|
|
 للاذكياء (فغط)
|
واقصد الكتابة .. كتابتي انا دا
وعلى مواطنينا في اقاليم القراية يساعدونا بانو يفطوا كتابتنا هنا
المافي شنو!؟
انا ما عندي وكت اجي اشرح ليكم ..
اي زول معدل الIQ بتاعو اقل من 300 عليه بالفط .. انه لهو وجاء
ما في زول طالبني قروش .. ولا زول ممسكني كتابة
بكتب بي حقي .. ولمتعتي الشخصية
شفتوا كيف!؟
-------
رفعنا السقف .. الدخول لبوستاتي -اعتباراً من دا- تاني بالشهادات بس
والرد لغير الواردة اسمهائهم في سجلات وزارة التربية
|
|
  
|
|
|
|
|
|
|
 Re: للاذكياء (فغط) (Re: فتح الرحمن حمودي)
|
سلام استاذ فتح الرحمن حمودي
نحن بتوع وزارة المعارف نقرأ ليك ولاّ كو؟ نرجو الإفادة حتى لا تتداخل علينا (الإختساسات).
تحياتي.
كبـّاشي الصـّـافي
| |
|
|
|
|
|
|
|
|
|
Re: للاذكياء (فغط) (Re: cantona_1)
|
كباشي ياخي احرجتني كلو كلو
كدا ح اضطر اعدل في القوانين شوية
--------
دخول الناس المحترمين الزيك دا بصعب علي ادارة البوست ..
البوست دا شرك لفارات المنبر ..
والجرذان لا تسطيع مقاومة قطعة الجبنة .... ابداً
خليك قريب .. اسي بجوا
| |
|
|
|
|
|
|
|
|
|
Re: للاذكياء (فغط) (Re: فتح الرحمن حمودي)
|
يا ود حمودي إنت باين عليك اب شنب البقولوه. وطبعاً خليك موجود عشان لمن يغيب أب شنب بيلعب أبو ضنب. وكما تعلم أصحاب الضُنبا كثيرين زي الهم في القلب في منبر عم بكري. لك الود الخالص.
تحياتي.
كبـّاشي الصـّـافي
| |
|
|
|
|
|
|
|
|
|
Re: للاذكياء (فغط) (Re: فتح الرحمن حمودي)
|
اظنك تقصد حاتم السر !
التوقيع علي مساهمة الضافية اعلاه
طِهين ملّاهِي
نرجع لموضوع البوست
Quote: الكتابة أعقد نشاط فى الذهن وبها خلاصة المشاعر الأنسانية]
الاستاذ / حاتم إلياس
|
هل هذا التوصيف يشمل نشرة الاخبار في الاذاعات و التلفزيونات السودانية التي تديرها الدولة او المقربون منها في العصر الجاهلي الماثل ؟
او خطبة الجمعة في دول الخليج العربي و المساجد التي يركب منابرها حلاقيم المؤتمر الوطني السوداني الحاكم بامر الفلس و الجهجة و انعدام المشروعات السياسية النافعة
يا قيقراوي انا ما بحب مباراة ( بتخفيف الميم و الباء) البوستات فادخلني في الموضوع مباشرتن مراعاتن لمعدل الذكاء خاصتنا
والله المستعان
بدون توقيع
| |
|
|
|
|
|
|
|
|
|
Re: للاذكياء (فغط) (Re: طه جعفر)
|
سلامات صديقتاذنا طه جعفر
لو فهمت مداخلتك على وجه صحيح (ليس بالضرورة ما كتبته انت، وانت عارف انو ممكن) فحافتتح الرد عليك بالايجاب ..
يظل استيتمنت الاستاذ حاتم صحيحاً .. حتى في الحالات القلتها .. ودا فشل واضح لخطاب الانقاذ .. ومن قولة مشروع حضاري
عندهم عجز واضح في الخطاب ومركزين على تأجيج المشاعر الدينية بخطاب ديماجوجي صاعق وزاعق!
