|
|
 تجربة مؤلمة ومحزنة لطفل فى"دار رعاية الطفل" بالمايقوما!
|
تجربة مؤلمة ومحزنة لطفل فى"دار رعاية الطفل" بالمايقوما!
الدومة ادريس حنظل
أيها القراء الكرام ؛ اقراءه وتدبروا وتأملوا ؛للقصة الحقيقية والحزينة والقوية والمعبرة لطفلة كريمة بريئة؛ فى "دار رعاية الطفل بالمايقوما" الخرطوم بحرى " الحاج يوسف" ..... أول امرأة سودانية تتحدى “الوصمة” ! بدور عبدالمنعم عبداللطيف طالعت عيناي في مقطع اليوتيوب شابةً سودانيةً، جميلة الشكل، أنيقة المظهر، تمتلك شخصية واثقة، وتتمتع بحضور غير عادي. كانت الفتاة تحكي في صوت قوي النبرات، لا يشوبه خنوع ولا ضعف ولا استجداء – فهي تطالب بحق مشروع – عن تجربتها في “دار رعاية الطفل بالمايقوما” . لم تكن “نور حسين” تحمل ورقةً تستعين بها عند الحاجة كما يفعل غالبية المحاضرين، بل تركت نفسها على سجيتها، تعبّر عن دواخلها، وتلفت نظر المجتمع إلى ما تعانيه هذه الشريحة من الأطفال الأبرياء، وقد قاسمتهم في مرحلة من حياتها بعضاً من تلك المعاناة بكل ما تحفل به من مرارة وقسوة. وأنا هنا أنقل للقارئ تلك التجربة، بكل تعاريجها ومنعطفاتها – وقد أحزنتني حتى البكاء – أنقلها بحذافيرها دون تعديل أو رتوش. ”
لما كنت طفلة صغيرة عشت تجربة دار رعاية “المايقوما”. تعرفوا “المايقوما” ؟ شفتوها؟ زرتوها ؟ ..أكيد ما عشتوها. “المايقوما” هي دار لإيواء الأطفال مجهولي الأبوين من عمر يوم لعمر أربع سنوات.. أربعة سنوات عدّيتهم داخل دار رعاية الطفل “المايقوما” تذوقت فيهم كل أشكال الألم والمعاناة والحرمان.. أربعة سنوات عديتهم داخل رعاية الطفل “المايقوما” بدون ما أعرف أنا عملت شنو ولا جريمتي شنو .. ولا ذنبي شنو. أربعة سنوات قضيتهم في مكان أشبه بالسجن. لما كنا أطفال وواحد في أخوانا يبكي كنا بنبكي مع بعض بدون ما نعرف سبب بكا أخونا شنو. ولما كنا نسعد ونضحك كنا بنضحك مع بعض وحتى ما عارفين بنضحك ليه. ومرت الأيام حزينة كئيبة في بيئة فيها كل أشكال الحرمان والبؤس والشقاء. في يوم من الأيام جانا ملاك رحمة زائر في الدار. ملاك الرحمة ده كانت “ماما فاطمة سعد الدين”.. “ماما فاطمة سعد الدين” هي مديرة “روضة دار الحنان”. “ماما فاطمة” قدمت عرض لمديرة الدار. قالت ليها: أنا عاوزة أكفل الأطفال ديل تعليمياً خليهم يجوا الروضة، وأنا مسؤولة منهم. كنا تلاتة أطفال.. بنتين وولد. في اليوم المحدد مشينا الروضة، بعد ما جهزونا بأجمل التياب.. وماشين الروضة.. ماشين الروضة .. الروضة هي شنو ما عارفينها. لكن فهمنا إنها حاجة سمحة. وصلنا الروضة وكان يوم عجيب. لما دخلنا الروضة لقينا مراجيح .. نجايل .. و .. أطفال .. أطفال حتى أشكالهم ما زيّنا. خفنا .. بكينا .. بكينا بكا شديد. التصقنا في بعضنا إحنا التلاتة. البيئة دي نحن ما بنعرفها. “ماما حنان” كانت حريصة جداً جداً إنو تجتهد وتخلينا نتجانس مع البيئة دي ونخلق علاقات وصداقات مع أطفال الروضة الفي سننا. شوية شوية بدينا نتعامل ونفهم الحوالينا. لحدي ما الحمد لله تخطينا الحاجز النفسى وتعودنا على بيئة الروضة. الروضة بعد شوية بقت أجمل مكان نحن بنقصده و”ماما فاطمة” هي أجمل إنسانة نحن كنا بنحس معاها بكل الأحاسيس الجميلة. مرّت الأيام بديت ألاحظ إنو في شخصين إتنين بيجو الروضة الصباح بيجيبوا واحد من زملاءنا وآخر اليوم بيجوا ياخدوه. بديت أركّز .. أشوف .. أحس. ركّزت في مكان معيّن. حددت لي شجرة. الشجرة موجودة في منتصف الروضة، ولا زالت لحدي الليلة موجودة. بقيت اقعد في الشجرة دي وأعاين للمشهد ده. في البداية كنت بعاين ليهو وأركز فيهو.. بعد شوية بقيت استمتع بيهو.. بعد شوية بقى يعجبني شديد.. بعد شوية بقيت مجتهدة جداً في نفس اللحظة، وفي نفس الوقت انا اجي كل يوم وأقعد نفس القعدة عشان أشاهد المنظر الجميل ده. أخواني بيجو يقعدوا ويلعبوا، ما كانوا فاهمين سر الشجرة. سر الشجرة حقي براي. نقعد ننتظر “بابا علي” عشان يجي يرجّعنا الدار. في يوم فاجأت “ماما حنان” بسؤال :” ديل منو؟”. “ماما حنان” قالت لي دي مامة فلان وده باباه. قلت ليها يعني شنو ماما وبابا. قالت لي يعني أمه الولدتو وأبوه الولدو، وبيجو يسوقوه ويودّوه البيت. فاجأتها بسؤال اكبر:”وأنا امي وأبوي وين؟”. ماما حنان ارتبكت .. حزنت .. بكت.. ما كانت متخيلة إنو ينشأ لدي وعي مبكر للواقع ده. تماسكت وبإحساس المربية العارفة دورها تجاه أطفالها ..فكرت.. ده زول بيسأل وداير إجابات .. قالت لي يا نور: “بابا وماما في الجنة”. قلت ليها : يعني شنو الجنة ؟. قالت لي الجنة مكان لذيذ وجميل وحلو، وفيهو اي حاجة حلوة.. فيهو شجر وفيهو زهور ، في الجنة بنلاقي كل الناس الراحو مننا.. كل الناس الما شفناهم بنلاقيهم في الجنة. ماما حنان بتعابيرها المحددة البسيطة – لأنها زولة مربية وفاهمة وعارفة هي بتعمل في شنو وصلتني للنهايات.. وصلتني لأن أعرف الحاجة الكانت رايحة مني. الحاجة البفتش عليها طول عمري وين حألقاها. ماما حنان في اللحظة دي ، وتحت الشجرة دي زرعت في جواي أمل إنو في يوم من الأيام حأشوف أبوي وأمي الفي الدنيا ما لاقيتهم. يا جماعة دي قصة عشرات الأطفال ، ما قصة “نور” براها.. قصة عشرات الأطفال الموجودين في دار رعاية الطفل “المايقوما”.