الجنوب لم يكن فى يوم من الايام جزء من الوطن

Quote: يتكلموا ساى على كيفهم و الراجل يفتح خشمو بعد شوية يفصلوا دارفور و يقولوا ليكم نفس الكلام و الشرق و حلايب اصلا شتت و كمان الفشقة حقت الحبوش ما تتسلبطوا ساى الناس ديل ما فيهم رجل رشيد و لا امرأة.

Quote: الناس ديل ما فيهم رجل رشيد و لا امرأة.

Quote: اخونا امجد صبحك الله بالخير وجمعة مباركة.. الخوف يجي يوم يقولو لينا (السودان) لم يكن جزءا من (السودان) في يوم من الايام... الحرية دي ما سمحي.. تقول زي ما داير، ولا في زول يسألك.. تصدق دي لو اتقالت في دول تحترم حقوق الانسان بصورة كبيرة.. اقل حاجة تواجه تهمة الخيانة العظمي.. محبتي

Quote: أكيد لو فى زول رشيد ما كان السودان وصل الى هذه المرحلة الخطيرة من التشرزم !!

Quote: سلام يا أمجد وطن اي وطن الذى يتحدثون عنه. السلطة و الكراسي و الاموال عندهم أكبر من الوطن.

Quote: لا لغة واحدة ولا تاريخ واحد ولا هوية واحد ولادين واحد

Quote: الوزيرة كلامها صحيح وما جابت شئ من عندها التاريخ بيقول كده . والعناصر المشكلة للأمة بتقول كده لا لغة واحدة ولا تاريخ واحد ولا هوية واحد ولادين واحد الجنوب دا مووش ياهو الجنوب الي انضم للسودان في زمن التركية فقط وبي قوة السلاح التركي ولا واحد تاني!!!!. قبل التركية ما كان في شئ بيجمع بين الشمال والجنوب

Quote: أنا من نوبة شمال السودان كل الكلام ال كتبتيهو ده ينطبق علينا نماماَ واهو آخر خاجة إسحق فضل الله (قدّس الله سره) أخرجنا من المِلّة.. أها نبقى مارقين نحن كمان ؟؟ ولاّ الراي شنو ؟ مع تحياتي لأخونا أمجد

Quote: الجفلن خلهن اقرع الواقفات --------- الجنوب فرز عيشتو كان بشبهوكم ولا ما بشبهوكم يا حلوين الله يستر على ناس الجنوب الجديد ----------- يا اخي دي وزيرة عينة هي مفتكرة اساس المواطنة هي الشبه واللغة الواحدة دي كان لازم تكون وزيرة في عهد الدعول وكان لازم يعملوا معاها لقاء في جريدة الانتباهة -------- جميعابي ازيك