وكل الجبهة الثقافية استل بتمثل ليهم حجر عثرة
ورد في الماركسية وقضايا الثورة السودانية (يا ربي!؟) ما استطيع اعادة صياغته دون مجازفة تذكر بي:
(بالحرية يطلع من بين صفوف الشعب مئات المبدعين، وملايين المتلقين الذين يتلقون بابداع)
او نحو ذلك
تعرف دا بالضبط الكونسبت بتاع TQM او بلسان عربي مبين (ادارة الجودة الشاملة)
-----------
ودا موضوع البوست باقتضاب .. مخل
اصحاب الحلاقيم الكبيرة هنا درجوا على فرض قراياتم غير المبدعة .. القاصرة كانها قراية شرعية وحيدة!!
اتمنى اكون قدرت جاوبت على سؤالك .. ولم افتك إبانة غرضي المونسني في البوست دا
تحياتي
| |
|
|
|
|
|
|
|
|
|
Re: للاذكياء (فغط) (Re: ABUHUSSEIN)
|
حاتم الياس لو عايز تشكرو اعمل ليهو بوست براهوا ياخ
ما تجي تسوي كلامك دا و تعمل لينا انك ذكي الياس اخوهو
-----------------
لا و كمان في بوست الذكاء الجاءهو على كبر
يجي يرد و يقول :- كان فهمتك صااااح
| |
|
|
|
|
|
|
|
|
|
Re: للاذكياء (فغط) (Re: فتح الرحمن حمودي)
|
.
Quote: للاذكياء (فغط) (Re: طه جعفر)
|
يافتح الرحمن ..
ياخي (فغط) بتاعتك دي مهما وضعت لها من أقواس فهي مضرسة حتى لمحدودي الذكاء وأصحاب الجلحات اللغوية الصغيرة!
لو كنت ذكي زيكم كنت كتبتها: للأذكياء (فاقاط)
أو كتبتها: للأذكياء (just)
أو كمان: للأذكياء (جست)
.
.
| |
|
|
|
|
|
|
|
|
|
Re: للاذكياء (فغط) (Re: سيف اليزل الماحي)
|
أهو برضك الواحد يسجل اسمو التُلاتي (بله محمد الفاضل)*
ولو كان ما محسوب من الجماعة إياهم
عسى عزيزي القارئ
أن تدوننا في ذاكرتك
بصفة عبور في بوست للأذكياء المفقطين ههههههههههه
يا قيقا يا اخينا سلام وأشواق وكدا وكدا
::::::::
في داعي نربع ولا كدا كفاية للاعتماد يا قيقا
| |
|
|
|
|
|
|
|
|
 Re: للاذكياء (فغط) (Re: سيف اليزل الماحي)
|
Quote: الاستاذ / حاتم إلياس
---------
بالجد من القلائل البمتعك بما يكتب ..
في فرحه .. وفي غضبه ..
في حزنه الكبير ..او يأسه الاثير ..
لمن يعلن انتماءو لامدرمان .. او يرجع للحق وينتمي لحيث يجب .. الباوقة الجميلة
طبت في علاك يا صديق
واعلم انك الوحيد .. والاوحد |
.... والله يا قيقا الذكي .. حاتم الياس دا ما الموسم المناسب انو نعمل ليهو حفلة .. الزول دا اكتر من مرة قت ليهو انت المهم والناس جميع ما تهمني .. وإلخ إلخ ..
لكن كويس الواحد مع قراية الاضنين يطلع بي راي موحد مع زول زيك بقرا وبكتب بي ما اضنينو .. حاتم والله ممتع يا قيقا في كل الاحوال ..
ياخ مرة كتب عن سيرتو النضالية في الفيس بوك متعني ليك تلاتة يوم بلياليها ..
المهم في الامر انو اعلانك دا كويس ..عشان الناس ما تجي خامه حاجاته وتكورك ساكت ..
بس عندي مداخله صغيرة موجهة لي واحد كدا بكتب من تحت .. شايفو لابس جلابية واعظ ومسيييح لي في المنطقة كلها ..
