|
كتب الكاتب الفاتح جبرا المتوفرة بمعرض الدوحة
|
|
 Re: شارك فى تشيع جنازة الشهيد صلاح الدين مدثر السنهوري اذا كنت قريبا (Re: Mohammed Alhasan Mohammed)
|
اللهم تقبله
اللهم تقبله
التعازي لكل اهله واصدقائه الاهل والاقارب للص\يق محمد سنهوري وكل الاسرة
للزملاء الصيادلة
ولمواقفهم المشرفة
اللهم اعن اهلنا في السودان علي الظالمين
Quote: لشهيد
الشاعر/ لمحجوب شريف
صدقنى أنا لا قيتو امبارح
لا بحلم كنت ولا سارح
كان باسم وشامخ كالعادة
نفس الخطوات البمشيها
نفس الكلمات الوقادة كان فاتح قلبه على الشارع
صحيح أنا قبلك صدقت
جريت وبكيت لما سمعت
يوم نفذوا حكم الاعدام
لكنه بكل تفاصيلو
جسمو .. لونو .. ضحكو .. صوتو
مشيهو وطولو
لاقانى وبحلف نتأكد
لا طيف لا واحد من جيلو
فوجئت حقيقة وبصراحة
لو مش أبعادو الشخصية
والسوق .. الحركة هدير الكارو
حديث المارة مع الباعة
والناس ، الداخل للبوسته
الطالع منها ، والساعة
زى سبعة صباحا ، والشارع
مليان عمال وأفندية
وفى طول الوقت وكنت بفكر
امكن بحلم
امكن كل الحاص اشاعة
بس لكنى جرية قريت أيام المحنة
سمعت اذاعة
وكل الزملا الشهدا ، شرفنا
صانو شرفنا بكل شجاعة
واستبسالم كان فى الدنيا
حديث الساعة
وشفت بعينى
فتشو بيتنا وبيت جيرانا
رفعت ايدى
مرة الدبشك ، ومرة السنكى
ومرة زناد ما بين عينى
دا كلو تمام انا وعشتو
لحظة بلحظة مشاهد حيه
بس لكنو هداك قدامى
كمان شايفنى بعاين لى
وفطول الوقت .. كنت بفكر
امكن بحلم
امكن امانى
امكن بشبهو واحد تانى
وفجأة الصوت اياه .. عرفتو
عرفتو الما بغبانى
"يااخينا ازيك"
اهلا مرحب .. ايوه اتفضل" نادانى
مشيتلو.. مصدق وما مصدق
سلمت بقلبى واحضانى
وشعرت كأنه بيعرفنى
شعرت كأنه بيقرانى
راجل نكته عميق ومهذب
رائع جدا وانسانى
ولما جمعنى وشجعنى
سألتو بدهشة عن الحاصل
قاطعنى .. "بتعنى الاعدام؟
اعدامنا .. بتقصد اعدام؟
الموت لو شنقا حتى الموت
الموت .. لو رميا بالرصاص
ما هو الموت"
"الشعب يقرر من الحى والميت مين
الشعب يقرر مين الحى والميت مين
ونحن عمرنا القدام
الحزب .. اليقظة .. الاقدام
الحزب .. اليقظة .. الاقدام
الحزب .. اليقظة .. الاقدام"
وبسرعة انكسر الميدان بالناس
عشرات العشرات
أطفال .. عمال .. وطليعيين
وبنات طيبات
ومنشورات |
| |
 
|
|
|
|
|
|
|
|
Re: شارك فى تشيع جنازة الشهيد صلاح الدين مدثر السنهوري اذا كنت قريبا (Re: رانيه محمد الشيخ)
|
المجد لك صلاح مرفوعا علي اكتاف رفاقك الشرفاء
المجد لشهداء شعبنا العظيم
و قسما لن نبضع بالملامح المارقة من تاريخنا من حاضرنا زي شمس الصباح
صلاح ورفاقه قدموا للوطن اعمارهم الورود ........يا محمد احمد ماذا ننتظر ؟؟؟
يا محمد أحمد
الجنيات في الشوارع
وليداتك يابا وبنياتك
مطالع فجرك الضواي
قناديل ليلك الطوّل
مناديل تمسح من جبينك هم
مدامعك تستحيل من دمهم غنوات
(الصبيان الجروا
سابوا عروضهم همّلو
يا يمة..
ساعة الضرب يتحملو)
كيف نسيبهم يا محدحمد
لقمة للرباطة والهمباتة
وكيف نبضع بالملامح المارقة من تاريخنا
زي شمس الصباح
كيف نقيف يا محدحمد
ونتلفت نتضاري غادي
وكل روادي الدنيا تنضم
عن ولادنا البِفْتدونا
وعن شبابنا الفي الشوارع
بالأيادي وبالحناجر
والصدور العارية – يتحدوا الرصاص
وين حنهرب من عيونهم
وين نودي وجوهنا من تاريخنا وين؟؟
يا محداحمد
وينا – قول لي – ذاتا المعايش الهادّا حيلنا؟؟
في زماناً من مذلة ومن حزن
وينا حلاّلنا القبيل
عشّاية ضيوف الهجعة
عواجة دروب النجعة
ستارة المحتاج
ورجعة حُجا المفزوع
وينو العلاج القبُل مجاني
وينا أنوار المدارس
وينا في زمن العوارض ..
وينا صالات المعارض
وينا غِلاّت الصوامع
والمزارع
وينا طلات – المدن - ؟؟
وينا مليوناً مربع تحت شمس النهار؟؟
كل ميل إعدل الميل
إزح الوجعة غادي
إكف العين
وإنادي غناوي من كل الروادي
دقر يا عين
دقر يا عين
إلا – هداك حين
يا محداحمد
قبل تالانا ما تعقِب سنين
وإصر وشو الزمن
وتطول دقون حش الكِضِب سنوات
دحين أمرق..
واطرا أبواتك – القبيل – هزوا
جذوع النخل –
وكتين الزمان أكتوبر الأخضر
واطرا – ضراعك الأسمر
إبشِّر بى غصن.. كمان أخضر
أواخر مارس المنصور واتقدم
إقالد مجدو في أبريل
نعم بلحيل
نعم بلحيل
ربيعنا مرق
وتاني مرق
قبل يا محداحمد .. هادي الشعوب الحرة ما تربع
فهل نرجع ؟
وهل نركع؟
ندس الراية مقهورين
ونتربع على الوجعة؟؟
لا والله
وحاتك دا ماك إنت .. البترضى الذُّل
ولاك إنت البهون قدرك
ولا قدرك –
إِخيِّم هم
مدلهم
ظلم – كُضّبُم م وورم
رئيس هجاص
وفوق الوجع رقاص
إلعلع بالكلام الني
اغتغتوا بي كلام الحى
واحلف جملة الإيمان..
يميناً قبل ارقص أخليها
وراهو عصابتو تتمايل
وسط أحزانا طربانة
ومن التخمة ورمانة
أصابع بالدهب تلمع
في وجه الشعب متنيّة
وفي قلب الوجع تتمد
تقالع لقمة الشفع
كروش تتدلى ما بتشبع
دقوناً ست ضلالية
قروش مغسولة بدمك – سداح ومداح –
مكومة في بلاد برة
ديك بيوت
وديك بنوك
وديلاك فللاً رئاسية
وملك إيمان ولا إيمان
علاجاً خاص
حساباً خاص
سفراً خاص
زواجاً أخس
بُنود للصرف مفتوحة
ومافي حدود
ومافي وجود لآلامك
حساب من ديل – إعادل كم؟
أقولك يا محدحمد أنا
حساب من ديل إجيب :
حق الملاح
إيجار البيت
ورطل الزيت
طرقة الكسرة والكراس
قلم رصاص وكبريتة
شفت معاي..
كم هي بسيطة أحلامك؟
وكيف عيشتك بقت أحلام !!
نعم يا بوي
نعم يا خوي
هداك الحق و هادا الحال
إلا الحق بدور حوبة
وحوبتك يا محدحمد جات
وما بتنفات
دحين أمرق
(ومدو صباعك السبابي
قول للغافي يا زول هوي
وهوي يا غافي يا زول هوي)
عيالك برة في الشارع
ولاد وبنات
عيالك ماهم العادوك ولا الخانوك
العادوك والخانوك يا هم ديك
مساخر وأرصدة وسندات
قصور تتعالى في بحري
وما أدراك – ما أدراك – هل تدري ؟
رخيص دمك في عينيهم
ألا تبّت أياديهم
بشير ورحيم
نافع أو – علي عثمان
تعالت عنهم الأسماء
وجلت عن مآسيهم
سمعت – سمعتوا معاي في ذات يوم
هذا الدني المشؤوم
أظن في سنجة كان بنبح
وإلوي الكلمة في استخفاف
تطلع كما الغازات من البطن الكبارية
وماذا قال – ماذا قال –
قال السافل المأفون:
بإنو الشعب
أي والله هذا الشعب
هو – من قرر
قرار الرفع
رفع الدعم – عن قوتو!!
ومعنى القول –
حنعمل إيه
أنحن نعمل إيه
إذا الشعب ذات نفسو
قرر رفع الدعم عن نفسو –
إظن إنه لم يبقى وقت للكلام –
هذا أوان الحوبة
وهذا وقت الحارة
والحارة نحن وليس هم من سيخوضها
بلعوا علي عثمان كلماته الدنيئة
واجعلوا نافع يلحس كوعيه معا و ليس كوعا واحدة.....أما بشير ورحيم فلا بأس أن يستمرا في الرقص والاستمتاع إلى حينٍ .. وهو حين قريب لو يعلمان ..
