|
Re: عملاقان من الزمن الجميل...توجد صورة مؤثرة (Re: احمد سيد احمد)
|
يا احمد .. ياخ ديل ناس تاريخيين جدا وعمالقة لابعد درجة .. القلم السهم دا ما كان بالساهل الواحد يلقاهو وكان قلم الشطار والمميزين والوكت داك العايز يديك هدية بجيب ليك القلم دا وطبعا بكون قاعد في صندوق وغالبا كان بجيبوهو المغتربين ههههههههه القلم التاني دا كان بتلقاهو في اي دكان وانت ماشي تشتريهو ومعاهو محبرة واهم حاجة تقوم تقطع ليك اسفنجة وتعلقة في الحديدة البتكون في الجمبة عشان تنضف بيها الحبر .. انا غايتو لحدت الآن كلما امشي لي مكتبة بشتري لي قلم حبر سائل .. وبي محبراتي .. قلم الحبر دا اجمل قلم ممكن تكتب بيهو ويعبر عن نفسك هههههه
| |
|
|
|
|
|
|
Re: عملاقان من الزمن الجميل...توجد صورة مؤثرة (Re: عبدالحفيظ حسن)
|
.
وقلم الباركر كان يسميه التعلمجى الأشهر في كلية البوليس المرحوم الباترة ( بقلم الباركليز ) وهو صاحب التعليق الشهير عندما طلب من الطالب روبن تطبيق كتفا سلاح بقوة .. فقال له : تضرب البندقية كدة .. طق طق طق مش تملسها ملّيس .. ليه ؟ .. خايف تكسرا ؟ .. قايلا قلم باركليز ؟؟ ... كما جاء في ذكريات اللواء عمر على حسن في بوست ( الباترا .. التعلمجي الاشهر في تاريخ كلية الشرطة )...
.
.
| |
|
|
|
|
|
|
Re: عملاقان من الزمن الجميل...توجد صورة مؤثرة (Re: عبدالحفيظ حسن)
|
Quote: يا احمد .. ياخ ديل ناس تاريخيين جدا وعمالقة لابعد درجة .. القلم السهم دا ما كان بالساهل الواحد يلقاهو وكان قلم الشطار والمميزين والوكت داك العايز يديك هدية بجيب ليك القلم دا وطبعا بكون قاعد في صندوق وغالبا كان بجيبوهو المغتربين ههههههههه القلم التاني دا كان بتلقاهو في اي دكان وانت ماشي تشتريهو ومعاهو محبرة واهم حاجة تقوم تقطع ليك اسفنجة وتعلقة في الحديدة البتكون في الجمبة عشان تنضف بيها الحبر .. انا غايتو لحدت الآن كلما امشي لي مكتبة بشتري لي قلم حبر سائل .. وبي محبراتي .. قلم الحبر دا اجمل قلم ممكن تكتب بيهو ويعبر عن نفسك هههههه
|
اخي الكريم تمبس سلام عليكم
ايوه قلم السهم كان بتاع البرجوازيه والقلم التاني في ناس كان بتسميهو قلم الحقنة لكن التسمية الاكثر شيوعا ليهو هي قلم البرميل..دا كان بتاع البلوتاريا وغالبية الطلاب من هذه الفئة طبعا..وتعرفواحد اخونا لمن شاف الصورة دي قال زما العندو قلم ابو سهم زي العندو جالاكسي اس 5 الايام دي...كان عظمة شديدة خاصة البكون بني وغتايتو دهبية اما قصة الاسفنجة في الجيب دي فبالغت فيها والله ههههههههههه ماشاءالله ذاكرتك حديدية...فعلا كان بدفق كتير ويملا الجيب عشان كدا بتقع حتة بشاوره..(بشاوره دي زاتها دايره تفسير لشباب عصر الايباد) وتختها بين الجيب وغتاية القلم..محل تعليق القلم
وكمان مرات في ناس كان بعملوليهو كشب وذلك بإضافة حلقة فضية اخرى غير الموجودة على الغتايه اصلا ...بنزليك صورة تانية لقلم البرميل فيها الحركة دي
وبدعوك تتفرج على البوست دا لو ما شفتوا قبل كدا
صور لكتب مناهجنا المدرسية من الستينات الى التمنينات
وشكرا كتير للوصف الدقيق والتعليق الاضفتو لينا في البوست وكتر لينا من طلاتك
| |
|
|
|
|
|
|
Re: عملاقان من الزمن الجميل...توجد صورة مؤثرة (Re: احمد سيد احمد)
|
Quote: وقلم الباركر كان يسميه التعلمجى الأشهر في كلية البوليس المرحوم الباترة ( بقلم الباركليز ) وهو صاحب التعليق الشهير عندما طلب من الطالب روبن تطبيق كتفا سلاح بقوة .. فقال له : تضرب البندقية كدة .. طق طق طق مش تملسها ملّيس .. ليه ؟ .. خايف تكسرا ؟ .. قايلا قلم باركليز ؟؟ ... كما جاء في ذكريات اللواء عمر على حسن في بوست ( الباترا .. التعلمجي الاشهر في تاريخ كلية الشرطة )...
|
الاخ الكريم عبد الحفيظ..سلامات
شكرا للباركر والتروبن
برضو عمالقة فعلا...لكن نحنا قرينا الابتدائي منتصف التمناينات وكان الغالب قلم ابوسهم والبرميل
شكرا كتير على مشاركتنا بالصور وطرفة الباترا
| |
|
|
|
|
|
|
Re: عملاقان من الزمن الجميل...توجد صورة مؤثرة (Re: احمد سيد احمد)
|
والله قمة في الروعة اخي احمد سيداحمد ...تستحق جائزة احسن بوست في العام 13
زمن لن يعود !! يا لجمال تلك الايام والسنين ..
