|
|
|
 Re: أغنية مؤثرة جداً تصف الكثير من أعضاء المنبر لمن تهديها..؟؟ (Re: عمر الفاروق)
|
إضافة يافاروق لأغنيتك المؤثرة جدا دي الأهداء أدناه لكل من سوّلت له نفسه بسرقة الدجاجة وخمّ بيضها
قبل ماتبيض زاتو وبقى لينا بيض والإهداء لمجموعة البيض عيون ..
وللقاعدين يتكفتوا في صمّة خشوهم زي الفي نص دا وشنوكمان...شالو جدادتو بي بيضها
ولاّ ياربي بيض عيون مع عينّا الطالعة دي مامعانا..؟
أنوه لأن اللحن ملحن بلحن ...ياااجدادتي كاااااك كااااك كااااك الأكلك يصيبوا الهلاك.
ـــــ
عالم بيض ما عارفه قضيتها....أو زيّ ما قال عمك داك لمن بطل يتكلّم زييّ في السياسة.
ـــ
و...تحوطيا" كدا أساسي لو جاء ماري من هنا ولأنو بقى بيحرج الناس من طرف ....
البوست دا..... بوست بيض
| |
 
|
|
|
|
|
|
|
|
Re: أغنية مؤثرة جداً تصف الكثير من أعضاء المنبر لمن تهديها..؟؟ (Re: أمير محي الدين محمد)
|
يا عمر ازيك
وامير والله مشتاقين عديل يا حاج
يا عصام شكرن للاهداء شايف المقلي بيحرف القول عن موضعه كيف ^_^
عمر الفاروغ
عندك مداخلتين في بوستات مختلفة الاول في بوست بتاع المحينة للعضو تمبس ..عندي فيهم راي ..الحقيقة بالرغم انه الكلام واقف لي في حلقي ردا علي كلامك داك الا انه لظروف عجيبة شوية ما كان في طريقة ادخل ارد عليك في ذاك البوست لكن دي فرصة مناسبة وما دام الكلام جاب الكلام اني استغل البوست دا وارد علي كلامك ادناه
Quote: بالمناسبة انا ضد قصة أين الدولة وأين وزارة الشباب والرياضة وأين المسئولين و و المنتشرة وكترت دي ..
شايف كتيير من اللاعبين والفنانين والشعراء للأسف بقو يشحدو بيها تحت غطاء نحن قدمنا للبلد ومفروض ترد لينا الدين ..
الواحد يكون كتب ليهو أغنية أغنيتين صاح خالدات لكن ده ما بيشفع إنو الدولة تصرف عليك بعد ما ضييعت إنت أفضل سنين عمرك وما حسبت دورة الأيام وعشت مجدك طول وعرض ونسيت اليوم ده ..
كتيير من اللاعبين القدامى بيحسدو في لاعبين اليوم عبر التلفزيون ويقولوا ليك ديل عندهم قروش بدون مستوى ونحن زمان بنلعب بي كدارة الجلد ونحن ونحن وسجلونا بي قرشين وبي جنيه وبي وبي..
ونسو إنو المبالغ دي فيي عضمها الوقت داك كانت قروووش وكتيييرة لكن هم ضييعوها في الهلث والفارغة وقعدو ..ونسو إنو لعيبة أسة مفتحين ما أكتر أي زول فيهم لملم قريشاتو وعمل ليهو بيزنيس يكفيهو شر المسألة ..
ناس قلق وبلة جابر والعجب والمعز وهيثم و ريتشارد كلللهم بتعبرهم ناس مفتحين وقروها صاح عشان كده انا متأكد ح يعيشو حياة كريمة نضيفة دون الحوجة لي قصة التسوول دي بكل أسف..
كلام إسماعيل ده مهم ..اللوم على الأقارب والأهل والأصدقاء..
لكن شوووف عيني ديل معظمهم متعاملين مع الموضوع بسخرية وضحك وتندر وهنا في مؤشر خطير يدل على إنو في ناسيائسة من الحالة أو عارفة حاجات بناء عليها ما متحركة وكأنها للأسف بتقول يستاهل .. |
واضح جدا انه كلامك المجاني الفوق مبني علي وجهات نظر بتاعة ونسات وفرد و حنك بيض كعادتك .. وواضح انه انت كزول مسكين اتربيت في دولة مسكينة وفهمك مسكين بتعتقد انه ما من حق الدولة علي مبدعيها او ابنائها العادين حتي خليك من المبدعين ...الوقوف معهم اوان ازماتهم او في حياتهم العادية خليك من ازماتهم زاتو .