وللأسف الشديد بيدفعوا في تمن اخطاء أسرهم. كل المجتمع يتوارى خجلاً وراء أولئك الأطفال المحرومين المعذبين. القصة دي قصة الآلاف من الأطفال بيدفعوا تمن أخطاء الكبار جهاراً نهاراً. بعد أربعة سنوات مشينا دار تانية اسمها “دار حماية الطفولة”. اجمل ما في “دار حماية الطفولة” إنو هناك لاقينا أخوانّا الأكبر سناً مننا، وأخوانا علمونا كل الحاجات، ورونا بوضوح نحن شنو. نحن أطفال أيتام .. ده وضعنا الاجتماعي ، وكل الموجودين حوالينّا ديل ، ناس بيقدموا لينا الرعاية والعناية .. هم ما آباءنا ولا أمهاتنا لكن ناس كريمين وطيبين، وبيسعدوا شديد وهم بيسعدونا. لقينا اخوانّا عايشين الواقع ده ومتجاوبين معاه ومرتاحين فيهو، وهكذا عشنا نفس الواقع لحدّي ما جات سن المدرسة، ودخلت المدرسة الابتدائية. في المرحلة دي بدت تظهر ملامح جديدة.. بدت تظهر ملامح لتفاصيل ومشادّات بينا وبين زميلاتنا في المدرسة بحكم تجمعاتنا الكبيرة داخل المدرسة. بديت ألاحظ في مصطلح سيئ بتقال لأخواتي وزميلاتي في الدار من قبل زميلاتنا في المدرسة. أخواتي كانوا إرجعوا الدار.. إكلموا “ماما ليلى” وهي مديرة الدار. يا “ماما ليلي” البنات قالوا لينا، وقالوا لينا، و قالوا لينا.. وكان أول درس علمونا ليهو أخواتنا الكبار إنِّك شنطتك ما تفرطي فيها ولا أدواتك، وتحرصي عليهم لحدّي ما تجي راجعة الدار. في يوم حصلت مشادة بيني و بين زميلتي في المدرسة. شالت قلمي. إجتهدت دخلت في معركة معاها وقلعت قلمي منها، وطلعت منتصرة ومنتشية إنو أول درس أنا نجحت فيهو. البنت مشت نادت أختها الكبيرة.اختها جات ضربتني وأساءتني وقالت لي “أمشي يا بت (…)” ما بقدر أقول المصطلح ده. بكيت بألم.. بكيت كما كل أطفال العالم بكوا في اللحظة دي معاي. يا داب حسيت بالكلمة دي. ويا داب حسيت بالتعبير ده. وحسيت قدُر شنو المجتمع ده قاسي. وانا منتشية، وأنا طفلة، وأنا سعيدة بإنو اول درس في المدرسة قدرت نجحت فيهو، زميلتي قامت أساءتني .. ببكي ، ببكي، ببكي .. أخواتي الكبار جو وعرفوا الحكاية. مسكوا البنت الكبيرة ودقّوها .. بعد داك كّونا مجموعة قويّة جداً جداً. وأي بنت تحاول تسيء لينا نحن ندقها. دي يا جماعة كانت متطلبات المرحلة دي. ما كانت عندنا طريقة غير الأسلوب ده فنحن بندافع عن وجودنا .. عن كرامتنا .. عن كبرياءنا, يعني ما كان في طريقة غير كده. في يوم من الأيام، “ماما ليلى” عملت زيارة للمدرسة ودَعَت أستاذاتنا إنه إجوا إزورونا في الدار ومعاهم زميلاتنا. في اليوم داك ما مشينا المدرسة. قعدنا في الدار نرتب “بيتنا” عشان نستقبل فيهو مدرساتنا وزميلاتنا. اليوم داك كان نهاية للحرب ما بينّا وبين زميلاتنا. زميلاتنا بقوا إحبونا شديد، ونحن كمان بقينا نحبهم شديد. بعد داك تم تحولنا لدار أخرى إسمها ” قرية الأطفال السودانية”. الدار دي بتقوم بدور الإيواء والكفالة للأطفال المحرومين من الرعاية الولادية. جزء مِنّنا جابوه من “دار الحماية” والجزء التاني من “أطفال الدار” وفُتِحَت بينّا القرية البتقوم على نظام “الرعاية الأسرية البديلة”. عندي أم محددة..عندي أخوان محددين..عندى غرفة براي..عندنا مطبخنا..بخُش مع أمي المطبخ..بحضّر وجبة أخوانى..بحمّيهم.. بذاكر معاهم. دوري بقى أوضح..بديت أعرف شنو الأسرة..شنو البيت..شنو الأخت الكبيرة..شنو احساسك وانتى بتقدمي لأخوانك الأصغر منِّك كل الرعاية. بعد كده جاء دوري في القرية. القرية مقسمة لـ 21 منزل. كل منزل فيهو من سبعة الى تمانية أطفال من الجنسين، وأعمارنا كانت مختلفة في البيت الواحد. بديت آخد أدوار تانية، ومسئوليات أخرى داخل القرية الكبيرة. “بابا التاج” كان سعيد جداً جداً وهو بيولّيني كتير من المهام باعتباري أختهم الكبيرة. “أعملى يا نور”.. “ذاكري لأخوانك يا نور” ..”أخوانك ديل متشاكلين امشي الحقيهم يا نور” إلخ . مرت الأيام وخلّصت الثانوي العام، ثم الثانوي العالي، ونجحت في امتحان الشهادة الثانوية. مدير المكتب الإقليمي للمنظمة الكان في “الأردن” مع “بابا التاج” حسّوا إنه ممكن إدوا للزولة دي اكتر من كده. جاتني منحة دراسية في الأردن. كنت أول طالبة في منطقة الشرق الأوسط من قرية الأطفال تطلع في منحة خاصة وتدرس الجامعة خارج دولتها. مشيت “الأردن” وأنا كلي زهو وفخر..مشيت “الأردن” وأنا شايلة معاى وصايا أمي الغالية. “يا نور خليكي واعية..خليكي حصيفة..أعملي حسابك إنتي ماشة في غربة وإنتي بت صغيرة”.