرتبات وأجور ؟
غايتو أنا سألت قريبى الذى يعمل فى هذه المهنة ومنذ 13 عام مضت و يمتلك عدد 2 صالون فى شرق النيل
قال لى :
* كما ترانى أسكن فى بيت بالإيجار و لدى قطعة أرض فى الإسكان الشعبى و مطلوب منى قسط أول 4000.00 جنيه لم أتمكن من توفيرها و ربما يسقط الإستحقاق بطول المدة
* و كما تعلم لدى صالونين و العمل والحمد لله لدى زبائن كُثُر ويبدأ العمل الساعة 9 ص و ينتهى الساعة 1 صباح اليوم التالى و يادوب حق الرغيف والفول و الأولاد لم يدخلوا المراحل الدراسية بعد .
* و طيلة العام لا أستطيع أن أوفر حق (لورى تُراب)
إنتهى حديث قريبى .
من أين لهذا الرجل كل هذا ؟؟
ومن أين لك أن تفعل كل ذلك ؟؟
| |
|
|
|
|
|
|
|
|
|
Re: افكر فى فتح صالون حلاقة....اقتراحاتكم (Re: ولياب)
|
تحياتي ياهندسة كل سنة وأنتم بخير
أخشى عليك أن تصدر دولتهم أو حكومتهم قانونا ، تشريعا ، أمرا محليا يحتكر أويحظر أويمنع أو ينظم شغلانة الحلاقة بعد أصبحت قبلة لكل الباحثين عن الثراء .... وتضيع أحلامك كما ضاعت أحلام صديقي العائد من الغربة الطويلة ويدفع كل مدخراته في شراء (وكالة سفر وسياحة) وقتها كانت تدر ذهبا كما يصورها الكيزان ... ولدنا استلم المفاتيح ودخل الوكالة وتوكل على الله وبداء النشاط من تجهيزات وموظفين وموظفات وأجهزة وأنظمة ووووو ... ويافرحة ما بدأت ... إذا حكومتهم تصدر تشريعا أو تنظيما أو أمرا محليا أو أو - بموجبة تمنح (إحتكارا) (حصريا) شغلانة العمرة لعدد محدود من (وكالات) النافذين .... ؟؟ تخيل ...
أنصحك بعدم التفكير أو المساس أو الأقتراب حاليا من مهنة الحلاقة لكثرة الطلبات عليها .... يازول تقول الذهب أو الوظيفة أو الغربة ... الحلاقة وبس ..
الشفيع إبراهيم
| |
|
|
|
|
|
|
|
|
|
Re: افكر فى فتح صالون حلاقة....اقتراحاتكم (Re: Alshafea Ibrahim)
|
تحياتى أخ هشام
يبدو أن الجميع فهم عبدالله البشير غلط
صالون حلاقة شنو البعمل ليهو عمارات الرجل يقصد تحلق للشعب السودانى دة كوووووووله بجرة مكنة واحدة يعنى تأكل حقوا و هو عينو تعاين دى الحلاقة البتجيب عمارات تقول لى شعر ولا دقن و القطعية كيف و الشنف خفيف و ما عارف شنو
| |
|
|
|
|
|
|
|
|
|
Re: افكر فى فتح صالون حلاقة....اقتراحاتكم (Re: Hashem Mubarak)
|
وانا يا هشام
حافتح محل عجيب خلاص مافي زول فكر فيهو
يمكن الله يرزقنا ونرجع مره واحده ونسكن كافوري برضو زي ما عملنا اخونا في الله ابوعبده
انا عايز اعمل تجهيزات تنكريه
يعني استفيد من الشعر البتقصوا وبدل ما ترميهو في الزباله انا اشيلو منك
واعمل بواريك ودقون
بواريك للحريم
ودقون للافلام الاسلاميه والبتحتاج لي ناس كيزان و نصابين
اصلو نوع الافلام دي حتكون كتيره شديد ودخلها عالي
ايه راايكم دام فضلكم
| |
|
|
|
|
|
|
|
|
|
Re: افكر فى فتح صالون حلاقة....اقتراحاتكم (Re: طارق ميرغني)
|
Quote:
أخ هشام كل عام وأنتم بخير