فعندما يصبح الصبح
سيعلمان أنه حتى الرقص له قواعد....ليس من بينها لبس الكاكي الذي تشرف من قبل برجال فتحوا أزراره للرصاص ولم يرقصوا به كالغواني.....
يا رجال ونساء السودان الشرفاء
انزلوا للشوارع بقوة
كونوا للشباب دروعاً
فلقد كانوا لنا شموساً ومشاعل
لم يحسبوا حساباً لأعمارهم الورود
فكيف نحجم نحن وقد اقتربنا
من الخمسين أو تجاوزناها
ولمن لا يزال يفكر أهدي هذا
السؤال البسيط:
من تختار ...؟؟
بشير ورحيم ، نافع أو علي عثمان
يرقصون فوق بؤسك وجراحك وفاقتك مرة كل أسبوع أو أسبوعين .. أم :
الشباب – الحر
الناضر
الباسل
الجميل
ملحق أول:
الدعوة للخروج تشمل الأجيال التي خرجت قبل ذلك أو حتى لم تخرج في أكتوبر ومارس وأبريل بما فيهم كل قيادات الأحزاب، بما في ذلك الصف الأول والثاني والثالث وكل الصفوف
ملحق ثان:
وصف البشير المتظاهرين بأنهم شذاذ آفاق
حسناً .. هل يعلم إن للشذوذ أنواع أخرى ..
فهنالك شذاذ الآفاق وهؤلاء من لا وطن لهم ولا أصل ولا فصل وهنالك شذاذ آخرون من بين صفاتهم الرقص الذي يؤدونه بإحتراف واستمتاع لا حد له لكنهم والحق يقال لا يدعون التدين ولا يتسلطون علي العباد .
| |
|
|
|
|
|
|
|
|
 Re: شارك فى تشيع جنازة الشهيد صلاح الدين مدثر السنهوري اذا كنت قريبا (Re: Ammar Makki)
|
يا اللــــــــــــــــه يا بكري , وجعني الإبن صلاح وقطع قلبي يعلم الله
الله اراد لي اشوفو واقالدو واسلم عليهو في زيارة لي باكستان
جاني مهذب خلوق في مقر سكنا وطلب مني ان اقدم ليهم ليلة شعرية في دار الطلبة
بشوش بي إبتسامتة الحنينة , واخلاقة العالية ،، وافقت وفرح كثيرااا
اتي في اليوم الثاني وذهبنا جميعا لمقر تجمع الطلبة
وكانت ليلة لن انساها ما حييت
حزيييييييينة لرحيلك يا صلاح
وسعيدة إني التقيتك ولبيت رغبتك وزملائك الطلبة
الله يرحمك ويصبر اسرتك المكلومة
ويصبرنا جميعا على الفقد الجلل
نعزي اسرتك المكلومة ونعزي انفسنا ونعزي الوطن في رحيل شبابه اليانع
المجد والخلود لشهداء الوطن
الخزي والعار لحكومة القتل والسحل
حسبي الله ونعم الوكيل عليهم جميعا
| |
|
|
|
|
|
|
|
|
|
Re: شارك فى تشيع جنازة الشهيد صلاح الدين مدثر السنهوري اذا كنت قريبا (Re: بدر الدين الأمير)
|
هذا النظام المتهالك القذر والذي يحتضر
يبيد ويقتل ويغتال بغدر الشباب اليفع
أمل الأمة .. مستقبل الأمة
إلى جنات الخلد صلاح ... مصحوبآ بهذه الإبتسامة الوضاءة
نم هانئآ أخي في مرقدك الأبدي ..
فلقد أعطيت ما إستبقيت شيئآ
ووهبت أنت ورفاقك أ روحكم الطاهرة رخيصة من أجل الوطن
ولينعم الفقراء والجياع في بلادي بلقمة هنيئة وبعض نعيم ...
البركة فيكم رحاب وأستاذ محمد أحمد الريح
.
| |
|
|
|
|
|
|
| |
بكرى ابوبكر
BALLAH EL BAKRY
abubakr salih
Nasr
Yassir Tayfour
khaleel
Bashasha
حسام يوسف
ودرملية
Ahmed El Gasim
نصر الدين عثمان
Mohamed Foto7li
Mohammed Alhasan Mohammed
الفاتح سليمان
عزيز
محمد أبوالعزائم أبوالريش
mohamed karib
Ammar Makki
اسماء الجنيد
محمد الجزولي
saif massad ali
Idris Logma
شهاب الفاتح عثمان
محاسن أحمد محمد
فقيرى جاويش طه
معتصم مصطفي الجبلابي
Nader Abu Kadouk
Rihab Khalifa
بدر الدين الأمير
Hadeer Alzain
فرح الطاهر ابو روضة
محمد مختار جعفر
أسامة العوض
د.السيد قنات
مهدي صلاح
فيس بوك
تويتر
انستقرام
يوتيوب
بنتيريست