|
إنفاذا لتوجيهات خادم الحرمين الشريفين
|
شركة ألبان سعودية تبدأ في زراعة 40 ألف فدان بالاعلاف بولاية نهر النيل أعلن الأستاذ خالد أبو ناصر المدير التنفيذي لشركة ألبان الصافي السعودية إحدى شركات مجموعة الفيصلية القابضة المحدودة عزم الشركة الجاد للبدء في زراعة (40 ) ألف فدان خصصتها ولاية نهر النيل للشركة للأعلاف ومن ثم الانتقال للمرحلة الثانية والمتمثلة في عمليات الإنتاج الحيواني . وأضاف ان هذه الخطط تجيء إنفاذا لتوجيهات خادم الحرمين الشريفين للتوسع في الاستثمارات بالسودان وأشاد بالتعاون والتجاوب الكبير الذي وجدوه من قبل حكومة ولاية نهر النيل . ومن جانبه جدد الفريق ركن الهادي عبد الله محمد العوض والي ولاية نهر النيل حرص واهتمام حكومته ومواصلة جهودها لجذب مزيد من التدفقات الاستثمارية وتهيئة الأجواء الملائمة للاستثمار في مجالات العمل الزراعي والإنتاج الحيواني لتحقيق الاكتفاء الذاتي والاتجاه نحو الصادر و ذلك لدى لقائه ببيت الضيافة المستثمر السعودي خالد أبو ناصرالمدير التنفيذي لشركة ألبان الصافي السعودية وذلك بحضور ومشاركة وزير المالية والاقتصاد بالولاية وعدد من قيادات دائرة الاستثمار والصناعة بالولاية. وأكد الوالي أنهم لن يدخروا جهدا في سبيل تمكين الشركة من الانطلاقة الحقيقية في مجالات العمل الزراعي من المساحات الواسعة التي تم تخصيصها للشركة بمحلية ابوحمد بموقع يتميز بالأراضي الزراعية الخصبة فضلا عن قربه من الطرق ووسائل النقل والترحيل . ودعا الوالي المدير التنفيذي للشركة خالد أبو ناصر لمسارعة الخطى والعمل على نقل التجربة الرائدة للشركة في مجال زراعة الأعلاف وصناعة الألبان خاصة وان الولاية تمضى وفق رؤية منهجية متكاملة لأن تصبح الولاية الرائدة في مجال إنتاج الألبان على مستوى السودان. سونا
|
|
|
|
|
|
|
|
Re: إنفاذا لتوجيهات خادم الحرمين الشريفين (Re: الشفيع وراق عبد الرحمن)
|
أخبار المشروع الزراعي لشركة الصافي للألبان بولاية نهر النيل شنو 0 دي بروفه للسؤال الحأسلك ليهو على طريقة الفاتح جبرة - كل ما تجي سيرتك او لمن تجيب سيرة الاستثمار الاجنبي في السودان يا باشمهندس الشفيع
الاستثمار الاجنبي في السودان بتواجهو عقبة كبيرة جدا يا الشفيع - الا وهي الفساد الاداري وتفشي الرشوة - ودي حقيقة من خلال معرفتي الشخصية بتجربة مستثمر اماراتي في السودان اضطر ينسحب من الاستثمار بسبب الفساد رغم انو المشروع بدأ ينتج عدييل كده ! والمعرفة التانية متعلقة بورطة المستثمر القطري في مشروع توسعة فندق الصداقة في حلة حمد وملايين الدولارات الخسرها بسبب تحايل الحكومة في تعويضات اصحاب الاراضي ! ومستثمر سوداني في صناعة الخرسانة الجاهزة ادخل السجن مقبل احد ضباط الامن بسبب رفضة المشاركة وغيرها كثير من التجارب المتناقلة بين الناس
العقبة الاساسية في عملية جلب المستثمرين الاجانب والسودانيين هي تفشي الفساد الشديد وعدم الاستقرار السياسي والاقتصادي
في دول كتيرة مليانه فساد ورغم ذلك بتلقى المستثمرين مقبلين عليها - لأنو الفساد ما بصل العضم - فساد على خفيف- او فساد يمنح المستثمرين اكثر مما يستحقوه بس ما فساد بعيقهم من الانتاج !