شلت وصايا أمي دي جواي ووصايا “بابا التاج” جواي. في “الأردن” نزلت في قرية الأطفال. هناك استقبلوني بالترحاب، والحمد لله سمعتي الطيبة سبقتني. عديت أربعة سنوات في الجامعة، درست فيها سكرتارية وإدارة أعمال وجيت راجعة السودان.. جيت راجعة مُحمّلة بخبرات.. بشخصية عارفة تقدم شنو لأخوانها.. تقدم شنو لقريتها.. شخصية قيادية ناضجة وواضحة المعالم. في المرحلة دي إتقدم شاب لخطبتي..شاب سوداني شجاع عصامي.. لمن طلبني كنت واضحة جداً معاه..وريتو وضعي الاجتماعي وأنا من ياتو بيئة ومن ياتو مكان، والوضع ده لا بقدر أغيِّره ولا بقدر الغيهو، ولا بقدر ألوّنه بأي كلمة من الكلمات، ولا بأي مصطلح من المصطلحات، لأنه ده واقع.. قدر ما لي فيهو يد. قلت ليهو لو إنت قادر تشيل شيلة بِت في ظروفي دي تأكد أنا حاكون سند وعون ليك على مدى الأيام والسنين. ولأني كنت بستاهل- ولحدي الليلة بستاهل – إجتهد ومشى كلم أهله، وأهله جونا سريع جداً جداً وتمت الخطبة.. والعقد.. والزواج .. وزفّوني ورحّلوني لبيتي في سِنّار. مشيت لبيئة أخرى..لمجتمع آخر وأنا عروس..وأنا بت الخرطوم..ودخلت في نسابتي في علاقات جميلة جداً جداً. عشت أيام جميلة رزقت خلالها بتلاتة أطفال.. ولدين وبِت . في الفترة دي حسيت انه جواى لسه في مكان احتضن فيهو آخرين. كفلت ولدي”سعيد” وكانت تجربة مهمة شديد لأنه في الأيام الفاتت كنت بتعامل مع أخواني كأخت كبيرة. حسي أنا بقيت أم. برضه حسيت تاني إني عندي مساحة تانية بعد تجربة “سعيد”، مساحة تتسع لآخر محتاج للحب..والحنان..وللأسرة..والمأوى. كفلت بتي التانية “عوضية”..”عوضية” أضافت لي الكتير جداً جداً. لسة جواي نهم.. لسة جواي مشاعر وأحاسيس وجواي رؤية وخبرة تساعدني إنه أعمل أكتر من كده. أنا صاحبة فكرة “منظمة شمعة”.. “شمعة” كانت حِلِم..”شمعة” كانت المكان والملاذ. حتى وأنا بكتب في الأسس الحتقوم عليها المنظمة، كانت “شمعة” قِدامي، كنت بشوف نفسي جواها..بشوف أخواني جواها. أسست “منظمة شمعة” في عام 2007. أول حاجة عملتها إستدعيت كل أخواني ولميتهم حولي..لميتهم حول الفكرة وإنه نحن يا جماعة دايرين نقول للمجتمع ده كلام مهم..حنقولو ليهم كيف؟ لازم نقولوا ليهم عبر آلية وطنية. أسسنا “منظمة شمعة” برؤية واضحة جداً جداً، إنه نحن دايرين ننير هذه الظلمة.إشتغلنا في “منظمة شمعة” بنشاط وهمة كبيرة جداً، وحققنا بعمر المنظمة حقيقي إنجازات ما بتخفى على أي إنسان متابع للعمل الطوعي وحماية الأطفال. ومن الإنجازات المهمة جداً جداً الأنا عبر “شمعة” ثبّتّها – الحمد لله – إنه أنا أول زول كسر حاجز الوصمة المجتمعية وقال للناس: أنا عشت تجربة الأطفال المحرومين من الرعاية الولادية وانا فخورة بنفسي..فخورة جداً وشجاعة لأني قدرت أكسر الحاجز ده، وقدرت أقول للمجتمع بإنه نحن موجودين يا جماعة بغض النظر نحن جينا كيف للحياة لأنه دي ما مسئوليتنا نحن. في “شمعة” أنجزت إنجازات أساسية من خلال استخراج الأوراق الثبوتية لأخواني بدءاً من شهادة الميلاد (أو التسنين)، والجنسية، وحسّي الرقم الوطني. أكتر من 150 مستند نحن أو أنا بالتحديد استخرجته لأخواني عبر “شمعة”. في “شمعة” أنجزت انجازات مهمة، وساهمت في كفالة 150 طفل من داخل الدار لأسر خارج الدار. في “شمعة” رجّعت أكتر من 70 طفل لأسرهم الحقيقية والممتدة الأصلية. في شمعة زوّجت شابة تعرضت للمشكلة دي وجابت طفل خارج إطار الزواج. بسعي كبير جداً جداً قدرت أزوج الشابة دي للشاب. إشتغلت عبر كل الميديا المسموعة والمقروءة، والقنوات الفضائية الداخلية والخارجية. وقلت للعالم بوضوح شديد نحن موجودين، ونحن ما عندنا علاقة بذنب آباءنا، ونحن ناس إيجابيين، ونحن ناس مسئولين ودايرين نغيّر واقع هذه الشريحة. واحدة من الحاجات المهمة الأنجزتها في “شمعة”، هي إني كتبت قصة حياتي في كتاب بعنوان Daughter of dust “ابنة الغبار”. الكتاب باللغة الانجليزية وهو موجود في كل المكتبات.. في مكتبات لندن وغيرها من البلدان. قِدِرتَ أوجِد أربعة منح في جامعات سودانية لأخواني من الطلاب عشان إواصلوا تعليمهم الجامعي. عبر “شمعة” قِدِرتَ أجمع أخواني في وظائف داخل “شمعة”، في مشروعاتنا المختلفة. وأيضاً عبر علاقاتنا وشراكاتنا الأخرى،اجتهدت إنه أساعد أخواني من خلال مكتبنا بتاع التأهيل النفسي والاجتماعي إنهم إتخطوا حاجز الوصمة الاجتماعية، وإقولوا للمجتمع كله نحن ما عندنا علاقة بذنب آباءنا. في عام 2012 قِدِرتَ أنال جائزة صاحبة أفضل منظمة عمل طوعي في السودان لحماية حقوق الأطفال مجهولي الابوين. ودي جائزة بتمنحها “منظمة حقوق الطفل السويدية”. اشتغلنا يا جماعة..اجتهدنا وما زلنا نجتهد، ومُصِرّين إنه نغيِّر مُجتمعنا في إطار قبولنا، والتعامل معانا، ودمجنا في المجتمع، وده حق طبيعي لينا. شعارنا في كل السعي ده إنه ننير ظلمات هذه الفئة ونبقى أمل للكل في “شمعة” إنه يعيشوا حياتهم زى كل الأطفال.