Quote: لم يعجبني و في رواية اخري لم تتسق نفسي مع التداخل الحاد و عدم قبول الاخر من الطرفين في مفترع مشاعر
الاعتداد بالنفس الزايد عن الحد و التطاول علي الغير في خيط تمبس عن ذكرياتو مع الامن |
... يا خينا هووووي .. اول حاجة بوست قيقراوي دا دخلو شنو بي اتساقك مع اتساقي ونفسياتك وبتاع .. ياخ ان ما ملزم اكتب ليك في نفسياتك .. وانت ما ملزم انك تقييم لي مستوى مشاعر الاعتداء والنرجسية وإلخ إلخ ..
دي حركات جديدة كمان .. ؟
كتبت في البوست البي هناك داك .. شنو مسسسسسسسيح في المنطقة .. احتفظ بي مشاعرك واتساقك وبقية الكراويش دي .. انت في زول قاليك تعال اقرا نحن بنكتب في شنو .. واللا بنتسق في شنـو ..؟ والله كلام عجيب لكن ..
| |
|
|
|
|
|
|
|
|
|
Re: للاذكياء (فغط) (Re: tmbis)
|
فرق كبييير بين الما بفهموا ..والعاملين مافاهمين ..
الأولين ماعليهم غبار ..والتانين اسياد الكتاحة ..
فاحترس
| |
|
|
|
|
|
|
|
|
|
Re: للاذكياء (فغط) (Re: طلحة عبدالله)
|
جارتنا مرة طيبة جدا، وتنطق حرف الواو تاءاً؛
دائما ما تحتج على لعب الاولاد الذين هم في سن اولادها في حوشها،
ولكن تمشي احيانا لان اولاد جيرانها هم اولاد اعمامها واخوانها المرطبين،
مرة طردت الاولاد اشد طردة من لعب الكرة في حوشا،
ورددت عبارتها الشهيرة وهي تبالغ في الطردة:
هي حت وت ام بليل* معاهُن، هي حت وت ام بليل معاهن
.....................................................
* ام بليل مرة مسكينة من الحلة وبيتا طرف
| |
|
|
|
|
|
|
|
|
|
Re: للاذكياء (فغط) (Re: أمير محمد ادريس)
|
يا تامبا قلت لي الموسم دا ما مناسب؟
هي دي الفكرة ذاتو العاوزين نغير نحنا -الاذكياء في الحياة- ذاااتها .. بني كجة اصلو ما بعبرو عن مشاعرهم الايجابية لحدي ما الزول يتلحس
--------
لا ومسنو (يوم الشكر)!!
دا نقص حاد في الذكاء والزكاء معاً ..
هو زول فقد روحو دي ... شكركم يسوي بيو شنو!؟
| |
|
|
|
|
|
|
|
|
 Re: للاذكياء (فغط) (Re: فتح الرحمن حمودي)
|
يا اخوانا انا نصبت لي قلوبية .. ول ولعت لي نور؟
وين فاراتي!؟
يعني ما شفتو البوست دا .. والاف ونص البتاوقوا ديل منو طيب .. غايتو دا ماااا انا!!
يبدو انو من فرط شكوى الفيران الفكرية من معروض دقانيسكم ما فهمتو العنوان كويس .. قلنا (فقط) بس .. ولم نلحقها ب(لا غير)
يعني الباب متاكأ .. ممكن تجوا انتو ذووا الاحتياجات الفكرية الخاصة .. برضو
المافي شنو!؟
بنعمل ليكم استثناء .. لغرض الصيد ؤ كدا
----------
ابو أحمد من الفيس .. برسلي هاد لفت ذا بيلدينغ ..
ختيت الدرب كلو كلو ..
شفت نوع كلامك دا ياهو البندق فيو ذاااتو انحنا
اربعة من كنبة ورا يشدوا لي الزول دا!!
| |
|
|
|
|
|
|
|
|
 Re: للاذكياء (فغط) (Re: فتح الرحمن حمودي)
|
[الرجل الشريف يصارع الفكرة بالفكرة]
[الوضوح الفكري والنظري .. لا تتخذوا مواقع دفاعية دائماً]
[الاستقامة .. الاستقامة .. الاستقامة]
حتى ظنناها اسمه الاوسط!!
عرفتو يا (ود القابيل)!؟
ومعدل ذكاءك الما بتعدى التسعة دا -تسعى X الخير- ما اسعفك انو تفهم انو حياة رمز اليسار الوضيئ كانت مكرسة ضد (الملوك) وتسفيه مهن الناس (طالما انها شريفة وبعرق جباه شُم) ...