يا عمر الدولة دي فايدتها شنو للمواطن ؟ او بطريقة تانية المواطن العادي بتوقع من الدولة شنو .. بيمشي ينتخب رئيس او عضو مجلس عشان شنو ؟
بكلامك الفوق دا واضح انه اجابتك حتكون عشان الرئيس المنتخب او عضو المجلس البرلماني ياخد مخصصات كونه رئيس منتخب او عضو برلماني منتخب غير كدا ما مطلوب منه اي حاجة تانية .
يا عمر يا مسكين الدولة دي نظام كامل وقائم ...هدفه الوحيد العمل والحرص علي توفير حياة المواطن الكريمة بكافة اشكالها من ماكل ومشرب وامان ...الخ
دا السبب الرئيسي البخلي البني ادم يلجا لتنظيم حياته بواسطة انظمة دول من بين ظهرانيه .. اها في الحياةا لكريمة المطالبة بيها الدول توفيرها لمواطنيها .. لو عاينت لدول اتقدمت في الوعي بتاعها باكثر مننا بتلقي تلك الدول تصرف علي اطفالها وتجعل لهم مرتبا ثابتا حتي يبلغوا مرحلة القدرة علي العمل اي الثامنة عشر وبعد داك بتكون اصلا وفرت ليهو فرصة عمل يعتاش منها ليواصل حياته الكريمة دي .. حتي يصل سن التقاعد وهنا الدولة تاني بترجع تصرف علي مواطنها مباشرة وبقوانين مختلفة وكثيرة تختلف من دولة الي اخري الا انها تتفق جميعا علي مسئولية الدولة تجاه مواطنها في حال ضعفه الاول وهو صغير وضعفه الثاني وهو كبير اي غير قادر علي العمل
والحاجة دي نفسها لما كانت الدولة الاسلامية هي الارقى في العالم بتلقي انها كانت كائنة حينما يصرف من بيت المال علي كل محتاج دا غير قنوات اخرى شرعها الله في دولة الاسلام مثل الزكاة والصدقات وغيرها لكفاية حاجة المعوزين والغير قادرين علي العمل
انت بمسكنتك دي نفيت كل هذا بجرة فكرة خائبة غير واعية ولا مدركة لمدى تبعاتها .. لغيت مسؤلية الدولة نهائي تجاه مواطنها واعتبرت انه دي مسؤلية فردية واقعة علي الفرد ..
خلينا نجي للسودان كحالة خاصة استندت عليها انت في مقولتك البائسة اعلاه .. انت تعلم اسلوب الحياة في السودان وانه في سنوات الخمسينات والستينات والسبعينات وحتي الثمانينات كان التكافل الاجتماعي السوداني هو اسلوب الحياة كانت الاسر تعتمد علي معيل واحد كانت الحياة بسيطة وغير معقدة والحاجات براحة وهذا خطا ان يكون اعتماد الاسر علي معيل واحد لكن يظل هذا هو الكائن والمعاش ..ثقافة التوفير للغد ايضا لم تكن شائعة ولم ترسخ لها الدولة ثقافة الاستثمار ايضا لم تكن ثقافة عامة ..معظم الناس كانوا يعملون في مهن بسيطة تكفيهم قوت يومهم بالاضافة الي اسلوب التكافل الاجتماعي السابق ذكره كل هذا يجعل من السوداني في تلك السنوات يعيش يوما بيوم ومع بساطة الحياة وقلة الحاجات لم يكن يتوقع ان ياتي زمانا علي الناس مثل الذي يعيشوه الان .. لذا لن تستطيع تمرير مقولتك الفطيرة اعلاه المبنية علي واقع اليوم ..وهذا ظهر واضحا وجليا في مثالك الذي ضربته عن حرفنة مبدعي اليوم .. هذه الحرفنة لم تأتي من فراغ وانما قراءة لواقع حياةا ليوم لكن نفس هؤلاء الذين ذكرتهم لو كانوا عاشوا في تلك الازمان لكن انسحب عليهم ما انسحب علي الذين سبقوهم من الذين انتقدتهم لذا حتي مثالك كان غير صحيح .. بل لو كنت حصيفا كفاية لاتيت بامثلة من اشخاص عاشوا في تلك الازمان وذلك الواقع ولم تجر عليهم الدنيا ,, وقد تجدهم ولكنهم ليسوا كثر .
