|
باسم الله يا كيزان
|
باسم الله يا كيزان
باسم الله يا كيزان باسم الشعب نتحدىّ وانتو ربيبكم الشيطان قلوب مسمومة مرتدة لهيب الثورة والعصيان ساكن فينا من مدة طلعنا الليلة متحدين ومتكاتفين عشان نبدا نزيل طغيانكم الظالم ونعلن ثورة ممتدة لآخر الكون ح نمشيها جميع اطيافنا نلغيها ونتجمع على الوحدة عشان نبني الوطن جنة وصوت الحق إذا رن يفجر صحوة المبدا أذيتونا وأذيتوا الدنيا بي حالا فضحتونا وفضحتوا بلدنا وأحوالا قهرتوا الطفل في الروضة خنقتونا وخنقتوا الزهرة والوردة حرموتونا حلاوة العيشة والقعدة بضل شمس الضحى الحارق وجرح الوجعة احتد منو الفيكم هو ما سارق وعايشين نحن بالشحدة وكل شبابنا قام مارق يفتش لي وطن أجدى بدل الذل وصدر السل ديل ميتين وديل مرضى تجارة الدين وحلف يمين كذب بهتان ودجالين لا قرآن ولا ياسين لا ركعات ولا سجدة لا ركعات ولا سجدة لا إنقاذ ولا إنجاز بلد مفطوم على الفوضى بقدرة ربنا السامع وحلم نبينا الشافع وقبضة كفنا البضة داهية تشيل وتسعاكم وتلحسوا انتو كيعانكم وتحت الجزمة تتمدى حرامية ولصوص سارقين ورباطين ونشالين مرافعين خايفة مرتعدة فصلتو جنوبنا أرض الخير بيهو حياتنا كانت غير عظيمة كريمة معتدّة وفي دارفور كتلتوا الناس ميت فيكم الاحساس جشعكم أصلو ما بهدَى حتى النيل صبح عريان وماتت دومة امدرمان وكل الكان جميل عدّا راحة البال وطيبة الفال بقت في لحظة بيكم حال نفس مقفولة منسدّه وأي فرح بسيط هاجر وضاع سودانا في غمضة حق أطفالنا ما بروح ساي كل وليد ح يتسدا شقى الحرمان وقهر حياتو في السودان وقصرالظلم بتهدّا بلد نبداهو من أول جديد وفريد ولو طوّل طريق الخير إذا انسدّ بنفتح ليو مساماتنا ونعبر بيو محطاتنا عليهو نقيف ونستهدىَ ونفتح صفحة وردية طريق نمشيه حرية بدل قصر الظلام نبني للإشراقة قطية فيها حياتنا بيو رغدة ده في جوانا هو السودان بلد نحميه من أحزان وينهض تاني في غمضة ومن سرطان ومن كيزان وكل عمايل الأخوان عشان نرضيه لو يرضى.
(عدل بواسطة Dr. Moiz Bakhiet on 10-06-2013, 01:56 PM)
|
|
|
|
|
|
|
|
Re: باسم الله يا كيزان (Re: سيف اليزل سعد عمر)
|
سيف اليزل سعد عمر
Quote: الله ينصر دينك يابروف بهذه الكلمات
|
تحياتي الحارة يا سيف يا حبيب
سبحان لله شفت بتي الصغيرة في الصور بتاعة الوقفة الإحتجاجية في السويد
هي ما قالت بس أنا شفتها في الصور رافعة لافتة
تتذكرها؟ لما انتو جيتو استوكهولم ما كانت اتولتدت..
يا الله احساس رائع بشكل.
| |
|
|
|
|
|
|
Re: باسم الله يا كيزان (Re: Alshafea Ibrahim)
|
دكتور معز ياخي انت ابتدعت شعارات جديدة عديل كده :) بحييكـ على الكلام الجميل بجد
Quote: باسم الله يا كيزان باسم الشعب نتحدىّ |
Quote: لهيب الثورة والعصيان ساكن فينا من مدة |
Quote: طلعنا الليلة متحدين ومتكاتفين عشان نبدا نزيل طغيانكم الظالم ونعلن ثورة ممتدة |
Quote: جميع اطيافنا نلغيها ونتجمع على الوحدة عشان نبني الوطن جنة |
ودي تبدأ بـ ( أرحلو ) Quote: أذيتونا وأذيتوا الدنيا بي حالا فضحتونا وفضحتوا بلدنا وأحوالا |
الخ تصاميم تتحدث ، الثورة خيار الشعب
| |
|
|
|
|
|
|
Re: باسم الله يا كيزان (Re: عمران حسن صالح)
|
العزيز المعز لن أعلق على حروفك فهي لاتحتاج........... لانهاقامة قد عبرت عن ما بدواحلنا وما بداخل كل من يحمل ذرة حب لهذا البلد آما انت فلن آقول لك سوى ..............ما توقعت منك أقل من هذا لك الود
| |
|
|
|
|
|
|
Re: باسم الله يا كيزان (Re: Dr. Moiz Bakhiet)
|
يا ناس الفيس بوك
تحياتي الحارة،
بس أنا والله ما معز حسن بخيت مستشار مامون حميدة بتاع وزارة الصحة
أنا معز عمر بخيت وما عندي علاقة نهائياً بمامون حميدة أو وزارة الصحة الإتحادية..
