|
|
 يوميات شهيد (نَصْ خَيَاْلِيْ)
|
(1)
سمير: سامعة حبيبتي ؟
ولاء: أيوة حبيبي سامعاك
سمير: لا ما أنا
ولاء: حبيبي أسمع شنو؟
سمير: سامعة البتكلم في التلفزيون دا؟
ولاء: حبيبي أنا فاتحة إم بي سي والمسلسلة شغالة
سمير: إم بي سي شنو أفتحي السودان
ولاء: السودان ؟ ترددها كم ؟ في شنو ؟
سمير: الزول دا بقول لينا ما تعرسوا
ولاء: يووووه دا كلام شنو حبيبي - أيوة جبت قناة السودان شايفة أونكل عمر بتكلم وبقول تهريب
سمير: أيوا عليك نور !!! قال عشان جيرانه عندهم خمسة عربات وعشان عساكره في الحدود باظوا وعشان السلع بتتهرب حيرفع البنزين ويخلينا ما نعرس
ولاء: بس هو ما جاب سيرة العرس نهائي ، ولا الكلام دا قالوا قبيل؟
(2)
نحن مرقنا مرقنا مرقنا
ضد الناس السرقو عرقنا
(3)
قناة سكاي نيوز تورد صوراً للمظاهرات في السودان
(4)
في منزل ولاء:
البكاء حار - وأخواتها يصبروا فيها - معليش حبيبتي إنا لله وإنا إليه راجعون لا حول ولا قوة إلا بالله
ولاء: هي إهي إهي ما ممكن يا سمير ، خليتني لمنو ؟ سمير حبيبي لا
(5)
والد سمير: الحمد لله ... وتسيل الدموع أنهاراً على خديه
أم سمير: - تدخل في حالة غيبوبة ويحملها الكل نحو المستشفى -
(6)
المستشفى:
الطبيب يتحدث في الموبايل وينظر إلى والدة سمير ببلاهة
علي: يا دكتور
الطبيب: أيوة ... دقائق
علي: يصفع الطبيب على وجهه
(7)
علي والطبيب يدخلان في اشتباك
محمود وسميرة وأبو سمير يحملون أم سمير بسرعة بحثاً عن مستشفى آخر. وقبل أن يخرجوا
توقفهم طبيبة بنظرة حانية: إن شاء الله خير، دخلوا الحاجة دي العيادة القدامكم دي
تبدأ الطبيبة فحص أم سمير وتتصل بأخصائي تطلب منه الحضور فوراً
يتبع .....
|
|
 
|
|
|
|
|
|
|
|
Re: يوميات شهيد (نَصْ خَيَاْلِيْ) (Re: Hani Arabi Mohamed)
|
(8)
وكالات الأنباء تتبادل صورة سمير مضرجاً في دمائه
(9)
الهاتف يرن
أبو سمير: محمود يا ولدي عملتَ شنو في اجراءات أخوك الله يرحمه ؟ أمك هنا تعبانة وبتهضرب وأنا فايتها بالصبر
محمود: رفضوا يدونا الجثمان ، قالوا نجي بكرة
أبو سمير: لا حول ولا قوة إلا بالله. ليكم يوم.
(10)
لجنة أطباء السودان تصدر بياناً يستنكر تعرض طبيب للاعتداء بالضرب في المستشفى أثناء تأدية واجبه المقدّس.
(11)
الطبيبة الهميمة تواصل عملها في الحوادث ، هاتفها يرن
-: يا بتي ما ممكن ثلاثة يوم في المستشفى.
-: أمي ما في زميلة تغطي لي وما بقدر أخلي العيانين براهم.
-: أيوة أقعدي ضيعي زمنك في الحوادث وزملائك فتحوا عيادات وبنوا بيوت.
-: يعني أخلي الناس يموتوا يا أمي؟
-: يتدخل زميلها مقاطعاً لها: ما في زول بموت قبل يومه خلي البتعملي فيه دا وأمشي البيت.
