كتب الكاتب الفاتح جبرا المتوفرة بمعرض الدوحة
|
|
 تعال ارضع يا مصطفى
|
يا مصطفى عثمان ود سماعين : دعيت ربنا أن يستجيب لدعوتي وأن ينعم عليك بهذا الرخاء الذي ينعم به الشعب السوداني _ حسب كلامك _ ربنا يجعلُه رخاءاً دائماً عليك وعلى من تحب ومن والاك بإحسانٍ إلى يوم الدين . قبل كده قلت : نحن شحادين وأنا شخصياً صدقتك، لأني كنت بدق باب بيتك صباح مساء لكي أتسوّل الرغيف وبواقي الموائد في بيتك العامر بالعضّة . والآن يا مصطفى لماذا تفقد الذاكرة تماماً وتنسى الكفوف المدودة لك، والأنامل التي تطرق على باب بيتك، وكل الشحاذين الذين يقلقون منامك في كل الأوقات؟ _ صحي شحادين معولقين !! ليك حق إنك تصرّح بأن ( الشعب السوداني تعوّد على الرخاء ويصعب فطمه ) . أقول ليك حاجة : إنت ذاتك تعال أرضع . الرضاعة الطبيعية حق مكفول لكل مصطفىً عنين الذاكرة .
التأدب مع الشعب واجب حتى لا يفقد الشعب أعصابه عشان باكر ما تكون الفطامة واجب شعبي .
|
|
  
|
|
|
|
|
|
|
|
Re: تعال ارضع يا مصطفى (Re: Elhadi)
|
كيف لا يتقيأ مثل هذا الكلام طالما يعيش في فيلا يكتنفها عمارات لمجموعة من قرون الحكومة الهبروا خزينة البلد
ليبنوا تلك المجمع الثري الكائن في حي الكلاكلة الشجرة و بينه و بين الشعب برزخ و لا يلتقيان.
طبيب الاسنان هذا تحول من خالع للضروس لضرس مسوس في جسد الشعب السوداني و لا يجدي معه الحشو نفعا؛
و يجب خلعه و رميه بعيدا في وجه الزمن الاغبر الذي اتى بمثل هؤلاء .... ثمً تباً لايام ينعق فيه هذا البوم.
يشهد الله ان هذا الشخص لا يشبه اهل القولد!
| |
|
|
|
|
|
|
|
|
 Re: تعال ارضع يا مصطفى (Re: Sameer Kuku)
|
بلد مفروشة ب البكيات...
فand#65276;ن عيان .. فand#65276;ن داك مات ..
فand#65276;ن سجنوهو في شيكات ..
فand#65276;ن داك ساب وand#65275;دو و فات ..
صبر كم جابه السنوات ..
ضرائبوكهربا وحاجات ..
جمارك و جوطة إجراءات ..
عوائد و جوقة إيصاand#65275;ت ..
وزولك أصلو غلبو ثبات ..
شرد .. و همل ورواهو بنات ..
بلد حاكماها شلليات ..
ومسئول بس بتاع ناسات ..
عماراتو البقن ناطحات ..
وعرباتو الهناك سمحات ..
وأموالو البقـت شيكات ..
رواية وناسا ضمـــة ثقات ..
في ناس بين يوم وليلة زوات ..
وناس دايشة وبقت أمــوات ..
أسر خاماها ب الميات ..
وأسر عايشاها بس ركشات ..
دوام غرقـانة سلفيات ..
صِبح شعـب البلد طبقات ..
ناس ما ناس .. وناس راحات ..
ناس بالخاص وناس باصات ..
وناس and#65275;بتوب وناس آand#65275;ت ..
وناس هاجمين وناس باكات ..
وناس يتعشـوا حلويات ..
وناس طوالي بس فتـَّات ..
ورغم تراكم العـبرات ..
وصوتنا البحة في النبرات ..
وآهاتنا البقـت صيحات ..
بتسرحوا انتو في الفارغات ..
وتدفعــوا إنتو مليارات ..
تحنسـوا بيها في الحركات ..
وتشتروا بيها في السادات ..
وراكبين ديمــة طيارات ..
بدل سفـرية دوand#65275;رات ..
فنادق راقـية نثريات ..
وفود راحت وفود ما جات ..
وناس شبعانة سفـريات ..
هدوم وجضوم وكنجاand#65275;ت ..
ونقــَّــة مـع الفضائيات ..
وشعب أسير صبح يقتات ..
علي المغصة اand#65271;بت تنفات ..
وعاشت بينا بالسـَّنوات ..
بلـــد مليانة باand#65269;هـات ..
نفاق وشقاق وارهاصات ..
وخوف إستوطن الحارات ..
ومسئولين ضميرهم مات ..
يتمو الصفقـة كومشنات ..
ويعملوا فيها ناس صلوات ..
حكومة خوف وإعدامات ...
سجون ودموع ودفعيات ..
حكم زندية رشاشات ..
وباقي الشلة غواصـات ..
أقول ليكم كand#65276;م ب الجد ..
خand#65276;ص والله وصلنا الحد ..
متين يد الغبش تتمـد ..
وجدران الخداع تنهــد ..
ويتقدم عشا البايتات ..
تفاوضوهم علي الثروة ..
تسيبوا المـنِّ والسلوى ..
وتمشو تكوسوا للحلوى ..
بلد معطونة في البلوى ..
وضاربين انتو كنداشات ..
تشيلو قروشنا للخارجين ..
وتقعدوا إنتو شبعـانين ..
وشعبنا كلو محـرومين ..
يعيش باand#65275;ستand#65276;ف والدين ..
طعامو قليل وكلو فتات ..
نفوس شقيانة محرومـة ..
ورؤوس طوالي مهمومــة ..
وعروش ب البطش موسومة ..
وكروش وقروش ومايقوما ..
عروض مفروشة في الساحات ..
بنات ضارباهـن البورة ..
ووand#65275;د بس شرشحة وكورة ..
حكاية شعب مشهورة ..
ركب في حكمو ماسورة ..
ووجع آand#65275;مو كميات ..
بيوت عشعش عليها الهم ..
حكاويكم تجيب الغم ..
تمرُّد وناسو سافكين دم ..
يفاوضـوكم بتدفعو كم ؟؟
وجاهزين انتو ب الكاشات ..
معارضة بس لعب أطفال ..
مكاجرة بس عشان المال ..
كترة أحزاب وسوء أحوال ..
بلد جد حالو بقى بطال ..
محال تحميهو بس كلمات ..
حليل وطني وحليل ناسو ..
سقانا المرة بي كاسو ..
وضرب طايوقنا بي فاسو ..
أكيد حنكاتل أنجاسو ..
ونصبح برضو ناس حركات ..
يكون داك يوم عظيم فنان ..
وترجع لمـة الحبان ..
علي البلد الصبح مزدان ..
ويبقى حقيقة هو السودان ..
بلد متوشح البركات ... !!!
..شاعر مجهول.....
| |
|
|
|
|
|
|
| |
حبيب نورة
Elhadi
يحي قباني
فيس بوك
تويتر
انستقرام
يوتيوب
بنتيريست