|
Re: والدة الشهيد ولاء الدين الجاك تودع ابنها بكلمات ودموع من دم دفر كالسيل (Re: مناهل عبد الله مصطفي)
|
قلوبنا معاكي ياوالدة!
العجيب او بي زي الوجع البقطع انياط قلوب الامهات هذا المجرم القشير مصر يتشبث بي كرسي السلطة السطا عليها ذات ليلة علي ظهر دبابة!
والاعجب كل ده يتم باسم الله، شرع الله وماشابه!
لو فيهو ذرة ادمية هذا ال.ك.لب كان قدم استقالتو كما فعل عبود لقتله فرد واحد احد، وليس ملايين كما فعل هذا المجرم!
فرد واحد قاتل ملايين ولسة تشرق عليهو الشمس وهو رئيس لدولة لا اله الا الله افتراضا!
| |
|
|
|
|
|
|
Re: والدة الشهيد ولاء الدين الجاك تودع ابنها بكلمات ودموع من دم دفر كالسيل (Re: Bashasha)
|
Quote: يا حلال العقد هداي هوام الليل لحاق الضعيف الحملو هده الحيل فراج الكرب زاد حملي اضحي تقيل وضاق واسع الفضاء كتر الاسي والويل جود بالجود والطف الدم دفر ذي سيل جنااااااي... |
هذه دعوة أُم صادقة وصابرة رغم حُرقة الحشا......... أحسبها قد تكون توسلا ودعاءً يزلزل أركان هؤلاء القتلة لأنها وضعت حملها الثقيل والذي هدَّ حيلها لله الواحد الأحد "فراج الكرب، حلال العقُد"
نسأل الله له القبول الحسن والعزاء للجميع
| |
|
|
|
|
|
|
Re: والدة الشهيد ولاء الدين الجاك تودع ابنها بكلمات ودموع من دم دفر كالسيل (Re: Hassan Senada)
|
Quote: Elwalid Fadul Nasir · Bergen, Hordaland
(كلنا حالقين صلع)
ده شنو البيهدرفي الشوارع ده شنو البهز فوق الارض ده شنو البشق الليل بنور ابلج سطع ده شنو الصغيرون في الخلايا وفجاة زى اعصار طلع
خوف خلع
امك طلع شعبك طلع ساكت سكت لما انفقع امك طلع صابر صبر فوق الوجع امك طلع لاك الهوان للمر شلع امك طلع مد العشم لما انقطع امك طلع فقري وعنيد زهجان شديد حالق صلع امك طلع كشر عبس كاسر شرس وجع الضرس ما بنقلع امك طلع امك حيكنس لل###### امك ويخفف للوجع يمسح دموع مليون حزين يسمع قصص ما بتنبلع امك طلع امك ويرفس للحرامية الهلع امك وبركب فى المنافقين الفزع امك ويرجع للملايين فيض كرامة ورحمة من مدة انقطع
نحن جند الله جند الوطن
والليهو قلب والقى السمع
برضكك طلع رد · 1 · أعجبني · متابعة المنشور · منذ حوالي |
| |
|
|
|
|
|
|
Re: والدة الشهيد ولاء الدين الجاك تودع ابنها بكلمات ودموع من دم دفر كالسيل (Re: امجد الجميعابى)
|
Quote: ما سويت عوج صدوك يا جنايا وما اندسيت جريت اجابنت ياعشايا وما كت يوم شليق لقوك بي عصايا ولدن زين سمح ماحجت لي وصايا سرج خيلك مشيت للشمسو ضوايا عافيالك ضناي بلقاك في الجايا |
القصاص مطلب شعبي القصاص مطلب شعبي
صادق تعازينا لأسرة شهيد الوطن ولاء الدين الجاك , جعل الله عليين مثواه , وألهم آله وذويه الصبر وحسن العزاء لاحول ولا قوة إلا بالله لاحول ولا قوة إلا بالله إنا لله وإنا إليه راجعون
| |
|
|
|
|
|
|
Re: والدة الشهيد ولاء الدين الجاك تودع ابنها بكلمات ودموع من دم دفر كالسيل (Re: Nasr)
|
يا حلال العقد هداي هوام الليل لحاق الضعيف الحملو هده الحيل فراج الكرب زاد حملي اضحي تقيل وضاق واسع الفضاء كتر الاسي والويل جود بالجود والطف الدم دفر ذي سيل جنااااااي... كت داخراه للعوجة وزمانه الشين وكت راجياه سند لي وضي للعين رضعتو السماح الزين جنا الزينين وسقيتو الحنين ولدي الشفوق وحنين وريتو الصح بي وين ووين الكضب والشين حبابو الحر جناي ما احتار وقف بين بين اختار الشعب ابوه والشرفاء والطيبين وليييييدي.... ما سويت عوج صدوك يا جنايا وما اندسيت جريت اجابنت ياعشايا وما كت يوم شليق لقوك بي عصايا ولدن زين سمح ماحجت لي وصايا سرج خيلك مشيت للشمسو ضوايا عافيالك ضناي بلقاك في الجايا حاكمنا.... الراعي الامين بعرف هموم الناس مليان بي اساهم مو اصنج عديم احساس بحكم بالعدل مي قنبلة ورصاص بعد السرقة ليش كتلة ولاد الناس ياريس البلد حاكمنا في الخرتوم ماضق فقد الضنا وجعوا البيحمي النوم ولا حرقة حشا الامات والمظلوم لو كت بشر لكت طلقتو حكما شوم ومختار الشعب فيك والحي والقيوم
| |
|
|
|
|
|
|
|