ولا قدرت تستوعب لحدي اسي مأثرته الانسانية الباهرة، وكتين طار بي حبلو حلق وخلى الموت معلق .. ثمناً لبقاء غرثو البذرو فكراً .. واتزاناً .. ونبلاً
تعرف نوع عينتك دا -الما مكربين فكرياً- هم الكرهونا الشيوعية
انتو دايرين ليكم وثيقة جديدة لإصلاح الخطأ في العمل وسط جماهير البورد
انت اسي ما شايف انو الاسم المتخفي بيو دا -غير الجبن- ما شايفو بناقض الصورة الرمزية الخاتيها برا فهم دي!؟
كمان تبزغ سااااي .. يازول هوي بتفقد سوايل ساي بي معدل ذكاءك ال-واطي دا!
حامل انتا!؟
نوع الافكار الحاملا انتا دي مفروض يلبسوا ليها بامبرز
والله صحي
------------
بجيك صاد .. ضاد
اصلو فضلة خيرك قلت استخدم ذكائي دا في تحصيل نمر حقيقية
وكل مرة بجي ببرك بنوعيتك دي ..كمساهمة مثقف عضوي نحو مجتمعو ؤ كدا ..
بجي احش افكار عينتك دي .. لتحسن نسل بناتا
الظاهر القلوبية قبضت جقر كبير
ؤ دي ما بلقاها زولاً زيي انا .. صيدو نااااجع!!!
| |
|
|
|
|
|
|
|
|
|
Re: للاذكياء (فغط) (Re: طلحة عبدالله)
|
ويحك يا طلوحي ..
أجئت تشفع في حد من حدود قيقا الاسفيرية!؟
والله لو كتبت مثل هذه الورجغة المتمجمجة (وعد) حبيبة ألب قيقا .. لقطع يدها الاسفيرية
---------
جاييك يا ود القابيل .. جااااايك
الحصة الجاية في (علوم القبائل) ..
المافي شنو!؟
مش المعلم -[استاذنا] عبد الخالق *- قال ليكم الجماهير .. منها واليها
وقدم [نتعلم] منها قبل [نعلمها]!
تفتكر الكلام دا ورجغة منو ساي؟
اها انحنا طلائع الجماهير دي .. لكن صراحة نظريتنا تقليدية .. بندق الما بفهم انحنا!
شفت كيف!؟
القال ليك اني شغال حتة امين صندوق تاااافه بس غشاك .. وبرضو بشتغل داية غير نظامية بارتتايمر
Stay Tuned
* الحقوق محفوظة لاستاذنا بروف ع ع إبراهيم
| |
|
|
|
|
|
|
|
|
 Re: للاذكياء (فغط) (Re: فتح الرحمن حمودي)
|
Quote:
من يوم ما كتب عنك خلاص عملت فيها ولا ابو الكتابة ومن فرحتك حتى غيرت اسمك عشان يقولوا اهو دا الكتب عنو البطل ههههههه
|
وتضحك كمان .. فرحااااان اوي!؟
الحمد لله الذي عافانا مما ابتلاك به من ذكاء خارق
طيب انا ما كان اخلي اسمي (قيقراوي) .. وما اقول للناس اي حاجة .. متعب خشمي بالورجغة لي شنو !؟
في ذمتكم شفتوا ليكم زول زكي زي (ود القابيل) دا!؟
يا زول انا غيرت رأيي من حكاية السنغل ديغيت دي ذاتو .. النتيجة ح تطلع ERROR عديل كدا!!
---------
انتو بمناسبة البطل دي ..
عمك بكري دا رافع مقالو المهبب دا نكاية فيو ام في هالة!؟
بكري ذاااتو محتاج يقيس!!
| |
|
|
|
|
|
|
|
|
|
Re: للاذكياء (فغط) (Re: فتح الرحمن حمودي)
|
قلت لي من اولاد وين في قبائل اللهل!؟
ول قابيل العيد ساي؟
حليلو ختّا السمتة ليّ .. وشبّع الطير والحديّة
اها علوم القبائل دي كيف فيها انتا .. بتقدر تباصي .. ول باص؟
اظنك سفنتي فايف ساااي انتا!!
