لما تحس أنك بتحب لازم تحاول أثبات العكس واللامبلاة وكمان أصلو ما تكون قريب و ما تقول كلام عاطفي وما تسجل موقف رومانسي أبدا خليك جاف دايما وما مركز وما فاهم أي حاجة عشان الجكس يتعب وما يقدر يسيطر عليك وبعدين اللغة لغتك تكون لغة خشبية ما يفهم منها أي حاجة أبدا وأبدا وما في أي نوع من الاعتراف بأنك عايز علاقة دايمة ولا عندك رغبة في العرس دا كلوا بخليك تقع تحت طائلة المكسر شديد ويكون أستغلالك لمدة أو لهدف محدد واقع ولوبس عايز حل سريع ولو كانت زميلة أنقل من القسم ولا كانت جارة أعمل فيها بترجع متأخر بالليل ولا كانت قريبه أصلوا ما تمشي المناسبات العايلية الا دقايق ولو زوله أخترتها من وسط أجتماعي بعيد من الاوساط خليك مرواغ حريف من بعيد لابعيد أن الجكس أيها الانسانين سبب عذابنا المستمر وأفعالهن لا تخطر علي بالك صديقي الرجل عليك بالحذر والحذر الشديد كمان كان دقستا خسارة وشاكوش يكسر رأسك الكبير وحزن مرير وكأبة تطول وتطول حماك ربي من شرور الجكس وفعايلهن أيها الانسان المسالم النبيل مع تحيات المؤلف عن تجربة أنسانية جبارة وعدة شواكيش وخسران عجيب للجميلات تحدديا
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة