كتب الكاتب الفاتح جبرا المتوفرة بمعرض الدوحة
|
قالوا البشير قطع قاصد نُور البُقع،،، قلبي زآد وجع حماني القيد منع ...
|
حجة البشير ...
قالوا البشير قطع طالب نور البُقع قلبي زآد وجع حماني القيد منع ـــــــ علي خيبتو قام ضلع من الإله بتع جاب الدِموّم نقع كباها في القرع ديوانه اجتمع واسقى لأهل السمع نافع للكأس رفع لا مغشي لا انصرع في الدنيا إنتفع وبالآخرة ما ارتدع ــــــ تاني القصيد رجع فوق المُبير دفع قاصد للشر طلع وفسادوا الما انقطع مِلء البصر والسمع سجينو ما اضطجع وعذابو ما انقطع يوم النهار صقع سلّم رِويحتو هجع ــــــــ دا الواطي في القدُر لا عِز ولا فخُر الجابلنا الفقُر وسقى الخلُوق المُر التِبعو في خُسُر حين ينزل القبُر ويقوم يوم الحشُر والناس عرقها يخُر يا تابع من حالك كُر ــــــــ دقوا النحاس ردف جاء حامل القرف شيخاً سخيف سخف !!! فاجر بالزور حلف يجيد الدورآن واللف فاجر للدين حرف ما بخلي المكر يجف للغدر ديّمة يخِف طرفوا للشر ما برِف كاذب للوعد يخلِف طبعوا نفاق وبلِف ـــــــــ دقوا النحاس ضرب جا اللبلآد خرب نافع النضمو سب قام للنفاق نصب سل لسانو النضمو كعب الفاجر خصيم الرب عامل جعيص صعب من العزاء هرب مركوب في وشو رب دموا القراد جري كب ــــــــــ يا فمي أعكس السي للمُو نجيض الني طبعو الغدر والغي قاتل شباب الحي فجع الأُمات في جِني كوى لقلوبهِن كي جاحد الإله الحي لا يخشى مِنو في شي ـــــــــــ دوّى الهُتاف ورز وشبابنا الهميم قام هز وكت الرصاص نهز والضرب ما فرز ما فيهُن واحداً فز قام الشهيد برز دموا الفي الأرض نز نصر الوطن وعز ـــــــــــ يا حي يا مُجيب ندعوك للوطن للمُشهاد واللين ندعوك لاحبابنا الجمع والبعيد ندعوك للفقراء البيقروا في المسيد وطني البدورو بجاهك يتوجد أبيض وفي لونو علي الدبلآن يزيد جميع اياموا بهجة وحبور وعيد سمحات بناتو ادباً طارف وتليد شارفات هضابوا الخير يعِم ويزيد النيل في الوادي يدلق لمويتو يفيض يسقي البيادر من السافل للصعيد حلفا وكريمة، الفاشر والرِهيد شرقاً وغرباً وطناً طربان غِريّد نعدل في ربوعوا ما ننفر فيهو الصيد ويغنن ليهو بناتنا الحِسان الغيّد نغماً مدوزن طاعم في نظموا فريد وشادينا فوقوا يجر للنعم ويجيّد ريدنا لوطنا ريداً بالحيل شديد جاري في دمانا شريانا والوريد ننضم في هواهو دوبيتنا والقصيد وصغارنا بفرحة يرددوا النشيد وطناً مُعافى لا ميّت لا مريض ما فيهو موطأ لخائناً رعديد رايد في العالم راسخ كلآموا سديد يهزم للخونة، تاريخ نضالوا يعيد ويصبح عدوهو مكسور جناح ومهيض ويقدم ذخروا لوالدة الشهيد وفي ربوعوا نردد يا ربنا المُجيب من كل شر وبلا يسلم وطناً حبيب ــــــــــــــــــــ ود المدير قصد في مدحوا وإجتهد كان دايح بالبلد لا اطامن لا قعد لا صام ولا عبد يا ربنا الصمد بيك يسلم البلد ـ ـ ـ ود المدير...
|
|
|
|
|
|
|
|
Re: قالوا البشير قطع قاصد نُور البُقع،،، قلبي زآد وجع حماني القيد منع ... (Re: معاوية المدير)
|
ود المدير ياود هاك منى ليك الرد بالصح يمين بالجد يا الكاد الدومه كد داير الضرب باليد فى الهون الما بصد بتدور نتفك تف للبو نلفك لف والباز يختفك كف لحمك رخص ما جف والقط سمعبك نف والفار حداهو رجف يا زول أخير تسكت للخافى ما تنكت بنبراك وين ما كت أحسن حمولنا تخت تمساحنا بالعك زت لا بتنجى لا أظن فت شايفين رويشك قام لاك شيخ ولا فى مقام لاك ضبع لاك ضرغام فى نظرنا إنت نعام لا طار بعد لا عام وإن درت يا بعام بنجيك سبق قوام يا زول أخيرلك لم روحك بعيد وألبد ما تبقى زول موهوم أقفل خشيمك سد خابرنا سيفنا سنين نجار وزايد حد وإن زدت تانى كمان فى قيدنا ليك بنشد يا زول بشيرنا عديل لا توب زراق لا بهد متل اللبن دبلان لا بسنو ناس يوم حد
| |
|
|
|
|
|
|
|