يا زول هي مالك ومال الخت المعلق .. اولاد القبائل بسنّوا سيفم في ي ي ي رقبة الضحية ..
انت ماشي طامس هويتك .. ومتدرع ليك شعراً ماااا عندك ليو رقبة .. كان الشيوعية .. كان القبيلية
امكانياتك الذهنية دي كان فطرتك .. مااااا بتغديك
روق في علبك .. وارعى بقيدك!!
اسي مرهق عقلك الفارغ دا في التفكير في شهراً ما عندك فيو نفقة، بتعد في ايامو مالك!؟
الله ما شقالو حنكاً ضيعو .. الفي دي، خليها للاكل والشراب .. والتبعير (الغلبتو خمساتو .. ميتو لا حياتو) مثل قبيلي سري.
مالك ومال اني غيرت اسمي او ما غيرتو .. وانت عاااارف اني ما غيرت اي حاجة -بامبرز هو!؟- انت عاااارفو دا اسمي الحقيقي*
اها دي شهوة ان تكون الخصومة في عزها وااااضحة .. غير مخدوشة بالعناق ال########
فهمت حاجة ول نجيب السوط من سنة خامسة!؟
والله خايفك ان فعلت يتفرطق دقنوسك الفاضي دا .. اكره نفسك ياخي!
----------
*بمناسبة المعرفة دي .. تعال نحكي ليك حكوة .. حقيقية هي .. لكن اسماء الشخوص من خيال الراوي .. السوبر (وقيل استلاف من صاحبي البطل في رواية مجيدة)
فضلة خيرك ما انا الذكي براي .. جوالي ذاااتو من النوع الذكي ..
ذكاء شديد خلاس لكن .. لدرجة انو دمج لي جهتي اتصال مع بعض -ما ممكن يتلموا الا في جهاز ذكي غايتو- اها يا سيد الامانتي ليك جاب تلفون دا -محلي- مع ايميل ديك .. وهي في الامارات الما قريبة!
لمن ( حمار ابي جهل) اتصل علي مرة .. ظهر لي اسم صاحبتي .. ولكن لقيتو حمار ابي جهل المااااا بغباني نهيقو .. كلو كلو.
مرت الايام ونسيت الحادثة دي .. مع غرابتها!
في العيد -فضلة خيرك تاااني- فعلت ليك الواتساب ؤ كدي .. قلت ندخل عصر التكنولجيا دا مع العالمين .. رسلت لي اي زول معاصر وسبقني في المعاصرة دي ..
اها رسلت لصحبتي المذكورة -في بالي- والاعمال بالنيات طبعاً .. حمار ابي جهل ولا كان في بالي .. مالي برسل للحمير من العصور الوسطى انا!!
بعد شوية يجيني ليك رد صاعق وزاعق (انا ما (فلان) (!!) .. ######## (الباقي كلو نبز طبعاً) .. ما عدا الجزء الاخير في طلب او قول تهديد عدييييل امسح التلفون دا يا ......)
يا لهوي!!
ومنو القال انت (حمار ابي جهل) .. او حتى زوجة ابي لهب .. حمالة الحطب!!
يا لبؤس الخيال .. ياخي الخباثة عاوزالا ذكاء!!
ابتسمت جداً -لاول مرة- وانا بمسح لي زول من جوالي ..
ومنها رجع جوالي ذكي من جديد .. شاااايل اسمو!
المافي شنو .. اتخلصنا من كوم غباء
انتهت
عليك الله كان دا ما انتا يا ود القبابيل .. اعفي لي
لكن تشابه علينا الغباء!!
| |
|
|
|
|
|
|
| |
cantona_1
طه جعفر
اساسي
معاوية المدير
أمير محمد ادريس
ABUHUSSEIN
سفيان بشير نابرى
بله محمد الفاضل
tmbis
داليا حافظ
مازن الجمّال
عبدالمنعم الطيب حسن
فيس بوك
تويتر
انستقرام
يوتيوب
بنتيريست