|
|
 
|
|
|
|
|
|
|
 Re: تجربة مؤلمة ومحزنة لطفل فىandquot;دار رعاية الطفلandquot; بالمايقوما! (Re: الدومة ادريس حنظل)
|
| Quote: ...في “شمعة” رجّعت أكتر من 70 طفل لأسرهم الحقيقية والممتدة الأصلية.. |
هذا جهد ملائكي أخي الدومة وجهود نور الملموسة في خطابها كلها عناوين لحلول تتبناها المنظمات الطوعية والخيرية التي تعمل لخدمة المحرومين من كلمة بابا وماما، أولائك الآباء والأمهات الذين سوف تستمر بلا شك جريمتهم دون الإلتفات لرادع من دين أو شرع أو مناداة بأخلاق أو عفة تنقص كثير من المجتمعات في هذه الأيام..
وكثيرة أخي هي الجهود التي تبذل لمسح دمعة اليتيم وإضفاء بهجة وسرور في نفس كل محروم من عطف وحنان الأبوين..
لمسة حنان مشروع خيري رائع يجمع عدد من أبناء السودان يتقدمهم رجل مشهود له بالعطاء أينما حل، إنسان مسكون بالفرح والأمل ومطبوع بالحب والصفاء والنقاء أوجده الله لخدمة الآخرين... الدكتور بكري عمر البشر، مجبول على الخير وإضفاء الفرحة على الآخرين منذ نعومة أظافره، تمرس بالعمل الخيرى وهو طالب للزراعة في الباكستان وهو يقضي كثير من وقته في دعم الأطفال المحرومين ... ما أكثرهم في البلاد الأسيوية! كان يهتم بالطلاب المحرومين المبتعثين من المالديف وجزر المحيط الهندي الأخرى.. كانوا محل اهتمامه حتى بعد أن عاد للسودان .. فتح بيته للطلاب حين عمل بالمدارس السودانية وكان يأوي الكثيرين من المحتاجين لـ (حق الفطور) ومصاريف الدراسة ... لم ينقطع عن التعليم فواصل دراسته بعد الجامعة بعد إلتحاقه بوظيفة بجامعة بخت الرضا بالدويم عند تأسيسها في بدايات التسعين .. لم يمض وقت حتى توجها بوظيفة في سلك التدريس حين حصل على الماجستير وعين محاضراً بنفس الجامعة وواصل مشوار الدكتوراه التي حصل عليها ومكث بالجامعة بضعة أعوام كان خلالها إلى جانب عمله في التدريس ينخرط في العمل الطوعي بالمدينة حيث كان على رأس لجنة تحسين وإعادة تأهيل مستشفى المدينة وبين هذا العمل وذاك كان منزله عامراً يستضيف المحتاجين ومن بين من كان داره مأوى لهم من الطلاب شاب قدم في منحة للجامعة من الصومال وصل للمدينة وقد تأخر عن الدراسة وفاته التسجيل بوقت كثير وكان عليه أن يعود للصومال التي تتنازعها الحروب، فتصدى له القلب الرؤوف وفتح لهه قلبه وداره، بل بقي معه حتى بعد أن سجل للدراسة بالعام القادم ولم يفارقه حتى أن أنتقل د. البشرى للعمل في الخرطوم.. وفي الخرطوم تشاء الأقدار أن يستأجر بيتاً قريباً من "قرية الأطفال السودانية " الواقعة للجنوب من جامعة أفريقيا العالمية ولا غرابة أن يهب كثيراً من وقته لأطفال القرية حيث أسس مجموعة خيرية تتلمس هموم أطفال القرية وتعتني بحاجاتهم، وتهتم بشكا أساسي بإيجاد كفيل لكل طفل في القرية ... ومن الجهود الخيرة التي نفذتها أسرة مجموعة لمسة حنان في الآونة الأخيرة، كسوة أطفال القرية في عيد الأضحية المبارك الذي عشنا فرحته من أيام..
رابط منتدى المجموعة.. http://lamsat7anaan.montadarabi.com/
منتدى يهتم بكفالة الاطفال الايتام و منحهم لمسة حنان، كما جاء في ديباجته...
هنيئاً للإنسان القوية العزيزة نور وهي تجني ثمار جهودها مع أطفال القرية والتحية لكل الأطفال في القرية وهم يتفيؤون ظلال هذه الجهود،، كل الجهود التي تبذل لأجل أن ينشؤوا ويكبروا بيننا مكرمين معززين ..
الطيب عبدالرحيم
| |
|
|
|
|
|
|
|
|
|
Re: تجربة مؤلمة ومحزنة لطفل فىandquot;دار رعاية الطفلandquot; بالمايقوما! (Re: د.نجاة محمود)
|
الله يكرمك وتسلم يديك يا د. نجاة على الاحساس القيم | Quote: حددت لي شجرة. الشجرة موجودة في منتصف الروضة، ولا زالت لحدي الليلة موجودة. بقيت اقعد في الشجرة دي وأعاين للمشهد ده. في البداية كنت بعاين ليهو وأركز فيهو.. بعد شوية بقيت استمتع بيهو.. بعد شوية بقى يعجبني شديد.. بعد شوية بقيت مجتهدة جداً في نفس اللحظة، وفي نفس الوقت انا اجي كل يوم وأقعد نفس القعدة عشان أشاهد المنظر الجميل ده. أخواني بيجو يقعدوا ويلعبوا، ما كانوا فاهمين سر الشجرة. سر الشجرة حقي براي. نقعد ننتظر “بابا علي” عشان يجي يرجّعنا الدار. في يوم فاجأت “ماما حنان” بسؤال :” ديل منو؟”. “ماما حنان” قالت لي دي مامة فلان وده باباه. قلت ليها يعني شنو ماما وبابا. قالت لي يعني أمه الولدتو وأبوه الولدو، وبيجو يسوقوه ويودّوه البيت. فاجأتها بسؤال اكبر:”وأنا امي وأبوي وين؟”. ماما حنان ارتبكت .. حزنت |
| |
|
|
|
|
|
|
|
|
|
Re: تجربة مؤلمة ومحزنة لطفل فىandquot;دار رعاية الطفلandquot; بالمايقوما! (Re: الدومة ادريس حنظل)
|
Quote: الاستاذ الدومة ادريس حنظل . بما انني صاحبة المقال أعلاه و الذي قمت أنت بانزاله في بوست بعنوان "تجربة مؤلمة ومحزنة لطفل فى"دار رعاية الطفل" بالمايقوما! " مما أخل بالغرض من الموضوع . مقالي بعنوان "نور حسين : أول أمرأة سودانية تتحدى الوصمة " بقلم بدور عبدالمنعم عبداللطيف !!!!!!!
