|
|
 زوله عندها مشكلة بالله كنوا أنسانيين معها !!!!#
|
وب .....ووووووووووووووووب علي أنا من البورة
أنا ما مرض حامد سكن فيتي وبقيت أسيرت فعايلو
كان حب حبيت كان تجكيس جكست لحدي ما قلت بس
كان العرس بالقروش عملت قرشين حلوين
وفي صفحتي في الفيس بوك شرحت حجم ثروتي
وكمان عددت حساباتي بالعملة المحلية ولا يورو
وأمكانياتي الكبيرة قلتها وصورت العربية داك الجيب الما خمج
وقلت الدهب ممكن يكون صيني وبس مجرد مظهر أجتماعي ما حاجة مهمه كدا
بس كيف تجيء أنت لا عايزك عريس الاحلام وفارس من عصر المهدية
وأنشالله ما تجيب أي دلقان ولا عيونك تكون زرقاء كمان
وممكن تكون شين وجربان ليك في القلب مكان
ولا مستشار في العدل ولا سفير في الخارجية بس كيف تجي
أنت أنشالله بتقضي الالزامية يا خي حتي لو كنت في الصالح العام ما قضية
بس تعال وجد كدا العمر بقي ما فارق معي كتير
تكون صغير خريج الالفية التانية ولا بالمعاش عايز ليك ممرضة بالحلال والنيه
أنا مستعدة أخدمك بعنييي أنا راجيك عليك الله تعال
مستعد أدفع المهر أنا وأجيب الشليه بس دق صدرك تعال
وبيض النيه أصلني أرجوك
وووووب أنا البورة ما لخبطت حياتي وجانني نفسيات
با أهل القباب وكل الصالحين ألحقوني ما خلاص فاض بي
وأنشالله ما أموت قبل ما ألقيك يا نور عيوني
المهم عرفت حالتي بس أنت تعال
خلاس ما قادرة أكمل بكيت
خلاس بس تعال لييييييييييه ..................!
* قعدت منتظرة النصيب لحدي ما عرفت أنو العمر بقي أربعين قامت أتجرست !
|
|
  
|
|
|
|
|
|
|
 Re: زوله عندها مشكلة بالله كنوا أنسانيين معها !!!!# (Re: زهير عثمان حمد)
|
الاخ زهير
بعد التحايا
دي مشكلة كبيرة بالمناسبة ، ومؤثؤة اجتماعيا
ومحزنة للغاية ، وحلها الا الناس تتقاسم الحزن يعني تفعيل تعدد الزوجات ولاضير فيه
وللاسف هو الحل الوحيد في ظل الوضع الاني ولا يوجد غيره
تقدر تتخيل مقدار الالم لانثي تأتي وتمضي من الحياة دون وجود رفيق " زوج" او " أبن "
هذا ألم عظيم للغاية ،، يفوق الم معايرة المجتمع للاناث بالبورة او الطلاق ،،
خلف كل أنثي كمية الالام لا تطاق من هذا الامر ،،
| |
|
|
|
|
|
|
|
|
|
Re: زوله عندها مشكلة بالله كنوا أنسانيين معها !!!!# (Re: عادل الباهي عبدالرازق)
|
Quote: وممكن تكون شين وجربان ليك في القلب مكان
ولا مستشار في العدل ولا سفير في الخارجية بس كيف تجي
أنت أنشالله بتقضي الالزامية يا خي حتي لو كنت في الصالح العام ما قضية
بس تعال وجد كدا العمر بقي ما فارق معي كتير
تكون صغير خريج الالفية التانية ولا بالمعاش عايز ليك ممرضة بالحلال والنيه
أنا مستعدة أخدمك بعنييي أنا راجيك عليك الله تعال
مستعد أدفع المهر أنا وأجيب الشليه بس دق صدرك تعال
وبيض النيه أصلني أرجوك |
الزولة دي مرحلتها متاخرة جدا يا زهير
نصيحتي ليها تصوم الأثنين و الخميس
كان الله في عون نساء بلادي
| |
|
|
|
|
|
|
| |
زهير عثمان حمد
ناصر حسين محمد
خالد عبد الله محمود
عادل الباهي عبدالرازق
امير طمبل
فيس بوك
تويتر
انستقرام
يوتيوب
بنتيريست