|
|
 مسدار حفرة الدخان،!
|
مسدار الحفرة
الليله الصباح فكّينا غايتو الشفرة
بي فضل القرار السوّي والي الغفلة
سوّي رسوم طلح فاضل ضريبة الضفرة
ودمغة شمله ياوالي وتصاديق حفرة
**********************
جابلنا خلّي نسام كردفان من طيبه
اخبارا حقيقه الليله ياخي عجيبه
حكومة الوالي من غير خجله سوّت عيبه
حت من الحريم بدّور تكب فوق جيبا
*********************
والي الغفله يا الكايس جيوبك تملى
خجّلت الرجال بي فعلتك ياخمله
مالقيت غير حريمنا الزان جمالهن سمره
باقيلك تسو يا والي دمغة خمرة
***********************
بعد اand#65275;قتصاد عدّمتو بل الرّيق
بقيتو موازنتكم يعالجها التلتيق
بلدا بي وساعا تزيدوا فيها الضيق
بعد رسم الحطب : الحفرة بي تصديق؟؟؟؟؟؟؟
**********************
فعلك غايتو ياوالي السجم محّنا
رفقا بالقوارير ابقي ليهم احنّ
حريمنا اللينا كم ضمّن حنان و محنّه
خايفينك تسو ليهم ضريبة حنّه
|
|
 
|
|
|
|
jini
فيس بوك
تويتر
انستقرام
يوتيوب
بنتيريست