رد · أعجبني· منذ 7 ساعات
اضافة رد... .
.Bidour Moneimأرجو منك كتابة العنوان الأصلي للمقال" نور حسين : أول أمرأة سودانية تتحدى الوصمة " بقلم بدور عبدالمنعم عبداللطيف أو سحب البوست ان لم يرق لك الأ مر !!!!
|
| |
|
|
|
|
|
|
|
|
|
Re: تجربة مؤلمة ومحزنة لطفل فىandquot;دار رعاية الطفلandquot; بالمايقوما! (Re: عبد الحافظ خضر)
|
Quote: : الاستاذ الدومة ادريس حنظل . بما انني صاحبة المقال أعلاه و الذي قمت أنت بانزاله في بوست بعنوان "تجربة مؤلمة ومحزنة لطفل فى"دار رعاية الطفل" بالمايقوما! " مما أخل بالغرض من الموضوع . مقالي بعنوان "نور حسين : أول أمرأة سودانية تتحدى الوصمة " بقلم بدور عبدالمنعم عبداللطيف !!!!!!!
رد · أعجبني· منذ 7 ساعات
اضافة رد... .
.Bidour Moneimأرجو منك كتابة العنوان الأصلي للمقال" نور حسين : أول أمرأة سودانية تتحدى الوصمة " بقلم بدور عبدالمنعم عبداللطيف أو سحب البوست ان لم يرق لك الأ مر !!!! |
CC: Mr. HAIDAR ALZAIN
مع شكري وتقديري
| |
|
|
|
|
|
|
|
|
 Re: تجربة مؤلمة ومحزنة لطفل فىandquot;دار رعاية الطفلandquot; بالمايقوما! (Re: ismeil abbas)
|
Quote: الاستاذ الدومة ادريس حنظل . بما انني صاحبة المقال أعلاه و الذي قمت أنت بانزاله في بوست بعنوان "تجربة مؤلمة ومحزنة لطفل فى"دار رعاية الطفل" بالمايقوما! " مما أخل بالغرض من الموضوع . مقالي بعنوان "نور حسين : أول أمرأة سودانية تتحدى الوصمة " بقلم بدور عبدالمنعم عبداللطيف !!!!!!!
ارجو منك كتابة العنوان الأصلي للمقال" نور حسين : أول أمرأة سودانية تتحدى الوصمة " بقلم بدور عبدالمنعم عبداللطيف أو سحب البوست ان لم يرق لك الأ مر !!!! |
| |
|
|
|
|
|
|
|
|
 Re: تجربة مؤلمة ومحزنة لطفل فىandquot;دار رعاية الطفلandquot; بالمايقوما! (Re: HAIDER ALZAIN)
|
Quote:
الاخوة الكرام الاستاذ /الطيب عبدالرحمن الاستاذ ؟معتصم محمد وكل الاخوة /كل عام انتم والاهل جميعا بخير بارك الله فيكم ...
كيف نحلوا هذه المشكلة التى اسسسه حكومة المؤتمر الوطنى؟ نريدوا نقاش مستفيد لحل المشكلة! |
يا جماعة بطلو الشماتة
ان الذي يؤكد قدرة الاستاذ الدومة في الكتابة وتمكنه الجيد من اللغة هو المقتبس اعلاه
حيث كان يرد لبعض المتداخلين معه في المفترع حيث ناقش بلغة ارفع من لغة المقال الجميل كذلك .
مالكم كيف تحكمون
سامر
| |
|
|
|
|
|
|
|
|
|
Re: تجربة مؤلمة ومحزنة لطفل فىandquot;دار رعاية الطفلandquot; بالمايقوما! (Re: ترهاقا)
|
الدومة إدريس .. أنت شخص تنقصك الأمانة..
وأكثر من ذلك ينقصك الإحساس..
لماذا لا تأتي إلى هنا وتعتذر عن سرقتك ..
وترد الحقوق بعد أن إنفضح أمرك؟؟؟
Quote: الدومة إدريس حنظل "يسطو " على مقالي !!!
بقلم: بدور عبدالمنعم عبداللطيف
[email protected]
فيما كنت أتصفح "المنبر العام" لموقع سودانيز أونلاين وقعت عيناي على "بوست" بعنوان "تجربة مؤلمة ومحزنة لطفل فى"دار رعاية الطفل" بالمايقوما! ". وعندما فتحت "البوست" فوجئت بأن صاحب "البوست" قد نقل مقالي "نور حسين .. أول أمرأة سودانية تتحدى الوصمة " بحذافيره، تحت عنوان جديد وهو "تجربة مؤلمة ومحزنة لطفل فى دار رعاية الطفل بالمايقوما! "، وذيّله باسمه " الدومة إدريس حنظل". ولما كنت لا أملك حساباً في "المنبر العام" لـ"سودانيز أونلاين" فقد رَدَدتُ عليه من خلال حسابي في الفيسبوك. وأنقل هنا تلك المخاطبات والتي حاولت - في بدايتها - قدر المستطاع ألا "أجرح شعوره" ..
(( الأستاذ الدومة إدريس حنظل،
أحيطك علماً أنني صاحبة المقال أعلاه و الذي قمت أنت بإنزاله في بوست بعنوان "تجربة مؤلمة ومحزنة لطفل فى دار رعاية الطفل بالمايقوما! " مما أخل بالغرض من الموضوع . مقالي بعنوان "نور حسين .. أول أمرأة سودانية تتحدى الوصمة " بقلم بدور عبدالمنعم عبداللطيف ))
وعندما لم يرُد المذكور على ملاحظتي كتبتُ التعليق الآتي ..
(( أرجو منك كتابة العنوان الأصلي للمقال" نور حسين .. أول أمرأة سودانية تتحدى الوصمة " بقلم بدور عبدالمنعم عبداللطيف، أو سحب البوست إن لم يرق لك الأمر ))
بعد هذا الكلام وتفادياً "لملاحقاتي" المستمرة، قام المذكور "بزج" الرابط الخاص بمقالي الأصل " نور حسين .. أول أمرأة سودانية تتحدى الوصمة " في موقع صحيفة "حريات" http://www.sudaneseonline.com/?p=125688 وذلك ضمن مداخلات أعضاء المنبر . هذا الأسلوب الملتوي والذي اعتقد صاحبه أنه يستطيع أن يتذاكى به عليّ وعلى القراء، أكّد لِي على أنه مُصِرّ على الاستمرار في التدليس وادعاء كتابته للمقال مما حدا بي للرد عليه بالتالي:
"الأستاذ الدومة،
هذا الرابط الذي أدرجته ضمن المداخلات لا يحفظ لي حقي الأدبي، خصوصاً وأنك قد "قصدت" أن تذيّل اسمك تحت عنوانك الجديد "تجربة مؤلمة ومحزنة لطفل فى"دار رعاية الطفل" بالمايقوما!" وهو أمر غير مُتّبع في المواد المنقولة، مما يوحي بأنك كاتب المقال. والأمر الطبيعي والمعروف أن الموضوع المنقول يُكتّب كما هو بعنوانه الأصلي وبقلم كاتبه ومع نفس المقدمة دون زيادة أو نقصان. وأما التمويه "بحشر" اسمي وتغيير العنوان بهذه الطريقة الساذجة فلن يقنعني. وقد سبقك إلى هذا السلوك شخص آخر نشر نفس المقال باسمه "الرفيع بشير الشفيع" بصحيفة "سوادانايل" مع تغيير العنوان إلى " نور حسين، نبيلة من دار المايقوما، تحث في وجوهنا الرماد وتقطع عنا دابر الفواحش"، وتذييل العنوان باسمه. وقد قامت إدارة "سودانايل" بسحب المقال من القائمة بعد إبلاغي عنه. كما جرت محاولة مماثلة في الفيسبوك وقد قمت بالتعامل معها بنفس الطريقة. ونتيجة لهذا الأسلوب المستفز فقد طلبت من صاحب موقع سودانيز أونلاين – الذي استجاب مشكوراً - إعادة نشر مقالي الذي سبق أن نشرته في سودانيز أونلاين بتاريخ 17 سبتمبر 2013.
نور حسين .. أول امرأة سودانية تتحدى "الوصمة" ! بقلم: بدور عبدالمنعم ع
http://www.sudaneseonline.com/index.php/2008-05-19-17-39-36/34-200...9-17-14-27/58653--qq-
http://www.sudaneseonline.com/articles-action-show-id-39136.htm
http://www.sudaneseonline.com/?p=125688
لم يرُدّ المذكور وآثر الهروب وهو أنجع الوسائل التي يلجأ إليها من هم على شاكلته .. ولكنني أصررتُ على ملاحقته وتعريته فكتبتُ له
(( الأستاذ الدومة إدريس حنظل،
بما أنك مُصِرّ على موقفك في تجاهل كلامي، ولتتفادى الحرج الذي أوقعتَ نفسك فيه، أنصحك تجيب ليك ورقة وقلم، وتستمع "جيداً" إلى مقطع الفيديو – وهو كما ترى متاح للجميع – الذي تتحدث فيه "نور حسين" عن حكايتها، وتصوغها "بأسلوبك الخاص". . ولا تنسَ النقاط .. والتشكيل .. والترقيم .. والفقرات، وقد يحتاج الأمر منك لبعض "التصحيحات" التي يقتضيها سياق الكلام. وبعد تكمّل ده كلو ، ممكن أقول ليك حلال عليك الموضوع، وبراءة من تهمة "السرقة الأدبية".
وأما بخصوص فكرة تفريغ الفيديو ونشره كمقال، فهذه معضلة كبيرة، لأنها ما أظن قد خطرت "ببالك" .. وبالتأكيد لم تخطر ببال غيرك ! ))
وفي النهاية ختمت هذه المحاورة والتي وضح جلياً أنها من طرف واحد بقولي ..
"الأستاذ الدومة إدريس حنظل،
كان من الممكن ببساطة أن أطلب من "بكري" سحب "البوست، ولكنني فضّلتُ تركه كما هو حتى يكون درساً لكل من تحدثه نفسه "بالسطو" على مجهودات الآخرين. "
وهكذا، أقفلتُ باب هذا الموضوع على اعتبار أن وقائعه قد جرت في محيط ضيق "المنبر العام لسودانيز أونلاين". وكان يمكن أن ينتهي الموضوع عند هذا الحد، لولا أنه قد عنّ لي أن أتسلى بلعبة "قوقل" ليتضح لي أن الموضوع أكبر بكثير من مجرد لعبة .. بل هو سرقة في وضح النهار، وعلى رؤوس الأشهاد كمان.
لقد اغتال "الكاتب الهُمام" عنوان مقالي "نور حسين .. أول أمرأة سودانية تتحدى الوصمة " بدم بارد، دون أن يَطرُف له جفن أو يهتز له ِرمش. سَطر الكاتب مقالي في موقع صحيفة "الراكوبة" بتاريخ 21 أكتوبر 2013 وذيّله باسمه ثم لم ينس أن يشفعه بعنوان بريده الإلكتروني، تأكيداً على أنه صاحب المقال، ثم عرّج "حفظه الله" إلى موقع صحيفة "حريات" فأوجد لمقاله (أو بالأخرى مقالي) مكاناً فسيحاً بين المقالات في صحيفة "حريات"، و كرّر الكاتب أسلوب التدليس والتمويه في صفحة المقالات بموقع "نداء الوطن". كما كان "للكاتب الهُمام" صولات وجولات في عالم الفيسبوك حيث استخدم مقالي في صفحة "إذاعة كندكتار صوت النوبة" مذيلاً باسمه كذلك. ولا يعلم سوى الله المواقع الأخرى التي مارس فيها هذا التدليس.
* ملاحظة: ليس من عادتي الانزلاق إلى مثل هذه الكتابات، ولكن كما يرى القارئ فإن الضرورات تبيح المحظورات. |
| |
|
|
|
|
|
|
|
|
|
Re: تجربة مؤلمة ومحزنة لطفل فىandquot;دار رعاية الطفلandquot; بالمايقوما! (Re: ترهاقا)
|
الدومة حنضل عارفنو شخص مريض و حاقد، لكن سرّاق لمجهودات الاخرين دي جديدة، ياخ اسرق سطر سطرين، اسرق المضمون و اعد صياغته
لكن تقوم بالمقال كله و ساعة يزروك داير تلولو يا ماعندك دم، ده ياهو العلمك ليهو الترابي، ما يغيظ في الموضوع ان الدومة اكثر زول بستشهد بالقرأن
و السنة.
