|
هاكي يا السجمانه ....
|
السجمانه هاك .....
هاكي يالسجمانه هاك .... نمه من روعة غناك .... ورده للمرحوم صلاح ... تصحى في الخاطر هناك ... زكريات مره وأليمه .... سطرتها حروف أساك ... لمه زول حابينو يرحل .... في فدى الوطن الرعاك ... كم سيوف بالعزه تنهل .... تملا بالأزهار رباك ... يا وطن شلناهو قيمه .... تبهر النجمات سماك .... تبقى ترنيمة مناضل ... سامقه عاليات السماك ... داير أفرح ماني قادر .... عزت الضحكات بلاك .... شفتا كيف الكل حزانى .... سالت الدمعات وراك كنت يا سنهوري زولاً ... تضوي في هيئة ملاك.... كنت بسماتنا اللي غابت ... في دموع الدم معاك .... بس أكيد الشعب صامد ... فيهو لهب الثوره واقد.... نار بتبرد في حشاك ... بكره تنزاح من طريقنا ثلة الخونه وعساك ... في الجنان ترفل وتنعم في النعيم لامن هناك .... إنت والشهدا الكرام .... تصدح الأطيار حداك ... يا وطن شلناك آهه ... تغزل الأحزان دماك وفي سبيل باكر نهضنا ... ترخص الأرواح فداك .....
إدريس محمد إبراهيم
|
|
|
|
|
|
|
|
Re: هاكي يا السجمانه .... (Re: سليمان القرشي)
|
Quote: تحياتي عمنا ادريس وكل عام وانت بخير وربنا يحقق امانيك. كلماتك رائعة وصادقة في حق اخونا الشهيد الحي سنهوري ربنا يتقبله ويصبر اهله ويبرد حشاهم تسلم |
شكراً جزيلاً سليمان أخوي على هذا المرورالجميل ....وعيدك مبارك إن شاء الله ....
وإن شاء الله تسلم يا حبيب....
مع خالص ودي وتقديري ؛؛؛؛
| |
|
|
|
|
|
|
Re: هاكي يا السجمانه .... (Re: إدريس محمد إبراهيم)
|
كان سنهوري وضيئا،حلو الروح جميل البسمات كان قنديلا من الضوء يحلم بالصباحات يداوي للجراحات ويعطي كان يعطي كنبي المعجزات غير ان الفجرة قد رؤوا النور تلالا في جبينه امطروه بالرصاصات وظنو انهم سيعيدونا لعصر الظلمات فاجئتهم الفوانيس التي عشقت لسنهوري تحاصرهم يشرق الصبح في كل الجهات
| |
|
|
|
|
|
|
Re: هاكي يا السجمانه .... (Re: وضاحة)
|
Quote: كان سنهوري وضيئا،حلو الروح جميل البسمات كان قنديلا من الضوء يحلم بالصباحات يداوي للجراحات ويعطي كان يعطي كنبي المعجزات غير ان الفجرة قد رؤوا النور تلالا في جبينه امطروه بالرصاصات وظنو انهم سيعيدونا لعصر الظلمات فاجئتهم الفوانيس التي عشقت لسنهوري تحاصرهم يشرق الصبح في كل الجهات EmailProfile |
يا سلام عليك يا عبدالعزيز ياخ ..... وإن شاء الله تسلم يا حبيبنا .....
مع خالص و ودي وتقديري ؛؛؛؛؛
| |
|
|
|
|
|
|
Re: هاكي يا السجمانه .... (Re: إدريس محمد إبراهيم)
|
Quote: إدريس اخوى بدلة صلاح اخوى وصلت اليوم بتاعت العرس |
لا حولا ولا قوة إلا بالله العلي العظيم ....
يا ربي تحرق قلوبهم زي ما حرقوا قلب أهلو ....
لكن دم الشهيد لن يذهب هدر ...
وإن غداً لناظره قريب .....
مع كل الحب الذي تعرفين أختي العزيزة ؛؛؛؛؛
| |
|
|
|
|
|
|
|