كان هناك كراس للخط مع اقلام البوص والريش والداويه وطين الصلصال !!!
كراس الهندسه وكراس الرسم وحصة الاعمال اليدويه !!
اعتقد كان في قلم حبر اسمه التروبر واللا انا حلمان يارب !!
والسري اتش والبي اتش في اقلام الرصاص ..
والله العلم انحط في السودان وحتي المعلم الذي كنا نهابه ويحترمه المجتمع لاقيمة له حيث لا يصرف له مرتب الا بعد 9 شهور والله عبجب!!!!
كاد المعلم ان يكون رسولا ...قف للمعلم وفه التجبيل ...!!!!
ياحليلنا وياحليل زمان ....
تشكر اخ احمد رجعتنا سنين عدد رغم اني جيل بعد الاوليه
دمت عافيه
| |
|
|
|
|
|
|
Re: عملاقان من الزمن الجميل...توجد صورة مؤثرة (Re: الأمين عبد الرحمن عيسى)
|
أ محمد سيداحمد مشتاقين .. ياأخي ذكرتنا بايام خلت ههههههههه بجد القلم ابو طلمبة في النص دا ،قلم بحبه جداً .. خطاط وما بيكب الحبر الا نادراً .. الا اذا اتكسر الطلمبة الفي النص .. وعند اسبير .. بحيث تستبدل الطلمبة الفي النص بفكها من الجزء الفوق والجزء الخلفي .. ويسحب الحبر مثل الحقنة من الجزء الخلفي .. وهو غير قلم الترمسى هههه اما قلم السهم فقد اختلط علي الامر : هل هو الباركر؟ فالباركر كان جدي بيجيبه لينا من السعودية .. وبنستخدمه للامتحانات .. وخاصة الامتحانات المرحلية ..
| |
|
|
|
|
|
|
Re: عملاقان من الزمن الجميل...توجد صورة مؤثرة (Re: الأمين عبد الرحمن عيسى)
|
با سلام على الزمن الجميل
أنا ما عارف لكن القلم ابو حقنة ده كنا بنسميهو ( بيجو ) كان قلم الغلابة ويا ما دفق وسال في قمصان المدرسة وكلو بسبب السنة والبنه كنا بنعمل حركة تانية عشان الخط يكون تمام ومزبوط نضغط السنة مع الدرج ونعملها في شكل كيرف .. أكيد كم واحد منكم عمل الحركة دى بس الناس الماعندهم زمن وحرفنه كانت السنة بتتكسر عندهم .
يا حليل الزمن الجميل
| |
|
|
|
|
|
|
Re: عملاقان من الزمن الجميل...توجد صورة مؤثرة (Re: محمد كابيلا)
|
السلام عليكم جميعا
اخواني الكرام والله ما قصرتو بالاضافات الرائعة وحكايات الاقلام عبر الاجيال وتفاصيل تلك الفترات الذهبية من حياتنا واستفدت كتير والله من التعليقات واعذروني على هذا الرد المختصر السريع ...فوالله بودي ان ارد عليكم واحد واحد بس الدوام مهلك ويدوب جيت داخل...فأعذروني واكيد متابع تعليقاتكم الثرة والله يديكم الف عافية
| |
|
|
|
|
|
|
Re: عملاقان من الزمن الجميل...توجد صورة مؤثرة (Re: احمد سيد احمد)
|
Quote: لذلك طوالي بمشي سوق الكتب القديمة في البوسطه امدرمان -هسي حولوها جنب الجامع الكبير- وفي بحري المحطة الوسطى جنب الكنيسة...وفي الخرطوم جنب الجامع الكبير وجنب الكمبوني وجنب موقف جاكسون...وفي امدرمان في مكتبتين في السوق الشعبي مليانت برضو حاجات قديمه |
يا احمد .. شكرا جزيلا ياخ انك اديتني اللنك دا ... وان ما عارف ووين كنت الزمن داك ما شفت البوست والله حاولت ارفع البوست وارد فيهو اتضح انو قديم جدا من بداية العام .. تخيل .. احتمال كبير جدا نكون اتلاقينا في واحدة من الكتب المفروشة في الأرض دي يا في مكتبة من المكتبات دي يا في كنيسة من الكنايس دي .. دي كانت متعتي في الدنيا .. احيانا ببيع كتاب علشان اشتري بيهو كتاب آخر .. .. اكيد اتلاقينا وشكلك امدرماني .. دا لو ما كان قرينا مع بعض بالمناسبة .. بوستيك القديم دا ينفع مرجع مفروض الجماعة بتاعين المشروع الحضاري والمناهج المدرسية يجو يقرو البوست دا ويشوفو كيفن التعليم اتدهور وما زال في التدهور الشديد مع كل صباح .. شكرا للبوستين يا احمد .. وانا برضو بدعوك لزيارة البوستين ديل فيهم من الذكريات ربما تلقى نفسك فيهم .. وانا متأكد بتكون يا قريت الوادي يا الأميرية كلامك دا قريب جدا بالنسبة لي .. أبحث عن علاء الدين منصور >> أستــاذة نجــاة .. على رصيف الذاكرة ..
| |
|
|
|
|
|
|
|