على العموم، في أخوانك هنا سبقوك الى هذا المضمار و اخرهم هشام عثمان، فيا ريت لو عملتو رابطة اللفحاين و شكرا.
| |
|
|
|
|
|
|
|
|
|
Re: تجربة مؤلمة ومحزنة لطفل فىandquot;دار رعاية الطفلandquot; بالمايقوما! (Re: عزام حسن فرح)
|
Quote:
Bidour Moneim
الأستاذ الدومة،
هذا الرابط الذي أدرجته ضمن المداخلات لا يحفظ لي حقي الأدبي، خصوصاً وأنك قد "قصدت" أن تذيّل اسمك تحت عنوانك الجديد "تجربة مؤلمة ومحزنة لطفل فى"دار رعاية الطفل" بالمايقوما!" وهو أمر غير مُتّبع في المواد المنقولة، مما يوحي بأنك كاتب المقال. والأمر الطبيعي والمعروف أن الموضوع المنقول يُكتّب كما هو بعنوانه الأصلي وبقلم كاتبه ومع نفس المقدمة دون زيادة أو نقصان. وأما التمويه "بحشر" اسمي وتغيير العنوان بهذه الطريقة الساذجة فلن يقنعني. وقد سبقك إلى هذا السلوك شخص آخر نشر مقالي باسمه بسوادانايل مع تغيير العنوان. وقد قامت إدارة سودانايل بسحب المقال من القائمة بعد إبلاغي عنه. كما جرت محاولة مماثلة في الفيسبوك وقد قمت بالتعامل معها بنفس الطريقة. وقد طلبت من صاحب هذا الموقع إعادة نشر مقالي الذي سبق أن نشرته في سودانيز أونلاين قبل شهر من الآن.
نور حسين .. أول امرأة سودانية تتحدى "الوصمة" ! بقلم: بدور عبدالمنعم ع
http://www.sudaneseonline.com/index.php/2008-05-19-17-39-36/34-200...9-17-14-27/58653--qq-
http://www.sudaneseonline.com/articles-action-show-id-39136.htm
http://www.sudaneseonline.com/?p=125688
رد · 1 · أعجبني · متابعة المنشور · 22 أكتوبر، الساعة 01:14 مساءً
Bidour Moneim
الأستاذ الدومة إدريس حنظل،
بما أنك مُصِرّ على موقفك في تجاهل كلامي، ولتتفادى الحرج الذي أوقعت نفسك فيه، أنصحك تجيب ليك ورقة وقلم، وتستمع "جيداً" إلى مقطع الفيديو – وهو كما ترى متاح للجميع – الذي تتحدث فيه "نور حسين" عن حكايتها، وتصوغها "بأسلوبك الخاص". . ولا تنسَ النقاط .. والتشكيل .. والترقيم .. والفقرات، وقد يحتاج الأمر منك لبعض "التصحيحات" التي يقتضيها سياق الكلام. وبعد تكمّل ده كلو ، ممكن أقول ليك حلال عليك الموضوع، وبراءة من تهمة "السرقة الأدبية". وأما بخصوص فكرة تفريغ الفيديو ونشره كمقال، فهذه معضلة كبيرة، لأنها ما أظن خطرت "ببالك" .. وبالتأكيد لم تخطر ببال غيرك !
رد · أعجبني · متابعة المنشور · 22 أكتوبر، الساعة 08:14 مساءً
Bidour Moneim
الاستاذ الدومة ادريس حنظل . بما انني صاحبة المقال أعلاه و الذي قمت أنت بانزاله في بوست بعنوان "تجربة مؤلمة ومحزنة لطفل فى"دار رعاية الطفل" بالمايقوما! " مما أخل بالغرض من الموضوع . مقالي بعنوان "نور حسين : أول أمرأة سودانية تتحدى الوصمة " بقلم بدور عبدالمنعم عبداللطيف !!!!!!!
رد · أعجبني · متابعة المنشور · تم التعديل · 22 أكتوبر، الساعة 12:01 صباحاً
Bidour Moneim
الأستاذ الدومة إدريس حنظل،
كان من الممكن ببساطة أن أطلب من "بكري" سحب البوست، ولكن فضلت تركه كما هو حتى يكون درساً لكل من تحدثه نفسه "بالسطو" على مجهودات الآخرين.
رد · أعجبني · متابعة المنشور · 22 أكتوبر، الساعة 08:15 مساءً
Bidour Moneim
أرجو منك كتابة العنوان الأصلي للمقال" نور حسين : أول أمرأة سودانية تتحدى الوصمة " بقلم بدور عبدالمنعم عبداللطيف أو سحب البوست ان لم يرق لك الأ مر !!!!
رد · أعجبني · متابعة المنشور · 22 أكتوبر، الساعة 12:27 صباحاً
Mohamed Hassen Abdallah · متابعة · Gamal Abdel Nasser High School Khartoum
الكيزان سرقو وطن ب أكمله
مستغربين ليه ..
رد · أعجبني · متابعة المنشور · منذ 8 ساعات
المكوّن الإضافي الاجتماعي لفيس بوك |
الاخت بدور قلوبنا معكم
| |
|
|
|
|
|
|
|
|
|
Re: تجربة مؤلمة ومحزنة لطفل فىandquot;دار رعاية الطفلandquot; بالمايقوما! (Re: Frankly)
|
الأخ الدومة
تحياتي
لك الشكر على نقل هذه الصورة ، ففيها عبر ودروس من الواقع
بيت القصيد كان هنا :
إتقدم شاب لخطبتي..شاب سوداني شجاع عصامي.. لمن طلبني كنت واضحة جداً معاه..وريتو وضعي الاجتماعي وأنا من ياتو بيئة ومن ياتو مكان، والوضع ده لا بقدر أغيِّره ولا بقدر الغيهو، ولا بقدر ألوّنه بأي كلمة من الكلمات، ولا بأي مصطلح من المصطلحات، لأنه ده واقع.. قدر ما لي فيهو يد. قلت ليهو لو إنت قادر تشيل شيلة بِت في ظروفي دي تأكد أنا حاكون سند وعون ليك على مدى الأيام والسنين. ولأني كنت بستاهل- ولحدي الليلة بستاهل
***
ففي هذه الجزئية تكمن الصراحة والحال والمآل والحقيقة والشجاعة وتقبل المصير وعشرات المعاني
دمتم
| |
|
|
|
|
|
|
|
|
|
Re: تجربة مؤلمة ومحزنة لطفل فىandquot;دار رعاية الطفلandquot; بالمايقوما! (Re: ابو جهينة)
|
الاستاذة بدورعبدالمنعم لك العتبى حتى ترضى !
