|
|
 تعليق ومساهمة إيجايبة... كيف نجعل فيدوهات الاحتجاجات اكثر تأثيراً
|
تحياتي يا ناس الحوش... وكيف الحال...
الحقيقة مشغولة جداً، لكن زي اي سوداني/ة اتوقفت شوية وبديت اتابع باهتمام الاحداث البتحصل في السودان في الاسبوعين الفاتو... من الحاجات الخلتني اكتب البوست ده هو اننا محتاجين نكون اكثر فعالية لما ننشر اي فيديو أو صورة في الانترنت... نكون حريصين على انها تكون "مرئية"... القصد موش الوضوح او الدقّة... لكن القصد:
1- انها تتلقي بسهولة... وده حأكتب عنه باستفاضة
2- انها توضّح التاريخ الاتخدت فيه والمكان التم التصوير منّه والشخص (اذا رغب) القام بالتصوير...
3- اننا نقدر نصل ليها بأكبر عدد من اللغات الحية...
حأكتب عن كل جزئية بالتفصيل... لكن الشي الخلاني اكتب اساسا اني لاحظته تخبّط في طريقة تعريف الفيديوهات البتم رفعها.. والدليل اننا ممكن نلقى فيديو عنوانه movie003! او اننا بعد ما نخلص من مشاهدة الفيديو في YouTube، تجينا قائمة الفيديوهات المقترحة للمشاهدة ما ليها اي علاقة بالسودان او الاحتجاجات في السودان...
الموضوع ده مهم لأي محتوي غير نصي يتم نشره على الانترنت... لكن اعتقد مناسبة الاحتجاجات تطلبت اني اكتب عن كيفية جعل صورنا/فيديوهاتنا اكثر تأثيراً... الموضوع ده تحديدا من اهتمامتي البحثية.. وده الخلاني اشعر اننا كسودانيين ما بنهتم بجانب مهم جداً في النشر الإلكتروني...
بواصل خلال اليوم ده اكيد.. عارفه انه مافي زول فاضي للجرجره..
|
|
  
|
|
|
|
|
|
|
 Re: تعليق ومساهمة إيجايبة... كيف نجعل فيدوهات الاحتجاجات اكثر تأثيراً (Re: مريم بنت الحسين)
|
الاخ محمد، شكرا على التعليق والتشجيع... واتمنى فعلا انه كلامي يكون مفيد...
فيما يخص النقطة الأولى: اننا نخلق محتوى يسهل الوصول إليه..
ضروري جداً نهتم بالمعلومات الخاصة بالمحتوى، او البنسميه ####data... او البيانات الخاصة بالمادة المحمّلة... مثلاً العنوان، اللغة، البلد، الوصف description والعلامات او ما يعرف بي tags... كل المعلومات دي مهمة لما يكون المحتوى العايزين ننشره غير نصّي... يعني ما كلام مكتوب... ليه؟ لأنه كل محركات البحث بتعتمد على الكلمات في عمليات البحث ... يعني لما تكون عايز صورة عن البحر... محتاج تبحث عنها باستخدام كلمة "بحر"... لو الصورة مافي اي شي في بحتوي على الكلمة دي، ما حتظهر.. يعني ممكن تكون في صورة موجوده وفيها بحر، لكن مافي كلام يدل عليها محتواها، فما حتتلقي... خلينا ناخد مثال زي YouTube... دي هي الشاشة البتظهر لما نكون عايزين نرفع فيديو
YouTube بسمح اننا نعمل upload للفيديو العايزينه من غير ما نعبيء المعلومات دي، يعني كلها optional، عشان كده الناس بتتجاهلها وتوالي تواصل upload من غير ما تعبيها... كل المعلومات دي مهمة في عملية البحث عن الفيديو.. ومجرد تعديل عنوان الفيديو وكتابة عنوان يصفه بالضبط، بخلي فرص الوصول إليه أكبر... الوصف description بزيد من الفرصة دي بالذات لما نكتب كلام واضح ومقرؤ... كمان بخلي القاريء يختار انه يحضر الفيديو ولا لأ... الشي التالت والمهم جداً هو العلامات او tags.. دي عبارة عن كلمات مفتاحية ممكن نوصف بيها الفيديو باختصار، او نستخدمها في تصنيف الفيديو او اضافة رأي شخصي عنه... الtags من الحاجات البتخلي الفيديو يتلقي بطرق كتيرة جداً... وبوفّر طريقة لترتيب الفيديوهات بتاعتنا في مجموعات مترابطة... الtags بتفصل عن بعضها بي فاصلة ... بعض المواقع بتسمح بي انه الtag الواحد يتكون من كلمة واحده او كلمتين...