| |
|
|
|
|
|
|
Re: إنفاذا لتوجيهات خادم الحرمين الشريفين (Re: الشفيع وراق عبد الرحمن)
|
من لاسهل جدا جلب استثمارات للسودان ومستحيل جلب استقمارات في نظام زي ما قال ليك ايمن فساده اكل العضم
يا الشفيع انت بتنفخو في قربة مقدودة 25 سنة علاقات مع الدول العربية قاطبة سيئة خزينة مفلسة فساد منتن وانتم كلكم عارفنه توقف الحياة بشكل كبير في مرافق الدولة يجوكم يعملو عندكم شنو تخريمة في اخبار قناة امدرمان امس مستثمر اجنبي محرر شيك طاير ب 350 مليون دولار .. اهو ده نوغ المستثمرين البجو السودان ناس ابو القاسم حرام عليكم والله العظيم في حق الناس المساكين الاكلتو قوتهم ودواهم وحليب اطفالهم 25 سنة
| |
|
|
|
|
|
|
Re: إنفاذا لتوجيهات خادم الحرمين الشريفين (Re: الشفيع وراق عبد الرحمن)
|
الاخ الشفيع السلام عليكم وعساك بخير
تحية لخادم الحرمين والمستثمرين السعوديين الجادين هناك أمثلة حية عن الاستثمار السعودي في السودان وآخر هذه المشاريع هو مزارع الراجحي بنهر النيل وعمل ضخم جدا استفاد منه الوطن والمواطن الحديث عن الفساد له ضرر بالبلد ولا يخدم احد والمستثمر دائما يستطيع حراسة امواله ولا يتركها في العراء تحية لالبان الصافي
| |
|
|
|
|
|
|
Re: إنفاذا لتوجيهات خادم الحرمين الشريفين (Re: علي الكرار هاشم)
|
Quote: أنا في رأيي إن هذا النوع من الإستثمار هو مجرد إستغلال للأراضي والمياه |
سلام وتحية يا جعفر من نواحي الفيسبوك وتجدني اتفق معك ونعم يجب دراسة المدى القريب والبعيد والاثار في المشروع المذكور قيل انه من مرحلتين، تشمل الثانية على الانتاج الحيواني والالبان
يا د،محمد
Quote: علاقات مع الدول العربية قاطبة سيئة |
ما تسمع كلام الجرايد اها شوف التوجيهات السامية دي وهو في زول نصيح بيقبل ياخد شيك "عادي" بي مبلغ قدر ده
تحية لك ولالبان الصافي يا ود الكرار
| |
|
|
|
|
|
|
Re: إنفاذا لتوجيهات خادم الحرمين الشريفين (Re: الشفيع وراق عبد الرحمن)
|
يا الشفيع شخصي الضعيف كان عضو في لجنة جذب الاستثمار الزراعي السعودي وعارف كل الخبايا والمفروض كان يحصل شنو من عام 2003وليه المستثمرين عزفو والاتقال كتير والاتسكت عنه كتير ولو عايز تعرف اكتر تعال لي بوريك
ياخ حجم استثمارات الخليج في لبنان اكثر من 60 مليار عليكم الله اقعدو مع روحكم واعملوا نقد ذاتي وسيبكم من التطبيل الاجوف ده زمن ارقام ما زمن عواطف 25 سنة وتقول لي مزارع الراجحي ومين ما عارف مشاكل الراجحي مع الحكومة وكيف اتحول للبترول وبعدها اتحول للاسمنت .. مرة بس حكمو ضميركم وانسوا تلميع الحكومة في وجه المعارضة المعارضة يا جماعة ما مجموعة الناس البتكتب في سودانيز والا الناس الشايلة السلاح الامعارضة هي الملايين الفقراة التي انتزعت اراضيها لبناء مساكن فاخرة وتم تعويضهم في مجاري السيول ومن ثم تتبجح الحكومة بانهم بنو في المكن الخطأ من الذي منحهم الارض من الذي اصدر لهم امر البناء ملايين تشردو جوع وفقر وتقولي مزارع الراجخي للاعلاف حسبي الله ونعم الوكيل
| |
|
|
|
|
|
|
Re: إنفاذا لتوجيهات خادم الحرمين الشريفين (Re: د.محمد حسن)