بقلم / الدومة ادريس حنظل
بالنسبة لمقال الاستاذة بدور بعنوان( أول امراة سودانية تتحدى الوصمة )
نفيدكم علما أيها القراء الكرام انا لن ندلس ولن نسرق الملكية الفكرية ولكن نقول لكم ايها القراء الكرام وصلنى هذا المقال من احد الاصدقاء يقال له محمد حسين ورسل لى من الفيس بك؛ وليس له اى عنوان وحدثنى بان المقال مثير وفى غاية الاهمية؛ وتلحى علىً على قرأته ونشره وبالفعل قراته جيدا و تاثرت تاثر شديد؛ وحتى زرفت دموعى ؛ ورغم ذلك لن ننشره لا كثر من شهر ! وفى ذلك الوقت نبحدث عن المصدر ولكن للاسف لن نجده ؛ ثم مرة ثانية رجعت بالتلفون للاستاذ محمد حسين وسألته عن المقال أين نشر ؟وما كاتب هذا المقال؟ وما اعنوان هذاالمقال؟ ولكن الاستاذ/ بكل عفوية قال وجدته بنفس الطريقة ومتداولة فى فيس بك بنفس ! وقال وانا نعرف الاستاذة ست القضية! وحتى لديها كتيب صغير تحكى فيها آلامها؛ ولكن قلت له يا استاذ محمد نحن فى قانون الصحافة عندنا قانون" الملكية الفكرية" "والحق الادبى" وبالتالى لاننشر شئ حتى نعرف مصدره ؛ لكى لا نحرج ! ولكن تلحى لى بنشره وقال لن يحصل شيئ لانه تعاطف مع القضية لايدرى عواقبه ! وبالتالى على حسن نية نشرته و اخترت له العنوان " تجربة مؤلمة ومحزنة لطفل فى دار رعاية الطفل بالمايقوما" لكى يثير انتباه القراء الكرام لكى يجدوا الحل؛ لبناتنا وشبابنا واطفالنا الابراء ! ولكن عملت له مقدمة هاهو المقدمة"" ايها القراء الكرام اقراءه وتدبروا وتأملوا للقصة الحقيقية والحزينة والقوية والمعبرة لطفلة كريمة بريئة فى داررعاية الطفل بالمايقوما الخرطوم بحرى الحاج يوسف!"" ولكن نزلت الباقى كماهو بحزافيره! وليس من باب التفاخر والاستهزاء والشهرة والتدليس وسرقة الملكية الفكرية ولكن من باب حل لهذه المشكلة المؤلمة؛.
ونفيكم علما عندما نشرة المقال اولا : لم نقل بقلم/ الدومة ادريس حنظل وانما كتبت (الدومة ادريس حنظل) ثانيا : قلت المصدر(( منقول)) فى المنبرالعام ليس مقالى ولا ملكا لى ثالثاً : قبل ان تكتبى الاستاذة بدور فىفيس بك؛ انا وجدت فى صحيفة الحريات ونزلت بالرابط فى المنبر العام رابعة: عندما نزلت الاستاذة بدور فى فيس بك انا رفعته فى المنبر العام من ضمن المداخلات وبالتالى انا لم ندلس ولن نكن ساذج ونكن حرامى ولاحاقد ولاندعى كتابته ولانحشر اسمك واعنوانه ولاننقص من حق الادبى وليس لدى اسلوب الالتواى كما تفتكرى ! وانا نعتقد ايضا الاستاذ الرفيع بشر الشفيع لايقصد التدليس ولا يقصد نقص من حقك الادبى ؛ ولكن حسن النية لنشر القضية المهمة الملحة لحلها وايضا اعتقد لم يجد له عنوان واضح وبالتالى وضع اعنوان من عنه ليثير انتباه الناس لقضية المهمة (نور حسين بليلة من دار ميقوما) نعم نشر فى فيس بك بدون عنوان وهاهو المشكلة! وها هو الرابط من الحريات http://www.sudaneseonline.com/?p=125688
لأستاذ الدومة، تقول استاذة بدوروهاوهو ما رفعته فى
هذا الرابط الذي أدرجته ضمن المداخلات لا يحفظ لي حقي الأدبي، خصوصاً وأنك قد "قصدت" أن تذيّل اسمك تحت عنوانك الجديد "تجربة مؤلمة ومحزنة لطفل فى"دار رعاية الطفل" بالمايقوما!" وهو أمر غير مُتّبع في المواد المنقولة، مما يوحي بأنك كاتب المقال. والأمر الطبيعي والمعروف أن الموضوع المنقول يُكتّب كما هو بعنوانه الأصلي وبقلم كاتبه ومع نفس المقدمة دون زيادة أو نقصان. وأما التمويه "بحشر" اسمي وتغيير العنوان بهذه الطريقة الساذجة فلن يقنعني. وقد سبقك إلى هذا السلوك شخص آخر نشر مقالي باسمه بسوادانايل مع تغيير العنوان. وقد قامت إدارة سودانايل بسحب المقال من القائمة بعد إبلاغي عنه. كما جرت محاولة مماثلة في الفيسبوك وقد قمت بالتعامل معها بنفس الطريقة. وقد طلبت من صاحب هذا الموقع إعادة نشر مقالي الذي سبق أن نشرته في سودانيز أونلاين قبل شهر من الآن.
نور حسين .. أول امرأة سودانية تتحدى "الوصمة" ! بقلم: بدور عبدالمنعم ع
http://www.sudaneseonline.com/index.php/2008-05-19-17-39-36/34-200...9-17-14-27/58653--qq-
http://www.sudaneseonline.com/articles-action-show-id-39136.htm
http://www.sudaneseonline.com/?p=125688
| |
|
|
|
|
|
|
|
| |
الدومة ادريس حنظل
الطيب عبد الرحيم خلف الله
معتصم محمد عبدالرحمن
Ridhaa
علي دفع الله
ismeil abbas
Wasil Ali
HAIDER ALZAIN
سامر صلاح نور الدين
ملهم كردفان
ترهاقا
أسامة عبد الجليل
امجد الجميعابى
بدرالدين الطائف
سيف اليزل سعد عمر
عزام حسن فرح
Frankly
ابو جهينة
saidahmed shami
عبداللطيف شريف على
فيس بوك
تويتر
انستقرام
يوتيوب
بنتيريست