| |
|
|
|
|
|
|
Re: باسم الله يا كيزان (Re: Dr. Moiz Bakhiet)
|
Quote: يا ناس الفيس بوك
تحياتي الحارة،
بس أنا والله ما معز حسن بخيت مستشار مامون حميدة بتاع وزارة الصحة
أنا معز عمر بخيت وما عندي علاقة نهائياً بمامون حميدة أو وزارة الصحة الإتحادية..
|
كما يقول المثل السودانى , الما بعرفك ما بِعِزَك التحيه لك البروفيسور الطبيب الإنسان والأديب معز عمر بخيت . قصيده جميله وتعبر عن روح إستمرارية الثوره . عدد من أصدقائك فى واشنطن فى إنتظار زياره أخرى على أمل أن تكون قريباً .
| |
|
|
|
|
|
|
Re: باسم الله يا كيزان (Re: مبيوع)
|
شكرا يا حبيب الكل معز لن تكون اضافة اذا قلت ان القصيدة معبرة واضافة مشرقة لرصيدكم الأنسانى لمتسائل الفيسبووك ،بالطبع كحال كل السودانيين متشابهين سحنه واسماء وطباع..لكن نقول بقول النابلسى كلنا من نخلة واحدة لكن العجوة غير البلح فمعزنا هذا ضد معز الكيزان،وانا لا اقول ان شهادتى فيه مجروحه لأنه أبن أعز وأحب أخوالى مولانا القاضى عمر بخيت العوض امتعنا الله به واكرمنا بعافيته.،لكن اقول أننى شاهد حق، منذ طفولتى وصباى شهدت معز عمر بخيت، كنجماته الأنيقات البوارق مشرقا ابداعا فوق طاقة الجسد الانسانى المحدوود ممتلى حبا وحياة عاشقا مسكونا بالجمال ولايبالى ان يعبر عن فيض الجمال المسكون به،ومادار احدا قط فى فلكه الا وأحبه بلا كلف او تملق .. لك التحية بروف معز بثينة عمر تروس
| |
|
|
|
|
|
|
Re: باسم الله يا كيزان (Re: الفاتح ميرغني)
|
الله عليك يابروف وما فائدة شاعر لا يتفاعل مع قضايا شعبه هكذا ضمير الشاعر الحقيقي وهكذا الخيل الأصيلة تأتي في اللفة الأخيرة وبمشئة الله ستكون هذه اللفة الأخيرة لدولة أرهاب الشعب
والله يابروف كنت مغبون منك شديد في موضوع محمد الأمين لكن اليلة فشيت لي غبينتي وعفيت منك تب دنيا وأخرى
| |
|
|
|
|
|
|
Re: باسم الله يا كيزان (Re: الفاتح ميرغني)
|
الله عليك يابروف وما فائدة شاعر لا يتفاعل مع قضايا شعبه هكذا ضمير الشاعر الحقيقي وهكذا الخيل الأصيلة تأتي في اللفة الأخيرة وبمشئة الله ستكون هذه اللفة الأخيرة لدولة أرهاب الشعب
والله يابروف كنت مغبون منك شديد في موضوع محمد الأمين لكن اليلة فشيت لي غبينتي وعفيت منك تب دنيا وأخرى
| |
|
|
|
|
|
|
Re: باسم الله يا كيزان (Re: محمد علي البصير)
|
شكرا بروف معز هكذا يكون دور العالم والبارع المقتدر أن يتنزل الي قضايا أهله الغبش ليسمع الطغاة الجبابرة صوته والذي -حتما - لن يعجبهم
هكذا أنت كما عهدناك وعلي قول عمنا الحاج الله إرحمه: ماخد الكاس طبيعي ..... ------------------- الحليلة
| |
|
|
|
|
|
|
Re: باسم الله يا كيزان (Re: elhilayla)
|
عشان الناس ما تتلخبط:
المعز حسن بخيت ...الكوز الناطق بتاع مامون حميده
البروف الوطني الشاعر يستحيل ان يكون بوق للمامون حميده لانو مقاما وعلما ووطنيا اكبر من مامون حميده
شكرا يا بروف علي القصيدة الثورية المعبرة ،،، تحياتي وتقديري
| |
|
|
|
|
|
|
Re: باسم الله يا كيزان (Re: عباس الدسيس)
|
سلام وتحية ومحبة وتقدير واحترام لك أيها الحبيب عباس الدسيس
وشكري العظيم لك
بس الصورة النزلتها ما أعتقد انها صورة معز حسن بخيت
وأعتقد انو التحت دي صورتو والله أعلم
| |
|
|
|
|
|
|
Re: باسم الله يا كيزان (Re: الفاتح ميرغني)
|
الغالي الفاتح ميرغني،
شكراً جميلاً لك يا فنان
ولقاؤنا بإذن الله في اليابان صباح السابع من نوفمبر
أرسلت لك إيميل بخصوص بخصوص عودة البرنامج كما كان
وتأكيد حضور سعادة سفير البحرين بطوكيو ..