(12)
محمود: أبوي – شهادة الوفاة مكتوب فيها "موت طبيعي"
أبو سمير: يا ولدي استلمه – إكرام الميت دفنه وما حنقدر نعمل حاجة للحكومة
| |
|
|
|
|
|
|
|
|
|
Re: يوميات شهيد (نَصْ خَيَاْلِيْ) (Re: Hani Arabi Mohamed)
|
(14)
عبد الله
يصفي حساباته في الشركة ويستلم جواز سفره ويستعد للسفر إلى السودان للاستعداد للانضمام إلى أبناء حيّه الذين خرجوا حبّاً للوطن
خالد
زميله في العمل يعتذر له بأنه لا يستطيع السفر بسبب التزاماته ولكنه يعطيه مبلغ 500 دولار ويقول له: هي مصاريف للوطن.
| |
|
|
|
|
|
|
|
|
|
Re: يوميات شهيد (نَصْ خَيَاْلِيْ) (Re: Hani Arabi Mohamed)
|
(14)
صفحة حزب الأمة على الفيسبوك تنشر صورة للشهيد سمير بالزي الأنصاري وهو يصلي العيد في حوش الخليفة قبل سنتين.
(15)
صفحة الحزب الاتحادي الديموقراطي تنشر صورة لوالد الشهيد سمير وهو يأكل الفتة في حوليةٍ في بحري قبل تسعة سنوات.
(16)
فرعية الحزب الشيوعي في أوروبا تنشر تسريبات عن مراسلات بينها وبين الشهيد سمير قبل استشهاده
(17)
طلاب حزب البعث العربي الاشتراكي يغيرون صور بروفايلاتهم إلى صورة حديثة للشهيد سمير
(18)
صحيفة بعد بكرة تحوز سبقاً صحفياً وتجري لقاءً مع خطيبة الشهيد سمير
(19)
سمير في قبره
يسأل : يا ربي الوطن حاله كيف؟ يا ربي الشباب حيقدروا يواصلوا البديناه ؟
(20)
المؤتمر الوطني يؤكد أن الشهيد سمير من كوادره وأن استشهاده جاء بسبب تربص بعض المندسين الذين استغلوا ظروف الاحتجاجات لتحقيق أجنداتهم الخاصة
| |
|
|
|
|
|
|
|
|
|
Re: يوميات شهيد (نَصْ خَيَاْلِيْ) (Re: Hani Arabi Mohamed)
|
ياهو ... هتافك كان ما ياهو هو هتافك
هتافك
لاقوني صحابي نادوني
في مجلسم العامر فجولي
هتفو في أذني قالولي
بالوعي الفيك وروني
والدنيا من خلفي ضلمه
قدامي ببق فانسوكِ
الصخره في ضهري تقيله
مين برفع أكتافي
النفس العاشق يتشابه
الدنيا أخر ضلمه
سكين بتقطع قلبي
سقياني المر في بطني
القهر الذل يوماتي
دموعي تبكي علي صمتي
الناس في الشارع ممدودة
الحيرة تملى عقلي
جوعاً قعد صنقر
السعر بنط يوماتي
الناس الحالة طأفش تنده ليك يا ربي
تفج العتمه وتنور من تأني
المطره تنزل تريانه والدنيا تفرح تأني
الخير يساسق جوه يطلع بره من تأني
يا وطن يا عالي يا مافي
بيدينك أنت تبنيه
بعزمك جهدك ضراعك قادر
الله .. ما بغير من ساكت
إلا تغير من ساسك
امرق معاي من هناك أو قادك
أهتف .. بهتف باسمه تلاقين سابقك غادك
بنوت حلتنا الغادك
هتفن .. هتفنا .. معاك يا بلد
في الجب الجوه رموني
هتفنا بقدرتنا
يا بلد إلا نشيلك
هتفوا تفت كل الشوارع
يا بلد نشيدك
سمعته هتافك من جوه
بكى قلبي نشيدي
ناضمني صاحب شاور لي
من بعيد علمني
السجن العالي بكره بهتف
أتلفت لقيتك جوه
تهتف معاهم نادوكا
هتفت معاي في حقي
الشمس الجايه بتبق
الضلمه بترجع لبره
الوردة من تأني تشابه
الغيمة تمشي مكسوفة
البلد الواسعة تنضمه
هتافاً علي بستف
من السور يبق نورهٍ
| |
|
|
|
|
|
|
| |
Hani Arabi Mohamed
عادل البراري
قاسم المهداوى
فيس بوك
تويتر
انستقرام
يوتيوب
بنتيريست