|
Quote: ياخ حجم استثمارات الخليج في لبنان اكثر من 60 مليار |
يا دوك انا وانت نعلم انو الشغلة لا تحتاج الى "جذب" ولا تشجيع المعادلة من قولة تيت واضحة نملك الارض والماء والقوة العاملة وهم يملكون المال والمستهلك بس الشغلة اولا واخيرا "البعد السياسي" والان جاء التوجيه السامي الملكي وبحول الله نرى تغير
| |
|
|
|
|
|
|
Re: إنفاذا لتوجيهات خادم الحرمين الشريفين (Re: الشفيع وراق عبد الرحمن)
|
تحياتي استاذ وراق
Quote: نملك الارض والماء والقوة العاملة وهم يملكون المال والمستهلك |
نمتلك الأرض دي نعم لكن قصة الموية فيها خرخره أما القوة العاملة من المفترض نقيف حوله مرتين وندور وخد في بالك أنو المشروع زراعي ناخد معادلة شوية تنبهية 1 جنيه سوداني = 0.8519 ريال سعودي 1 ريال سعودي = 1.1738 جنيه سوداني هذا سعر رسمي خارج تداولات السوق الموازي مصطلحاً ربطة العلف حسب الإنتاج المحلي السعودي 0.50 هللة السؤال المطرح نفسه هل الإستثمار السعودي في السوداني بهدف التسويق المحلي داخل القطر ؟ أم هو مركز من مراكز الإنتاج الخاريجة التي تعمل علي تغذية السوق المحلي السعودي (المركز الأم) ؟ تحياتي
| |
|
|
|
|
|
|
Re: إنفاذا لتوجيهات خادم الحرمين الشريفين (Re: جمال خضر)
|
الناس ديل لو دايرين برسيم يمشوا يزرعوه في واطاتم . خادم الحرمين دي واطة أبوه يوجه بالزراعة فيها و كان الكيزان ادوهم الليلة بكرة بنمرقهم منها عشان كدي أخير ليهم يبعدوا و ينفذوا توجيهات خادمهم في حتة تانية. هناك اهتمام من جهات عالمية مهتمة بالغذاء و التنمية الزراعية في بلدان العالم الثالث الفقيرة بالآثار السالبة لاستيلاء دول غنية على الأراضي و الموارد المائية في تلك البلدان تحت غطاء الاستثمار. و هناك دراسات جادة منشورة و موجودة على الإنترنت حول هذا الموضوع.
| |
|
|
|
|
|
|
Re: إنفاذا لتوجيهات خادم الحرمين الشريفين (Re: سيف النصر محي الدين)
|
مرحب اخونا جمال ولا نختلف ان الفساد هو اكبر آفة ومهدد للبلد واظنك تتفق معي ان مناقشة هذا الموضوع في البرلمان وتداوله في الصحف بكل شفافية وقرارات وزير العدل الذكرتها كلها "مبشرات" وانا متأكد انو لو تعلونت المعارضة مع الحكومة سنتمكن من اجتثاث الفساد بخصوصصافولا ععلى ما اظن ما تزال تعمل واظنها بدأت في انشاء مصنع للسكر
يا د.سيف انا ملاحظ انو نبرتك اتغيرت بعد مغادرتك لارض الحرمين وتمتعك بكل خياراتها ردحا من الزمن
البوست يرد على من يقول انو البلد طاردة وغير مشجعة للاستثمارات واتفهم تحفظك على موضوع الموارد والاراضي، لكن اظن عندنا ما يكفينا وغيرنا
| |
|
|
|
|
|
|
Re: إنفاذا لتوجيهات خادم الحرمين الشريفين (Re: الشفيع وراق عبد الرحمن)
|
يا الشفيع نهر النيل دي أرضنا و نحن الأهل بنتكاتل فوقها و بنمشي المتحكم تجوا توزعوها للإعراب يسووها برسيم لبهايمن نحن بنستفيد شنو ؟ ولا شي. ارض مستهلكة و حديد خردة و آبار ناضبة هذا كل ما سيتركه لنا الأعراب .. و ده رأيي في الموضوع من زمن كنت متسجم قاعد معاهم و كان دايراقتباسات اطلب.