محبتي وتقديري
| |
|
|
|
|
|
|
Re: باسم الله يا كيزان (Re: بثينة تروس)
|
بنت العمة الغالية بثينة تروس،
كلماتك دائماً ما تبقى تاج في رأسي والله
لك المحبة العظيمة والشوق الكثيف
وتحياتي للعمة الحبيبة فاطمة ولكل الرائعين معكم.
تقديري واحترامي
معز
| |
|
|
|
|
|
|
Re: باسم الله يا كيزان (Re: Dr. Moiz Bakhiet)
|
تسلم يا بروف على الابداع الجميل ----------- وعليك الله تساعدنا بمقاطعة الكتابة في جريدة الهندي عز الدين دا رجاء وليس امر لاننا بدينا حملة قوية لمقاطعة الصحف جميعا لانها صحف تـافهة لاتشرفك انت اعلى قدرا ومكانا وريادة وامس نتيجة المقاطعة كانت جيدة --------------- مع كامل مودتي واحترامي
| |
|
|
|
|
|
|
Re: باسم الله يا كيزان (Re: علي دفع الله)
|
البروف رجل العزة المعز
الله اعزك انت وسودانا المنكوب .
باسم الله يا كيزان
باسم الله يا كيزان باسم الشعب نتحدىّ وانتو ربيبكم الشيطان قلوب مسمومة مرتدة لهيب الثورة والعصيان ساكن فينا من مدة طلعنا الليلة متحدين ومتكاتفين عشان نبدا نزيل طغيانكم الظالم ونعلن ثورة ممتدة لآخر الكون ح نمشيها جميع اطيافنا نلغيها ونتجمع على الوحدة عشان نبني الوطن جنة وصوت الحق إذا رن يفجر صحوة المبدا أذيتونا وأذيتوا الدنيا بي حالا فضحتونا وفضحتوا بلدنا وأحوالا قهرتوا الطفل في الروضة خنقتونا وخنقتوا الزهرة والوردة حرموتونا حلاوة العيشة والقعدة بضل شمس الضحى الحارق وجرح الوجعة احتد منو الفيكم هو ما سارق وعايشين نحن بالشحدة وكل شبابنا قام مارق يفتش لي وطن أجدى بدل الذل وصدر السل ديل ميتين وديل مرضى تجارة الدين وحلف يمين كذب بهتان ودجالين لا قرآن ولا ياسين لا ركعات ولا سجدة لا ركعات ولا سجدة لا إنقاذ ولا إنجاز بلد مفطوم على الفوضى بقدرة ربنا السامع وحلم نبينا الشافع وقبضة كفنا البضة داهية تشيل وتسعاكم وتلحسوا انتو كيعانكم وتحت الجزمة تتمدى حرامية ولصوص سارقين ورباطين ونشالين مرافعين خايفة مرتعدة فصلتو جنوبنا أرض الخير بيهو حياتنا كانت غير عظيمة كريمة معتدّة وفي دارفور كتلتوا الناس ميت فيكم الاحساس جشعكم أصلو ما بهدَى حتى النيل صبح عريان وماتت دومة امدرمان وكل الكان جميل عدّا راحة البال وطيبة الفال بقت في لحظة بيكم حال نفس مقفولة منسدّه وأي فرح بسيط هاجر وضاع سودانا في غمضة حق أطفالنا ما بروح ساي كل وليد ح يتسدا شقى الحرمان وقهر حياتو في السودان وقصرالظلم بتهدّا بلد نبداهو من أول جديد وفريد ولو طوّل طريق الخير إذا انسدّ بنفتح ليو مساماتنا ونعبر بيو محطاتنا عليهو نقيف ونستهدىَ ونفتح صفحة وردية طريق نمشيه حرية بدل قصر الظلام نبني للإشراقة قطية فيها حياتنا بيو رغدة ده في جوانا هو السودان بلد نحميه من أحزان وينهض تاني في غمضة ومن سرطان ومن كيزان وكل عمايل الأخوان عشان نرضيه لو يرضى.
************************
معآ من أجل سودان سليم ومعافي .
ولي قدام ,,,,
| |
|
|
|
|
|
|
|