المعلومات دي كلها مجتمعة بتساهم في انها تخلينا نلقى الفيديو بسهولة.. وفي نفس الوقت بعد انتهاء الفيديو نلقي الفيديوهات الليها علاقة بيه (لو اصحابها اهتموا بتعبئة معلومات الفيديو)... احنا عايزين المحتوى يتلقي... الفيدوهات بتاعت الاحتاجات هي المصدر الرئيسي لوسائل الإعلام ولولاها مافي حد رح يسمع بي احتجاجات السودان... حتى القنوات العندها مراسلين جوّه البلد بستخدموا الفيديوهات دي لانه ما بقدروا يكونوا في مكان الاحتجاج وقت حدوثه..
| |
|
|
|
|
|
|
|
|
|
Re: تعليق ومساهمة إيجايبة... كيف نجعل فيدوهات الاحتجاجات اكثر تأثيراً (Re: مريم بنت الحسين)
|
الاخ محمد ابو العزائم.. مشكور على المرور، وسعيدة انه الكلام نبّهك لأهمية الtags او العلامات زي ما تم ترجمتها.... الموضوع ده بقودني للحديث عن النقطة التالتة (النقطة التانية بنتكلم فيها بعد ذلك)...
من الفوائد الكبيرة للtags... انها بتدي فرصة لإننا نقدر نبحث عن محتوى معين بلغات كتيرة... يعني الواحد وهو بكتب في الtags يحاول يستخدم اللغات البعرفها كلها، ولو بقدر يترجم كمان بي Google Translator ويكتب tags بلغات تانية، بخلي الفيديو بتاعه متاح للناس بلغات أخرى... الدعم للبحث عبر اللغات او زي ما بنسميه cross-lingual information retrieval، ممكن كمان يتحصّل عن طريق تزويد عناوين مزودجة اللغة... يعني العنوان يكون عربي وانجليزي... ما يكون عربي بس... الوصف برضه بقدر الإمكان يكون بلغتين... جمهورنا ما السودانيين بس، وما العرب بس.. جمهورنا العالم... ويحضرني البوست النزل قبل فترة لواحد من رويترز بسأل الناس عن الفيدوهات ممكن تتلقي وين، في حين انه لو كنا عاملين توثيق كويس للبنرفعه، ما كان حيحتاج للسؤال .. كان حيلقى الإجابة براه... وده بقودنا للنقطة التانية..
وهي موضوع المصداقية والوضوح... كتير حصل انه الناس انخدعوا بي صور وجابوها على انها صور لحدث معين، واتضح فيما بعد انه الصور لأحداث في اماكن أخرى في العالم.. القصة دي بتضرب المصداقية، وبتقتل قضية الواحد... Flickr موقع بسمح لينا برفع الصور، وبإننا نضيف ليها نفس المعلومات القلتها قبيل عن الفيديو (عنوان، وصف، علامات tags).. بالإضافة لكده، Flickr بسمح للناس انهم يعملوا Groups و sets... الgroup بتضم مجموعة من الناس عندهم اهتمامات مشتركة... والset بتتكون من مجموعة من الصور التابعة لشخص واحد كلها تحت مسمى واحد... Flickr بخلي الناس يقدروا يضمنوا حقوق النشر بتاعت الصور حقتهم ويضيفوا معلومات عنها، زي انهم وين اخدوها ومتين... instagram بوفر خدمة مشابهة برضو... بس انا بفضّل Flickr... الخدمتين بتوفر apps الواحد يقدر يرفع بيهم مباشرة من كل الsmart phones... بس يا جماعة اهتموا بالمعلومات الأساسية لكل صورة وفيديو... واهتموا بموضوع اللغات المتعدةة ده..
| |
|
|
|
|
|
|
| |
مريم بنت الحسين
محمد يوسف طه
محمد أبوالعزائم أبوالريش
فيس بوك
تويتر
انستقرام
يوتيوب
بنتيريست