عندما أتتك الفكرة لفتح صالون الحلاقة أكيد تيقنت بمدى جدوى هذا المشروع ومن واقع هذه الدراسة نرجو و نحتاج منك للإجابة على بعد التساؤلات
- كم تتوقع أن يبلُغ عدد الزائرين المتعاملين مع هذا الصالون فى اليوم ؟
- وبكم سعر الحلاقة للفرد ؟؟
- الأسعار فى المحل بالدولار أم بالعملة السودانية ؟
- صالون الحلاقة بالإيجار أم فى الملك الحر ؟
- كم تبلغ رسوم الرخصة التجارية للمحل و تجديداتها السنوية ؟
- عدد العمالة (الحلاقين) بالمحل وكم يتقاضون من مرتبات وأجور ؟ |
اكيد فى سؤال نسيتو اخونا محمد الرفاعى:
1- هل ليدك اخ يعمل فى وظيفة رئيس جمهورية؟؟
| |
|
|
|
|
|
|
|
|
|
Re: افكر فى فتح صالون حلاقة....اقتراحاتكم (Re: هشام المجمر)
|
Quote:
هي من المشاريع الهامة التي تدعم في تطاول البنيان على الطرازات العصرية الحديثة والمشتملة بكل أنواع الرفاهية لتصل بصاحبه لأقصى درجات الاستمتاع بالرفاهية ، ولجعل هذا ممكناً
أولا : إنشاء شركة حلاقة وتكون حكراً عليك ( يعني الوكيل الوحيد) .
ثانياً : إستئجار أكبر عدد من المحلات في جميع الأسواق والمدن .
ثالثاً : عدم دفع الضرائب للجهات الحكومية .
رابعاً : عدم صرف الرواتب للحلاقين ، إلا بعد تحقيق الكوتا (the target) والحد الأدني 10 مليون جنيه شهرياً من كل دكان .
ويمكن إضافة إقتراحات أخرى حال إن جرى العمل ، ويتم التعديل مع بناء كل وحدة سكنية فاخرة مجهزة بكل وسائل سبل الراحة والاستجمام .
والله الموفق
(عدل بواسطة ولياب on 22-10-2013, 10:36 AM)
|
محاولة جيدة
وكلام حلو يا ولياب
بس ما تنسى التارجتاو المربوط 30 مليون دولار
والله لو حلقنا لكل الصين و معاها افريقيا هوادة ما نلمها
| |
|
|
|
|
|
|
|
|
|
Re: افكر فى فتح صالون حلاقة....اقتراحاتكم (Re: هشام المجمر)
|
رحم الله ابو الهول أشهر وأقدم حلاق فى بحري
قرابة الاربعين عام يرتاد أهل بحري محله للحلاقة والضحك من طرائفه
ورغم ذلك توفي وهو لا يملك عجلة يتوصل بها من البيت للمحل
لو صالون الحلاقة بعمل بيت فى كافوري
كافوري ذاتها كان سمؤها ابو الهول
| |
|
|
|
|
|
|
|
|
|
Re: افكر فى فتح صالون حلاقة....اقتراحاتكم (Re: طه جعفر)
|
Quote:
شى عليك أن تصدر دولتهم أو حكومتهم قانونا ، تشريعا ، أمرا محليا يحتكر أويحظر أويمنع أو ينظم شغلانة الحلاقة بعد أصبحت قبلة لكل الباحثين عن الثراء .... وتضيع أحلامك كما ضاعت أحلام صديقي العائد من الغربة الطويلة ويدفع كل مدخراته في شراء (وكالة سفر وسياحة) وقتها كانت تدر ذهبا كما يصورها الكيزان ... ولدنا استلم المفاتيح ودخل الوكالة وتوكل على الله وبداء النشاط من تجهيزات وموظفين وموظفات وأجهزة وأنظمة ووووو ... ويافرحة ما بدأت ... إذا حكومتهم تصدر تشريعا أو تنظيما أو أمرا محليا أو أو - بموجبة تمنح (إحتكارا) (حصريا) شغلانة العمرة لعدد محدود من (وكالات) النافذين .... ؟؟ تخيل ...
أنصحك بعدم التفكير أو المساس أو الأقتراب حاليا من مهنة الحلاقة لكثرة الطلبات عليها .... يازول تقول الذهب أو الوظيفة أو الغربة ... الحلاقة وبس ..
الشفيع إبراهيم |
والله ممكن يا الشفيع يا اخوى
لكن تشريعات فى دكان حلاقة تكون فى شنو مثلا؟
........ممكن
| |
|
|
|
|
|
|
|
|
|
Re: افكر فى فتح صالون حلاقة....اقتراحاتكم (Re: هشام المجمر)
|
الاخ العزيز طارق ميرغنى
سلام
Quote:
وانا يا هشام
حافتح محل عجيب خلاص مافي زول فكر فيهو
يمكن الله يرزقنا ونرجع مره واحده ونسكن كافوري برضو زي ما عملنا اخونا في الله ابوعبده
انا عايز اعمل تجهيزات تنكريه
يعني استفيد من الشعر البتقصوا وبدل ما ترميهو في الزباله انا اشيلو منك
واعمل بواريك ودقون
بواريك للحريم
ودقون للافلام الاسلاميه والبتحتاج لي ناس كيزان و نصابين
اصلو نوع الافلام دي حتكون كتيره شديد ودخلها عالي
ايه راايكم دام فضلكم |
ما هو افكارك نيرة..طيب ليه الغربة و الوظيفة والمرتب ما نختصر الطريق زى ود البشير ياااااخ
| |
|
|
|
|
|
|
|
|
|
Re: افكر فى فتح صالون حلاقة....اقتراحاتكم (Re: المسافر)
|
تعرف أخ هشام
فكرة الأخ عبد الله البشير دي ناقصة ولو تابعتها (على فرض قناعتنا بجدواها) ستكون كالذي أقلع بطائرة اقتداء بكتاب: ... كيف تقود الطائرة ... وعندما أراد الهبوط وجد أخر صفحة في الكتاب تقول (طريقة الهبوط في العدد التالي) ..
تكملة القصـة هي : (كيف يتعامل الأخ صاحب صالون الحلاقة المليوني مع (ناس الضرائب ...) ....؟؟؟؟؟؟؟
لو ما عرفت دي ... فالرماد كال حماد .. كما يفعل دائماً (في بلادنا) ..
أحمد الشايقي
| |
|
|
|
|
|
|
|
|
|
Re: افكر فى فتح صالون حلاقة....اقتراحاتكم (Re: أحمد الشايقي)
|
Quote: رحم الله ابو الهول أشهر وأقدم حلاق فى بحري
قرابة الاربعين عام يرتاد أهل بحري محله للحلاقة والضحك من طرائفه
ورغم ذلك توفي وهو لا يملك عجلة يتوصل بها من البيت للمحل
لو صالون الحلاقة بعمل بيت فى كافوري
كافوري ذاتها كان سمؤها ابو الهول |
صدقت يا معاوية
ابو الهول سريع البديهة صاحب الطرفة خرج من هذه الدنيا كما دخل اليها وللاسف لم يلتقى بالمعجزة عبد الله البشير عشان يوريه كيف يكدس الاموال من صالون الحلاقة.
| |
|
|
|
|
|
|
| |
هشام المجمر
معاوية المدير
محمد مجيدو
محمد الرفاعى
ولياب
Hashem Mubarak
معاوية محمد الحسن
بدرالدين الطائف
طه جعفر
المسافر
أحمد الشايقي
أسامه الكرور
فيس بوك
تويتر
انستقرام
يوتيوب
بنتيريست