|
ما هكذا تورد الابل ..... يا التجاني حاج موسى( ليه نحنا بنحبك ) !!!!!!
|
رميه لابد منها .... لاشك ان الشاعر التجاني حاج موسي شاعر سوداني رقيق – ولا نبخس للرجل أشياؤه فهو صاحب كلمات معبره ورقيقه كان لها الاثر الكبير في نقل الاغنية السودانيه الى الحداثه وقد الف قصائد كثيره تغنى بها كبار الفنانين امثال ابراهيم عوض – اعز عزيز كمال ترباس – امي الله يسلمك – اظلم من ظلم محمد ميرغني – تباريح الهوى- كلمني يا حلو العيون زيدان ابراهيم – قصر الشوق – ليه كل العذاب ليه كل الالم البلابل – حبايبنا وقرابينا .... وغيرهم .... وهناك الكثير من القصائد الجميله للشاعر التجاني التي عاشت في وجدان الشعب السوداني ... ومازالت ...
|
|
|
|
|
|
|
|
Re: ما هكذا تورد الابل ..... يا التجاني حاج موسى( ليه نحنا بنحبك ) !! (Re: محمد مجيدو)
|
من امثلة الشعر الجميل لشاعرنا الرقيق .. التجاني حاج موسى ...
Quote: الحب الكبير
يا بلادى الطيبة جيتك ----- عندى ليك كلام كتير .
أصلى من بدرى أحتويتك ---- أنتى يا حبى الكبير
===========================
كنت قبل سنين طويلة
كنت زول هانى وغرير ---- وكانت الأيام جميلة
والبلاد مليانه خير ---- والوطن كلو القبيلة ..
غيرو ما بنرضى البديل
والنفوس كانت نبيلة ---- عامره بالحب الكبير
========================
السنين لفت ودارت ---- وعجلة الدنيا بتدور ..السنين كتبت وقالت
نحنا شعب صحيح جسور ----- ولو خطوب الدهر نالت
من صفاك لازم نثور ---- والبدور يزرع ويحصد ..ما بيزع بالقشور
=========================
ما بلادنا الطيبة جنة ---- عامرة بالخيرات سخية ..
وأنتو طيبين يا أهلنا ---- بى خصال راسخة وقوية
لو قبيل كنا أنشغلنا ---- عن حبيبتنا الوفية ..
ليكى جابتنا المحنة ---- والعرق مهرك هدية
|
| |
|
|
|
|
|
|
Re: ما هكذا تورد الابل ..... يا التجاني حاج موسى( ليه نحنا بنحبك ) !! (Re: محمد مجيدو)
|
Quote: جواب للبلد
ضل الضحى الرامى وشمس شتويه دفايه وريحة البن لما يفوح فى قلايه وفروة جدى صورة جدى لمن جيت أمد يدى : ( جدى أدينى تعريفه ) ( بتقرا الحمدو يا المبروك ) ( بقراها شان تعريفه ألقاها ) بجود فى القرايه كمان وايه يا يمه والله زمان!! وسبحة ( بنت الفكى ) والطورية والواسوق وسعف حبوبة والكوريه والحنقوق وصوت ( سعدية ) بت جيرانا تشحد ليها فى طايوق وصوت ( عرفه ) لما تخمج الدلوكه غنايه وحبة فريك لموه لى رمضان مصرور فى مخلايه صور محفورة جوايا ومن يوم داك ولى الليلة ولى بكرة وبعد باكر شان الزمن غدار وما معروف زمن مكار .. زمانا كلو خوف فى خوف وايه يا يمه والله زمان مشتاق يمه لى ملاح النعيميه وريحة صاجك المحروق ولما تسوى طعمية وغباشة روب وعنزه حلوب بدور ارجع اجيكى هناك ضاقت بيه يا يمه هنا بدور لتمسى بعيونك واصابحك يا حبيبتى انا صباح الخير على عيونك اتارى الدنيا من دونك شينة ومره ما بتندار ومرة مرارة يا يمه دي مرة وحارى زى النار ولو بتدورى احكيلك كيف احوالى فى البندر من وين عايزه ابدالك مو شيتا غريب وعجيب ده شيتا كلو شين فى شين هنا الزول العديل ونصيح وحاتك انت يا غاليه بعيش حياتو يوماتى بى وشين وزولتى الحتى حبيتها لقيتها براى تحب زولين وايه يا يمه والله زمان دي قشة عينى من النوم معاى بشيل هموم باكر قبل ما اشيل هموم اليوم اختها خطواتى الأولى اعدى الباب تدق طبول الهم خواطر تذهل الألباب واقابلك يا شوارع الجن وفى جوايا حاجة تئن اشد وتر الحزن واعزف تموت غنواتى يا يمه ويخنقنى الغنا وأنزف وتنتر فى العروق حمى خيال بيتنا القديم يرجف صور تنزاح وتتلم وتانى وتالت آيمه واشوفك بى خيال حالم تشاورى وترقص السبحة ملامح العابد الصايم تشع فوق جبهتك سمحة وشييك يحاكى ضى النور مزدان يمه فى الطرحه وتبسمي لى أمد ايدى اقول اتلاقى يا السمحة يتلاشى الحلم واصحى ويدفق عرق مالح ويسكن فينى كل الهم واشم ريحة ندم جارح وارفس عصفورة منجرحه فارقت الفضاء البارح وتانى وتالت آيمه وهم كل المداين وهم وهم غرقانه فى زخم الحضاره الغم حضارة بتحصد الإنسان وتزرع فى مكانه نغم وقصد القول .. يا شايل اللوم ويما جابنى للبندر وحاتك انتى يا الغالية ده يوماً شوم ولا بسنى الخجل من راسى لى كرعى شايلو وأحوم وهادي الحالة فى الخرتوم زي عايش شقى ومهموم .
|
| |
|
|
|
|
|
|
Re: ما هكذا تورد الابل ..... يا التجاني حاج موسى( ليه نحنا بنحبك ) !! (Re: محمد مجيدو)
|
وهذه هي القصيده التي فقعت مرارتي ..... والتي سماها .... عاجل ومهم .. لـ مصر ....
Quote: إيه البيحصل فيك يا مصر؟! سحروكي، ولا انصبت عين؟! إيه البيحصل فيكي ده؟! ما تقولي يا "سيدنا الحسين".. إيه غير أحوالك وجالِك إتخبَّى فيك شيطان رجيم؟! جالِك في غفلة من الزمان، وسوس وشال منك يقين؟! عيني على الصبية الصغار وكل الغلابة المتعبين إيه غيّر الأحوال يا أم الدنيا؟! مين غيَّر أحوالك لي طين؟! فينك يا "عبد الرحمن" ما تكتب "أبنودي" وينك إنت فين؟! ما دول حبايبك إلِّي إنت تحبهم أتبحَّ صوتك ولا ضاع فيك الحنين؟! إيه غير أحوالك يا أم الدنيا كنت رايقة وبقيتي طين؟! وكلامي نابع من محبة مش نحن أحباب من ملايين السنين؟! يا أخواني روقو واسمعوني أصلوا الِّي حاصل.. شكلو شين.. إيش حول أم الدنيا من جنة نعيم.. بركان بيغلي في كل يوم نار من جحيم!!؟ يا حسرتي في دم الشباب عمّال يروح في رمش عين!! وإزَّاي يجيلي النوم وقدامي شايف المسلمين يسيحوا في دم بعض.. متخاصمين.. متعاركين.. متشابكين!! ما كنتو أحباب طيبين!! والعيشة معدن منذ آلاف السنين ما بين نصارى ومسلمين ملعون أبو الدنيا إلِّي برخص فيها دم مولود فطيم.. والمرسي "أبو العباس" وشيء لله يا سيدي "الحسين".. ويا "بدوي" طنطا ما إنتو هم الصالحين. إهدوا وروقو خلونا نحسبها.. إيه تسوي كل المشكلة عشان تموتو في غمض عين؟! مكسوف أنا والنيل.. محتار مساهر الليل.. ويا ليل يا عين يا ليل فينك يا "عبد الناصر" شوف ولادك ديل وإيه غير الأحوال وبدَّل غنا الموال؟! وإيش جاب لي جاب تعَلالي شوف يا جميل ونسيتو صوت "عبد الحليم" واحشني يا "عبد الحليم" وصوتك بيسري كما النسيم وطني حبيبي وطني الأكبر يوم ورا يوم أمجادو بتكبر.. ودلوقتي حنغني ونقول: يوم ورا يوم صفاهو بيعكر!! وآخر الكلام يا أخوان شاعر من السودان عايز يقول كلمات خلونا ننسى الفات الثورة يا إخواتي الثورة مش تدمير.. وإزهاق لي روح الغير الثورة هيَّ النور.. بتعدِّل لي كل أمور واحترام للرأي إنت وكمان الجاي.. وثمرة حوارنا الخير رأيك ورأي الغير ونسخر من الشيطان ويخضرَّ كذا فدان وعَرَق السواقي يسيل ويضحك معانا النيل ونصدح مواويل ليل وندْرين عليَّ وأقول: "ح أدبح خروف ع النيل وأغني "ليل يا ليل" وأوزِّع الشربات زمن الفواجع يفوت وشيطانو يغطس يموت ويا أخويا يا ابن النيل همَّك يهد الحيل وليه يا بلد يا أصيل تسمح يجيكَ عميل مأمور من الشيطان اسمعني وافهمني يا مصري يا إنسان يا حبيبي يا فنان واسمح لي تاني أقول إيه البيحصل وليه؟! سؤال.. ورُدّ عليه!!
المجهر |
| |
|
|
|
|
|
|
Re: ما هكذا تورد الابل ..... يا التجاني حاج موسى( ليه نحنا بنحبك ) !! (Re: Barakat Alsharif)
|
ما عارف الناس ديل العاجبهم فى مصر شنو ؟ سؤال معروفه اجابتو تقريبا بالنسبه لى جيل الاستاذ التجاني اتربى على المؤلفات المصرية وعلى سيطرة الاعلام المصري المقروء والمشاهد والمسموع ....
لذا نشأت رابطة وجدانية بينهم وبين مصر ورغم كل السوء الاتسببت فيه مصر للسودان .. تجدهم يتغاضون عنه اكراما لذكريات وصور لمصر اترسمت بالاقلام الملونه والالوان الزاهية فى مخيلاتهم .... كما ذكرت نتيجة لطغيان الثقافة المصرية وقتها
والملاحظ كلما نزلت لاجيال اصغر توسعت عندهم مواعين التلقي الثقافي حا تلقى هذا الرابط الوجداني اقل حضور
تحياتي
| |
|
|
|
|
|
|
Re: ما هكذا تورد الابل ..... يا التجاني حاج موسى( ليه نحنا بنحبك ) !! (Re: وضاح عبدالرحمن جابر)
|
Quote: ما عارف الناس ديل العاجبهم فى مصر شنو ؟ سؤال معروفه اجابتو تقريبا بالنسبه لى جيل الاستاذ التجاني اتربى على المؤلفات المصرية وعلى سيطرة الاعلام المصري المقروء والمشاهد والمسموع ....
لذا نشأت رابطة وجدانية بينهم وبين مصر ورغم كل السوء الاتسببت فيه مصر للسودان .. تجدهم يتغاضون عنه اكراما لذكريات وصور لمصر اترسمت بالاقلام الملونه والالوان الزاهية فى مخيلاتهم .... كما ذكرت نتيجة لطغيان الثقافة المصرية وقتها
والملاحظ كلما نزلت لاجيال اصغر توسعت عندهم مواعين التلقي الثقافي حا تلقى هذا الرابط الوجداني اقل حضور
|
الاخ وضاح ... سلام
وشكرا على المداخله القويه ..
تقريباً جيل السبعينات والثمانينات من القرن الماضي .. واعتبري نفسي من ضمنهم .. من تعلم في الجامعات المصريه .. او من تربى وترعرع في وسط المصريين ... اومن له صدقات معهم ... اكيد سوف تكون لديه رصيد من الذكريات ... والانطباعات .. من الصعب نسيانها ... الا ان هذا لا يعني ان نميل اليهم كل الميل .. لدرجة ان ننسى مشاكل بلدنا .. ومعاناة اهلنا ..
لك ودي
| |
|
|
|
|
|
|
Re: ما هكذا تورد الابل ..... يا التجاني حاج موسى( ليه نحنا بنحبك ) !! (Re: محمد مجيدو)
|
Quote: Abdul Rafie Al Tayeb صدقت يا استاذ مجيدو و بالمناسبة مصر اكبر مهدد امني للسودان من الخارج حيث لهم طمع كبير في السودان غير انهم ما زالوا يحتلون حلايب |
شكرا Abdul Rafie على التعليق ....
وما اعتقد انهم يهددون امننا .. بل العكس .. اننا نهدد امنهم بسيطرتنا على مياه النيل ... على اي حال أتمنى ان يكون كل البلدين غطاء للاخر ....
تحياتي لك ....
| |
|
|
|
|
|
|
Re: ما هكذا تورد الابل ..... يا التجاني حاج موسى( ليه نحنا بنحبك ) !! (Re: محمد مجيدو)
|
Quote: Basher Akasha · San Jose, California فعلا يا استاذ مجيد من كبيرنا لي صغيرنا مدمنين خضوع وخنوع لي الكلابات ديل ونحنا في نظرهم لا نسوي شي سوي بند لي التندر وتدعيم اي موقف ولا نص كوميدي علي لونا الاسود واننا بوابين حتي مداحنا مصر الما عارف ايه . وين كان شيطان شعرك لما راحت حلايب واتحرفوا ناسك في ميدان مصطفي محمود واتمسخر علي لونك سواق تاكسي وغشاك بواب وقال ليك السودنين اقدع ناس ونرد بابتسامتنا البلاها بخمسه جنيه وهو في سره يبصق عليك وعلي لقمه العيش الي خلتو يقيف قدامك وعلي راي المثل ( مثلهم ) ان كان لك عند ..... حاجه الخ .... وان لم تكن مقتنع بما قلت يااستاذ التجياني ( مع بالغ احترامي لك ) قوم بزياره الي مصر او اجتمع بمصريين في غربه او علي الاقل خش علي النت وشوف حجم الاستخفاف بنا وببني جلدتهم من نوبي جنوب مصر وذلك للونهم الاسمر المشابهه للوننا . وما تقول لي دا من قطاع معين ومن ما عارف شنو الحكايه استخفاف بي احتقار بي كل الاوصاف التانيه الازدحمت في راسي ما قادرا تطلع (...مشاهدة المزيد رد · · |
شكراً الاخ بشير على المداخله .... ولقد اصبت كبد الحقيقه .. فهذا شعب مصلحجي للغاية و يبذل مافي وسعه لتحقيق هذه المصلحه .. بصرف النظر عن الطريقه . ومبدأؤهم ( الغاية تبرر الوسيله ) .. والله المستعان ..
لك ودي ...
| |
|
|
|
|
|
|
Re: ما هكذا تورد الابل ..... يا التجاني حاج موسى( ليه نحنا بنحبك ) !! (Re: محمد مجيدو)
|
Quote: Mollhem Kordofan · نحن نعيش فى مصر ولانتدخل فى شأنها وندافع ونعبر عن بلدنا بطريقه قويه لاتخلو من قيم الدبلوماسيه الشعبيه التى تنحاز طواعيه لكل أرض السودان ... وللتيجانى العذر فيما يكتب فإنه من عشاق مصر وله حضور دائم هاهنا
ولكل منا وجهة نظره التى يبدع من خلالها .......إحترامى
ة |
شكراً ملهم كردفان على المرور ...
ونحترم وجهة نظرك ... وربنا يوفقكم ....
تحياتي ,,,
| |
|
|
|
|
|
|
Re: ما هكذا تورد الابل ..... يا التجاني حاج موسى( ليه نحنا بنحبك ) !! (Re: محمد مجيدو)
|
تحياتي أستاذ محمد
أتمنى أن يقرأ شاعرنا النحرير التيجاني حاج موسى هذا البوست. قد يقول البعض أن لكل جواد كبوة ولكل سيف نَبْوَة ، ولكن الذي نعرفه أن جواد لغة التجاني لازال يرمح في بيداء الشعر وأن سيف قريحته لا تزال ماضية وتلحس الفقْرة ، فلم المعترك في غير وادينا الذي هو غير ذي زرع وضرع ؟ تخريمة :
اولا الجنوب الانفصل , ولا الغلابا الفي الضواحي
لا أعتقد أن هذه لهجة مصرية ، بل هي سودانية بحتة
دمتم
| |
|
|
|
|
|
|
Re: ما هكذا تورد الابل ..... يا التجاني حاج موسى( ليه نحنا بنحبك ) !! (Re: ابو جهينة)
|
Quote: تحياتي أستاذ محمد
أتمنى أن يقرأ شاعرنا النحرير التيجاني حاج موسى هذا البوست. قد يقول البعض أن لكل جواد كبوة ولكل سيف نَبْوَة ، ولكن الذي نعرفه أن جواد لغة التجاني لازال يرمح في بيداء الشعر وأن سيف قريحته لا تزال ماضية وتلحس الفقْرة ، فلم المعترك في غير وادينا الذي هو غير ذي زرع وضرع ؟ تخريمة :
اولا الجنوب الانفصل , ولا الغلابا الفي الضواحي
لا أعتقد أن هذه لهجة مصرية ، بل هي سودانية بحتة
دمتم |
الاستاذ ابو جهينه ..
اشكر لك مداخلتك الدسمه ... واتمنى أنا كذلك من استاذنا التجاني ان يقراء هذا البوست ليعرف الحقيقه ... حقيقة ان اشعاره وكتاباته ليست ملك له وحده .. وانما هي ملك للشعب السوداني الذي يؤلمه .. التجاهل .. والنسيان ... وهو في احلك الظروف ..
لك ودي ...
| |
|
|
|
|
|
|
Re: ما هكذا تورد الابل ..... يا التجاني حاج موسى( ليه نحنا بنحبك ) !! (Re: محمد مجيدو)
|
هذه بعض الردود في الموضوع من موقع الراكوبه ..
United States [محمد حسن أحمد]
مالك ومال مصر مصر بشعرائها وكتابها وفلاسفتها وليست في حوجة لشعرك أو شعر غيرك إنت ماتشوف البيحصل في بلدك من دمار وخراب وانحطاط وانحراف وفساد ما أنزل لله به من سلطان ول خايف من كلاب جهاز الإغتصاب الوثني ماتعملنا قصيدة لدارفور أو كردفان بدل الدهنسة البتعمل فيها دي مصر فيها جيش وشرطة وأمن مصدر فخر واعتزاز لكل مصري وليس مثل جيشك وشرطتك التي أصبحت ملشيات للمؤتمر الوثني لا تعرف غير قتل وضرب وتعذيب وتشريد النساء والأطفال والعجزة ولاتجيد غير حلاقة رؤوس شباب التوجه الإنحطاطي وتشجيب شعورهم وتهذيبهاوتجيد كل أساليب السرقة والإنحطاط والفساد
============================= United States [shobra]
ليس من الصواب القدح فى شاعرية التجانى صاحب التباريح ولكن هذة القصيدة لو جاذت تسميتها بذلك قصيرة القامة مضمونا كسيحة الارجل الابداعية ومبهدلة الاوزان ومطفف بكيلها وفوق كل ذلك تجاور المحطة الوسطى استلاب الماداير المثقف السودانى يفارقا .استاذ التجانى دارفور وجبال النوبة اولى بتساولاتك؟؟. اية بيحصل فيك ياكرمك واية بيحصل فيك ياكاودا سحروك ولا المغصة زائدة ودى رمية منى تمها
=============================================================
[عثمان حمد]
كلام جميل جدا ومشاعر اخويه صادقة يا استاذ تجانى وفقك الله واترك عنك هؤلاء الحاقدين الذين لا يعرفون الجمال
========================================================= .... [شمس الدين الجنيد]
اربعة وعشرون عاما لم نسمع لك فيها بيتا واحدا فى رثاء الملايين من بنى وطنى الذين تسببت الانقاذ فى موتهم شمالا وجنوبا... لم نسمع لك صوتا فى رثاء الضباط الذين اغتيلوا فى رمضان غيلة..لم نسمع لك صوتا ولا بيتا فى السودانيين الذين قتلهم الامن المصرى فى ميدان جامعة الدول العربية ولا الامن الليبى فى مدينة الزاوية... لم نكن نراك وغيرك من شعراء الغفلة الا عند موت احد المغنيين لتتاجروا بموته او مرضه.. ومع حسين خوجليكم نراكم تتبسمون وكانما تتحدثون عن فرح وجنازة المرحوم لم تبرد فى قبرها بعد... لم نسمع لكم صوتا والحكومة تشرد الشرفاء من الشعراء الصادق الرضى وعاطف خيرى وغيرهم..وتحاصر شاعر الشعب وغيره فى الخرطوم..وتفتح لكم المنابر... قبل اقل من اسبوعين مات الالاف من بنى جلدتك ومن بنى وطنى من المعاليا والرزيقات ولم يفتح الله عليك ببيت واحد فى رثاهم وكانهم وكما قال صلاح احمد ابراهيم فى شهداء عنبر جودة... كانهم حزمة جرجير... كما مات وتشرد المئات جراء الاحداث الاخيرة ليتك كتبت ولو قمت بسب المطر او الضحايا لانهم كما قال الوالى بنوا منازلهم فى مجارى السيول.. لقد سئمنا منكم وليتك ظللت تردد امى الله يسلمك ويا مسافر بدل ان تزيد جروحنا جراح.
============================================================================ [جادو]
شعر مفتعل و لذلك خرج مسخاً ( مسيخاً) ؛ كان أجدر بالشاعر أن يتفاعل مع الآلاف الذين فقدوا مساكنهم خلال هذا الخريف فربما جادت عليه قريحته بشعر صادق يخرج من القلب و لا يخرج من اللسان فقط ، لا خوف على مصر بعد أن تخلصت من أدرانها و أوساخها ووضعت رجلها في المسار الصحيح و ستتغلب على فترة المخاض لتخرج إلى بر الأمان ، نحن الذين نستحق الرثاء و الشفقة مما نكابد من وطأة هذا النظام الغاشم ، نظام البشير و عصابته ....
==================================================================== [مهاجر]
طبعاً هو خريج جامعة مصرية في السودان و يريد أن يكون لصيقاً بها حتى النخاع, فأعذروه ودعوه يغرد كما يشاء لبطانته, فهذا نتاج للاستلاب فبعض المفتونين لم تعرفون بعد أن تأخر وتخلف السودان بسببهم. لماذا لم يسأل التجاني نفسه, هل هناك أي شاعر أو أديب مصري تناول حال السودان- تلك الحديقة الخلفية لهم كما يعتقدون- ام أنه التفرد والتغريد خارج السرب. ===========================================
علي باحش الدكوك] التجاني حاج موسى يمثل مثالاً صارخاً للأستلاب الثقافي والنفسي. التجاني حاج موسى يمثل أبلغ دليل لحالة للانكسار التي تلبثت بعض أبناء الهامش السودان التجاني حاج موسى خير مثال لبشاعة أضطهاد مؤسسة الجلابة التاريخية المنحطة لموظفيها وخدمها من الزنوج السودانيين.
| |
|
|
|
|
|
|
Re: ما هكذا تورد الابل ..... يا التجاني حاج موسى( ليه نحنا بنحبك ) !! (Re: ابو جهينة)
|
صباح الهيييير الهاء مقصودة
Quote: الا انني تالمت اكثر عندما تذكرت اشقاؤنا واهلنا وذوينا الذين يعانون الامرين في السودان من اجل السيول والفيضانات .. واهلنا في دارفور . وجنوب كردفان والنيل الازرق .... فهم احق علينا وعلى شعرائنا الوقوف الى جانبهم في محنتهم .. بدل النط فوق الحدود .. وان نتباكى على مصر .... وهم اخر من يتباكو علينا ... بل يضحكون علينا ويصفونا بالعبيد والبوابين والطباخين ... لماذا نحن نتباكى عليهم ؟؟؟؟؟ |
هسع يجوك ناس الزق ااااااااازييق وكل معشر الزقاقه يقولو ليك ام الدنيا والحنك البيش العاضي داك علاقة مافيها ندية وقاعدين نفوت ليهم كتير واعلامنا نايم في الخط بشقيييه الرسمي والشعبي حتى على مستوى النت والاساءة في اليوتيوب قاعدين نطنش ونفوت واكبر دليل ماحدث في مباراة الجزائر وموضوع القناص في المنصة غايتو مالقيت اجماع هنا في الخليج من كل الجاليات اكبر من اتفاق الكل على كراهية المصرييين وكلنا عارفين وسااختوم وكرههم لكل ماهو سوداني لانو السوداني بكون ماسك الغله والمستودعات والفله وهو بدوهو دفتر الاستاذ وكووم الورق قامو بي واسطة مدرسنهم في المدارس ينمطو الناس على قصة الكسل ونكاتوم السمجه والبايخه عن السوداني ونجحو كتير في قصة الصاق صفة الكسل لكن صعب يشيلو قصة الامانه والكرم بتاع السوداني عشان كده مفروض يكون الرد الرد من جنس العمل شخصيا عندي حاجات كتيره غايتو لو جيت مستشفى في فراش موت قالو لي الدكاترة الاسطاف هنا كلو (مشريييين) انا بسميهم كده لانو بالجد المشررري بحيرك اقلاو الشفناهوم هنا ده في السعودية عشان مانظلم مشرييين كلفورنيا مابتعالج وبفضل الموت الواحد ده ولا ابخشمن عفن ده يقولي قول اععععععععععع لفحص اللوز
| |
|
|
|
|
|
|
Re: ما هكذا تورد الابل ..... يا التجاني حاج موسى( ليه نحنا بنحبك ) !! (Re: حامد بدري)
|
صباااه .. النووور .. يا هااااامد ....يا قريبي ...
يااخ انتا .. شايل على اهلنا المصريين ديل ... شيل تقيييل خلاث .. يااخ .. دي ام الدنيا .... والله انزل فيها قران ( يمكن خمسة ايات ولا اكثر ) ومصر صاحبة 7000 سنة حضارة .... وفيها . مائه الف مئذنه ... وما عارف شنو دااك .. دا .. حنكهم بس .... وقاديننا بيهو ... قد ... ونسوا ان فيها اعفن شارع على وجه الارض ( شارع الهرم ) ... وفي مطار القاهره ...لوحه كبيره مكتوب فيها ... ادخلوها بسلام امنين بس يا دوب .. تطلع بره الصاله يقوموا ينشلوك .... وكما دفعت للعسكري ما يخليك تمشي ... وتقول لي ام الدنيا ..... ؟؟؟؟ يااخ ديل اغرب شعب .. على وجه التاريخ .... شعب المتناقضات .. المهم .... خلي الخلق للخالق .... ( كاااك كما تقول )
تحياتي ,,,,
| |
|
|
|
|
|
|
|