خلاصة القول يا عمر ان من حق الدولة علي ابنائها العادين خليك من ان يكونوا مبدعين .. رعايتهم وتوفير حياة كريمة لهم واعانتهم في ضعفهم والعمل علي استقرارهم في قوتهم .. بل وتثقيفهم ووضع المناهج بل والتدخل بقوة الدولة لتوجيههم لمواجهة مثل هذا اليوم .. مثل ما يحصل مثلا في السعودية التي تعيش فيها حينما يطبق نظام التامينات الاجتماعية باقتطاع جزء يسير من رواتب الموظفين والعمال والشركات الخاصة واجبارهم علي ذلك لمواجهة تقاعدهم عن العمل ودول كثيرة تطبق هذا .. وان كان عندنا في السودان نظام المعاشات مطبقا لكن طبق فقط علي موظفي الدولة وتجاهل القطاع الخاص وهو خطأ ... كما وان مسؤلية وزارات مثل الرعاية الاجتماعية والزكاة وغيرهم كلها تصب في القيام بدور فاعل تجاه هؤلاء الذين لا يستطيعون للحياة الكريمة سبيلا
الموضوع التاني ما متذكرو الان لكن بفتشوا واجي ارد عليك
لاحظ اني ما استفضت في الرد وما اخدت راحتي كفاية لاسباب تعلمها .. وكما انه قوقل ما عتب هنا .. كما وانه اديناك دين من الراس طوالي
فشنو
اهدي الاغنية اعلاه لصديقي الصدوق والبيضة الخلوق محمد حيدر المشرف
| |
|
|
|
|
|
|
|
 Re: أغنية مؤثرة جداً تصف الكثير من أعضاء المنبر لمن تهديها..؟؟ (Re: اساسي)
|
في امريكا دي .. الفيضانات ضربت نيوجيرسي في نفس الوكت الضربت فيهو شرق النيل ...
صورة أوباما الظهرت في الإعلام ... بيبكي ...
صورة البشير الظهرت في الإعلام ... متفرجخ في طيارة مع متفرجخين آخرين ... فشل جميعهم في الجلوس باحترام ... وآثروا الفرجخة ...
نيوجيرسي اتبنت كأن المحيط الأطلسي لم يزرها ...
وشرق النيل لا زالت هباءًا منثورا ... كأن ذلك الخور الموسمي لا زال يتحدّر ويكشح لايبقي على شيء ...
وذلك لأن للشعب حق المعونة من دولته ... والفرق ليس فرق دولة غنية ودولة فقيرة ...
بل فرق دولة يعرف شعبها حقوقه ... ودولة يتفق قادتها مع الشعب على أن تلك الحقوق هبات يتسولها الشعب من هؤلاء القادة ...
رش البيضة يا أساسي ... ثم اسلقها وتوكل ...
... المهم ....
| |
|
|
|
|
|
|
|
|
|
Re: أغنية مؤثرة جداً تصف الكثير من أعضاء المنبر لمن تهديها..؟؟ (Re: عمر الفاروق)
|
| Quote: وذلك لأن للشعب حق المعونة من دولته ... والفرق ليس فرق دولة غنية ودولة فقيرة ... |
نزيد من الشعر بيت
يقال انو اغاثة وصلت على ما اعتقد من ايران عبارة عن خيمة مكتملة الادوات .. كل الادوات لحدي الجننيتر ... وصلت الخيمة للناس عبارة عن قطع قماش فقط ... الجننيتر والبتجاز واللمبات مشت وييييييييين ؟
برضو رزمة معينات غذائية من قطر ... بعد فتحها وجدو فيها عدس الفراشة ( اجمل عدل .. اجمل عدس ) وهو منتج سوداني .... الوداهو قطر شنو ... ام ان الاغاثة فتحت واخذ ما اخذ ووضع عدس الفراشة ...