| |
|
|
|
|
|
|
Re: إنفاذا لتوجيهات خادم الحرمين الشريفين (Re: سيف النصر محي الدين)
|
الشفيع وراق
سلام و مشتاقين ياخي
مبادرة الملك عبد الله للاستثمار الزراعي في الخارج دي من سنة 2008 و السودان واحدة من الدول العليها العين بالنسبة للمبادرة
السنة الفاتت شركة هادكو (المراعي) وقفت مشروع زراعة الأعلاف في السودان لأن تكلفة إستيراد العلف من الأرجنتين او البرازيل اقل بكثير من زراعته في السودان بسبب عدم توفر الطاقة
غايتو لو ناس شركة الصافي شاوروا ناس المراعي الضحك شرطك في البوست دا يالشفيع
| |
|
|
|
|
|
|
Re: إنفاذا لتوجيهات خادم الحرمين الشريفين (Re: Faisal Al Zubeir)
|
ده كلام شنو يا دوك، ذكرتني حبوبتي
هلا وغلا حبيبنا حافظ وليك وحشة والله
امس والليلة ووبكرة المحرك هو البعد السياسي لو ما اتحررنا تمام من الدوائر اياها، ما ح نتقدم
يا حبيب، علي الحلال لو مدو سلك طاقة من الرياض لي مروي يكون ارخص من الارجنتين
Quote: المرحاة الثانية الاهم والمفيدة اقتصاديا للبلد. |
كلام سليم يا فيصل ونقول بحول الله
| |
|
|
|
|
|
|
Re: إنفاذا لتوجيهات خادم الحرمين الشريفين (Re: الشفيع وراق عبد الرحمن)
|
Quote: نملك الارض والماء والقوة العاملة وهم يملكون المال والمستهلك |
غايتو البلد عدمت اسم الزول البيخجل
هل دة بيعتبر استثمار ان ياتى احدهم بجلابيته ليس الا , ويمنح الاراضى الشاسعة ليقيم عليها مشاريع زراعة البرسيم والمضحك ان المشروع يديره موظفوه من السودانيون الذين يعملون معه فى بلده وكذلك العمالة محلية بحتة , فماذا منحنا اياه هذا المستثمر , ما هى التكنلوجيا التى ادخلها لنا ونحن لا نعرفها قبله واى عملة صعبة ادخلها لنا غير شوية اليات مستعملة وطلمبات رى و ناقلات لم يدفع فيها جمركا, لى معرفة لصيقة بمشروع استثمار اجنبى لانتاج الدواجن يتجلى فيه الغباء السودانى يقابله الذكاء الاجنبى , يستغل فيها اراضينا وكوادرنا واسواقنا ومواردنا المائية واخيرا يقوم باخراج ملايين دولاراته لدولته خارج النظام المصرفى وكلمة السر لكل ذلك هى الفساد فى العلالى , المستثمر النضيف لن يغامر بالدخول للسودان فى ظل الظروف الحالية التى تسرق فيها مواد اغاثة متضررى السيول والامطار
| |
|
|
|
|
|
|
Re: إنفاذا لتوجيهات خادم الحرمين الشريفين (Re: Asim Fageary)
|
احمد التجاني سلام علي بالحلال كلامك ده كلام زول مغيوظ ساكت زعلان من تدفق الاستثمارات للسودان وبيحب يرى السودان معذول ومحاصر
البوست لمن هم مثلك تحديداً
يا فقيري سلام يغشاك صدقني ما اديتو النصيحة الصاح هو زاااتو غلطان البسمع نصيحة سوداني ما بيعرف يكتب السودان صاح
| |
|
|
|
|
|
|
|