كثير جدا من مواد الاغاثة التموينية وجدت في السوق ... اها بس كيف
وكلامك صاح
الحكاية ما دولة ميسورة ودولة فقيرة
المشكلة ضمائر نضيفة وضمائر ######انة
| |
|
|
|
|
|
|
|
|
|
Re: أغنية مؤثرة جداً تصف الكثير من أعضاء المنبر لمن تهديها..؟؟ (Re: وليد محمد المبارك)
|
Quote: وكلامك صاح
الحكاية ما دولة ميسورة ودولة فقيرة
المشكلة ضمائر نضيفة وضمائر ######انة |
المشكلة ما الضمائر ... فالسودانيين لا يفوقون الأمريكان في انعدام الضمير ... والأمريكان لا يفوقون السودانيين أخلاقًا ...
المشكلة في الجهل ... لأن الأمريكي يترك الضمير والأخلاق للدين ... ويوكل النظام والقانون للدولة ... ولا يخلط بين الإثنين ..
بينما السوداني ... ما أن تقول له أن دولته مهترئة بسبب خلطه المفاهيمي وإتاحته الفرصة للإسلام السياسي والنظام العام وكل أشكال الإذلال ونهب الحق العام ... تقوم قيامته ويقول لك أنك تستهدف دينه ... كأن دين شخص يمكن أن يعني شيئًا لشخص آخر (خارج إطار التطرف والتكفير وألاعيب السلطة باسم الدين) ...
... المهم ....
| |
|
|
|
|
|
|
|
|
|
Re: أغنية مؤثرة جداً تصف الكثير من أعضاء المنبر لمن تهديها..؟؟ (Re: تبارك شيخ الدين جبريل)
|
Quote: المشكلة ما الضمائر ... فالسودانيين لا يفوقون الأمريكان في انعدام الضمير ... والأمريكان لا يفوقون السودانيين أخلاقًا ...
المشكلة في الجهل ... لأن الأمريكي يترك الضمير والأخلاق للدين ... ويوكل النظام والقانون للدولة ... ولا يخلط بين الإثنين ..
بينما السوداني ... ما أن تقول له أن دولته مهترئة بسبب خلطه المفاهيمي وإتاحته الفرصة للإسلام السياسي والنظام العام وكل أشكال الإذلال ونهب الحق العام ... تقوم قيامته ويقول لك أنك تستهدف دينه ... كأن دين شخص يمكن أن يعني شيئًا لشخص آخر (خارج إطار التطرف والتكفير وألاعيب السلطة باسم الدين) ...
... المهم .... |
تباركت يا تبارك
سلام يا فاروق والمتداخلين رغم ان الموضوع عن البيض وله من خلفيات لكنه اتحذ منحى جادي جدا ودخل في نقطة مهمة وهي اس البلاء في السودان ..
اتفق مع تبارك في ما معناه نحن اعلامنا وحكومتنا ينسبون الكوارث الى القضاء والقدر والابتلاءات من السماء اي الى الدين حتى يستسلم لها المواطن اي يحشروها له حشرا في ايمانياته و معتقداته واذا اعترض على تقصير الدولة تجاهه اتهموه بالكفر والعلمانية فيسكت عن حقوقه حتى لايتهم في دينه ... مما ولد موجة من الكراهية النابته كادت تصل الدين نفسه طالما اصبح يشكل جزءا من عذابات الناس .
| |
|
|
|
|
|
|
|
|
|
Re: أغنية مؤثرة جداً تصف الكثير من أعضاء المنبر لمن تهديها..؟؟ (Re: درديري كباشي)
|
اساسي بجيك باقي ردك ده عايزلو كيبورد ما موبايل..
لكن يا تبارك عشان ما تخمونا بي ماما امريكا والشوو الاعلامي فالفساد ضارب بي جذوره في امريكا اكعب من السودان بداااية بي اللوبهات ومجموعات الضغط واللعب التحت الطاولة..اووعو تكونوا قايلننا مصدقين قصة انو اوباما وامثاله جو ديموقراطية؟؟؟
بالنسبة للدموع دي فلييي ما اتسكبت لمن ضربت الاعاصير والسيول مناطق السوود السنوات الفاتت؟؟؟
لييي اتاخرت الدعومات؟؟؟
لييي التحقيقات ما اخدت نصيبا الوافر اعلاميا؟؟
كتتتر خير اوبرا المشت بنت البيوت ووزعت العربات ووو..
عموووما المقارنة معدومة بين دولة عااالم اول ودولة عيييك..
حتتتي لو كان المقارنة في الاتتيود والاخلاقيات بل حتتتى الدين ناهيك عن الاقتصاد وال وال..
البكا البكاهو اوباما والمقالدة دي كان يقالد بيها اسر سجون ابو غريب وضحايا افغانستان من المدنيين..
| |
|
|
|
|
|
|
|
|
 Re: أغنية مؤثرة جداً تصف الكثير من أعضاء المنبر لمن تهديها..؟؟ (Re: عمر الفاروق)
|
| Quote: بالنسبة للدموع دي فلييي ما اتسكبت لمن ضربت الاعاصير والسيول مناطق السوود السنوات الفاتت؟؟؟ |
لو بتقصد عاصفة "كاثرينا" الضربت "نيوأورليانز" ... فقد كان الرئيس "بوش" الإبن ...
بالنسبة لفساد الأمريكان ... فقد قلنا أنهم لا يفوقون السودانيين أخلاقًا ... ويمتازون علينا بأن لهم نظام يحاسب المفسدين ويعيد المال العام للدولة ...
ليك حق تهدي الاغنية لى نفسك ...
... المهم ...
| |
|
|
|
|
|
|
|
|
|
Re: أغنية مؤثرة جداً تصف الكثير من أعضاء المنبر لمن تهديها..؟؟ (Re: الصادق اسماعيل)
|
تبارك..
ما عشاااان بوش دي انا قلت ليك السوود دي..
اوباما ده خليهو ساي ما ياهو مننا وفينا احساس الدونية راكبو من اضنينو لي كرعينو وان ادعى غير ذلك..
اسة عليك الله مرتو فرقا من وداد مرت البشير شنو؟؟
هدايا ساااي رطبت..
قانون شنو يا عمك دي خلعة بتاعت ناس عالم تالت ساي..القانون في الحاجات الكبار كبار ديك ببح ببح..
تبارك..بالطوة ولا اخلطو ليك في كباية تشربو باقي شراب البيض بيعمل لياقة..
| |
|
|
|
|
|
|
|
|
|
Re: أغنية مؤثرة جداً تصف الكثير من أعضاء المنبر لمن تهديها..؟؟ (Re: عمر الفاروق)
|
الفاروق...
طبعا" إنت وبعد قالوا ليك المقنبس المعدّل دا Quote:
رابعاً قوم لف لأنك طلعت زول (بيضة كتكوت) لا أكثر .. |
فأعتقد إنو بوستك وعلشان يحافظ على فكرتوا
أهدي ليك الأغنية المؤثرة التانية دي ...وشنو...مقاسك ظبط
ـــــ
وعلشان اللف ياحبوب مفيد للنفاخ ..إنت مش عندك تخريمة كدا قلت عندك نُفاخ ولا شيتا" كدا كًتر..
و..زاتو إنت ومن يوم النفاخ المسكك دا بقت مداخلاتك وبوستاتك الزول يقرأ ويقول ليك :
ــــ
يا أس أس ياربيّ لي الليلة ما أتذكرت المداخلة التانية؟ عنّي الرّشة بتاعت المواطنة دي ريحتني
ولو فيها رشة تانية ..في مداخلاتو البقت بيض دي بتكون ريحت ناس كتاااار في حنان حنانهم
وبالله ركز معاك على اليافطة التانية ..وتعال ليهو من حيث لا يحتسب و..هكذا
| |
|
|
|
|
|
|
| |
عمر الفاروق
عصام دهب
اساسي
تبارك شيخ الدين جبريل
حمد عبد الغفار عمر
الصادق اسماعيل
فيس بوك
تويتر
انستقرام
يوتيوب
بنتيريست